Ataria

Otsailaren 21eko albistegi ornitologikoa

Salburua tenperatura epelekin (12 ºC inguru goizean) eta haize zakarrarekin argitu da gaur, 30 km/h-ko abiaduratik gorako boladekin, parkean zehar zenbait unetan mugitzea oztopatzen zutenak. Hori dela eta, espezie batzuen portaera babesa bilatzera joatea izan da, eta, ondorioz, zailagoa izan da horien behaketa eta identifikazioa egitea.

Geihago…

Share

Otsailaren 14ko albistegi ornitologikoa

Goiza oso hotza baina aldi berean ederra gaur Salburuan izan duguna. Goizean goiz 7-8 ºC inguruko tenperaturarekin, egunean zehar 14º C-raino igo dena, eta eguzki distiratsuaren konpainiarekin, egun ezin hobea izan dugu gure inguruko, hau da, Salburuko parkeko, aberastasun ornitologikoa ikusteko.

Geihago…

Share

Otsailaren 7ko ornitologia albistegia

Goiz eder eta eguzkitsua izan dugu gaur Salburuan. Zenbait egunez prezipitazioak eta zeru estaliak protagonista izan ondoren, astea agurtzeko zeruak ia oskarbi agertu dira, 5 graduko batez besteko tenperaturarekin. Igandero bezala, “Las Zumas” behatokira hurbildu gara asteko ornitologia-errolda egitera.

Kaio hankahoriak ziren nagusi aintziran, ehunka baitzeuden, baita beste kaio mota batzuk ere, hala nola antxeta mokogorria eta kaio iluna.
Anatidoak ere oso ugariak izan ohi dira neguan. Oraingoan, 10 murgilari europar, 15 basahate, 4 ahate mokozabal, 3 ipar-ahate eta 9 antzara hankagorrizta ikusi ditugu.

Orobat, kopetazuri ugari antzeman ditugu, 20 ale inguru.

Amaitzeko aipatuko dugu zikoina zuri asko zebiltzala Arkautiko makaldian. Bikoteak buru-belarri ari dira habiak berreraikitzen, beren ziklo biologikoaren hurrengo etapari begira: errunaldia eta txitaldia.

Share