Ataria

Albiste onak Salburuko bisoi europarrarentzat

Gurean mehatxatuen dagoen espezie batekin —bisoi europarra—lotutako albiste ona dakarkizuegu. Gaur egun munduan “arrisku larrian” dagoela jotzen da, eta mehatxatuen dagoen haragijale txikia dela.  Besteetan azaldu dizuegun bezala, azken lau urteetan “LIFE Lutreola Spain proiektua” lantzen jardun dugu beste entitate batzuekin batera, espezie horren kontrako mehatxuak desagerrarazteko, bereziki bisoi amerikarraren lehia—espezie inbaditzaile hori larru-abeletxeetatik askatu ondoren zabaldu zen—. Bada, proiektuan egindako lanari esker, mehatxu hori desagerraraztea lortu dugu udalerrian, eta ia Araba osoan. Horrek azken urteetan ezagutu gabeko egoera dakar, eta oso itxaropentsua, bisoi europarra erremediorik gabe desagertzekoa zen espeziea zela uste izatetik populazioak berreskuratzearekin amets egitera igaro baikara. Geihago…

Share

Ingurumen Hezkuntza albistegia – Martxoak 21 – Armentia Ikastola

Gaur, martxoak 21, Armentia Ikastolako ikasleria izan dugu Atarian. Tenperatura baxuak izan arren, eguzkiaren izpiak ere jaso izan ditugu hezegunearen paisaiaz disfrutatzen genuen bitartean.

Geihago…

Share

Ingurumen Hezkuntza Albistegia – Umandi Ikastola HLHI

Udaberria hasi eta iritisi da lehen mailako zikloko ikasleen garaia. Hemendik ekainaren amaiera arte, urtaro polit honetaz gozatuko dugu utzi gaituen koloreekin. Gure naturaren barnean dauden izaki bizidunak, uraren zikloa, Salburuko urtaroak, inguruneko fauna, flora eta kate trofikoa Ataria-n ezagutuko ditugu

Bisitan zehar, jarduerak eta joku didaktikoen bitartez errezago ikasiko dute Salburuko naturaren kontzeptuak. Haietako batzuk kanpoan ibilbidetxo gidatu bat eginez eta beste batzuk Ataria-Salburuko Interpretazio Zentroaren barruan, ikus-entzunezko erakusketarekin, jokoekin, bideoekin, esperimentuekin… Geihago…

Share

Ornitologia albistegia: 2017ko apirilaren 1etik 6ra

Astearen hasieran eguraldi ezegonkorra izan genuen; bukaeran, berriz, atsegina eta udaberrikoa, baina beti hezetasun maila handiarekin. Martxoaren 31tik apirilaren 2ra bitartean, haizeak hegaztiak behatzea eragotzi zuen, baina astebururako mantsotu  egin zen. Asteko lehen egunetan zeru grisak eta euri arinak nagusitu ziren; azken egunetan, ordea, tenperaturak egonkortu egin ziren, eta zerua oskarbi egon zen. Tenperatura-gradientea handia izan da, bai maximoetan —apirilaren 3ko 19,2 ºC-tik apirilaren 2ko 11,1 ºC-ra— bai minimoetan —martxoaren 31ko 10,1 ºC-tik apirilaren 2ko  5,8 ºC-ra—. Geihago…

Share