Prentsa Oharren banner

Aire zabaleko kultur agendak 10 jarduera eskainiko ditu programaren bukaeran: musika, antzerkia, dantza, zirkua eta magia

Sarrera doakoa izango da, lekuak bete arte

Gasteizko Udaleko Kultura Zerbitzuak aire zabalean antolatutako jarduera programa datorren astean bukatuko da. Horren bitartez,  120 konpainiak guztira 150 ikuskizun eskainiko dituzte Arabako hiriburuan, uztailaren 6tik irailaren 5era arte.

Abuztua amaitzeko, hilaren 31n (asteartea) bi hitzordu interesgarri izango dira. Lanku konpainiak ‘Luze edo motz’ bertso-antzerkia aurkeztuko du 20:00etan, Aranbizkarreko parkean, eta Duluth bandak kontzertua emango du 20:30ean, Ibaiondoko gizarte-etxeko plazan.

Irailaren 1ean dagoeneko, Hodei magoak ‘Harritzearen abilezia’ izeneko ikuskizuna eramango du Hegoalde gizarte-etxera, 19:30ean, eta Arriagako anfiteatrora hurbiltzen den publikoak Elh Malick-en musikaz gozatu ahalko du, 20:30etik aurrera.

Irailaren 2an, berriz, Zirkozaurre taldearen ‘Kobr3’ zirku-ikuskizuna eskainiko da Zabalganeko gizarte-etxean, 19:30ean, eta Pez Limbo konpainiak ‘Txilin hotsak’ eta ‘Bittor eta Franky’ antzeztuko ditu Zulueta jauregiko lorategietan, 20:00etan.

Hilaren 3an, Amaia Elizaranek ‘Out’ dantza pieza aurkeztuko du Frai Zacariaseko elurzuloan, 19:00etan eta 20:00etan. Salburuko kirol esparruan (Gabriela Mistral), berriz, antzerkia izango da: Belén Cruz eta Mila Espigaren ‘Anarkia relacional’ lana.

Eidabe konpainiaren ‘Meri, Mari eta Lari’ lanak eta Malas Compañías taldearen ‘Zirkus’ ikuskizunak jarriko diote urrezko amaiera egitarauari, irailaren 5ean (igandea); lehena Hegoalde gizarte-etxean izango da, eta bigarrena, Arriagako anfiteatroan. 19:30ean hasiko dira bi saioak.

 “Hamar jarduera horiek emango diote amaiera Gasteizen denboraldirako egin dugun kultura apustuari. Gasteiztarrak proposamen horietara joatera animatzen ditugu. Izan ere, denetik dago, jende ororentzat. Udaz burua galdu gabe gozatzeko modua da”, adierazi du Hezkuntza eta Kultura zinegotzi Estíbaliz Cantok.

Sarrera librea izango da, erreserbatu beharrik gabe eta lekuak bete arte. Gune horiek guztiak aire zabalean izango dira, mugatuta, eta kopuru jakin bat onartuko da bakarrik. Ikusleak eserita egongo dira, eta segurtasun-neurria guztiak gordeko dituzte, Eusko Jaurlaritzaren indarreko araudia jarraiki.

Informazio gehiago

UDAKO KULTUR PROGRAMAZIOA

Amaia Elizaran

Mari, Mari eta Lari

Share

Antzerkia, musika eta zirkua eskainiko dira datorren asteko aire zabaleko kultur programazioan

Aurrera jarraitzen du udako aire zabaleko kultur programazioak, eta datorren astean antzerkia eskainiko da batez ere, baina baita musika eta zirkua ere.

Asteartean, abuztuak 17, Jon Zabal magoaren “Inbentario” ikuskizuna izango da Ibaiondoko gizarte-etxearen kanpoaldean (Poliedroen parkea). Bere saio onenen bilduma: telepatia, hipnosia, saio espiritistak, apustu arriskutsuak eta “errealitatearen eta fikzioaren arteko lerroa ia hautemanezin bihurtzen duten” beste zenbait erakustaldi mental. 20:00etan izango da.

Asteazkenean, abuztuak 18, Kolektivo Monstrenko taldeak “Espejismos-El lado épico” lana eskainiko du Hegoalde gizarte-etxearen kanpoaldean. Helduentzako ikuskizun hau 20:30ean hasiko da.

Ostegunean, ordu berean, “Me too” lana antzeztuko dute Ainhoa Aierbek eta Tessa Andonegik Zabalganeko gizarte-etxearen kanpoaldean. Bi emakumeek feminismoaren inguruko hausnarketa egingo dute. “Bizitzea tokatu zaigun garai zirraragarriaz. Feminismoa berpiztu egin da, eta, berarekin batera, inoiz entzun gabeko kontzeptu, termino, hitz eta gauza ugari”. 

Ostiralean, abuztuak 20, musika izango dugu kultur programazioan Gasteizko abeslari eta konpositore Sophiren eskutik. 20:30ean emango du kontzertua, Erdi Aroko hiriguneko garai bateko elurtegian (Frai Zacarias Martinez kalea).

Azkenik, igandean, abuztuak 22, “Hemendikara” haurrentzako zirkua izango da, Zirika Zirkusen eskutik.  Zulueta jauregiko lorategietan, 19:00etan.

Ohi bezala, sarrera librea izango da, erreserbarik gabe, eta lekua bete arte. Aire zabaleko leku horiek guztiak mugatuta egongo dira eta ikusleak eserita egon behar dute. Segurtasun-neurri guztiak beteko dira, Eusko Jaurlaritzak indarrean dituen araudiak bete.

Programazioa abuztuak 17-22

Share

Aire zabaleko kultur agendak jende ororentzako jarduera ugari eskainiko ditu datozen bi asteetan, udan “burua galdu gabe” gozatzeko

Ikuskizunetarako sarrera doakoa izango da, lekuak bete arte

 

Udaleko Kultura Zerbitzuak aire zabaleko jarduera programa bete-betea antolatu du datozen bi asteetarako, adin orotako publikoari zuzenduta.

 “Ekainean aurkeztu genuen kultur programazioko hitzordu batzuk aldatu ditugu, osasun-egoeraren bilakaerari moldatzearren. Zehazki, leku batzuk aldatu ditugu, ordutegiak aurreratu, eta parte hartzen duten taldeetako batzuk ordeztu“, azaldu du Hezkuntza eta Kultura zinegotzi Estibaliz Cantok. “Programa honen bidez gasteiztarrek udaz “burua galdu gabe” gozatu dezaten lortu nahi dugu”, erantsi du.

Sarrera librea izango da, erreserbatu beharrik gabe eta lekuak bete arte. Aire zabaleko esparru mugarrituak izango dira; gehieneko ikusle-kopurua zehaztuta izango dute, denak eserita, eta segurtasun-neurri guztiak errespetatuko dira, Eusko Jaurlaritzaren indarreko araudiarekin bat etorriz.

Uztaila

Uztaila goi-mailako kultur programazioarekin amaituko da Gasteizen. Hilaren 27an (asteartea), Avela zirku-konpainiak ‘Cuerda’ ikuskizuna eramango du Aranbizkarreko parkera, 19:30ean, eta egun berean, Mikel Bermejok barrea eragingo du Ibaiondoko gizarte-etxean, ‘Euskal Herritik kanpo’ bakarrizketarekin, 20:00etan.

Hilaren 28an (asteazkena), Ganso & Cía konpainiak abiaraziko du programa, ‘Panoli kabareta’ zirku-ikuskizunarekin, 19:30ean, Arriagako parkeko anfiteatroan. Bestetik, La Pulga-k ‘Ráfagas’ flamenko-proposamena ekarriko du; 20:30ean izango da, Hegoalde gizarte-etxean.

Hilaren 29an (osteguna), Zurrunka eta Colectivo Mostrenko taldeek Zulueta jauregiko lorategia hartuko dute, ‘Ctrl+alt+Supr’ lana antzezteko, 18:00etan, 19:30ean eta 21:00etan. Musikaren zaleek, aldiz, hitzordua izango dute Zabalganeko gizarte-etxearen ondoan, 20:30ean kontzertua emango baitu Dead Sequoia taldeak.

Asteko eta hileko egitaraua ostiralean, hilak 30, amaituko da, antzerkiz eta magiaz beteta. Ekoma taldeak ‘Con los pies por delante’ antzezlana eskainiko du, 18:00etan, 19:30ean eta 21:00etan, Frai Zacariaseko elurzuloan. Dramagia-k, berriz, ‘Sin varita y con sombrero’ magia-ikuskizuna emango du; Salburuko kirol esparruan (Gabriela Mistral) izango da hori.

Abuztua

Abuztuan jada, Prado parkean jotak izango dira eguerdiko hamabietan. Talde hauek arituko dira: Alegría Navarra (hilak 3), Corrientes navarras (hilak 4), Voces Riberas (hilak 5), Canta Tudela (hilak 6), el Grupo de Jotas D’Aragón (hilak 7) eta  Escuela de Jotas de la Rioja(hilak 8).

Arratsaldean, Umore Txokoa hartuko du Prado parkeak, egitarau honekin: Gorka Aguinagalde eta Iñigo Salinero (hilak 3); Txabi Franquesa (hilak 4); Óscar Terol (hilak 5); Ismael Pereira, Mitxel Santamaría eta Iñaki Mauri (hilak 6); Nerea Garmendia (hilak 7) eta Valeria Ros (hilak 8). 19:30ean izango dira saioak.

Zulueta jauregiko lorategian, bestetik, haurrentzako ikuskizunak eskainiko dira eguerdiko hamabietatik aurrera. Deabru Beltzak taldeak ‘Diberti dantza’ aurkeztuko du hilaren 3an (asteartea), eta hilaren 4an (asteazkena), Lanku taldeak ‘Urpekakariak’ eskainiko du. Hilaren 5ean (osteguna), familiek ‘Jolasean Ikasi, musikaz hazi’ proposamenaz gozatu ahalko dute, Kontukantari-ren eskutik, eta hilaren 6an (ostirala), Imaginaciones Nai taldearen ‘Tik tak’ ikuskizunaz. Erre Produkzioak taldearen ‘Una de piratas’  lanak (hilak 7, larunbata) eta Eidabe-ren ‘Gora kasete’ ikuskizunak (hilak 8, igandea) emango diote amaiera aste horretarako programari.

Abuztuaren 4tik 8ra arte, Udal Musika Bandak kontzertuak eskainiko ditu leku berean, arratsaldeko zazpietan.

Iparraldeko parkea ere aire zabaleko kontzertu-areto bihurtuko da, emanaldiak izango baitira eguerdiko ordubatean zein arratsaldeko zortzietan. Goizeko saioetan hauek joko dute: Noa & The Hell Drinkers (hilak 3), Trikoma (hilak 4), Moni Garage (hilak 5), Outgravity (hilak 6), Raúl Romo House Friends (hilak 7) eta Clarisse (hilak 8).

Arratsaldez, Ekiñe + La Furia (hilak 3), Moonshine Wagon (hilak 4), Puro Relajo (hilak 5), Joseba B. Lenoir (hilak 6), La Mare (hilak 7) eta Bulego (hilak 8).

Falerina lorategian ere izango da kontzerturik, 19:00etan. Hona hemen egitaraua: Antton Aranburu (hilak 3), Kai Nakai (hilak 4), Geraldine (hilak 5), Aldakan (hilak 6), Shiny Red Mood (hilak 7) eta Montalvo (hilak 8).

Santa Maria plazan ere programazio zabala antolatu da abuztuaren 3tik 8ra bitartean. 12:30ean, publikoak Udal Folklore Akademiako trikitixez gozatu ahalko dute entzuleek.

13:30ean, bertsolarien txanda izango da: asteartean (hilak 3), Unai Anda, Xabi Igoa, Miren Amuriza eta Maddalen Arzallus; asteazkenean (hilak 4), Irati Anda, Aroa Arrizubieta, Beñat Gaztelumendi eta Andoni Egaña; ostegunean (hilak 5), Iñaki Viñaspre eta Alaia Martín; ostiralean (hilak 6), Eli Zaldua, Manex Aguirre, Odei Barroso eta Maialen Akizu; larunbatean (hilak 7), Oihane Perea, Peru Abarretegi, Julio Soto eta Oihana Arana, eta igandean (hilak 8), Aitor Ugarte, Beñat Garfio, Erika Lagoma eta Amaia Agirre.

Arratsaldean, hainbat emanaldi izango dira katedral zaharraren ondoko espazioan:  hilaren 3an, Dantza Plazan, Udal Folklore Akademiaren eskutik; hilaren 4an, Eltziegoko gaita-jotzaileak & Friends; hilaren 5ean, Xabier Aburruzaga; hilaren 6an, Hutsun + Jel Trío;  hilaren 7an, Iñaki Palacio & The Gael’s, eta hilaren 8an, Garikoitz Mendizabal & Gorka Hermosa.

Horietaz gain, Gasteizko Erraldoien eta Buruhandien konpartsaren emanaldiak izango dira abuztuko lehen asteko kultur programazioaren barruan, 12:30ean, Judimendiko parkean.

Aldaketak gerta daitezke, osasun-egoeraren bilakaeraren arabera.

Udako Kultura programazioa uztaila 27-30

Udako kultura programazioa. Abuztua 3-8

 

Informazio gehiago

 

Share

Aire zabaleko kultur programazioa 10 proposamen eskainiko ditu aste honetan

Sarrera doakoa izango da, lekuak bete arte

 

Aire zabaleko kultur programazioak aukera sorta ederra eskainiko du Gasteizen era guztietako jendearentzat. datorren asteko lehen ekimena La Gata Japonesa konpainiaren eskutik etorriko da, zeinak Los viajes de Bowa zirku-ikuskizuna eskainiko baitu uztailaren 20ko (asteartea) 19:30ean Ibaiondo gizarte-etxearen plazan. Ordubete geroago Sira Coel izeneko kontzertua eskainiko du Aranbizkarreko parkean Altraste konpainiak.

Bi antzezlan izngo dira ikusgai uztailaren 21ean, asteazkenez, 19:30ean. Batetik, Primatium lana, El Mono Habitado konpainiarena, Hegoalde gizarte-etxean, eta bestetik 2.984, el programa, LA DKV konpainiaren eskutik, Arriaga parkeko anfiteatroan.

Uztailaren 22an, ostegunean, Juanjo Monagok barre-algarak aterako dizkie 20:00etan La muerte en familia ikustera Zulueta jauregiko lorategira joango direnei. Eta ordu erdi geroago Oihulari Klown-ek Sex o no sex monologoa aurkeztuko du Zabalganeko gizarte-etxean.

Ostiraleko (uztailak 23) programazioan zirkua eta musika uztartzen dira. Zirkua, Sarini + Ortziren Begiradak ikuskizunarekin, 19:30ean Frai Zacarias kaleko negutegian, eta musika, berriz, Melophilia taldearen eskutik, Salburuko kirol-gunean (Gabriela Mistral).

Eta uztailaren 25ean, igandez, beste bi zirku-proposamen, gasteiztarren gozamenerako. Batetik Gabe, 19:00etan Aranbizkarreko parkean, Oihulari Klownen eskutik, eta bestetik Cuerda, Avela konpainiarena, 19:30ean Ibaiondo gizarte-etxearen plazan.

Sarrera librea eta doakoa izango da, lekuak bete arte. Gune horiek guztiak aire zabalean izango dira, mugatuta, eta kopuru jakin bat onartuko da bakarrik. Ikusleak eserita egongo dira, eta segurtasun-neurria guztiak gordeko dituzte, Eusko Jaurlaritzaren indarreko araudia jarraiki.

Uda Kultura uztaila 20-25

Informazio gehiago

Share

Dantza, antzerkia, musika, magia eta zirkua aurkitu ahalko dira aste honetako aire zabaleko kultur programazioan

Ikuskizunetarako sarrera doakoa izango da, lekuak bete arte

 

Uztailak13-18 kartela

Bihar, uztailak 13 (asteartea), aurrera jarraituko du Kultura Zerbitzuak antolatu duen aire zabaleko udako kultur programazioak, zeinaren barruan 150 ikuskizun eskainiko baitira irailaren 5era arte.

Bi dantza piezak irekiko dute aste honetako programa: Node bikotearen ‘Emakumeak’ eta La Incendiaria taldearen ‘Anilina’; Aranbizkarreko parkean, 20:00etan. Ordu erdi geroago, Hortzmuga konpainiak ‘Bidearen amaieran’ lana eszenaratuko du, Ibaiondoko gizarte-etxeko plazan.

Hilaren 14an (asteazkena) bi kontzertu izango dira ordu berean, 20:30ean. Batetik, Idoia arituko da, Hegoalde gizarte-etxean; bestetik, The Soulbreaker Company bandak ‘Sewed with light’ diskoa aurkeztuko du, Arriagako parkeko anfiteatroan.

Uztailaren 15ean (osteguna), José Cruz Gurrutxagak umore ukitua jarriko du bakarrizketa dibertigarri batez, Salburuko kirol eremuan (Gabriela Mistral), arratsaldeko zortzietan.

Ostegunean, hilak 19, arratsaldeko zazpietan hasiko dira emanaldiak. Zabalganeko gizarte-etxean, Udal Bandak John Williamsen lanak joko ditu; Frai Zacariaseko elurzuloan, Akerlar magoak ‘Aztikeriak’ ikuskizun zirraragarria eskainiko du.

Hiru hitzorduk itxiko dute asteko agenda, igandean, hilak 18:   batetik, Ana Capilla dantzariaren ‘Cajita de música’ proposamena, Frai Zacariaseko elurzuloan, 18:30ean eta 20:00etan; bestetik, ‘Los viajes de Bowa’ zirku-emanaldia, Gata Japonesa-ren eskutik, 19:30ean, Salburuko kirol eremuan (Gabriela Mistral).

Sarrera librea izango da, erreserbatu beharrik gabe eta lekuak bete arte. Aire zabaleko esparru mugarrituak izango dira; gehieneko ikusle-kopurua zehaztuta izango dute, denak eserita, eta segurtasun-neurri guztiak errespetatuko dira, Eusko Jaurlaritzaren indarreko araudiarekin bat etorriz.

Informazio gehiago

 

 

 

 

Share

Aire zabaleko kultur programazioa izango da udan Gasteizen

Uztailaren 4tik irailaren 5era bitartean, behar diren segurtasun-neurriekin.

 

Gasteizen aire zabaleko kultur programazioa izango da uda honetan, Hezkuntza eta Kultura zinegotzi k gaur goizean Euskara, Kultura, Hezkuntza, Gazteria eta Kirol Batzordean jakinarazi duenez.

Uztailaren 4an hasiko da programazioa, eta irailaren 5era arte iraungo. Ikuskizun guztiak aire zabalean egingo dira, esparru hesituetan eta edukiera mugatuarekin. “Antolatzen ditugun jardueretan parte hartzen dutenen segurtasuna bermatzea da gure lehentasuna”, azpimarratu du Cantok.

Hauek izango dira aukeratutako espazioak: Arriagako parkea, Aranbizkarreko parkea, Hegoalde, Zabalgana eta Ibaiondoko gizarte-etxeen kanpoko aldea, Gabriela Mistral kirol-zelaiak, Santa Maria plaza, Iparraldeko parkea, Falerina lorategia, Elurzuloaren ingurua, Zulueta lorategiak, Judimendiko parkea eta Pierola lorategiak.

Ekainaren hasieran emango dira programazioaren xehetasunak.

Share

3.700 ikusletik gora izan dira Gasteizko Udalak antolatutako aire zabaleko kultur programazioan

Kartela

Irailaren lehen astean amaituko da Gasteizko Udalak antolatutako udako kultur programazio berezia. Guztira 54 ikuskizun antolatu dira azken bi hilabeteetan eta ikusleen erantzuna oso ona izan da. Emanaldien % 75etan agortu dira gonbidapenak, eta dagoeneko 3.700 ikusle baino gehiago izan dira aire zabaleko emanaldietan. Uneoro bete dira Covid19 dela-eta hartutako segurtasun-neurriak zorrotzak.

Datorren astelehenean, abuztuaren 31an, goizeko 9:00etan hasiko da irailaren 2etik 4ra bitartean aire zabaleko kultur jardueretarako gonbidapen erreserba. Bi bide daude gonbidapenak eskuratzeko.

– Online, helbide honetan: http://www.vitoria-gasteiz.org/cultura

– 945-161618 telefonoan, 09:00etatik 15:00etara

 

Erreserba bakoitzean gehienez bi plaza eskatu ahal izango dira. Iraileko azken aste honetan programazioa honako hau da:

 

  • IRAILAK 1 SEPTIEMBRE
    • 20:00 TXOTXONGILOAK: PHANTA RHEI ‘Astokillo’ | HEGOALDE
    • 20:00 ZIRKOA: BAPATEAN ZIRKO ‘Adabaki’ | ARRIAGA

 

  • IRAILAK 2 SEPTIEMBRE
    • 20:00 MAGIA: SUN MAGOA ‘Bat, 2, hiru… Magia!’| SALBURUA – GABRIELA MISTRAL
    • 21:30 MONÓLOGO: BELEN NEVADO ‘Sofocos’| LAS NEVERAS – FRAY ZACARIAS

 

  • IRAILAK 3 SEPTIEMBRE
    • 20:00 BERTSO-SAIOA: Arabako bertsolariak| APAIZTEGIA – UNED
    • 21:00 TEATRO: KOLEKTIBO MONSTRENKO ‘Antonio Remachado’ | ARANBIZKARRA

 

  • IRAILAK 4 SEPTIEMBRE
    • 19:00 (cast) / 21:00 (eusk) TEATRO / ANTZERKIA: PEZ LIMBO ‘Oxido’ | ELVIRA ZULUETA
    • 20:00 CONCIERTO: LOS MISTERIOS | ZABALGANA

 

Sarrerak ikuskizun bakoitza hasi baino ordu erdi lehenago irekiko dira. Sartzeko eta irteteko ibilbideak adieraziko dira, pertsonen arteko bidegurutzeak saihesteko. Antolatzaileak bertaratutako bakoitzari zein eserleku dagokion adieraziko dio, iritsiera-ordenaren arabera.

Ikuskizun osoan eserlekuetan egon beharko da. Antzezpena egiten den bitartean barrutitik irten behar izanez gero, ezin izango da berriro bertara sartu. Haurrak ezingo dira zutik egon, ezta esparruan mugitu ere. Familia edo tutoreak arduratuko dira adingabeek segurtasun-arau guztiak betetzeaz. Debekatuta dago esparru osoan jatea, edatea eta erretzea. Bete ezean, esparrutik alde egin beharko dute. Esparrua hustea modu mailakatuan egingo da, antolatzaileen argibideei jarraituz.

Share