Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  19 urria 2018 13:35

Alkateak nabarmendu du hezkuntza arautuak Gasteizen jarraituko duela, euskal hezkuntza eskaintzaren barruan

José Uruñuela udal dantza kontserbatorioa hezkuntzako sare publikoan sartuko da 2019-2020 ikasturtean. Aldaketa egiteko prozesu luze eta konplexua aurrera doa, erritmo onean, Gasteizko alkateak zein Eusko Jaurlaritzako Hezkuntza sailburuak egiaztatu dutenez. Datozen hilabeteetan sinatuko da Udalaren eta Eusko Jaurlaritzaren arteko hitzarmena eskualdaketarako.

Gorka Urtaran pozik agertu da, Eusko Jaurlaritzak kontserbatorioa bere gain har dezan azken urteetan bi erakundeen artean egindako lana fruitua ematen ari delako. Azaldu duenez, zenbait alderdi adostu behara dago oraindik: irakasleen eta irakasle ez diren langileen egoera, ikasketa planaren edukia eta eraikina.

Euskadi osoan, Gasteizko kontserbatorioan baino ez dira dantza ikasketak eskaintzen oinarrizko mailan (lau ikasturte) eta maila profesionalean (beste sei); goi maila, berriz, Dantzerti arte dramatikoko eta dantzako eskolan (Bilbo). José Uruñuela kontserbatorioa euskal sarean sartuta, ikasleei hezkuntza ibilbidea bermatzen zaie, dantzako oinarrizko ikasketetatik goi mailetaraino.

Alkateak azpimarratu du dantza irakaskuntza arautuaren lehen bi mailek Euskadiko hiriburuan jarraituko dutela, eta euskal hezkuntza eskaintzaren barruan sartuko direla, “hiriaren eskaera historikoa” baitzen. Gainera, prestakuntza zabalagoa emango da, gaur ematen den dantza klasikoari dantza garaikidea gehituko baitzaio.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   11:49

 

 

 

 

 

 

 

Euskal Enplegu Zerbitzuak 1,1 milioi euro jarriko ditu, eta Udalak, 660.000 euro

Udalak 30 urtetik beherako 70 gazte kontratatzeko konpromisoa hartu du

Gorka Urtaran alkateak gaur iragarri duenez, gazteentzako enplegu-plan berria abiatuko da Gasteizen, Lanbide-Euskal Enplegu Zerbitzuarekin batera.  Gazteen Enplegurako Programa Eragilearen helburua da lehen lan esperientzia izateko aukera ematea DSBE jasotzen duten pertsonei, 30 urte betetzear daudenei eta deialdiaren betekizunak betetzen dituzten gazteei.

Euskal Enplegu Zerbitzuak 1.138.430 euro jarriko ditu Udalak programa garatu dezan; Udalak, berriz, 660.701,09 euro jarriko ditu urtebete irauten duen plan horretarako.

Programaren bitartez, Udalak 30 urtetik beherako 70 gazte kontratatutako ditu lanaldi osoz, hiriko zortzi proiektutan lan egin dezaten: ikastetxeetako jolastokiak edertzea, azpiegitura berdea hobetzea Gasteizko hiri alderdietan, Olarizuko lorategi botanikoan paisaia egokitzeko eta baratzezaintzako lanak egitea, Basaldean agrokonpostatzean aritzea, hiri altzariak konpontzea, eta kaleak zolatzea, besteak beste.

Horretaz gain, alkateak aurreratu du laster xehetasunak emango dituztela Eskualdeko VI. Enplegu Planaz. Eusko Jaurlaritzaren eta Udalaren arteko lankidetzarako formula hori “dagoeneko sendotuta dago, eta oso ondo funtzionatzen du lan bila dabiltzan pertsonei administraziotik lan-merkatuan sartzen lagundu diezaiegun”.

50.000 euro lan-munduan txertatzeko Hazia 23 programarako

Bestetik, Tokiko Gobernu Batzarrak onetsi du 50.000 euro jartzea gazteak lan-munduan txertatzeko “HAZIA 23” programaren hirugarren ediziorako, zeina Vital Kutxak, ADSIS fundazioak, Egibide Fundazioak eta Gasteizko Elizbarrutiko Caritasek bultzatzen baitute.   Vital Fundazioak 40.000 euroko ekarpena egiten dio programari, zeina ez prestakuntzarik, ez lan-esperientziarik ez duten eta prestakuntza- eta enplegu-sistemetan sartuta ez dauden 23 urtetik beherako gazteei zuzendutakoa baita; gutxienez 30 langabe hartuko dira, eta adina 30 urtera arte irits daiteke salbuespenez.

 

 

 

 

 

 

 

Share
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —   11:34

Hautatze probak datorren urtearen hasieran izango direla aurreikusi da

 Egokitzen diren aldi baterako langile beharrei erantzuteko kontratazio-zerrendak sortuko dira txanda irekiko eta barne-sustapeneko deialdietatik; azterketa aldia gainditu bai baina lanposturik eskuratu ez dutenekin osatuko dira.

Gaur hasi da izena emateko epea Udalak A1 eta A2 taldeetan 132 lanpostu betetzeko deitu duen LEPeko hautatzeko probetan parte hartu ahal izateko. Interesdunek gaurtik, urriak 19, azaroaren 16ra arte eman dezakete izena.

Hautaketa-prozesua onetsita, Udalak argi berdea eman dio Udalaren historian izandako lan-eskaintza publiko zabalenetako bati.  “Agintaldiaren hasieran hitz eman nuen udal enpleguarekin lotutako hainbat hautatze prozesu abian jarriko nuela, udal plantillaren behin-behinekotasuna murrizteko. Pausoak ematen jarraitzen dugu, aurretik emandakoei gehitzen zaizkienak: Udaltzaingoan eta suhiltzaileen kidegoan lanpostu berriak sortu ditugu eta udal plantillaren barruan karrera profesionala sustatu dugu “, nabarmendu du Gorka Urtaran alkateak.

Oposizio-aldian nahitaezko eta baztertzaileak diren bi ariketa egin beharko dira, eta 55 puntu lortu ahalko dira gehienez. Test erako bi probak osatuko dute lehen ariketa, galdera bakoitzean lau erantzun aukeran emanda: lehena gai orokorrei buruzkoa  izango da (8 puntu gehienez) eta bigarrena, berariazko gaiei buruzkoa (17 puntu gehienez).

Bigarren ariketan proba praktiko bat edo gehiago egin beharko dira, eta 30 puntu lortu ahalko da.

Lehiaketa-aldian 45 puntu jaso ahalko da gehienez, honela banatuta: euskararen balioespenean, 12 puntu gehienez (B1: 4 puntu, B2: 8 puntu, C1: 12 puntu eta C2: 12 puntu); lanbide esperientzian, 33  puntu gehienez.

Egokitzen diren aldi baterako langile beharrei erantzuteko kontratazio-zerrendak sortuko dira txanda irekiko eta barne-sustapeneko deialdietatik; proba guztiak gainditu bai baina lanposturik eskuratu ez dutenekin osatuko dira.

Funtzio Publikoaren Sailak aurreikusi du probak 2019ko urtarriletik aurrera egingo direla.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  15 urria 2018 13:51

Garapen Iraunkorrerako Espainiako Sareak antolatutako jardunaldian ehun hiriren betetze-mailari buruzko txostena plazaratuko da

Gasteizko alkate Gorka Urtaranek garapen iraunkorreko helburuak (GIH) ezartzen estatuan nabarmendu diren hirietako alkateen topaketa batean parte hartuko du bihar, hilak 16, Madrilen. REDS-Garapen Iraunkorrerako Espainiako Sareak antolatutako jardunaldian ehun hiritan —probintzia hiriburuak edo 80.000 biztanletik gorakoak— GHIak zenbateraino betetzen diren aztertzen duen txostena plazaratuko da.

“2030 Agenda eta hirietako ezarpena: garapen iraunkorreko helburuak Espainiako 100 hiritan” izenburupean, REDSek udal mailan egin duen lehen azterketaren emaitza ezagutaraziko du; 93 adierazle komun baliatuz, Nazio Batuek mundu osorako ezarritako garapen iraunkorreko 17 helburuen betetze-maila aztertu da. Gasteizen ibilbidea aintzat hartuz, bertako alkateak Madril, Málaga eta Soriako alkateekin batera azalduko du hiriaren  esperientzia, udalerri horiek guztiek helburuak neurri handian betetzen baitituzte. Gorka Urtaranek horiek lortzeko tokiko politikak azalduko ditu.

Ekitaldia Espainiako Udalerrien eta Probintzien Federazioaren egoitzan egingo da. Antolatzaileen esanetan, Gasteiz “Espainiar estatuko hiri iraunkorrenetako bat da, eta erreferentea GHIen ezarpenean”; hori dela kausa, alkatea gonbidatu dute, “zuzenean azal ditzan hiri garapen iraunkorrean hain kuota handiak lortzeko gako izan diren udal politika publikoak”.

Asteartean ezagutaraziko den lana munduan egindako hirugarrena da, Estatu Batuetan eta Italian egindakoen ondoren, eta bi helburu ditu: batetik, udal erakundeei hirien garapen iraunkorra lortzeko dauden erronkak identifikatzen laguntzea; bestetik, hiriek garapen iraunkorreko helburuak lortzen duten zereginari buruzko eztabaida publikoa sustatzea.

 

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  5 urria 2018 13:47

 

Gaur gauean omenaldia egin zaie Gasteizen jardunean 100 urte baino gehiago daramaten saltokiei, Europa biltzar jauregian. Urban Commerce jardunaldiari amaiera eman dion ekitaldian, 24 establezimendu belaunaldiz belaunaldi gobernatu dituzten familiek oroitzapen-xafla jaso dute. Aurretik, EHUko Historia Garaikideko Saileko irakasle José María Ortiz de Orruñok Gasteizko merkataritza historikoari buruzko hitzaldia eman du, eta ehun urtetik gora duten bi dendatako ordezkariak elkarrekin mintzatu dira: Iñigo Puente, Puente botikakoa, eta Luis López de Sosoaga, Sosoaga gozotegikoa.

“Herritar komunitate batean, afektuak eta maitasunak agintzen dute harremanetan, eta gaur omenaldia jasotzen duzuen merkataritza eta ostalaritzako establezimenduak horrexek batzen zaituela uste dut: sentimenduak eta maitasunak. Familia tradizioarekiko maitasunak eta hiriarekiko maitasunak. Zuei esker, mostradorearen atzean duzuen konpromisoari esker, Gasteiz hiria baino gehiago da. Benetako komunitatea da, gure hiriaren zati diren negozioak dituena”, adierazi du Gorka Urtaran alkateak.

Establezimendu hauetako ordezkariek hartu dute parte: Puente botika, Mendia optika, Círculo Vitoriano, Sosoaga gozotegia, Javier Mendoza erloju-denda, Carrión musika-denda, Goya gozotegia, Zulueta botika, Iriarte poltsa-denda, Ferreiro aizto-denda, El Globo liburu-denda, Coello aizto-denda, La Carlota harategia, Eguia kafe-denda, Junguitu ehun-denda, La Vitoriana, Nalda gozotegia, Elcid zapata denda, Katxarritos Jauregi tresneria-denda, Pinedo jantzi-denda, Alocen kapela-denda, La Unión taberna eta Moreno zapata-denda. Ehun urte dituzten 25 establezimenduen artean dagoen El Ancorako ordezkariak ezin izan dira joan. Bertako merkatarien entitate eta elkarte nagusietako ordezkariak ere izan dira ekitaldian, eta Udalbatzako kide guztiak.

Share
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —   11:18

Beste urte batez, Udalak lankidetza-hitzarmena sinatuko du Tinko elkartearekin, euskara zineman sustatzeko. “Aisialdiko eta denbora libreko jardueretan euskararen erabilera sustatzen saiatzen gara. Batez ere, haur eta gazteen artean”, nabarmendu du Gorka Urtaran alkateak. Arlo horretan identifikatu den gabezietako bat euskarara bikoiztutako filmen eskasia da, eta areto komertzialetara iristeko dituzten zailtasunak.

2006az geroztik, Tinkok euskarazko proiekzioak programatzen ditu Euskadiko hiru probintzietan, ‘Euskara zine aretoetara’ proiektuaren bidez. 2017-2018 ikasturtean, 8.619 gaztek gozatu ahal izan zuten filmez. Saioak eskola-orduetan izaten dira, eta ikastetxeen bitartez bideratzen da programa; elkarteak material didaktikoa eskaintzen die ikastetxeei, ikasgeletan lantzeko. Udalak 10.500 euro jarriko ditu datorren ikasturterako.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  2 urria 2018 13:15

 

 

 

 

 

 

Aingeru Zaindarien eguna ospatzeko ekitaldia izan da gaur goizean Agirrelandan. Gorka Urtaran alkatea izan da ekitaldiaren buru, eta bertan izan dira, era berean, Herritarren Segurtasunaren zinegotzi Carlos Zapatero eta udal taldeen eta erakundeen ordezkariak, baita gainerako polizia-kidegoen eta epaitegien ordezkariek ere.

Udaltzaingoak egiten duen lana nabarmendu du alkateak, “ezinbestekoa Gasteizen herritarrek duten segurtasun-maila edukitzeko. Gure poliziari esker, Euskadiko hiririk seguruena da gurea. Ahalegina egiten ari gara Udaletik plantilla albait gehien berritu eta indartzeko, eta behar dituen baliabideez hornitzeko. Gizarte bidezkoagoa, seguruagoa eta berdintasunezkoagoa izango dugu hartara”.

Herritarren Segurtasunaren zinegotzi Carlos Zapaterok ere eskertu egin die udaltzainei gasteiztarren segurtasuna, eskubideak eta askatasunak zaintzeko egunez egun egiten duten lana, eta, aldi beran, sailetik Udaltzaingoari ematen ari zaion bultzada nabarmendu du, hartara herritarren segurtasunaren arloko behar eta erronkei aurre egiterik izan dezan.

Ildo horretatik, LEP berriarekin agenteen kopurua handitu egin dela azaldu du Zapaterok —60 udaltzain, urtebetean—, zerbitzu berriak abian jarri direla, hala nola adingabeen taldea, eta indartu egin dela genero-indarkeriaren eta familia-indarkeriaren lantaldea. “Orain artean inoiz ez dugu horrenbeste giza baliabide izan emakumeen aurkako indarkeriari aurre egiteko. Arazo larria da, eta lehentasunen artean dugu. Gizarte osoak partekatutako konpromisoa izan behar du, guztiz gaitzesgarria baita emakumeei eraso egitea, pertsonei, giza duintasunari.

Aingeru Zaindarien eguna ospatzeko ekitaldia baliatu da, bidenabar, egungo komisarioari, José Antonio Vichori, agur egiteko; izan ere, uko egin baitzion karguari duela hamabost egun, arrazoi pertsonalengatik.

Bai Urtaranek bai Zapaterok haren ekarpen profesionala eta pertsonala nabarmendu dute, Udaltzaingoaren buru izan den bi urteetan egindako lana. “Biziki eskertzen dizugu egindako lana. Lan bikaina. Esker ona eta erabateko konfiantza agertu nahi dizkizugu”, esan dio alkateak. Vichok, berriz, Udaltzaingoaren azken hilabeteetako jardueren errepasoa egin du, eta adierazi du herritarrei ematen zaien zerbitzua hobetzen ahalegindu dela, gertutasunetik, modu proaktiboan.

Azken urtean erretiroa hartu duten lau udaltzainei, udaltzain lanetan 20 urte egin dituzten bi udaltzainei eta 30 egin dituen beste bati diplomak emanez bukatu da ospakizuna.

 

Share
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —   11:32

 

 

 

 

 

 

 

  • San Prudentzio Lan Fundazioak antolatu du, 50. urteurrena ospatzeko jardueren barruan
  • Egitarauak jarduera ugari barne hartzen ditu: lehiatzeko bost hegaldi, eta argi eta soinu gau magikoa, “Night Glow” izenekoa, hilaren 6an (larunbata), 21:00etan, San Prudentzio basilikaren ondoan, Armentiako zelaietan.

Ekitaldirako hiru egun geratzen delarik, Gasteizko Nazioarteko I. Globo Lasterketak Espainia eta Frantziako 23 talde biltzea lortu du; San Prudentzio Fundazioak antolatu du, haren 50. urteurrena dela eta. Urriaren 5etik 7ra, globoek kolorez beteko dute hiri gaineko zerua, lehiatzeko bost hegaldi egingo baitituzte; horretaz gain, “Night Glow” soinu eta argi gau magikoa antolatu da aerostatoak ikusi nahi duten herritar ororentzat.

Hauek izan dira lasterketaren aurkezpenean: Gorka Urtaran, Gasteizko alkatea; Maider Echevarría, Eusko Jaurlaritzako Turismo eta Ostalaritzako zuzendaria; Joseba Pérez de Heredia, Arabako Foru Aldundiko Euskara, Kultura eta Kiroleko zuzendaria; Yolanda Berasategui, San Prudentzio Fundazioko lehendakaria, eta Esther Unceta-Barrenechea, San Prudentzio Fundazioko zuzendari-kudeatzailea. Probaren esanahia eta garrantzia azpimarratu dute, lehenengo edizioan dagoeneko Estatuko hiru lehenen artean kokatu baita bolumenari eta antolakuntzari dagokienez.

Esther Uncetak azaldu ditu lasterketari, antolatzaileei  eta pilotuei buruzko xehetasun nagusiak. Parte hartzen duten pilotuetako bost emakumeak direla nabarmendu du, eta benetako heroiak direla, kirol horretan gutxiengoa baitira.

Parte-hartzaileek lehiatzeko bost hegaldi egin beharko dute Salburuko zelaien gainetik, eta zuzendaritzak bakoitzean ezartzen dituen probak gainditzeko trebetasuna erakutsi. Proba berezia ere sartu da, “Zeledonen erreskatea” izenekoa: taldeek nekazari arabarra aurkitu beharko dute, eta ontzitxora igo.

Ekitaldian ez da jairik faltako: larunbatean, hilak 6, parte-hartzaileek globoak zabalduko dituzte Armentiako zelaietan, San Prudentzio basilikaren ondoan, eta erregailuez argiztatuko dituzte, musikaz giroturik. Emaitza magikoa izango da, eta familia-publikoaren harridura sortuko du.

Taldeak ostegunean, hilak 4, iritsiko dira Gasteizera. Goiuri jauregian ongi etorria emateko harrera-ekitaldia egingo da, eta lasterketa irekitzat eman. Amaiera-ekitaldia, berriz, Peña Vitoria-ren instalazioetan egingo da; irabazleari San Prudentzio Fundazioa garaikurra emango zaio, Koko Rico artista arabarraren brontzezko eskultura.

San Prudentzio Fundazioa eta enpresen gizarte erantzukizuna

San Prudentzio Fundazioa irabazi-asmorik gabeko entitatea da, eta Euskadin enpresen gizarte erantzukizuna ezagutarazten eta garatzen diharduen entitate nagusia. Duela ia 50 urte sortu zen, bazkide diren enpresetako langileen ongizatea eta bizi-kalitatea sustatzeko asmoz, ingurunearen eta langileen beharretara egokitutako gizarte onurak eskainiz.

1970ean, kontsumoko ondasunak eskuratzeko bide ematea zen jarduera nagusia, ekonomatoen bidez; gaur egun, berriz, enpresen gizarte erantzukizunaren arloan dihardu batez ere, enpresen lehiakortasuna eta langileen, haien familien eta Arabako gizartearen bizi-kalitatea sustatzeko tresna gisa.  Entitateak mota, tamaina eta sektore guztietako 400 enpresa inguru elkartzen dira, eta 30.000 langiletik gora, zeinak, familiekin batera, 80.000 pertsonako taldea osatzen baitute, Arabako populazioren ia herena.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  28 iraila 2018 14:12

 

Gorka Urtaran audioa

Ekitaldiko bideoa

Gaur, Gasteizko Udalak eta biktimen senideek omenaldia eta aitorpena egin diete 1936an Heinkel hegazkin baten istripuan hildako bi zibilei, Plaza Berrian.  

Gorka Urtaran alkateak, biktimen senideek eta erakundeen ordezkariek xafla historiografiko bat desestali dute Antonio Peral Maza (Arredondo, 1906 – Gasteiz, 1936) eta Vicente Julio López de Lacalle Erauskin (Maeztu, 1916 – 1936) hil ziren lekuan.

Ekkehard Hefter hegazkinlari alemanak zeraman Heinkel He 51A hegazkinak 1936ko irailaren 28an Gasteizko Plaza Berrian lurra jotzean eragin zuen istripuaren ondorioz hil ziren. Familiak hala eskatuta, gaur oroimen-leku bihurtu da, non istripuak eragindako bi biktima zibilen memoria ondratzen den.

 

Azken urteotan, Gasteizko Udala memoria historikoa ondare kolektibo gisa ezagutu eta gordetzearen aldeko konpromisoa erakusten ari da. Konpromisoa betetzeko, aurrera eramango da memoria historikoa berreskuratu eta gordetzeko politika, Gerra Zibilean zein diktadura frankistan bidegabekeriak eta irainak jasan zituzten pertsonei aitorpena adieraziko eta haien izen ona berreskuratzeko behar diren erakunde-ekimenak abian jarriko. Ekimen horiek giza eskubideen gaineko nazioarteko legedian oinarritzen dira, eta egia, justizia, erreparazio eta errepikapenik ez izateko bermeen printzipioetan.

2017ko urtarrilean, Memoria Historikoari buruzko mozio bat onetsi zuen Gasteizko Udalak, hirian dauden sinbolo frankistetan esku hartzeko, abenduaren 26ko Memoria Historikoaren Legearen 15. artikuluan gomendatutakoari jarraituz. Geroago, 2018ko urtarrilaren 12an, memoria historikoarekin lotuta egin beharrekoei buruzko alkate-dekretua onetsi zen.

Haren osteko lanketa eta ikerketan oinarrituta, Bizikidetza eta Aniztasun Zerbitzuak ekimen hauek eraman ditu aurrera:

Memoria Historikoaren inguruko ekimenak

1. Frankismoaren biktimen aitorpena
2. Sinbolo frankistak
  • Andre Maria Sortzez Garbiaren katedralean xafla bat jartzea, barruan dagoen armarri frankistaren esanahia azaltzeko, une historikoa eta sinbologia hori mantentzearen zergatia testuinguruan jartzeko.
  • Olagibel kalean, Espainiako Gobernuaren Gobernu Ordezkariordetzan xafla bat jartzea, horrelako eraikin publikoetan ageri den armarri frankista testuinguruan jartzeko. Azkenean ez da jarriko, Ordezkariordetzak armarria kenduko duelako.
  • Olarizu mendiko gurutzean xafla bat jartzea, Gasteizko udalerriko leku esanguratsuenetako bat baita, monumentua seinaleztatu eta testuinguruan jartzeko, duen benetako esanahi historikoa ezagutu dadin, eta diktadurak ondoren egindako erabilera politikoa.
  • Udalerriko hainbat etxebizitzatan dauden xafla frankistak kentzea, horretarako egindako errolda kontuan hartuz, aldez aurretik jabeen erkidegoei jakinarazita eta udal aurrekontuaren kontura.
3. Ohorezko karguak kentzea
  • Hiriaren Zilarrezko domina Faustino Ortiz de Zárate Beitia jaunari kentzea, diktadura goraipatzeko emate argia baita.
  • Luis Orgaz jaunari hiriaren seme kutunaren izendapena kentzea, altxamendu militarrean parte hartu eta diktadura frankistan aktiboki parte hartu baitzuen.

Teodoro González de Zárate oroitzeko koadroaren dohaintza

 Bestetik, Maite González de Zárate andreak Gasteizko Udalaren alde egindako dohaintza onestea erabaki du gaur Gobernu Batzarrak: Gasteizko lehen alkate hautetsi izandako Teodoro González de Zárate jaunaren erretratua, olio margoez egina.

 Tomás Alfarok 1933an egindako olio-pintura da, eta jende ororen aurrean jar dadin ematen da dohaintzan; Udalaren esku uzten da non kokatu, udal teknikariek egokien jotzen duten lekuan, baita koadroaren kudeaketa eta kontserbazioa bermatzeko berariazko tratamendua eta ebaluazioa egiteko irizpideak zehaztea.

 1937ko martxoaren 31n hil zuten tropa frankistek Teodoro González de Zárate. Azazetako mendatean fusilatu zuten beste 15 pertsonekin batera, denak altxamenduaren aurkako joera ideologiko eta formazio politikoetako kide zirelarik.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  17 iraila 2018 09:38

 

 

 

 

 

Egindako lanak ekarri duen saria dela adierazi Gorka Urtaranek, eta kirola egiteko aparteko baldintzak ditugula

Udaletxeko harrera-aretoan eman da jakitera, gaur eguerdian, Ironman Vitoria-Gasteiz hartuko duela Arabak 2019ko uztailaren 14an. Euskadiko hiriburuko triatloiak bere hamabi edizioetan lortutako kategoria aitortzeko dator kirol-ekitaldi hori. Entitate sustatzaileak kontuan izan du Gasteizko triatloiaren arrakasta, baita gasteiztarrek edizio guztietan eman dioten sostengu gogotsua ere, probak hiriburuan barrena nahiz Arabako lurraldean barrena egindako ibilbidean.

 

 

 

 

 

 

2020an Kailua-Konan (Hawai) izango den munduko Ironman txapelketarako 40 sailkapen-plaza eskainiko ditu Gasteizko Ironmanak. Era horretan, mundu osoko berrogei inguru hirik osatzen duten Ironman zirkuituaren parte izango da gure hiria. Jakina, Gasteizko proban nazioarteko atleten partaidetza areagotzea ekarri du horrek.

Gasteizko Udalak, ekitaldiaren sustatzaile nagusi gisa, pausu berri hori ahalbidetzen lagundu du. Gorka Urtaran alkateak azaldu duenez, “Gasteiz Ironman hirien artean sartzea berebiziko berria da, Eduardo Martínez buru duen taldeak egindako lanak eta kirola egiteko aparteko baldintzak dituen hiri honek merezi zuten saria. Gure hiria nazioarte-mailan posizionatzen jarraitzeko aukera ederra eskaintzen digu, gainera, Iromana bertan jokatzeak.”

 

Share

Aurrekoak »