Prentsa Oharren banner
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  24 ekaina 2019 09:34

Bihar, asteartea, Gorka Urtaran alkatea Arabako SEADen Lagunen Elkartearekin eta Equipe Media komunikatzaile eta aktibista sahararren taldearekin batera joango da Nazio Batuen Erakundeko Giza Eskubideen Kontseilura (Geneva), “Arrail bat harresian” ikerketa kolektiboa eta “Un agujero en el muro” animaziozko film laburra aurkeztera; udalaren Garapenean Laguntzeko Zerbitzuak sostengua eman die bi ekimen horiei.

Hartara, Mendebaldeko Saharan saharar biztanleek jasaten dituzten eskubide-urraketak (lanerako, hezkuntzarako eta osasunerako eskubideak) mundu osoan giza eskubideak babesteaz arduratzen den nazioarteko erakunde gorenera iritsiko dira.

Kontseiluaren 41. saioko osoko bilkurarekin batera egiten diren jardueren barruan Mendebaldeko Sahararen aldeko taldeak —15 herrialdek osatua— antolatutako goi mailako bilera batean egingo da aurkezpena. Horretaz gain, ‘Un agujero en el muro’ animaziozko film laburraren proiekzioa antolatu da, zeina ikerketan jasotako lekukotasunetan oinarritzen baita.

Info +: https://unagujeroenelmuro.com/

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  20 ekaina 2019 13:09

 

 

 

 

 

 

Gorka Urtaran audioa

Gaur goizean ezagutu ahal izan da 2020tik aurrera Gasteizen autobus elektriko adimentsuaren zerbitzua emango duen ibilgailu modeloa; 14 auzo konektatuko dira puntuko teknologia duten eta % 100ean elektriko diren 13 autobusen bitartez. Irizar e-mobility enpresaren ieTram modeloa da. Urrezko Zeledonen plazan (Postetxearen aurrean) egin da aurkezpena. Alkate Gorka Urtaran, Garapen Ekonomikoaren  eta Azpiegituren sailburu Arantxa Tapia, Arabako diputatu nagusi Ramiro González eta Irizar e-mobility-ko zuzendari nagusi Hector Olabegogeaskoetxeak hartu dute parte ekitaldian. BEA ezartzeko lanak Andre Maria Zuriaren jaien ostean hasiko dira, abuztuko bigarren hamabostaldian.

 

 

 

 

 

Gasteizko Udalak maiatzaren amaieran sinatu zuen kontratua Irizar E-Mobility, Yarritu eta LKSek eratutako aldi baterako enpresa-elkartearekin, BEA sistema ezartzeko. Eusko Jaurlaritza, Arabako Foru Aldundia eta Gasteizko Udala lankidetzan aritu dira proiektua gauzatzeko. Lakuako gobernuak proiektuaren % 65 finantzatzen du. Aldundiak eta Udalak, berriz, % 17,5 jarriko dute bakoitzak.

 

 

 

 

 

 

Gaur goizean ibili da lehen aldiz Irizar etxearen ieTram ibilgailua Arabako hiriburuko kaleetan barrena. TUVISAk Agirrelandan dituen instalazioetatik abiatu da autobusa, Europa jauregira joateko eta bertan hartu ditu lehenengo bidaiariak: hedabideak eta agintariak. Biltzar jauregitik Urrezko Zeledonen plazara abiatu da ibilgailua. Han egongo da aparkatuta gaur, egun osoan (19.00ak arte), eta bihar, 10.30etik 14.00etara. Horrenbestez, lehenengo ikusnahiak dagoeneko igo ahal izan dira ibilgailura, eta dituen aurrerapen teknologikoak ezagutu dituzte. Argitu beharra dago oraindik hobekuntza eta aldaketaren bat egin beharko dela azkenean Gasteizen zerbitzu emango duen autobusaren behin betiko osaera eta diseinuan. Izan  ere, egun hauetan hirira ekarritakoa Irizar e-Mobility-k munduan barrena erakutsi ohi duen modelo estandarra da.

“Bus elektriko adimentsuak benetako iraultzak ekarriko du Gasteizera, eta mugikortasun iraunkorraren alorrean Europako erreferentzia bihurtuko gaitu; aldi berean, gure barne mugikortasuna hobetuko dugu, eta herritarren bizi-kalitatea handituko. Gure lehenengo autobus azkar elektrikoak izango dira, batere emisiorik ez dutenak. BEA etorkizuneko garraio publikoaren sistema izango da: eraginkorra, elektrikoa, edukiera handikoa eta modernoa. Ziur nago xarmatu egingo dituela TUVISAren bidaiariak. Berriro ere erakutsiko dugu euskal erakundeek gure hiriaren, ingurumenaren eta etorkizun hobe baten alde egin duten apustua irmoa dela, Nazio Batuen Erakundeak ezarritako garapen iraunkorreko helburuen ildotik. Azken batean, hiriko auzoak hobeto konektatzea da gure asmoa, Mugikortasun Iraunkorraren eta Espazio Publikoaren Plana garatzen jarraitzea eta mugikortasun iraunkorra eta osasungarria sustatzea“, nabarmendu du Gorka Urtaran alkateak.

Arantxa Tapia pozik agertu da “Gasteizen mugikortasun elektrikora aldatzeko egindako urrats sendoagatik, esperientzia arrakastatsu hori pixkanaka Euskadi osora hedatzea aurreikusi baita”; zehazki, Donostiara zabalduko da datozen hilabeteetan. Sailburuak nabarmendu duenez, Eusko Jaurlaritzaren helburua da “Euskadin ibilgailu elektrikoaren sarrera sustatzea, garraioan energia-eraginkortasuna hobetzeko eta euskal industria-ehunean negozio aukerak handitzeko bitarteko gisa”. Azpimarratu du, halaber, “Euskadi mugikortasun eta garraioaren alorreko enpresa adierazgarrienetako batzuen egoitza” dela, eta “sektorearen garapen teknologiko aurreratua” goraipatu du, BEAren proiektuari osagai berritzailea eransten baitio, “euskal enpresak Europako abangoardian kokatzen dituena”. Tapiaren hitzetan, “lehentasunezkoa da garraio publikoaren sare integratu eta modernoa izatea, zerbitzu lehiakor eta erakargarria eskaintzeko gauza dena, ibilgailu pribatua baztertzea ahalbidetuz eta eredu energetikoki iraunkorraren alde eginez”.

Jarduneko Arabako diputatu nagusi Ramiro Gonzálezek, berriz, Arabako Foru Aldundiak Gasteiz hiriarekin duen konpromisoa nabarmendu du, baita erakundeen arteko lankidetzaren eta akordioen balioa ere. “Gaur aurkezten ari garen autobus elektriko adimentsuak erakusten du hori. Horixe da aurreko agintalditik aplikatzen ari garen formula arrakastatsua: lan irekia, elkarrizketa eta lankidetza. Hau da, XXI. mendean gobernatzeko modua. Hau da, erakundeen arteko akordio politikoak, sozialak, Arabak aurrera joatea ahalbidetzen dutenak. Oraingoan, leku iraunkorrago eta bizigarriagoa bihurtzeko, hiri eraldaketaren eta zerbitzuen hobekuntzaren bitartez”, esan du.

Irizar e-mobilityko zuzendari nagusi Hector Olabegogeaskoetxeak nabarmendu duenez, “proiektu hau oso garrantzisua da Irizar Taldearentzat, Gasteizko eta Euskadiko lehen sare %100 elektrikoa eta zero isurpenekoa izango delako. Giltza eskura erako proiektu bat da, hiri honen beharretara egokitua eta honek harro sentiarazten gaitu. Autobusak eta karga azkarreko azpiegiturak hornitzeaz gain, obra zibila eta komunikazio lanak ere egingo ditugu BEI proiekturako.  Horrela, Gasteizko hiria abangoardiako teknologian kokatzen lagunduko dugu hiri mugikortasunaren arloan”.

 13 abangoardiako autobus berri

Bea ezartzeko ia 35 milioi euroko inbertsioa egingo da (BEZik gabe). Besteak beste, 18 eta 12 metroko luzerako abangoardiako 13 autobus elektriko berri erostea eskatuko du, zeinek 10 kilometroko trazadura izango baitute, eta 24 geltoki noranzko bakoitzean. Puntako teknologiako ekipoak izango dira, berritzaileak, eta erosoagoak, herritarrentzat. TUVISAk eskainiko du zerbitzua, oraingo 2. linean, zortzi minutuan behingo maiztasunarekin, errei esklusiboak baliatuz ibilbidearen parte handi batean, eta hiriko leku garrantzitsuak lotuko ditu, hala nola Eusko Jaurlaritza, Arabako Unibertsitate Ospitalea eta Mendizorrotza.

Autobus berrien behin betiko osaera, diseinua eta beste xehetasun batzuk oraindik zehazteke daude, baina badakigu unitate txikiek gutxienez 65 pertsona (21 eserita) hartzeko lekua izango dutela, eta artikulatuek, berriz, gutxienez 100 pertsona (30 eserita). Gurpil aulkietarako hiru espazio ere eduki beharko dute, eta artikulatuek, haur-kotxeentzako aparteko lekua. Irisgarriagoak izan daitezen, autobus artikulatuek lau ate edukiko dituzte: bi aurrealdeko zatian, eta beste bi atzealdean. Ateak labainkorrak izango dira, eta barrutik zein kanpotik irekitzeko botoia izango dute, tranbiak bezala. Denek balioko dute sartu zein irteteko, txartelak markesinetan balidatuko baitira.

Hiru led pantaila ere eramango dituzte autobusek, erabiltzaileek ibilbideei, aldaketei, itxarote-denborei, geltokiei eta abarri buruzko informazioa izan dezaten. USB kargagailuak ere jarriko dira erabiltzaileentzat, eta artikulatuek maletentzako kaiola ere izango dute. Gidarien kontsolak, berriz, ibilbideei buruzko informazioa denbora errealean emango dute, baita autobusaren alderdi teknikoei edo gerta daitezkeen gorabeherei buruzkoa ere, eta autobusaren kontrola erosoagoa izango da. Gidariari laguntzeko sistemaz hornituta joango dira, gidatze automatikoz eta geltokira hurbiltzeko asistentziaz, zintarriaren eta ibilgailuaren distantzia txikiena izan dadin. Atzerako ispiluen ordez, kamerak izango dituzte.

Geltokiei dagokionez, markesinak tranbiak dituenen antzekoak izango dira, estetika modernokoak; txartelak erosteko eta balidatzeko makinez gain, informazio multimedia eta denbora errealean eskainiko da. Autobus elektriko adimentsua ezartzearekin batera, hainbat esku-hartze egin beharko dira espazio publikoan. Autobusek errei erreserbatuta batetik zirkulatuko dute, zeina 3,5 metro zabal izango baita, zatirik handienean, oraingo 2. linea periferikoa doan bidetik. Batzuetan, biribilguneak zeharkatuko dituzte, orain lorategi itxura duten lekuetatik. Esku-hartze handiagoak ere aurreikusi dira, esate baterako, Esmaltazioen inguruan, bi biribilgune batu eta biribilgune handi bat sortuko baita.

Bi kargatzeko puntu

Pantografo 2 estazio karga azkar jarriko dira ibilbideko bi puntutan, Mendizorrotzako geltokian eta Boulevardeko geltokian. Horri esker autobusak haien ibilbidean bertan 4 minutuan kargatzeko aukera izango da. Gainera, kotxetegietan 7 kargagailu adimendunak jarriko dira (2×50).

Irizar ie tram modeloa, Irizar Taldeko teknologia duen produktua da, bai elektronikan eta komunikazioetan zein ibilgailuaren sistema nagusietan: power train, baterien moduluak eta karga-sistemak.

Irizar ie tram zero isurpeneko autobus %100 elektrikoa da. Tranbiaren ezaugarri estetikoak ditu, eta uztartu egiten ditu tranbia baten edukiera handia, irisgarritasuna eta barruko zirkulazioa hiriko autobus baten malgutasunarekin.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  18 ekaina 2019 13:42

 

 

 

 

 

 

Dagoeneko banatu dira ardurak udal gobernuko hamahiru kideen artean

 

Gorka Urtaran audioa

Tokiko Gobernu Batzarrak agintaldiko lehenengo bilera egin du gaur goizean. Batzarra eratzea izan da lehen urratsa, eta idazkaria, Itziar Gonzalo, zein haren ordezkoa, Borja Rodríguez, izendatzea. Ondoren, ardurak udal gobernuko hamahiru kideen artean banatu direlarik, zinegotzi bakoitza egokitu zaizkion arlo, sail edo zerbitzuen zereginetan hasi da gaur bertan.

Gorka Urtaran alkateak lau alkateorderen izendapenak sinatu ditu gaur goizean: lehena, Maider Etxebarria; bigarrena, Ana Oregi; hirugarrena, Felipe García, eta laugarrena, Iñaki Gurtubai.

Honela banatu dira ardurak arloka:

Alkatetza: Gorka Urtaran  

  • Gazteria, Berdintasun, Bizikidetza eta Aniztasun eta Protokolo eta Erakunde Komunikazioaren ordezkaritza berezia duen zinegotzia: Miren Fernández de Landa
  • Euskararen eta Ikerketa Bulegoaren ardura duen zinegotzia: Iñaki Gurtubai

Lurraldea eta Klimaren aldeko Ekintza: Ana Oregi

  • Ingurumen Plangintza eta Kudeaketaren ordezkaritza berezia duen zinegotzia: César Fernández de Landa
  • Nekazaritza Eremuaren ordezkaritza berezia duen zinegotzia: Miren Fernández de Landa

Ogasuna: Iñaki Gurtubai

 Giza Baliabideak: Iñaki Gurtubai

Mugikortasuna eta Espazio Publikoa: Itziar Gonzalo

Kirola eta Osasuna: Livia lópez

 Ekonomia Sustapena, Enplegua, Merkataritza eta Turismoa: Maider Etxebarria

  • Enpleguaren, Merkataritzaren eta Biltzarren ardura duen zinegotzia: Felipe García

Gizarte Politikak, Adinekoak eta Haurrak: Jon Armentia

Hezkuntza eta Kultura: Felipe García

  • Kulturaren ordezkaritza berezia duen zinegotzia: Estíbaliz Canto

Herritarren Segurtasuna: Marian Gutiérrez 

Herritarren Partaidetza, Gardentasuna eta Gizarte Etxeak: Borja Rodríguez

  • Gizarte Etxeen ordezkaritza berezia duen zinegotzia: Estíbaliz Canto

Udal Administrazioa: Borja Rodríguez             

Alkateak gobernu-talde berriaren indarra nabarmendu du, azken agintaldietan kide kopuru handiena duena baita, eta oso prestatuta baitago “hiriak bizi duen une erabakigarriari” aurre egiteko, “hiria modernizatzeko proiektu estrategiko ugarirekin”.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  17 ekaina 2019 13:56

 

EAJ arlo hauetaz arduratuko da: Alkatetza; Ogasuna; Giza Baliabideak; Lurraldea eta Klimaren aldeko Ekintza; Mugikortasuna eta Espazio Publikoa, eta Kirola eta Osasuna

 

PSE-EE, berriz, beste hauetaz: Ekonomia Sustapena, Enplegua, Merkataritza eta Turismoa; Gizarte Politikak, Adinekoak eta Haurrak; Herritarren Segurtasuna; Udal Administrazioa; Herritarren Partaidetza, Gardentasuna eta Gizarte Etxeak, eta Kultura eta Hezkuntza

 

Gorka Urtaran audioa

Eusko Alderdi Jeltzaleak eta Alderdi Sozialistak Gasteizko Udaleko agintaldi hasi berrirako gobernu hitzarmena lotu dute. Alkate Gorka Urtaranek eta Talde Sozialistaren bozeramaile Maider Etxebarriak azaldu dutenez, hitzarmen horrek ahalbidetuko du Gasteiz erreferentziazko hiria izatea Europan bizi-kalitateari, lehiakortasun ekonomikoari eta iraunkortasunari dagokienez.

Udaletxean egin duten agerraldian, datozen lau urteetarako koalizio gobernurako hitzarmena lotu dutela jakinarazi dute, eta bi bazkideen arteko ardura banaketaren berri eman.

 

Alkateak azaldu duenez, “gobernua dagoeneko martxan da. Gizarte, ekonomia eta iraunkortasun alorretan Europa mailan erreferentziazko hiria izatea da gure helburu partekatua. Neuk gobernu plural eta askotarikoak aldeztu ditut beti, egonkortasuna ematen baitute. Aurreko agintaldian bi alderdiok elkarrekin izandako esperientzia oso ona izan da, baita emaitzak ere; horrenbestez, orain esperientzia handiagoa dugunez, emaitza are hobea izango da”.

Gorka Urtaranek nabarmendu du udal gobernuak ateak irekita izango dituela gainerako alderdiekin lankidetzan aritzeko. “Talde politiko guztiak hartu nahi ditugu kontuan Gasteizko proiektu estrategikoak garatzeko. Gobernu indartsua osatzen dugu, aurreko agintaldian baino indartsuagoa, osatzen dugunon kopurua handiagoa delako, eta gainerako talde politikoak ere kontuan hartu nahi ditugu aurre egin beharreko erronkei erantzuteko”.

Talde Sozialistaren buru Maider Etxebarriak, berriz, adierazi du Gasteizko gizarteak pluraltasunari irekitako gobernuak behar ditu[ela], askotariko identitateekiko begirunetsuak, dinamikoak, arinak, lehiakorrak, ulerkorrak. Azken batean, batzeko gai diren gobernuak, Gasteizek ongizate eta aberastasun aukerak sor ditzan biztanle ororentzat, eta agertzen diren oztopoak gainditu”.

Etxebarriak azaldu duenez, “Gasteizen, askotan, alferreko eztabaidetan galtzen gara, eta aurrera egiten uzten ez diguten elkarrizketa amaigabeetan. Batzuetan garrantzi handiagoa du erakusteak nork duen gehiengoaren giltza horri buelta emateak eta adostasunaren atea irekitzeak baino. Gaur giltzari buelta eman eta atea ireki dugu. Eta ate horren atzean, eraiki nahi dugun Gasteiz dago: hiri solidarioa, kohesionatua, enplegua duena, bizi-kalitate onekoa; gasteiztar oro benetan harro sentitzeko moduko hiria“.

Urtaranek eta Etxebarriak zehaztu dutenez, EAJ arlo hauetaz arduratuko da: Alkatetza; Ekonomia; Lurraldea eta Klimaren aldeko Ekintza; Mugikortasuna eta Espazio Publikoa; Giza Baliabideak, eta Kirola eta Osasuna. Orobat, TUVISA, Ingurugiro Gaietarako Ikastegia eta 21 Zabalgunea izango ditu bere kargu.

 

PSE-EE, berriz, beste hauetaz arduratuko da: Ekonomia Sustapena, Enplegua, Merkataritza eta Turismoa; Gizarte Politikak, Adinekoak eta Haurrak; Herritarren Segurtasuna; Udal Administrazioa; Herritarren Partaidetza, Gardentasuna eta Gizarte Etxeak, eta Kultura eta Hezkuntza. AMVISA, GILSA, Luis Aranburu Musika Eskola eta José Uruñuela Dantza Kontserbatorioa ere alderdi horren agindupean geratuko dira.

Azkenik, alkateak iragarri du datozen egunetan Tokiko Gobernu Batzarrera deituko duela, arlo bakoitzaz arduratzen diren pertsonak izendatzeko, baita alkateordeak ere. Ondoren, agintaldi honetarako gobernu plana ezagutaraziko da.

 

 

 

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  15 ekaina 2019 11:37

 

Gaur jabetu dira karguaz Udalbatzako kide berriak, osoko bilkuren aretoan; 27 zinegotzietatik 16 emakumeak dira

EAJ eta PSEren botoekin izendatu dute alkatea

Gorka Urtaran audioa

Gorka Urtaran Gasteizko alkate izendatu dute gaur, 2019-23 aldirako. Alkatetzan emango duen bigarren agintaldian gasteiztar oro batzen dituen izendatzaile komuna izaten ahaleginduko dela hitzeman du. “Oso kontuan izango ditut ideologikoki askotarikoa den hiri baten aniztasun politikoa eta kezka zein nahi ezberdinak, pasio bera partekatzen baitugu: gure hiria, Gasteiz“, esan du inbestidura hitzaldian.

Ekitaldia hasteko, adin-mahaia osatu da, zeina zinegotzi adintsuenak, Gema Zubiaurrek, zuzendu baitu, kide gazteenak, Estibaliz Cantok (PSE-EE), eta Udalbatzaren idazkari nagusi Martin Gartziandiak lagunduta. Ondoren, Udalbatzako kideek kargua zin egin edo agindu dute. 27 zinegotzietatik 16 emakumeak dira. Gero, alkatea hautatzeko isilpeko bozketa egin da.

EAJ-PNVko Gorka Urtaran eta EH Bilduko Miren Larrionek, biak beren alderdietako hautagaitzen lehenengoak, aurkeztu dute hautagaitza. Bozketan Gorka Urtaran Agirre izendatu dute alkate, 13 boto jaso baititu: bere alderdi EAJk eta PSE-EEk emandakoak. Karguaren zina egindakoan, mahaiaren lehendakariak makila eta udalaren domina eman dizkio.

Alkate hautetsi gisa dagoeneko, Gorka Urtaranek esan du herritar ororentzat gobernatzeko asmoa duela, Eusko Alderdi Jeltzaleari botoa eman diotenentzat zein gainerako alderdi politikoen alde egin dutenentzat. “Ahaleginduko naiz batzen gaituen izendatzaile komuna izaten Gasteiz den proiektu partekatu honetan, eta superhiri europar bat osatzeko erronkan, bikaintasuna bilatzen duen eta bizi-kalitatean, lehiakortasun ekonomikoan eta iraunkortasunean erreferentea izan nahi duen superhiria”, adierazi du.

Bere lehentasunetako bat hiriaren modernizazioan inbertitzea dela azpimarratu du, ongizate maila handiagoak lortzearren. Ekonomia, industria eta enplegua ere oinarrizko ardatzak izango ditu, funtsezko elementuak baitira Europan lehiatzeko. “Gure hiriaren etorkizuna euskal eredu ekonomikoan oinarritzen jarraitu behar dugu, lau hanka hauetan: industria, inbertsioa, berrikuntza eta nazioartekotzea. Enplegu duina eta egonkorra sortzea da nire helburua”, erantsi du.

Orobat, iraunkortasunak markatuko du agintaldi hau. “Guztiz inplikatuta gaude Nazio Batuen 2030 Agendarekin eta garapen iraunkorreko helburuekin. Ez gara alferrik helburu horietan betetze maila handiena duten hirietako bat Estatuan”.

Helburu horiek guztiak betetzeko, alkateak badu estrategia partekatu bat, Gasteizen indarguneetan oinarritzen dena: aurreko agintaldian abiarazitako 2025 Estrategia. “Planak, proiektuak eta jarduerak ditugu, eta horiek osatzen dute gure agenda, Gasteizko agenda, Gasteiz eta gure etorkizuna muinean duena”, azpimarratu du Gorka Urtaranek. Agenda horretan hainbat mugarri agertzen dira: abiadura handiaren etorrera; hiriko 28 auzoak; Mendizorrotzeko futbol-zelaia eraberritzea; tranbia hegoaldera, Salburura eta Zabalganera hedatzea; autobus elektriko adimentsua ezartzea; Senda ibilbideko auditoriuma; Principal antzokia eraberritzea; Merkataritza Saila sortzea; Gasteiz Convention Bureau birmoldatzea… “Agenda horretan funtsezkotzat jotzen dira gizarte-integrazioa eta -kohesioa, beharrezko osagaiak baitira gure ongizate eta bizikidetzarako”.

“Gaur etapa berri bati ekingo diogu. Etapa horretan, elkarrizketak, ulermenak eta adostasunak izan behar dute nagusi. Berebiziko ahaleginak egingo ditut Udalean gobernua-oposizioa dikotomiaren ordez gobernua-lankidetza bikotea nagusitu dadin”. Gainerako alderdiei zuzendu zaie, eta hau esan: “hitz ematen dut zuek guztiok aintzat hartuko zaituztedala, elkarrizketaz eta adostasunaz baliatuz, zuen ekarpenak kontuan izango ditudala, ahaleginak koordinatuko, eta lankidetza eta ulermen giroa sustatuko. Batzeko eta elkarlanean aritzeko unea da“. Azkenik, alkateak zin  egin du dedikazioz, leialtasunez, zintzotasunez, gardentasunez eta gertutasunez lan egingo duela, betiere gure hiriaren interesak defendatuz.

Share
Kategoriak: Fotonotizia  —  Etiketak: , ,   —  Komunikazio Zerbitzua / Servicio de Comunicación  —  7 ekaina 2019 12:38

 

Alkatea, Gorka Urtaran; Kultura, Hezkuntza eta Kirol zinegotzia, Estíbaliz Canto, eta Emakumeen Lasterketaren organizatzaileak, Feria irekitzeko ekitaldi ofizialean. Lasterketa igandean izango da, 11:00etatik aurrera, Mendizabalean hasi eta bukatzen delarik. Ferian eman behar da izena, eta dortsalak jaso; orobat, kirola eta elkartasuna batzen dituen probaren xedearekin bat egin duten gizarte elkarte eta erakundeak daude bertan.

 

Share
Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  6 ekaina 2019 11:51

 

– “Vive en verde. Bizi berdea” leloak sendotu egiten du Gasteizek bost arlo hauetan duen proiekzioa: kirol-turismoa, izadi-turismoa, enogastronomikoa, kulturala eta familiarra

 – Irudi berria sektoreak eta talde politikoek 2018-2020 aldirako Turismoko Gida-planean adostutako estrategiaren emaitza da

 

Udako aurtengo kanpainan Gasteizek irudi eta eslogan turistiko berriak estreinatuko ditu; Gorka Urtaran alkatearen hitzetan, hauxe lortu nahi da hartara: “Gasteiz zenbait merkatutan kokatzea, hiriaren berezitasun turistikoa sendotzea “green” ikuspegitik, eta komunikazioaren lehen lerroan jartzea Gasteizek eskaintzen eta bizi duen hiri iraungarriaren kontzeptua. Hiriak berezko dituen ahalmenak biderkatu egiten dituzte merkatuak oso positibotzat jotzen dituen iraungarritasunaren balioek. Gasteizek aurrerapen nabarmena egin du Green Capital eta Biosphere turismo-helmuga jasangarri gisa kokatzean, eta horren isla da sendotzen jarraitu nahi dugun marka turistikoa”.

Vive en verde. Bizi Berdea” lelopean, kanpaina berria 6 helburu zehatzekin diseinatu da: Gasteiz erreferentziazko turismo- eta kongresu-leku jasangarri gisa kokatzea; estatuan erreferentziazko marka turistiko jasangarria sendotzea; Foru Aldundiaren, Eusko Jaurlaritzaren eta Turespañaren eskutik Gasteizek Euskadin, eta esparru nazional eta nazioartekoan duen posizionamendua sendotzea; produktu eta zerbitzu turistikoen kontsumoa –eta, ondorioz, baita eskaera ere– urte guztira zabaltzea; turista-fluxu handiagoak erakartzea Gasteizera, promozio-tresna eraginkor eta eskaera-profil desberdinetara ondo egokitutako produktuen bitartez; eta, azkenik, adierazle turistikoak hobetzea, bisitarien batez besteko egonaldiari eta gastuari, eta turismo-enpresen errentagarritasunari dagokienez.

Madrilgo eta Frantziako turistak helburu

Gasteizko 2018-2020 aldirako Turismoko Gida-planean Gasteizko turismoaren sektoreko agenteek hiriarentzako lehentasunezko turismo-merkatuen artean, Madril nabarmendu du estatuan, eta Frantzia nazioartean. Lehentasunezko beste merkatu batzuk –askotan Gasteizekiko airetiko lotura tarteko– Katalunia, Valentzia, Bartzelona, Andaluzia, Erresuma Batua, Alemania eta Italia dira.

Mezu nagusi bat, eta bost berariazko

Gasteizen irudia zenbait euskarriren bitartez zabalduko da. Horrenbestez, iragarki nagusi bat diseinatu da paperean zabaltzeko, eta handik eratorrita beste bost, zabaldu nahi diren bost mezuetako bakoitzarentzat bat. Horrez gain, gif formatuko animazioak egongo dira mezuetako bakoitzarentzat, eta baita ikus-entzunezko saio txikiak, bitarteko digitaletarako.

Hauexek dira Turismoko Gida-planean adostu zen haritik sustatu nahi diren bost ardatzak: kirolarekin loturiko turismoa, izadi-turismoa, turismo enogastronomikoa, turismo kulturala eta turismo familiarra.

Turismoak Vitoria-Gasteizko BPGri urtero 500 milioi euro baino gehiago eskaini diezaiola helburu du Udalak.

“Gure hiriak sektore profesional lehiakorra eta engaiatua dauka, bere garapenean modu aktiboan diharduena. Gero eta hobeto baliatzen ditugu gure ahalmenak. Lanean gero eta gehiago jotzen dugu maila goreneko estandarretara, kalitateari eta erantzukizunari dagozkienetan. Gasteiz ondo komunikatu eta konektatutako hiria da. Argi dugu, baita, ikuspegi estrategiko horretan funtsezkoa dela gasteiztarren zeregina. Gasteiztarrak hiri abegikor baten isla dira, ondare kultural eta natural handiko, eta bere izaeraz eta tradizioez harro dagoen hiri batena. Badakigu zein esparru turistikotan kokatu gaitezkeen, zein aukera balia ditzakegun, eta badugu garrantzitsuena: ikuspegi bateratu baten arabera aritu diren lan-taldeen artean adostutako estrategia. Eragile guzti-guztiok eskutik goaz, eta hori oso garrantzitsua da hiria ongi posizionatzen asmatzeko.

Horrez gain, alkateak gogoratu du Gasteizen estrategia turistikoak 2025 Hiri Estrategiaren baitan dago. “Instituzioen eta ekimen pribatuaren laguntza bitarte, proiektuak batzeko une erabakigarria bizi dugu. Egonkortasun-garaiak ditugu, berpizte ekonomikoa eta aukera berriak ditugu eskura. Gure zeregin kolektiboa une hau aprobetxatzea da, eta ondo aprobetxatzea. Eta estrategia egiazko eta konpartitu horretan, eredu turistikoak hiri-eredu izan behar du. Eredu bat non iraungarritasuna balio-kate osoan agertuko den. Eta begitik kendu gabe orain artean turistikotzat jotzen ez ziren alor jakin batzuetan. Finkatu egin nahi dugu Green Capital marka turistikoa Gasteiz jomugaren ezaugarri gisa, marka bat non enpresa-onurak eta gizartearen beharrak elkar osatuko duten”.

 Kultura-turismo spot

Enogastronomia Turismo spot

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  31 maiatza 2019 10:47

Aguado Cabezudo enpresari adjudikatu zaizkio lanak 125.828,08 euroan (BEZa barne).

 Bolibar herriko zubia berritzeko lanak Construcciones Aguado enpresari adjudikatu dizkio Gasteizko Udalak, udalerriaren hego-ekialdeko menpeko toki erakunde horretako administrazio-batzarraren aspaldiko eskaerari erantzuteko hartara.

Adjudikatu den proiektuak 125.828,08 euroko (BEZa barne) aurrekontua du.

Santo Tomas ibaiaren gaineko pasabidea azpiegitura oso zaharkitua da, eta gaur egun ura hartzeko ahalmen mugatua du; horren ondorioz, uholdeak sortzen dira inguruetan, euriteak daudenean. “Maiz gertatu da hori azken urteetan, eta horregatik ekingo diogu obrari. Funtsean, egungo pasabidea eraitsi eta berri bat eraikiko da”, azaldu du Gorka Urtaran alkateak.

Santo Tomas ibaiak zeharkatzen duen kale nagusi batek osatzen du Bolibar herria. Beste sarrerarik ez duten etxebizitza batera eta hainbat sorotara sarbidea ematen du kale horrek. Zubia hormigoizkoa da, eta ahalmen mugatua du; hori dela eta, eraitsi eta berria eraikiko da. Pasabide berria ere hormigoizkoa izango da, barandak izango ditu bi aldeetan —oinezkoentzako igarobideetan—, hobea izango da eta, batez beste, 1,20 metroko altuerako eta 3,50 metroko zabalerako sekzio hidraulikoa izango du, ibaiak gainezka ez egiteko nahikoa. Ibaiaren ubidea ere zabalduko da.

Bidenabar, edateko uraren banaketa-sarea eta saneamendu-sarea hobetuko dira. Era berean, argiteria hobetzeko aprobetxatuko da; led teknologiako farola bat jarriko da, lau metroko zutabe baten gainean. Hiru hilabetean egingo dira lanak, adjudikatzen direnetik.

 Aretxabaleta, Berroztegieta eta Mendiolako bideak hobetuko dituzte

Bestalde, Gobernu Batzarrak oniritzia eman die Gasteizko udalerriko landa-bideak egokitzeko lanei; administrazio-batzarren titulartasuneko bideak konponduko dira honako gune hauetan: Aretxabaleta-Gardelegi, Berroztegieta eta Mendiola. Obra horiek 2019rako lehentasunezko jardueren planaren barruan daude, eta 193.367,75 euroko (BEZa barne) aurrekontua dute, guztira. Arabako Foru Aldundiak lanak finantzatuko ditu, erdizka.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  24 maiatza 2019 11:48

Kontratuaren iraupena 24 hilabetekoa izango da, 2020ko urtarrilaren 1ean hasita, eta 306.000 euroko aurrekontua izango du

Tokiko Gobernu Batzarrak gaur onetsi du gazteentzako kultura eta aisialdi sortzaile eta osasungarria sustatzeko Gauekoak programa kontratatzeko dosierra. Kontratuaren iraupena 24 hilabetekoa izango da, 2020ko urtarrilaren 1ean hasita, eta 306.000 euroko aurrekontua izango du

Hirian sendotuta dagoen eta agintaldi honetan talde politiko gehienen babesarekin berreskuratutako programa honek hiriko beste entitate publiko zein pribatuk bultzatutako programazio eta ekimenak osatzen ditu.

“Gazteen bizipenetatik abiatuta, aisialdia kontzientzia-hartze bat ere izan daiteke, identitatea osatzen den bizi-esparru bat, esperimentatu eta sortzeko espazio bat, denbora hezigarri bat, parte hartzekoa, ludikoa, emantzipatzailea, adikzioei aurre egitekoa, berdinzalea, integratzailea, osasungarria, esperimentaziorakoa, inklusiboa. Aisialdia ere eraiki, berrasmatu eta gozatu egiten da. Aisialdia gure gazteentzako harreman-, olgeta- eta adierazpen-gune bihurtzen da hartara. Ildo horretatik, Gauekoak programa gazteen energia, indar eta sormenaz elikatzen da, eta gazteen konplize bihurtzen da beren aisialdia sortzeko prozesuan, hartara beren bizi-kalitatea hobetzen delarik”, azpimarratu du Gorka Urtaranek.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:33

Gaur jaso du Tokiko Gobernu Batzarrak Hiri Antolamenduko Plan Orokorraren Aurrerapenaren dokumentua, Gorka Urtaran alkateak jakinarazi duenez. Trion-Usandizaga eta Ekain PGOU aldi baterako enpresa-elkarteari esleitu zitzaion lana, 2017an, 960.000 euroan.

Hainbat liburukik osatzen dute jasotako lana. Lehenengoan, hirigintza-informazioa jorratzen da; bigarrenean, proposamenak eta alternatibak, eta, hirugarrenean, dokumentazio grafikoa eta eranskinak daude jasota.

Aurrerapenean jaso beharrekoak ziren zenbait atal geroko faseetara atzeratu dira, hainbat arrazoi direla medio, hala nola udal estrategietako bakoitzaren egungo egoera edo aurrerapenaren dokumentuaren beraren izaera irekia.

Etorkizuneko antolamenduak, zein hainbat partaidetza-prozesutan ere landu baita —politikarien, teknikarien eta herritarren artean—, “udalerriaren etorkizunari begiratzen dio, eta abian edo proiektatuta dauden proiektu estrategiko handiak uztartu eta sinkronizatzen. Gasteiz une erabakigarrian dago, hiri-eredu berri horretan mugarri izango diren hainbat plan estrategiko baititu aurrean: trenbidea lurperatzea eta abiadura handiko trena, Mugikortasun Iraunkorrerako Plana berrikustea, hondakinen plan berria eta beste”, azaldu du Gorka Urtaranek.

Genero-berdintasuna, haurren ikuspegia eta hirigintza ekosistemikoa barne hartzen dituen hirigintza

 Gainera, Gasteiz berriko antolamendu urbanistikoak barne hartzen dituen hiru begiradak gogora ekarri ditu. Alde batetik, genero-berdintasuna, hainbat faktore hartuko baitira kontuan, hala nola baliabideak eskuratu eta kontrolatzeko aukerak gizon eta emakumeen artean —espazio publikoa, espazio urbanoak, ekipamendu publikoak, dirua—, garraio- eta mugikortasun-bitartekoak, denboraren erabilerak, kontziliazio erantzunkidea, ordutegiak edo segurtasuna, mugikortasuna eta garraioa, etxebizitza eskuratzeko aukerak, espazio publikoen egokitasuna gizon eta emakumeen beharretarako, plangintza-erabakietan parte hartzea eta beste.

Bestetik, plangintza berriak ume eta nerabeen ikuspuntua ere integratuko du, foro egokitu baten bitartez.

Gainera, Gasteizek irizpide ekologikoak, baliabide-kontsumoaren eraginkortasuna eta bizi-kalitatea kontuan hartuz aztertuko du bere hirigintza-plangintza. Gorka Urtaran alkateak Hirigintza Ekosistemikoaren Gutuna sinatu zuelarik hartutako konpromiso nagusietako bat da hori.

Horrela, hiriak berrantolatzeko eredu berriarekin bat egiten du Gasteizek, iraunkortasunaren eta bizi-kalitatea hobetzearen aldeko konpromisoa dela medio. “Gasteizen ezaugarri dira hazkunde orekatua, kalitateko hirigintza eta ingurumenarekiko gero eta kezka handiagoa. Ez dugu ikuspegi hori galdu behar. Duela hamar urte, egitura morfologiko eta funtzionalean aldaketa esanguratsuak zekartzan hazkunde-prozesu handi batean murgilduta geundelarik, jarri ziren hiri-plangintza iraunkor eta adimentsu baten aldeko konpromisoaren oinarriak. Unea iritsia da etorkizunerako nolako hiri-eredua eraiki nahi dugun birplanteatzeko, maila guztietan. Hiri trinkoa aldezten dugu, sozialki kohesionatua eta eraginkorra”, nabarmendu du alkateak.

Share

Aurrekoak »