Prentsa Oharren banner

Jendetza eta giro handia 2018ko Eguberrietako azokan

Kategoriak: Fotonotizia  —  Etiketak: , ,   —  Komunikazio Zerbitzua / Servicio de Comunicación  —  20 abendua 2018 13:53

 

 

 

 

 

 

Gasteizko alkate Gorka Urtaran, alkateorde Peio López de Munain eta Vital Fundazioaren lehendakari Jon Urresti 2018ko Eguberrietako azokan izan dira, Espainia plazan; giro handia zegoen bertan. Vital Fundazioak antolatzen duen azokan —61. edizioa da aurtengoa— 138 saltoki jarri dira, askotariko produktuak eskaintzeko: gastronomia, artisautza eta oilategiko hegaztien erakusketa eta salmenta; tokiko produktuen presentzia handia nabarmendu behar da. Aurten, berritasun gisa, “Zero plastikoa” ekimena jarri da abian, azoka plastikorik gabeko lekua bihurtu dadin.

Share

Gasteizek Haurren Lagun diren Hirien zigilua jaso du Oviedon, zeinaren bidez Udalak ume eta nerabeen alde egindako lana aitortzen baita

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  27 azaroa 2018 13:15

 

Gorka Urtaran alkateak Haurren Lagun diren Hirien zigilua jaso du gaur Oviedon, zeinaren bidez Gasteizko Udalak umeen alde egindako lana aitortzen baitu UNICEFek. Asturiasko hiriburuko biltzar eta erakusketa jauregian izan da ekitaldia, eta Espainiako beste udal batzuek ere jaso dute ziurtagiria.

Haurren Lagun den Hiriaren zigiluak lau urteko indarraldia du, berritu daitekeena. Horren bidez, haur eta nerabeen eskubideak betetzea kontuan hartzen duten politikak garatzen dituzten udal gobernuen jardun ona aitortzen da.

Gasteizko Udalak, Haurtzaro eta Senitarte Zerbitzuaren bitartez, urtebetetik gora eman du hautagaitza prestatzen eta udaleko sailetan zeharkako ikuspegi komuna ezartzen, haien ekintzetan haur eta nerabeak (40.000 dira hirian) aintzat har ditzaten.

Horren emaitza izan da berriki aurkeztutako Gasteizko Haur eta Nerabeentzako II. Plana: Udala lantzen ari den 100 ekintza jasotzen ditu, eta funtsezkoa izan da UNICEFen aitorpena jasotzeko.

Urtaran alkatearen hitzetan, ziurtagiria “urteetan txikienengan zentratu den udal jardunaren aitorpena da. Orain jasotzeak adierazten du bide onetik goazela eta, hemendik aurrera, hobetu egingo dugula haur eta nerabeei ematen diegun arreta, bereziki ahulenei”.

Gizarte Politiken zinegotzi Peio Lopez de Munainen ustez, “ez dugu aitorpen hau jasotzearekin konformatu behar. Landu berri dugun Haur Plana garatzen jarraitu behar dugu, baita sail guztien artean beste gai batzuk jorratzen ere. Haur eta nerabeak hiriaren zati aktibo direla ikusarazi behar dugu, parte hartzen eta egiten duguna zaintzen duten eta Udalari eskaerak egiten dizkioten pertsonak direla”.

Haurren Lagun diren Hirien zigiluak banatzeko ekitaldian 500 pertsonak hartu dute parte, 200 udalen izenean; Oviedoko alkate Wenceslao López eta Espainiako Unicefen lehendakari Gustavo Suárez Pertierra ere izan dira bertan.

 

Share

2019rako aurrekontu-proiektua 388,3 milioi eurokoa izango da (% 6,5 hasita), hots, azken zortzi urteetako zifrarik handiena

Kategoriak: Prentsa oharrak  —  Etiketak: , , , ,   —  Komunikazio Zerbitzua / Servicio de Comunicación  —  6 azaroa 2018 14:35

 

 

 

 

 

 

Gorka Urtaran audioa

  • Inbertsioek 36 milioi euro joko dute, iaz baino % 27,15 gehiago
  • 1.000 lanpostutik gora sortzea aurreikusten da inbertsioen eta tokiko enplegu-planen garapenaren artean
  • Jasotako zulo ekonomikoa 68 milioi eurotik 17ra jaitsiko da agintaldia amaitzerako

 Enplegu-sorkuntza, zorroztasun ekonomikoa, inbertsioaren hazkuntaz eta Vitoria-Gasteiz 2025 Estrategiaren proiektuen sustapena. Horiek dira Gorka Urtaran alkateak eta Peio López de Munain eta Itziar Gonzalo alkateordeek aurkeztu duten 2019rako udal aurrekontu-proiektuaren lau giltzarriak. Nabarmentzen den lehen kontua proiektuaren guztizko kopurua da, 388.316.846 euroko, hots, aurtengoa baino % 6,55 handiagoa. Sail guztiek izango dute gastu ahalmen handiagoa,hurrengo hauek izango direlarik hazkuntza handienekoak, zifra absolututan: Enplegua (+ 3,93 milioi), Hirigintza (+ 3,86 milioi), Gizarte-Politikak (+ 3,31 milioi) eta Kultura, Hezkuntza eta Kirolak (+ 2,51 milioi). Beste alderdi azpimarragarri bat Gizarte Kontseiluaren lehentasunen txostenean adierazitako proposamenak aintzat hartu izana da.

“Azken zortzi urteotan Gasteizko Udalak izan duen aurrekontu onenez ari gara, eta hori Udalaren osasun ekonomiko onaren adierazle garrantzitsua da. Inbertsioen aldeko aurrekontua da, alderdi hori % 27,15 hasiko baita 2018koarekin konparatuta. 36 milioi eurotik gora berezi dira Vitoria-Gasteiz 2025 Estrategian aurreikusitako proiektuei bultzada sendoa emateko asmodun inbertsioetarako, eta horrek lanpostu ugari sortzea eragingo du”, azaldu du Gorka Urtaran alkateak.

2019rako aurrekontuko ekimenek lan-merkatuan izango duen eraginaren froga dira inbertsioetarako diruari esker sortuko diren 545 enplegu zuzenak. Horri gehitu egin behar Vitoria-Gasteiz Enplegu Planaren eta Gazteentzako Enplegu Planaren ondorioz egingo diren kontratazioak, guztira 400dik gora, eta baita Udaltzaingoko 60 agente berriak.

Lopez de Munainek aurrekontu-proiektuaren ardatz nagusia pertsonak direla azpimarratu du. “Aurrekontu on bat dugu hizpide, proiektu, programa eta zerbitzuei ateak irekitzen dizkiena, gaurko beharrei erantzun eta etorkizun gertukoak aintzat hartzen dituena, betiere baliorik handiena ahaztu gabe, pertsonak alegia. Kontuan hartzen ditu adinekoak, bizi-kalitate on baten eske; familien beharrei erantzuten die, kolektibo soziosanitario ugariri begirako programak sustatzen ditu, bizilagunen parte-hartzea bultzatzen du, tokiko artisten sormena babesten du, tokiko kultura suspertzen du, gure kaleak seguruago bihurtzen ditu, eta garapen ekonomiko eta sozialaren zerbitzuan jartzen du kirola. Gorantz datorren aurrekontua da, Gasteizen garapen ekonomikoa ahalbidetzen duena, kohesio sozialaren, hazkuntza iraungarriaren eta bizilagunen ongizatearen alde egiten duena”, azpimarratu du alkateordeak.

Inbertsioa eta enplegu sorrerarekin batera proiektuaren beste ardatzetako bat datorren urterako kontuen diseinuan zorroztasun ekonomikoaren arabera jokatzea izan da. 2019rako aurrekontuaren aurreikuspenen arabera, Udalaren zor bizia 78,94 milioi eurotaraino murriztuko da agintaldia amaitzen denean; 2015eko ekainean 98,75 milioitan zegoen. Horrekin batera, egungo udal gobernuak jaso zuen 68 milioi euroko zulo ekonomikoa 17 milioitaraino murriztuko da agintaldiaren amaieran. Zifra horiei TEPEFen (Arabako Foru Aldundiarekiko zor biziaren funtsa) Gasteizko Udalari aitortzen zaion zorra 18 milioi euroko murrizpena gehitzen bazaio, Urtaran gobernuak agintaldiaren hasieran jaso zuen finantza-karga osoa ia 90 milioi euro baino gehiagotan murriztuko da lau urteko epean.

Kanpo- eta barne-mugikortasun hobea

Mugikortasuna da 2025 estrategiaren lehen ardatza, eta baita, aldi berean, 2019rako aurrekontu-proiektuaren erronka nagusietako bat. Horren baitan, inbertsioak aurreikusten dira proiektu-multzo handi batentzako:

  • Tranbia hegoalderuntz: 1.092.000 € 2019an (2.674.950 € 2020an)
  • Salbururanzko tranbiaren lanen hasiera: 106.000 € 2019an (8.586.000 € 2020an)
  • BEA abiaraztea: 3.702.750 € 2019an (1.000.000 € 2020an)
  • Ariznabarreko aparkalekua (138 leku): 365.000 €
  • Autobusentzako kotxetegi berriak: 300.000 € 2019an (1.500.000 € 2020an)
  • Latinoamerika plazako biribilgunea lurperatzea: 2.000.000 € 2019, 2020 eta 2021 artean
  • 5 autobus hibrido berri: 1.665.000 € 2019an
  • Txirrindularientzako azpiegiturak: 200.000 € 2019an
  • Bide-segurtasuna hobetzeko plana + inbertsioak: 300.000 euro 2019an.

Barne-mugikortasunaren baitako funtsezko elementu bat espazio publikoan egin beharreko esku-hartzeak dira, halako moduan non oinezkoentzako lekua irabaziko den, eta inguru garrantzitsuak indarberritu. Ildo horri jarraiki, aurrekontu-proiektuak 3.000.000 €-ko inbertsioa aurreikusten du Santa Barbarako lanen amaierarako eta beste 1.396.937 € a través del Espazio Publikoaren Gida-planaren bitartez.

Kanpo-mugikortasuna sustatzeko politiken zati handiena trenbidea lurperatzea (erakundeen arteko hitzarmena bitarte) eta Forondako aireportuaren sustapena (zein 24 orduko lan-jarduna berreskuratzetik gertu dagoen) dira; horrenbestez, VIA sozietatearentzako ekarpena 310.000 €-taraino igo da.

Gasteiz, hiri industrial eta logistikoa

2025 Estrategiaren bigarren ardatzak erronka egiten du industriaren eta logistikaren aldeko espezializazio ekonomikoaren alde, eta horren isla aurrekontu-proiektuan, nabarmen igo da Enpleguaren eta Garapen Ekonomiko Iraunkorra sailari bideratutako kopurua (6,43 milioi euro 2018an, 10,37 milioi 2019an).

Kopuru horretatik, milioi bat euro industriguneak erakargarriago egiteko, inbertsioetara bideratuko da, eta hartara jarraikortasuna emango diogu Industria Planari. Beste kopuru handi bat –4,78 milioi euro– enplegua sustatzearekin loturiko aurrekontu-partidetara joango da; besteak beste Vitoria-Gasteiz Enplegu Planak eta Gazteentzako Enplegu Planak 400 pertsonatik gora kontratatzeko aukera emango du.

Gainera, 2018an sustatu den Future Logistic & Mobility Lab eta Jundizko plataforma multimodala bezalako proiektuei esker hiriaren nortasun berritzaile eta logistikoa indartuko da. Era berean, Michelin Hirien Munduko biltzarrak Gasteiz etorkizuneko industriei, iraunkortasunari eta aldaketa klimatikoaren aurkako estrategiei lotutako politiken erreferente bezala erakutsiko du. Ekimen hau ere aurrekontu proiektuan aurreikusita dago.

Tokiko merkataritzarentzako laguntza ekonomikoak ere izango du isla 2019rako aurrekontuan: 780.000 € bideratuko dira dinamizazio-ekintza, laguntza ekonomiko eta sektoreko elkarteekiko hitzarmenetarako. Enpresa-ehunaren babesa ere protagonista izango da datorren urteko kontuetan: 310.000 € dinamizazio ekonomikorako, 100.000 € inbertsioak sustatzeko, eta 100.000 € ikus-entzunezkoen ekoizpena sustatzeko deialdirako.

Hiri berde eta iraunkorra

2025 estrategiaren hirugarren ardatza politika iraungarrien sustapena da, eta 2019rako aurrekontuan partida ugari daude asmo horrekin, esaterako:

  • Obrak auzoetan, Vitoria-Gasteiz Hobetuz programaren baitan: 2.300.000 €
  • Espazio Publikoaren Gida-plana 1.396.937 € (Tornay medikuaren kalea zaharberritzea eta beste esku-hartze batzuk)
  • Koroatzeko proiektua: 1.000.000 € (eta beste 1.740.000 € datozen urteetan), beroa sortzeko galdararen obrak, eta Aldabe kalea, Ziudadela plaza eta Aldabe plaza zaharberritzeko lanak egiteko kontratazio txostenen hasiera.
  • Erdigunerako Masterplana: 350.000 €, eta zaharberritze eta biziberritzeko beste esku-hartze batzuk, esaterako Eskoriatza-Eskibel jauregian (160.000 € 2019an eta 826.087 € 2020an).
  • Larragorri parkea: 450.000 €, Ura agentziarekiko hitzarmen bidez hegoaldeko ibaietan esku-hartze batzuk egiteko, zeinek parkea egitea ahalbidetuko duten.

Aipatzekoak dira baita berdeguneak zaindu eta garatzera bideratuko diren 4.286.115 €-ak , eta Ingurugiro Gaietarako Ikastegiaren bitartez bideratuko diren inbetsioak, 2.452.034 € guztira. Beste 300.000 euro argiztapen ekipoak LED teknologiarekin ordezkatzeko programara joango dira.

Bizi-kalitate oneko hiria

Pertsonen bizi-kalitatea bermatzera zuzenduriko ekintzek 2025 Estrategiaren beste ardatz bat osatzen dute, eta horren baitan kopuru eder bat joango da oinarrizko zerbitzu publikoetara eta gizarte-kohesioa hobetzeko ekimenetara.

Hor kokatzen dira, esaterako, gizarte politiken sailera (zein Gasteizen identitate-ikurra den) zuzendutako 41.423.133 €-ak, hau da, iaz baino  3.314.389 € gehiago. Atal honetan azpimarratzekoa dira adinekoak artatzeko zerbitzuak, betiere bere inguru komunitarioan: 11.141.425 € Etxean Laguntzeko Zerbitzuarentzako, 2.935.789 € adinekoentzako zentro soziokulturalentzako, 486.356 € garraio-zerbitzuetarako, eta 293.700 € egoitzetan animazio jarduerak egiteko.

Gizarte laguntzek (Gizarete arreta eta Gizarte Larrialdiko Laguntza) 8.913.637 €-ko gastua eskatuko dute, eta familientzako laguntzak isla izango du, besteak beste, Gurasoen aurkako Indarkeria Egoeretan Garaiz Esku Hartzeko Programan (83.993 €) eta babes gabezia arin edo moderatuko egoeran dauden familiei laguntzeko programen sustapenean (erresilientziak 252.349 € eta gizarte- eta hezkuntza-zentroek 1.276.362 €).

Udal aurrekontuetako milioi erdi euro hogeita hamar kolektibo soziosanitario ingururentzako izango dira, gaixo, mendekotasuna duten pertsona eta abarrei eskaintzen dizkieten programa eta zerbitzuak garatu ahal ditzaten; bestalde, beste 11, 1 milioi euro Etxean Laguntzeko Zerbitzuarentzako izango da.

Hona bizi-kalitatean zeresana duten beste zerbitzu batzuk, 2019rako aurrekontu-proiektuaren ikuspuntutik:

  • Berdintasuna: 572.070 € jasoko ditu, besteak beste Etxanobetarren jauregia Gasteizko Emakumeen Etxe bihurtu eta lanean abiarazteko.
  • Bizikidetza eta aniztasuna: 513.000 €, horietatik 200.000 Bizikidetza eta Aniztasun Planaren garapenerako.
  • Gazteria: 730.695 € Gazte Plana eta antzekoak garatzeko.
  • Nekazaritza Eremua: 2.102.050 €, eta 200.000 €-taraino bikoiztuko da herrietan obrak egiteko inbertsioetarako kopurua

Zerbitzu orokorrei dagokienez, TUVISAk 15.928.342 €-ko partida izango du, eta hiri-garbiketak, hondakin-bilketak, birziklapena eta tratamendu-planten ustiapenak 37.151.713 €-ko aurrekontu globala.

Harro egoteko moduko hiria

2025 Estrategiaren bosgarren ardatzak harro egoteko moduko hiria du hizpide: hiriaren promozioa, kultur proiektuen sustapena eta Gasteiz kirolaren hiri gisa aldarrikatzea.

935.000 € inbertituko dira, zenbait partida ekonomikotan, Gasteiz turismo-helmuga gisa sustatzeko. Datorren urteko mugarri garrantzitsuenetako bat IWINETC Nazioarteko Enoturismo Biltzarra izango da, eta horretarako 80.000 € berezi dira.

Kultura eta euskararen alorrean, Principal antzokiaren zaharberritzeak 70.000 euroko partida du aurrekontu-proiektuan, eta 930.000 euroko konpromiso-kreditua 2020rako. 800.000 € berezi dira Ruiz de Bergara jauregia Gasteiz Antzoki bihurtzeko, eta beste 1.400.000 € 2020an. Hiriko ekitaldi handi batzuk, esaterako Azkena Rock eta FesTValek 270.000 eta 175.000 euro jasoko dute, hurrenez hurren.

Datorren urtea inflexio-puntua izango da Gasteiz kirolaren hiria bihurtzearen aldeko Urtaran gobernuaren erronkaren baitan. Kirol ekimenen alorrean, azpimarratu behar dugu saskibaloiaren nazioarteko erreferente bihurtuko dela Gasteiz, bertan egingo baitira Euroligako Final Four eta Erreginaren Koparen finala. Beste hitzordu garrantzitsu batzuk dira Gasteizko Ironman (95.000 €-ko laguntza) eta Martín Fiz maratoia (21.700 €).

Hiru inbertsio-multzo handi aurreikusten dira kirol-azpiegiturei dagokienez: batetik, Beti Jai eta Astronomoen, Adurtzako eta Abetxukoko futbol zelaien zaharberritzeak 2.500.000 €-ko ahalegina eskatuko du; bestetik, Mendizorrotzako estadioa zaharberritu eta handitzeko obrak 22 milioi euroko inbertsioa euskal erakundeen artean, zedinetatik Udalak 500.000 euro jarriko dituen datorren urtean; eta, azkenik, beste 600.000 € gainerako kirol-zelaietan inbertitzeko.

Adostasun nahia

Alkateak azpimarratu du nola 2019rako aurrekontu-proiektua hala Vitoria-Gasteiz 2025 Estrategia ere, biak konpartitu eta adostasunetara jotzeko asmodun proiektuak direla. Horregatik, oposizio konstruktiboa egitera adoretu ditu gainerako talde politikoak, hartara guztien artean Gasteizentzat etorkizun hobea diseinatu ahal izateko.

2019ko AURREKONTU PROIEKTUA

 

 

Share

Urtaranen gobernuak lortutako zerga-akordio berriak aintzat hartzen ditu familiak eta martxan diren hiri-proiektuei eutsiko zaiela bermatzen du.

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  20 iraila 2018 14:01

 

PNV – PSE/EE udal gobernua pozik dago akordioarekin, udalaren inbertsio-ahalmena mantentzea bermatzen duelako eta herritarrei ez dielako zerga ahalegin handiagoa eskatuko. 

Ogasuneko zinegotzi Itziar Gonzalok azaldu duenez Urtaranen gobernuak “familiak aintzat hartzen dituen eta martxan dauden hiri-proiektuak mantenduko direla bermatzen duen akordio” berria lortu du”. Pozik agertu da, Peio Lopez de Munainekin batera, akordio berri hau lortu izanagatik. “Beti esan dugu oposizioko talde batek hiriarentzat onuragarriak diren akordioak lortzeko benetako borondatea erakusten duenean akordioak lortzen ditugula” nabarmendu du Itziar Gonzalok.

PNV – PSE/EEko gobernuko ordezkariek adierazi dutenez, “PP taldearekin lortutako akordio honek udalaren inbertsio-ahalmena mantentzea bermatzen du, eta hori da gure kudeaketa ereduan defendatzen dugun baldintzetako bat. Akordioak lortzeko jarri genuen baldintzetako bat zen udalaren gihar ekonomikoa ez ahultzea, batez ere martxan dauden obra asko amaituko den urtean. Akordio honek ez die zerga ahalegin handiagoa ekarriko herritarrei. Izan ere, diru-bilketa globala iazkoa baino apur bat txikiagoa izango da” adierazi du Itziar Gonzalok.

Peio Lopez de Munain alkateordeak, bestalde, nabarmendu egin du “gobernu honek elkarrizketaren eta talkaren artean oso argi duela erakutsi du berriz ere: elkarrizketa aukeratzen du. Elkarrizketa nahiago du beti. Etengabeko helburua da akordioak lortzea, herritarrentzat eta erakundearentzat onak direlako. Horregatik, beti uzten dugu akordioetarako ate bat zabalik“.

Udal gobernuak eta PPk lortutako akordio honen bidez, onartu egiten da udal gobernuak zergei buruz aurkeztutako proposamena (zergak izoztea eta tasa eta prezio publikoak KPIren arabera eguneratzea) eta PP taldearen hiru proposamen gehitzen dira: ibilgailuen zerga % 2 jaistea, eta zabor tasa eta establezimendua irekitzeagatiko tasa izoztea.

“Akordio honetan familiak aintzat hartzen ditugu bai ordaintzeko orduan bai zerbitzu publikoei eustea bermatzeko orduan ere; izan ere udalaren diru-sarreretan murrizketa handiak dakarten proposamenak eginez gero, arriskutan jartzen genituen zerbitzu publiko horiek. Akordio hau oso berri ona da hiriarentzat, argi uzten du akordioetara iristeko benetako borondatea badago akordioa lortu egiten dela” nabarmendu du Ogasuneko zinegotziak.

Share

Udalerrietako Kirol Politikei buruzko XI. topaketen hasiera, “Herritarrak kudeaketa publikoaren erdigune gisa”lema dute.

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  15 otsaila 2018 13:32

 

 

 

 

 

 

 

Peio Lopez de Munain alkateordeak eman die hasiera gaur udalerrietako kirol politikei buruzko XI. topaketei. “Herritarrak kudeaketa publikoaren erdigune gisa” lema dute eta Europa biltzar-jauregian egiten ari dira. Alkateordearekin batera izan dira Kaiteko zuzendari Txus Rojo, Euskara, Kultura eta Kirol arloko diputatu Igone Martinez de Luna eta Eusko Jaurlaritzako zuzendari Almudena Otaola.

Euskadiko udalerrietako 140 pertsonak (teknikari eta politikariak) eman dute topaketetan izena.

 

Share

Medikuntzaren profesionalak hipertentsio arterialaren prebentzioa eta tratamendua aztertzen ari dira Europa biltzar jauregian

Kategoriak: Fotonotizia  —  Etiketak: ,   —  Komunikazio Zerbitzua / Servicio de Comunicación  —  2 otsaila 2018 11:32

Hipertentsio Arterialaren Euskal Elkartea urteroko hogeigarren bilera egiten ari da Europa biltzar jauregian, Julen Ocharan Corcuera lehendakari dela; hizlariak eta medikuntzaren profesionalak hipertentsio arterialaren prebentzioa eta tratamendua aztertzen ari dira bertan.

Lehen alkateorde Peio López de Munainek inaugurazio ofizialean parte hartu du, eta medikuntzaren profesionalen zeregina nabarmendu du, baita “Gasteizek bertako bizilagunen osasunarekin duen konpromisoa” ere, ” ohitura osasungarriak hartzeko komenigarritasunaz kontzientziatzen saiatzen baikara”.

López de Munainek azaldu duenez,  “Udaletik bereziki haur eta nerabeei eta adinekoei zuzendutako kanpainak garatzen ditugu. Hain zuzen ere, urtero 1.700 ikasle inguruk ongi gosaltzen ikasten dute gure osasun programei esker. Orobat, herritarren artean jarduera fisikoa sustatzen dugu, 0 urtetik 99 urtera. Eta adinekoentzako 8 osasun-parke ditugu, jarduera fisiko gidatua eta beste egiterik izan dezaten. Horrekin esan nahi  dut ezen, osasun arloko profesionalen inplikazioaz gain, gizarte osoaren inplikazioa behar dela, eta geu horretan saiatzen garela erakunde gisa”.

Share

2018rako aurrekontu-proiektua 2017koa baino % 4,45 handiagoa da, mugikortasun iraunkorraren aldeko apustu garrantzitsua eginda

Kategoriak: Prentsa oharrak  —  Etiketak: , , , ,   —  Komunikazio Zerbitzua / Servicio de Comunicación  —  24 urria 2017 11:50

 

 

 

 

 

 

  • Tranbiaren luzapenak, autobus elektriko adimentsuak, autobus hibridoen erosketak eta bizikletentzako azpiegiturek batuta 6,3 milioi eurotik gora egiten dute
  • Iaz abiarazitako inbertsio ahalegin handiari eusten zaio, 28,2 milioi eurorekin
  • Ingurumenean eta Gizarte Politiketan haziko da gehien diru-zuzkidura

 

Gorka Urtaran alkatearen adirazpenak

Gorka Urtaran alkateak eta Peio López de Munain eta Itziar Gonzalo alkateordeek 2018rako udal aurrekontu-proiektua aurkeztu dute; orotara 377.421.372 euro da aurrekontua, aurtengoa baino % 4,45 handiagoa, eta Gasteizko Udalak gihar ekonomikoa berreskuratu duen seinale da. EAJ-PSE gobernu-taldeak landutako kontuek 2017an abiarazitako inbertsio-multzo zabala gauzatzea ahalbidetuko du, eta mugikortasun iraunkorraren alde aurrekaririk ez duen apustua egitea, tranbiaren luzapena, autobus elektriko adimentsua eta autobus hibridoen erosketa batuta.

Alkateak 2018ko aurrekontua nabarmen handitzea ekarri duten hiru faktore aipatu ditu: egoera ekonomikoa hobetu izana, aurreko gobernutik jasotako egoera kezkagarria gaindituta; udalaren diru-sarreren portaera hobea, bertako jarduera ekonomikoren eboluzio positiboari esker, eta Aldundiarekin eta Eusko Jaurlaritzarekin  hitzartutako funtsen ekarpena. Hain zuzen ere, datorren urterako kontu-proiektuak agintaldiaren hasieran antzemandako zulo ekonomikoa 68 milioi eurotik 27 milioi eurora murrizteko balioko duela iragarri du. “2016an Udalaren egoera zailari aurre egitea zen gure lehentasuna, eta aurten, inbertsio handiak bultzatzea; 2018ko aurrekontuek aurrera doan hiri baten irudi izatea nahi dugu. Ekonomiaren arloan erakargarriagoa den hiria eta hiritarren ongizate erosoa bermatzen duena”, esan du Gorka Urtaranek.

Peio López de Munainek azpimarratu du 2018rako aurrekontuaren ardatz nagusietako bat herritarren bizi-kalitatea izango dela. “Aurrekontu-proiektu ona da, Gasteizen gizarte eta ekonomia hazkundea bultzatzen duelako; kudeaketa publikoaren eraginkortasuna nagusi delako; hiria eraikitzen eta pertsona eta familientzako programa eta zerbitzuak indartzen dituelako, bereziki behar handiena dutenentzat. Gasteizko herritarrekin hartutako konpromisoa betetzen duen aurrekontua da: hiria aukeren lekua bihurtzeko konpromisoa; arreta ematekoa, une zailetan laguntzekoa”, nabarmendu du lehen alkateordeak.

2018, mugikortasun iraunkor eta osasungarriaren urtea

Mugikortasun iraunkorraren aldeko apustu handia da datorren urterako aurrekontu-proiektuaren ezaugarri behinenetako bat. “Tranbia hegoalderantz eta Salbururantz luzatzeak eta autobus elektriko adimentsua ezartzeak —tartean dauden hiru erakundeek 65.100.000 euroko inbertsio globala egingo dute  bi urtetan horretarako— aldaketa erabakigarria ekarriko dute Gasteizko joan-etorriei dagokienez. Udalak ez du inoiz hain apustu handia egin garraio publikoaren alde”, esan du Gorka Urtaranek.

Izan ere, 2018ko aurrekontuan 1.172.675 euroko udal ekarpena jaso da tranbia hegoalderantz luzatzeko obretarako, eta 2019an 1.092.000 euroraino iritsiko da konpromiso ekonomikoa. Autobus elektriko adimentsua ezartzeko 2.797.250 euroko gastua egingo du Udalak 2018an, eta 4.701.500 eurokoa 2019an.

Aldi berean, TUVISAk bost autobus hibrido erosiko ditu 2018an, eta horretarako 1.775.000 euro erreserbatu dira. Aurrekontu-proiektuak bizikletentzako azpiegituretarako erreserbatu dituen inbertsioak, berriz, 572.000 euro dira.

Enplegua eta ekonomiaren dinamizazioa

Aurten abian jarritako Industria Planak zehazten du Gasteizko industrialdeak hobetzeko inbertsioen erritmoa, eta aurten 400.000 euroko partida izango du jarduera berriei ekiteko.

Obra publikoaren kontratazioa da jarduera ekonomikoaren motor garrantzitsuenetako bat, eta 2018ko aurrekontuan, 2017koan bezala, inbertsio ahalegin handia egin da. Zehazki, 28.280.643 euro esleitu dira inbertsioetarako: 4.800.000 €, Santa Barbara plazako obretarako; 1.091.750 €, Espazio Publikoaren Gida Planerako; 1.261.740 €, aurreko aurrekontu parte-hartzailetik gauzatzeke dauden 8 proiektuak burutzeko (Konstituzio plazaren irisgarritasuna, Latinoamerika plaza lurperatzeko proiektua, parkour parkea, etab.), eta 1.500.000 €, aurtengo Gasteiz Hobetuz programan herritarrek berriki bozkatu dituzten ekimenak gauzatzeko.

Goya eraikineko turismo bulego berrirako 500.000 euroko zuzkidura egingo da, eta 300.000 € (gehi beste 2.300.000 € konpromiso-kredituetan) erreserbatuko dira Gasteiz Antzokia proiektatu eta egiteko. Kultura Eratzen proiektuak 350.000 euro izango ditu 2018an, eta beste horrenbeste 2019rako konpromiso-kredituetan.

 Gizarte kohesioa

 2017koaren aldean aurrekontua handitu duten gobernu-arloetako bat Gizarte Politiken eta Osasun Publikoarena da, orotara 40.803.610 euro izango baitu. “Gizarte Politiken aurrekontua 3,6 milioi euro handitu da aurtengoaren aldean. Hau da, % 9 gehiago. Adinekoak beren ingurunean irauten laguntzeko zerbitzuak indartzearen aldeko apustua sendotzen du horrek”, adierazi du Peio López de Munainek.

Berritasun bat nabarmendu beharra dago: 230.000 € Berpizkundearen plazan 1. graduko mendekotasuna duten adinekoentzako eguneko arreta zerbitzua  eraikitzeko. Baliabide berri hori beste proiektu batzuei gehitzen zaie, esate baterako, San Martineko adinekoentzako zentro soziokulturala, zeinetarako 350.000 euro esleitu baitira.

Orobat, hazkunde handia aurreikusi da Etxean Laguntzeko Zerbitzurako: 1,7 milioi euro. Gizarte laguntzak gizarte-kohesioarekin konpromisoa duen gobernu baten ezaugarria dira, eta 584.755 euro gehiago jarriko dira gizarte larrialdiko laguntzetarako, eta 1.151.426 euro udal laguntzetarako.

2018an usoen populazioa kontrolatzeko alternatibak aztertuko dira. Horrekin lotuta, 30.000 euro aurreikusi dira usategien esperientzia bati ekiteko.

 Gasteiz Green

Ingurumenaren eta Espazio Publikoaren Arloa da 2018ko aurrekontuan gehien hazten dena, eta ahalegin ekonomiko hori hainbat proiektutan islatuko da, esaterako, Koroatzearen birgaikuntza energetikoa, zeinetara 980.000 € bideratuko baitira.

Bestetik, udal eraikinen energia-eraginkortasuna (150.000 €) eta argiteria publikoaren instalazioena (400.000 €) hobetuko dira. Kopuruari begiratuta, berdeguneak zaindu eta garatzeko partidak (4.386.116 € orotara) nabarmentzen dira; Ingurugiro Gaietarako Ikastegiak, berriz, 2.536.960 euroko aurrekontu orokorra izango du.

Kirola eta Kultura

Gasteizek kirolaren aldeko apustua egin du, bizi-kalitatearen sinonimoa baita, eta horren isla da 6.059.778 euroko aurrekontu orokorra gizarte etxe eta kirol instalazioetako jarduera-programetarako. Instalazioetarako 2018ko inbertsioetan milioi bat euro aurreikusi da futbol-zelaietarako, eta 720.000 euro Adurtza, San Ignazio eta Beti Jai pilotalekuak berritzeko.

Halaber, partida bat sortu da Mendizorrotzeko zelaia birgaitu eta handitzeko erakundeen artean hitzarmena egiten bada ere;  zelaia Udalaren titularitatekoa da, eta Deportivo Alavesek erabiltzeko baimena du.

Kulturan, hitzartutako partida gehienak hobetzen dira, bereziki diru-laguntzei dagozkienak. Datorren urtean Principal antzokiaren urteurrena ospatuko da, eta horretarako 60.000 euroko partida esleitu da.

Hezkuntzari dagokionez, 90.000 euro aurreikusi dira integrazioaren alorreko neurriak ezartzeko; gobernu taldeak hilabeteak daramatza horiek lantzen.

Azkenik, langileen gastuak gora egin duela aipatu behar da. 2018rako aurreko urtean baino 6 milioi gehiago aurreikusi baitira arlo honetan. Gastu honen zati handi bat langileen ordainsarien %1,5eko gorakadari dagokio. Gainera, ordainsarien partidaren igoeran beste zenbait gauzek ere badute bere eragina: Zabalganeko gizartetxeko arreta langileen kontratazioa eta baita Udaltzaingoaren 32 agente berriak.

Info+DOSSIER PRESUPUESTO 2018

Share

Gizarterako elkarteak lan eredugarria egin du 30 urtez prostituzioan aritzen diren emakumeen eskubideen alde

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  27 iraila 2017 09:34

 

 

 

 

 

 

Prostituzioan aritzen diren emakumeei orientabideak eta harrera emateko Gizarterako elkarteak bere 30. urteurrena ospatu du gaur arratsaldean. Gorka Urtaran alkateak eta Peio López de Munain alkateordeak hartu dute parte ekitaldian, zeinean elkarteak xafla bat eman baitio Udalari, hiru hamarkada hauetan eskainitako laguntza eskertzeko. Alkateak ere eskerrak eman dizkie giza eskubideen eta emakumeen berdintasunaren alde egindako lan eredugarriarengatik.

Horretaz gain, Gizarterakok omenaldia egin dio María Jesús Aguirreri, hura baitzen Udalaren Gizarte Politiken arduraduna prostituten alde lan egiten duen taldea sortu eta garatu zen garaian. Alkateorde izandakoaren seme-alabetako batzuek jaso dute xafla, eta esker ona adierazi.

 

Share

“Ponle Freno” lasterketa laugarren urtez Gasteizen, FesTValaren eskutik, trafiko-istripuak prebenitzeko

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  31 abuztua 2017 14:11

 

Irailaren 10ean, igandea, Ponle Freno lasterketaren laugarren edizioa izango da Gasteizen. Atresmediaren ekimen hau FESTVALaren jardueren baitan antolatzen da, eta trafiko-istripuak prebenitzea du xede, herritarrak bideetako segurtasunaren garrantziaz kontzientziatuta.

Peio López de Munain lehen alkateordeak zuzendu du jarduera honen aurkezpena, eta berarekin izan dira “Centro de Estudios Ponle Freno Axa” zentroko kudeatzaile Iñaki Lerga, Atresmedia Eventos-eko zuzendari Pablo López-Barajas, Martín Fiz atleta, eta DYAren bozeramaile Andrés Picón jauna. Elkarte honek jasoko du proba honetako izen-emateekin lortutako dirua, “Seguridad vial para todos” programa burutzeko.

Proiektu honen xedea herritarrak oro har, eta gazteak bereziki, Bide Hezkuntzak istripuen prebentzioan duen garrantziaz kontzientziatzea, eta istripuen ondorioen inguruan sentsibilizatzea da.

Peio Lopez de Munaiek adierazi duenez, “Telebista Jaialdia ez da telebista-ekoizpenera eta telebista-izarretara hurbiltzeko ekimen hutsa. Osagarri solidario eta hezigarri garrantzitsuak era baditu,  horiek nabarmendu egin behar ditugu”.

Ponle Freno lasterketaren irteera eta helmuga Espainia plazan izango dira. Irailaren 10eko 10:30ean hasita, hiri barruko zirkuitua egingo du, bi aukerarekin, 5 edo 10 kilometro.

Martin Fiz atleta gasteiztarrak ere parte hartuko du, eta dortsalen banaketan lagunduko. Dortsalak Running Fiz denda banatuko dira- Gaztelako atea, 45-, irailaren 9an, larunbata, 10:00etatik 14:00etara eta 17:00etatik 20:00etara.

Lasterketan oroitzapen berezia egingo zaio Roberto Ruiz herri atleta arabarrari, zein duela gutxi hil baitzen bizikletan zihoala.

Share

Elkarretaratzea Bartzelona eta Cambrileseko erasoen aurrean gaitzespena eta arbuioa adierazteko

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  18 abuztua 2017 13:20

 

 

 

 

 

 

 

 

 

 

 

 

 

 

Udalbatza, alkateorde Peio López de Munain buru dutela, Iñaki Prusilla eta Udalbatzako beste kide batzuk, eta Batzar Nagusietako eta Foru gobernuko ordezkariak, diputatu nagusi Ramiro González buru dutela, atzo Bartzelonan izandako erasoaren eta bart gauean Cambrileseko izandako gertakarien aurrean arbuioa adierazteko elkarretaratzean.

Bartzelonako zenbait udalerritako zinegotzi eta alkateek ere hartu dute parte elkarretaratzean, inguru hauetan baitzeuden, besteak beste, Sant Climent de Llobregat (Bartzelonako Eremu Metropolitarra) udalerriko alkate Isidro Sierra i Fusté.

López de Munainek bi gertakariak gaitzetsi ditu, eta “Kataluniako herriari gure maitasuna eta laguntza” helarazi dio, “eta bereziki zaurituei, laster sendatzea opatuz, eta zentzugabekeriak maite zituztenak kendu dizkien familiei”.

“Ziur gaude Katalunia osatuko dela; izan ere, terroristek indarkeriarekin zerbait lortzen badute, erlijioarekin edo ideologiarekin bateraezina baita, demokraziak irabaztea da, demokratok elkartzea, eta haien ideiek galtzea”, nabarmendu du udal arduradunak.

Azkenik, iragarri du Gasteizko Udalak makila erdian jarri dituela banderak, dolua eta gaitzespena adierazteko.

Bestetik, Gasteizko alkate Gorka Urtaranek Salou udalerriko elkarretaratzean hartu du parte, han baitzegoen.

Share

Aurrekoak »