Prentsa Oharren banner

(Audioz gaurkotua) Gasteizek jardunaldi berezia egingo du larunbatean, Mugikortasunaren Europako Astea ospatzeko

 

San Antonio kalean egingo da jarduera, azkenaldian egindako hirigintza-jarduketei esker eskuratu duen pertsonentzako espazio publikoaren izaera berria azpimarratuz

 Garraio publikoa eta hirian garatutako mugikortasun-proiektuak aldarrikatzeko eta hiria antolatzeko modu berria (superetxadiak) ezagutarazteko eguna izango da

 

Amaia Barredoren adierazpenak

Urtero bezala, irailaren 16tik 22ra bitartean egi ohi den Mugikortasunaren Europako Astea ospatzeko prestatzen ari da Gasteiz. Aurtengoan, osasun egoera dela eta, programa egun bakarrera mugatu da; larunbatean, irailak 19, izango da, San Antonio kalean, 11:00etatik 14:00etara. Mugikortasunaren eta Espazio Publikoaren zinegotzi Amaia Barredok azaldu ditu xehetasunak.

Duela gutxi zenbait hirigintza-jarduketa burutu dira San Antonio kalean, oso izaera ezberdina eman diotenak. Horien bidez, “eguzki kalea” bihurtu da, hau da, pertsonen erabilera lehenesten den kalea, egonaldia, gozamena eta harremanak ibilgailu pribatuen gainetik jarrita. Araba Jeneralaren kalearen eta Florida kalearen parean eguzkiloreak margotu dira lurrean, oinezkoen babes eta segurtasunaren sinbolo gisa, eta horrexegatik aukeratu da jardunaldiaren agertoki izateko. 

Ingurugiro Gaietarako Ikastegiak eta TUVISAk sustatzen dute jarduera. Hainbat informazio eta zabalkunde gune jarriko dira, elkarren artean bereizita, oinezkoen igarobide segurua  bermatu eta jendetzak saihesteko.

 

Iraganeko eta etorkizuneko hiria

 Batetik, atzera begiratu eta duela 20 urte Gasteizko garraio publikoa nolakoa zen ikusteko aukera izango da, “Egingo zenuke denboran atzera?” jardueraren beste edizio baten bidez oraingo egoerarekin alderatuz. Mugikortasunaren Astearen barruan hainbatetan egin da ekintza hori, eta aurten TUVISA izango da protagonista. Horren bitartez, azken hamarkadetan mugikortasun iraunkorraren alorrean Gasteizen izandako aurrerapenez jabetzeko aukera dute herritarrek.

Aurrerapen horren adibiderik onena BEA-autobus elektriko adimentsuaren ibilgailua dugu, zeinarekin duela hilabete batzuk probak egiten hasi baitziren 2021ean instalatzeari begira. Ibilgailua erakusgai jarriko da aipatutako espazioan, nahi duen orok bisitatu ahal izan dezan, eta zuzenean ezagutu garraiobide berriak Gasteizko garraio publikoaren sareari ekarriko dizkion ezberdintasunak eta abantailak.

Trafikoaren antolakuntza berria 

Beste espazio batean superetxadiei buruzko informazioa emango da, Gasteizek mugikortasun iraunkorraren alorrean duen proiektu handietako bat. Gasteizko Udalak urteak daramatza eredu hori lantzen, hiriko espazioak eraldatuz eta superetxadiak sortuz trafikoa eta espazio publikoa antolatzeko estrategia gisa, beti ere pertsonei lehentasuna ematearren. Informaziogune horretan kontzeptua argituko da, haren abantailak azalduko, horiek osatzen dituzten kale motak bereiziko, eta oraingo egoeraren berri emango. Era berean, “eguzki” kaleak ezagutaraziko dira. Hain zuzen ere, San Antonio kalea da horien eredu: gaur egun umeak arriskurik gabe jolastu daitezke bertan, galtzada osotik ibil daiteke, eta ostalaritzako aretoek terrazak jarri dituzte lehen ibilgailu pribatuek hartzen zuten lekuan.

 

Bizikleta elektrikoak herritarrek eskura 

Beste karpa batean, IGIk mugikortasun iraunkorraren alorrean kudeatu eta bultzatzen dituen programa nagusiak ezagutarazi eta sustatuko ditu, hala nola lanera joateko bizikleta elektrikoen mailegua, edo ibilgailu motordunen ordez karga-bizikleten erabilera sustatzeko kanpaina. Gainera, bi bizikleta elektriko eramango dira, herritarrek probatu ditzaten eta hartara hiri-garraiobide hori ezagut dezaten.

IGI garatzen ari den mugikortasun-proiektu europarrak ezagutzeko aukera izango da, halaber:

 

Europako Batzordeak sustatzen du Mugikortasunaren Europako Astea, eta 2020ko edizioan “Emisiorik gabeko mugikortasun baten alde” aukeratu du gaitzat. Europako Itun Berdean jasotako asmo handiko helburua aipatzen du lemak: 2050erako ikatz emisiorik ez izatea.

Share

Udalak Judimendi, Adurtza eta Salburura zabalduko du superetxadien plana

Mugikortasunaren eta Espazio Publikoaren zinegotzi Amaia Barredok azaldu duenez, Santa Luzia, Jose Uruñuela, Dultzaina eta Mariano San Miguel Musikariaren kaleak izango dira estrategiaren barruan sartzen hurrengoak, eta Salburuko sektore batean ere esku hartuko da, zeina Brusela hiribideak, Deba Arroaren kaleak eta Salburua bulebarrak mugatzen baitute.

 

Udalaren superetxadien plana Santa Luzia eta Mariano San Miguel Musikariaren kaleetan (Judimendi) eta Jose Uruñuela eta Dultzaina kaleetan (Adurtza) jarraituko da garatzen, Mugikortasunaren eta Espazio Publikoaren zinegotzi Amaia Barredok arloko batzordean jakinarazi duenez. Horretaz gain, Salburuko sektore batean ere esku hartzea aztertzen ari da saila, zeina Brusela hiribideak, Deba Arroaren kaleak eta Salburua bulebarrak mugatzen baitute, eta Zabalganeko Ilustrazioaren hiribidean esku hartzea aurreikusi da halaber.

Amaia Barredok gogora ekarri duenez, auzoz auzo zehazten ari dira jarduketa horiek, espazioak baketzeko, trafiko masiboa moteltzeko eta soberako trafikoa kanpora ateratzeko, aparkalekuak kendu gabe: “espazio publikoa berriz diseinatzeko proposamena oinarrituko den funtsezko pieza dira. Horri esker, ingurumen-kalitatea areagotuko duten aldaketak egin ahal izango dira, hiriko berdeguneak eta kaleko aisialdiko erabilerak eta jarduerak areagotzeko aukera emanez, eta kaleen erosotasuna eta bizigarritasuna are gehiago hobetzera bideratutako kontzeptu berriak sartu ahalko dira, baita oinezko joan-etorriak eta herritarrek espazio publikoa erabili eta gozatu dezaten sustatu ere”.

Amaia Barredoren iritziz, superetxadiak “aukera paregabea dira merkataritza dinamizatzeko, oinezkoentzat egokitu diren guneetan egiaztatu ahal izan denez, esaterako, Antso Jakitunaren kalean, Santa Barbara plazan eta, berriki, Tornay Medikuaren kalean. Ildo horretatik, trafikoa moteltzeko esku-hartzeak egin dira, bidegorri berriak egokitu, eta oinezkoentzako lehentasuna ezarri zenbait kaletan”.

Jarduketa horietako bat San Antonio kalearen berregituratzea da, non hosto laranja eta gorrixkekiko bi eguzkilore handi margotu baitira Florida kalearekiko bidegurutzean eta Legebiltzarreko tranbia-geltokiaren ondoan. Sinbolo horrek sustrai sendoak ditu euskal folklorean, antzinatik paratu ohi baita baserrietako ateetan babesgarri gisa. Udalak oinezkoen lehentasuna irudikatzeko aukeratu du, eta beste kale batzuetara ere zabalduko du, superetxadiak hedatu ahala. “Espazio publikoa beste modu batean kudeatzeko ari gara lanean. Esku-hartze horrek irauteko asmoa du, hirian espazio publiko berria eratzeko xedez. Horrexegatik dago sinbolismoz betea, eta Udalak espazio publikoaz duen ikuspegia ongi islatzen duela uste dut. Herritarrek seguru mugitzeko duten eskubidea bermatu ahal duen espazio publikoa izateaz gain, urrunago joan nahi dugu.  Espazio publikoaz gozatzeko eta herritar orok hura bizi ahal izateko eskubidea bermatzen duen lekua izatea nahi dugu”, nabarmendu du zinegotziak.

 

Orain Gasteiz plana

San Antonio eta Miranda de Ebro kaleetako jarduketak Urtaranen gobernuak landutako Orain Gasteiz planean espazio publikorako iragarri ziren ekintzen barruan sartzen dira. Gasteizko ia auzo guztietan barrena hainbat jarduera martxan jartzea proposatzen zuen planak, hiria normaltasun berrira egokitzeko.

Mugikortasun Iraunkorraren eta Espazio Publikoaren Plana oinarri hartuta, hiru eremutan diseinatu ziren neurriak: espaloiak zabaltzea oinezkoak ibiltzeko zenbait espaziotan, bizikleta-konexioak sortzea lantokietara eta industrialdeetara, eta Mugikortasunaren eta Espazio Publikoaren Planean —berrikusten ari da orain— identifikatutako superetxadietan jarduketak garatzea.

Plana betetzeko 400.000 eurotik gorako inbertsioa egingo da; zehazki, 8,5 kilometro espaloi handituko dira, 8 kilometro bizikleta-bide berri egingo, eta superetxadien barruan esku hartuko.

Plana mailaz maila garatzen ari da, fase bakoitzari emandako lehentasunaren arabera, eta 2020an zehar ezartzea da asmoa. Zegokionean esan zen bezala, jarduera horietako batzuk behin betikoak izango dira, eta beste batzuk behin-behinekoak, baina baliteke azken horiek denboran irautea.

Hasteko, jende ugari dabilen espazioetan oinezkoentzako espaloiak zabaltzeko esku-hartzeak egin ziren. Lan gehienak baliabide propioak erabiliz egin ziren, behin-behineko, piboteak, hesiak eta pintura baliatuz batez ere, deseskalatze prozesuaren 0 fasean.

Sei kaletako espaloiak zabaltzeko jarduera horiei esker, segurtasun-distantzia bermatu ahal izan zen hasierako faseetan, mugikortasuna oso mugatua baitzen, ordu-tarteetan banatuta. Maiatzaren hasieran ekin zitzaien lanei, hiriko kale jendetsuenetan: Manuel Iradier eta Florida kaleak; gero, Frantzia eta Ortiz de Zarate kaleetara zein San Antonio eta Frantzia kaleen arteko bidegurutzera zabaldu ziren; azkenik, Domingo Beltran de Otazu eta Ramiro Maeztu kaleen arteko bidegurutzean eta Tomas Zumarraga Dohatsuaren kalean, Done Jakue hiribideko zubian (Madril kalearen gainetik), Bake kalean eta Zadorra hiribidean jarraitu zuten.

Hiriko lantokietarako eta industrialdeetarako bizikleta-konexioak hobetzeko alternatibei dagokienez, aurreikusitako gehienak garatu dira, eta zenbait lan txiki baino ez da geratzen bidegorri berriak amaitzeko kale hauetan: Artapadura, Gamarrako atea, Ozeano Barea, Legutianoko Atea eta Oto hiribidea.

Abiarazteko geratzen zen azken konexioa Bremen kaleko bidegorria zen, eta Udalak joan den irailaren 4an esleitu zuen, 133.783,92 euroan. Bide  horrek Mariturri hiribideko eta Antonio Machado kaleko bizikleta-bideak lotuko ditu, eta laster hasiko dira egiten. Promociones y Pavimentaciones enpresari esleitu zaio kontratua, eta gauzatzeko epea hiru hilabetekoa da.

 

Share

(Audioarekin eguneratuta) Ahalegin handia egingo du TUVISAk astelehenetik aurrera,  2., 4., 5. eta 6. lineetan hamar minutuan behingo maiztasuna berreskuratzeko

AMAIA BARREDO ZINEGOTZIAREN ADIERAZPENAK

Maiztasunak hobetuko ditu TUVISAk, datorren astelehenean, horrela kalitatezko zerbitzua ematen jarraitzeko egiten ari den esfortzuan beste pauso bat emanez.  Hainbat linea izango dira lanegunetan 10 minutuan behingo maiztasuna berreskuratuko dutenak. Zehazki, 2., 4., 5. eta 6. lineak. Gaur egun erabiltzaile gehien izan ohi dituzten ibilbideak dira. Horrela, hilaren 14tik aurrera, Covid-19aren pandemiaren aurretik martxan zeudenen % 85 izango dira astegunetako zerbitzuak. Asteburuetan eskaintzen diren zerbitzuak ere optimizatuko ditu Udalaren garraio-enpresak. Hain zuzen ere, 20 minutuan behingo maiztasuna berreskuratuko dute linea gehienek. Maiztasun eta egutegi guztiak www.vitoria-gasteiz.org/tuvisa web orrian kontsultatu daitezke.

Udalaren garraio-konpainiak dituen lehen datuen arabera, ikasturtea hastearen ondoriozko bidaiari-kopuruaren igoera aurreko urteetakoa baino dezente txikiagoa izan da. Erabileren beherakada handiak bere horretan jarraitzen du, bada, erdira edo eroria baita.

TUVISAk gogorarazi du garraio publikoa segurua dela eta autobusek segurtasun berme guztiak betetzen dituztela. Adibidez, egunean bitan egiten dira desinfekzio lanak autobus guztietan.

“Garraio publikoaren zerbitzua eta hiriko autobusen sarea ahalik eta modu onenean mantentzeko borondatea dugu, pandemiak eragindako egoera gorabehera. Eutsi egingo diogu Gasteizko Udalak ibilgailu pribatuaren lekuan garraio publikoa sustatzearen alde egindako apustuari. Oso handia izango da ahalegin ekonomikoa, erabiltzaile beherakada dela eta sozietatearen diru-sarrerak beste urtetakoen erdia izango baitira”, azaldu du Mugikortasun eta Espazio Publikoko zinegotzi eta TUVISAko presidente Amaia Barredok.

 

Share

Argiteria publikoa hobetzea Madril, Andaluzia eta Valladolid kaleetan

Datozen hilabeteetan, Mugikortasunaren eta Espazio Publikoaren Sailak argiteria publikoa hobetuko du Madril, Andaluzia eta Valladolid kaleetan. Tokiko Gobernu Batzarrak kontratua Montajes Eléctricos ELCA enpresari esleitzea onetsi du, 69.496,40 euroan.

“Lanean jarraitzen dugu Gasteizko auzoak hobetzeko. Oraingoan, argiteria eta energia eraginkortasuna optimizatuz“, azaldu du Mugikortasunaren eta Espazio Publikoaren zinegotzi Amaia Barredok.

LED teknologiako 223 luminaria instalatuko dira aipatutako kaleetan, orain artekoak baino eraginkorragoak izaki. Energia-kontsumoa murrizteko aukera ematen du horrek —kontsumo elektrikoa (kwh) eta atmosferara egiten diren CO2 emisioak—, eta argiteria publikoaren energia-eraginkortasunaren araudiarekin bat datozen argiztapen- eta uniformetasun-mailak lortzekoa. Gainera, orain dauden argiek eragiten duten itsutzea eta argi-kutsadura ekidin nahi dira, baita mantentze-kostuak gutxitu ere, luminaria horien bizitza baliagarria konbentzionalena baino askoz luzeagoa baita. A energia-kalifikazioa lortuko da berrikuntzaren ondoren.

 

Share

Urtaranen gobernuak Espazio Publikoaren Plan asmo handiko jarri du martxan, Gasteizko auzo guztietan barrena ehun bat esku-hartze eginez

 

Udalak 400.000 euro inbertituko ditu 8,5 kilometro espaloi handitzeko, 8 kilometro bizikleta-bide berri egiteko eta datozen hilabeteetan auzoetako 88 kaletan zirkulazioa lasaitzeko 

Trafikoa baretu egingo da ‘super-etxadien’ barrualdean, eta berariazko seinaletikaz eta galtzadan marraztutako piktogramez identifikatuko dira  

Espazio publiko berriak leku gehiago emango die oinezkoei, erosoagoa izango da, eta merkataritza dinamizatzen lagunduko du 

 

DOSSIER ACTUACIONES MEJORA MOVILIDAD COVID 19 

Gasteizko espazio publiko berriak leku gehiago emango die oinezkoei, erosoagoa izango da, eta merkataritza dinamizatzen lagunduko du Urtaranen gobernuak asmo handiko plan bat jarri du martxan, Gasteizko ia auzo guztietan barrena ehun jarduera baino gehiago egingo baitira hiria normaltasun berrira egokitzeko. Mugikortasun Iraunkorraren eta Espazio Publikoaren Plana oinarri hartuta, hiru eremutan diseinatu dira neurriak: oinezkoak ibiltzeko espazioen hobekuntza, bizikleta-konexioak lantokietara eta industrialdeetara, eta azken hamarkadan identifikatutako super-etxadien % 30ean jarduketak garatzea.

Mugikortasunaren eta Espazio Publikoaren zinegotzi Amaia Barredok gaur goizean iragarri duenez, bere sailak gutxienez 400.000 euroko inbertsioa aktibatu du proiektuaren lehen faseari ekiteko. Udalak 8,5 kilometro espaloi zabalduko ditu, 8 kilometro bizikleta-bide berri sortuko, eta 88 kaletako zirkulazioa baretuko du auzoetan. Ekimen horiek guztiak 2020an zehar garatuko dira.

“Udal Gobernuak bultzatzen duen Orain Gasteiz planak osasuna babestea, gizarte-ongizatea bermatzea eta tokiko ekonomia babestea du helburu. Eta helburu horiek lortzeko, lehentasunezkoa da gure kale eta plazetan jardutea. Filosofia argia da: oinezkoentzako espazioak zabaldu behar ditugu distantzia soziala bermatzeko, gure merkataritzari eta ostalaritzari lagundu behar diegu eta desplazamendu aktiboak lehenetsi behar ditugu: oinez eta bizikletaz. Azken hamarkadan egindako lana eta Gasteizen diseinua gidatzen duen Mugikortasun Planaren filosofia ere ezin ditugu ahaztu. Etorkizuneko mugikortasuna jasangarria eta osasungarria izango delako. Joan-etorri aktiboak sustatu behar ditugu eta garraio publikoan konfiantza berreskuratu behar dugu, batez ere TUVISAren sarean“, zehaztu du Amaia Barredok.

Neurri gehienak Mugikortasuneko eta Espazio Publikoko Planaren Aurrerapenean jasota zeuden, epe ertainean egiteko asmoz. Orain, ordea, Udalak egokitzat jo du horiek aurreratzea osasun-krisiaren egungo egoerari erantzuteko, espazio publikoa askoz inklusiboagoa izan dadin, kaleko bizitza erraztuz eta mugikortasun aktiboa indartuz. “Baina ez bakarrik deseskalatzeari begira, baizik eta Mugikortasun Iraunkorraren eta Espazio Publikoaren Planaren berrikuspenean erreferentzia gisa erabiltzen ari diren printzipio gidarietan islatutako espazio publikoaren eta mugikortasunaren eredua gauzatzeari begira“, azpimarratu du Amaia Barredok.

Mugikortasunaren eta Espazio Publikoaren Sailak asmo handiko plan bat aurkeztu du gaur goizean, hiru jarduera-ildotan banatuta:

 

1) Leku gutxi duten eta jendetza biltzen den espazioetan oinezkoentzako espaloiak zabaltzeko esku-hartzeak.

Azken asteetan, Udalak hainbat jarduera egin ditu Manuel Iradier, Florida, Frantzia, San Antonio eta Ortiz de Zarate kaleetan, besteak beste. Aste honetatik aurrera, antzeko esku-hartzeak egingo dira beste leku hauetan:

Domingo Beltran/Ramiro de Maeztu. Ezkerreko aparkaleku-zerrenda ezkerreko zirkulazioko erreira aldatuko da, eta askatutako espazioa oinezkoentzat geratuko da.

Tomas Zumarraga Dohatsua, Jesusen Zerbitzarien eta Gasteiz hiribidearen artean. Bizikleta-bidea oinezkoentzat utziko da. Bizikletak galtzadatik joango dira, abiadura motelekoa baita, edo Badaia kaletik, Erdi Aroko hirigunerantz joateko.

Herrandarrak. Prudencio Maria Berastegi eta Arana kaleen arteko zatian, bizikleta-bidea oinezkoentzat izango da, eta trafikorako errei bat bizikletentzat utziko da. Arana kalearen eta Karlos I.a plazaren arteko zatian, bestalde, bizikleta-bide berria sortuko da zirkulaziorako ezkerreko erreiaren gainean.

Done Jakue hiribideko zubia (Madril kalearen gainetik): aparkatzeko zerrendak oinezkoentzat utziko dira.

Bake kalea: ezkerreko zirkulaziorako erreia oinezkoentzat izango da aurrerantzean.

Zadorra hiribidea: bidegorria oinezkoentzat utziko da, eta galtzadaren gainean noranzko biko bidegorri berria sortuko da.

 

Guztira, 8 kilometrotan esku hartuko da.

 

2) Hiriko lantoki eta industrialdeetarako bizikleta-konexioak hobetzeko alternatibak.

Mugikortasunaren eta Espazio Publikoaren Sailak bizikleta-konexioak hobetu nahi ditu, halaber. Horretarako, lotura hauetan esku hartzea aurreikusi da:

Ozeano Barea: Zabalganeko bide horretan, bizikleta-bide berriak sortuko dira. Lanak ekainaren hasieran hastea aurreikusi da, kontratua dagoeneko esleitu baita.

Oto hiribidea: bizikleta-bideak noranzko bakoitzean, aparkatzeko zerrendak metro batzuk mugituz.

Bremen kalea: bidegorri berria.

Dusseldorf kalea: bidegorri berria. Lanak aste honetan bertan hastea aurreikusten da.

Zurrupitieta kalea: zirkulazio-bideetako bat bidegorri bihurtuko da. Lanak aste honetan bertan hastea aurreikusten da.

Artapadura: bidegorri berria zirkulazio-errei baten gainean.

Gamarrako atea: noranzko biko bidegorri berria erreietako batean.

Legutioko atea: bidegorri berria.

 

Guztira, 8 kilometrotan jardungo du Udalak bizikleten alorrean.

3) Super-etxadiak auzo guztietan garatzen jarraitzea. Sailak gutxienez horien % 30ean esku hartuko du datozen hilabeteetan, eta jarduketa errazak egingo ditu, aipatutako super-etxadien barrualdean trafikoa murriztu eta lasaitzeko. Seinale bertikalak eta horizontalak jarriko dira, oinezkoek lehentasuna duten gune batera sartzen dela ohartarazteko. Horretaz gain, galtzadaren gainean S-28 (bizitegi-kalea) seinaleari dagokion piktograma margotuko da. Izan ere, zirkulazioaren abiadura orduko 20 kilometrora murriztuko da.

Esku-hartze horiek bi fasetan egingo dira. Lehen fasea 64 kalek osatuko dute, ingurabide zaharraren barruan eta Zabalganean; bigarrena, berriz, Abetxukuko, Lakuako eta Salburuko beste 24 kaletara zabalduko da.

 

Hauxe da kaleen zerrenda osoa: 

Super-etxadien arauak ezarriko zaizkien kaleak (1. fasea)

ZABALGANA

Ilustrazioaren hiribidea

ARIZNABARRA

Sor Sofia plaza

Ozioko Gazteluaren kalea

Gebarako Gazteluaren kalea (zati bat)

Mendiluzeko Gazteluaren kalea (zati bat)

Eskibelgo Gazteluaren kalea

Concha Espina kalea

Areitio kalea

BATAN

Bizkaia kalea

Gipuzkoa kalea

ADURTZA

Zendaguren kalea

Alboka kalea

Jose Uruñuela kalea

Dultzaina kalea

Txistulari kalea

Juan Bautista Gamiz kalea

Txirula kalea

Txalaparta kalea

Adurtza kalea

TXAGORRITXU

Telesforo Aranzadi kalea

Enrique Eguren kalea

KOROATZEA

Larrugile kalea

Eulogio Serdan kalea (zati bat)

ZARAMAGA

Martin Olabe kalea

Santa Isabel kalea

Lorenzo Prestamero kalea

Bernal Diaz de Luko kalea

Vicente Manterola kalea

Amurrio kalea

Azazeta Mendatearen kalea

Urkiola Mendatearen kalea

Barazar Mendatearen kalea

Añanako Taldearen kalea

Mendoza kalea

Laguardia-Biasteriko Taldearen kalea

ARANBIZKARRA

Isuntzatarren kalea

JUDIMENDI

Mantellitarren kalea

Diego Martinez de Alaba kalea

Cola y Goiti kalea

Miranda de Ebro kalea

Trebiñoko Konderriaren kalea

Mariano San Miguel kalea

Santa Luzia kalea

Benito Ginea kalea

Urriaren Hamabiaren kalea (zati bat)

Eduardo Belasko kalea

BABESGABETUAK

Aiala Kantzilerraren kalea

Joan XXIII.aren kalea

Lope de Larrea kalea

ANGLOA

La Paloma kalea

ERDI AROKO HIRIGUNEA ETA INGURUAK

Aldabe kalea

Felix Maria Samaniego kalea

Joaquin Jose Landazuri kalea

Antepara kalea

Bueno Monreal kalea

San Bizente Paulekoaren kalea

San Ildefontso kalea

Santa Ana kantoia

Arriagako atea (Erdi Aroko hiriguneko zatia)

Santa Maria kalea

Frai Zacarias Martinez kalea

Kanpokale Berria

Aska kalea

San Bizente aldapa

 

 

Super-etxadien arauak ezarriko zaizkien kaleak (2. fasea)

SALBURUA

Dublin kalea

Lisboa kalea

Londres hiribidea

Stockholm kalea

Luxenburgo kalea

Paris hiribidea

Erroma hiribidea

Kopenhage

ABETXUKU

Ezki kalea

Laubideta kalea

Eliza kalea

Txarrakea kalea

Araka kalea

Iturrizabala kalea

Azeduia kalea

Arriagana kalea

Uribeguela kalea

El Calce kalea

LAKUA-IBAIONDO

Andia Mendiaren kalea

Urederra Ibaiaren kalea

Zaia Ibaiaren kalea

Zubialde Ibaiaren kalea

Uragana Ibaiaren kalea

Inglares Ibaiaren kalea

 

 

Espazio publikoaren alorreko beste ekimen batzuk

Mugikortasunaren eta Espazio Publikoaren zinegotziak, halaber, saila azken egunotan garatzen ari den zenbait jardueraren berri eman du. Alde batetik, Trafiko Zerbitzuak 2 metroko distantzia gorde behar dela ohartarazteko mezuak margotu ditu hiriko oinezkoentzako dozena bat pasabidetan.

Bestalde, Mugikortasunaren eta Espazio Publikoaren Sailak 74 bizikleta-aparkaleku eramangarri jarriko ditu hiriko hainbat tokitan. Joan den ostiralean hasi ziren elementu horiek instalatzen, hiriko osasun-zentroetan, ospitaleetan, industrialdeetan eta gune jendetsuetan.

 

 

Share