Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  23 urtarrila 2020 11:54

Otsailaren 2tik maiatzaren 24ra arte egingo da emanaldien lehen multzoa Gasteizko gizarte etxeetan

 

 

 

 

 

2020an, Gasteizko gizarte etxeek tokiko talde ez profesionalen 18 emanaldi hartuko dituzte Auzo Eszena zikloaren barruan. Otsailaren 2tik maiatzaren 24ra arteko igandeetan egingo da emanaldien lehen multzoa, Aldabe, Arana, Ariznabarra, Arriaga, Salburua eta Zabalganeko ekitaldi-aretoetan; arratsaldeko zazpietan hasiko dira saioak.

Kultura eta Gizarte Etxeen zinegotzi Estíbaliz Cantok Auzo Eszenak dakartzan berritasun nagusiak aurkeztu ditu gaur. “Programatutako taldean artean, antzerki inkusiboko lehen lana nabarmendu beharra dago, Azirkarte eta Arai Dantza taldeek Zabalganean eskainiko dutena, otsailaren 2an, eta Tranpola taldeak proposatzen duen dantza eta mikroantzerkiaren arteko batuketa, otsailaren 9an.”

Talde eta artista hauek hartuko dute parte: Azirkarte eta Arai Dantza, Tranpola, Noralai, Aitor Vinagret eta Aurora Briz, Pánico Escénico, Arrox Bola eta Sormen Elkartea, Pro-ismo O, Juanjo Monago, Ipazapi eta Arteko.

“Umorea, antzerkia, magia, bakarrizketak, komedia eta musikalak izango ditugu. Haur eta familiei zen heldu eta gazteei zuzendutako ikuskizunak dira”, azaldu du Estíbaliz Cantok.

Emanaldi guztiak igandeetan izango dira, 19:00etan hasita.  Salbuespenez, Tranpola taldeak ‘Konboff’ lanaren bi emanaldi eskainiko ditu, 19:00etan eta 20:00etan.

Gizarte etxe eta kirol instalazioetan salduko dira sarrerak (pilotalekuetan izan ezik), baita internetez ere (ikuskizuna hasi baino ordubete lehenagora arte). Urtarrilaren 25ean jarriko  dira sarrerak salgai, 10:00etan.

Prezioak 3 € eta 5 € artekoak izango dira, ikuskizunen arabera.

Kultura Zerbitzuak espazioak eta ekipamenduak jartzen ditu, eta sarrera-salmenta kudeatzeaz, zabalkundea egiteaz, argiztapen eta soinu teknikari baten gastuez eta leihatilan bildutako dirua ordaintzeaz ere arduratzen da.

Asistentzia, gorantz

2019an, orotara 3.524 pertsona joan ziren Auzo Eszenaren barruan antolatutako 21 emanaldietara. 2018an, berriz, 20 ikuskizun eskaini ziren, eta 2.365 ikusle bildu zituzten. 2017an 17 ikuskizun izan ziren, eta 1.884 ikusle.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  18 azaroa 2019 12:09

Gasteizko antzerki-talde eta artista ez profesionalek azaroaren 27ra arteko epea izango dute proposamenak aurkezteko

Gaur irekiko da epea 2020ko “Auzo Eszena” deialdian parte hartzeko proposamenak aurkezteko. Gasteizko antzerki-talde eta artista ez profesionalei zuzenduta dago udal ekimen hori.

Gasteizko Udaleko Kultura Zerbitzuak babesten duen programa gizarte etxeetako ekitaldi aretoetan egingo da datorren urteko bi denboralditan (negu-udaberrian eta udazkenean), gehienetan asteburuetan eta arratsaldez.

Proposamenak arte eszenikoen edozein alorretakoak izan daitezke (antzerkia, musika, dantza, bakarrizketak, magia, txotxongiloak, etab.) eta helduak, gazteak, haurrak zein familiak izan ahal dira hartzaileak. Euskaraz nahiz gazteleraz egin ahalko dira proiektuak.

Deialdiko baldintzak betetzen dituzten ikuskizunen artetik, talde tekniko batek aukeratuko ditu 2020ko “Auzo Eszena” programan parte hartuko duten artista eta taldeak, eta bi denboraldietako programaziorako lehen zirriborroa egingo du.

Programazioa hautatutako artista edo taldeekin koordinatu ondoren itxiko da, eta hainbat alderdi hartuko ditu kontuan: hartzaileak, hizkuntza, espazioak, ikuskizunen tipologia, aniztasuna eta beste.

Kultura Zerbitzuak espazioak eta ekipamenduak jartzen ditu, eta sarrera-salmenta kudeatzeaz, ikuskizunen zabalkundea egiteaz, argiztapen eta soinu teknikari baten gastuez eta leihatilan bildutako dirua ordaintzeaz ere arduratzen da. Sarrerek 3 edo 5 euro balioko dute.

Hemen irakur daitezke deialdiaren oinarriak, gaurtik aurrera: Gasteizko Udala – Auzo Eszena. Proposamenak aurkezteko epea azaroaren 27an amaituko da, egun hori barne;  agiriak herritarrei laguntzeko edozein bulegotan aurkeztu daitezke, edo udalaren egoitza elektronikoaren bidez.

Informazio gehiago:  auzoeszena@vitoria-gasteiz.org

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  18 iraila 2019 12:55

 

10 proposamen izango dira, eta irailaren 20an hasiko da horietarako sarreren salmenta gizarte-etxe eta  kirol instalazioetan, eta internet bidez.

Irailaren 20an hasiko da Auzo Eszena programako urritik abendura bitarteko denboraldirako sarreren salmenta. Programa horrek Gasteizko arte eszenikoen alorreko konpainia ez-profesionalei aukera ematen die beren proposamenak jendaurrean erakusteko, gizarte etxeetako ekitaldi aretoetan.

Kultura eta Gizarte  Etxeen zinegotzi Estibaliz Cantoren hitzetan, “programan sinesten dugu, eta horren aldeko apustua egiten, tokiko kulturaren aldeko filosofiarekin bat datorrelako. Taldeek sormena, artea eta konpromisoa eskaintzen dute; guk, berriz, espazioak, ekipamenduak, zabalkundea, sarrera-salmenta eta teknikarien gastuak. Horretaz gain, leihatilan bildutako dirua ere ematen diegu”.

Hamar taldek hartuko dute parte urritik abendura bitarteko programazioan: Alecrin, Hirukide teatro, Tadir teatro, No me claves tus puñales, Abarca taldea, Antrokia, Los del sótano, Auskalhop, Ipazapi, Baidefeis.

Emanaldi guztiak irailaren 29tik azaroaren 30era bitarteko igandeetan izango dira (azken egunekoa izan ezik, larunbatean izango baita), 19:00etan, Araneko, Zabalganeko, Salburuko, Arriagako eta Aldabeko gizarte-etxeetan. Sarrerak gizarte etxe eta kirol-instalazio guztietan eta interneten egongo dira salgai etzitik aurrera, eta 3 eta 5 euro arteko prezioa izango dute, taldeek nahi dutenaren arabera.

 

Negu-udaberriko denboraldiko datuak:

 

Ikuskizun kopurua11
Ikusleak1430 pertsona

 

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  20 azaroa 2018 10:31

Gaur ireki da arte eszenikoetako talde ez profesionalek bere lanak gizarte-etxeetako ekitaldi aretoetan estreinatzea xede duen deialdirako proposamenak aurkezteko epea.

Gasteizko Udaleko Kultura Zerbitzuak –Estibaliz Canto zinegotziak gidatua– 2019ko “Auzo Eszena” programarako deialdiaren berri eman du, parte hartzeko interesa duten Gasteizko antzerki talde eta artista ez profesionalek arte eszenikoen arloko proposamenak aurkezterik izan dezaten.

Programa gizarte etxeetako ekitaldi aretoetan egingo da, bi denboralditan (2019ko negu-udaberrian eta udazkenean), gehienetan asteburuetan eta arratsaldez.

Proposamenek arte eszenikoen edozein alorretakoak izan behar dute (antzerkia, musika, dantza, bakarrizketak, magia, txotxongiloak, etab.) eta helduak, gazteak, haurrak zein familiak izan ahal dira hartzaileak. Euskaraz, gaztelaniaz edo hitzik gabeak izan daitezke lanak.

Deialdiko baldintzak betetzen dituzten proposamenen artetik, talde tekniko batek aukeratuko ditu 2019ko “Auzo Eszena” ikuskizun-programako bi denboraldietan parte hartuko duten artista eta taldeak, eta programaziorako lehen proposamena egingo du.

Proposamen hori artista edo taldeekin koordinatu ondoren itxiko da, eta hainbat alderdi hartuko ditu kontuan osotasunean koherentea izan dadin: hartzaileak, hizkuntza, espazioak, ikuskizunen tipologia, aniztasuna eta beste.

Deialdiaren oinarriak Gasteizko udalaren web-orrian  (Auzo Eszena) kontsultatu ahalko dira, azaroaren 20tik aurrera.

Proposamenak aurkezteko epea azaroaren 20tik abenduaren 9ra bitartekoa da, biak barne, eta agiriak herritarrei laguntzeko edozein bulegotan aurkeztu edo auzoeszena@vitoria-gasteiz.org helbidera bidal daitezke.

Deialdiari buruzko argibiderik nahi izanez gero, esteka helbide honetan eska daiteke: auzoeszena@vitoria-gasteiz.org.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  26 iraila 2018 09:50

Zortzi eszena proposamen estreinatuko dira urriaren 7tik abenduaren 16ra bitarteako igandeetan

Gaur hasiko da Auzo Eszena programako urritik abendura bitarteko denboraldirako sarreren salmenta. Programa horrek Gasteizko arte eszenikoen alorreko konpainia ez-profesionalei aukera ematen die beren proposamenak jendaurrean erakusteko, gizarte etxeetako ekitaldi aretoetan.

Kultura, Hezkuntza eta Kirol zinegotzi Estibaliz Cantoren hitzetan, “programan sinesten dugu, eta horren aldeko apustua egiten, tokiko kulturaren aldeko filosofiarekin bat datorrelako. Taldeek sormena, artea eta konpromisoa eskaintzen dute; guk, berriz, espazioak, ekipamenduak, zabalkundea, sarrera-salmenta eta teknikarien gastuak. Horretaz gain, leihatilan bildutako dirua ere ematen diegu”.

Zortzi taldek hartuko dute parte urritik abendura bitarteko programazioan: Flor de tomillo, Auskalhop, Trokomotxo, Vantare, Hirukide teatro, Expressyourclown, Alecrín eta Tadir.

Emanaldi guztiak urriaren 7tik abenduaren 16ra bitarteko igandeetan izango dira, 19:00etan, Araneko, Zabalganeko, Salburuko, Arriagako eta Aldabeko gizarte-etxeetan. Sarrerak gizarte etxe eta kirol-instalazio guztietan egongo dira salgai, eta 3 eta 5 euro arteko prezioa izango dute, taldeek nahi dutenaren arabera.

Aurten, berritasun gisa, sarrerak internetez erosteko aukera emango da, ikuskizuna hasi baino ordubete lehenagora arte.

Aurreko urteetako datuak

2017ko Auzo Eszenako bi denboraldietako partaidetza-datuak

 2017ko otsailetik ekainera eta urritik abendura
Ikuskizun kopurua17 (bi taldek ez zuten parte hartu)
Ikusleak1884 pertsona

2018ko Auzo Eszenako lehen denboraldiko partaidetza-datuak

 2018ko otsailetik ekainera
Ikuskizun kopurua12 talde
Ikusleak1146 pertsona

 

Auzo Escena- udazkena 2018

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  8 otsaila 2018 12:45

 

Lehenengo hamabiak otsailaren 19tik maiatzaren 28ra bitarteko igandeetan estreinatuko dira

 

Auzoeszena liburuxka

 

Auzo Eszena programak Gasteizko arte eszenikoen alorreko konpainia ez-profesionalei beren proposamenak jendaurrean erakusteko aukera ematen die, eta 2018an 20 lan estreinatuko dira; zikloa bi denboralditan banatuta dago: otsaila-maiatza eta urria-abendua.

Kultura eta Kirol Arloko zinegotzi Estíbaliz Cantok aurkeztu du gaur prentsaurrekoan, eta lehen denboraldi honi dagokionez hiru datu nabarmendu ditu: “lehenengo, iaz baino proposamen bat gehiago dagoela, edo hiru, 17 lan baino ez zirela estreinatu kontuan hartuz gero, eta horrek adierazten digu zeinen bizi dagoen tokiko kultura ehuna. Bigarren, taldeetako sei lehen aldiz aurkeztu direla. Eta hirugarren, beste espazio bat gehitu zaiola zikloari, Zabalganeko gizarte etxea”.

Zehazki, Auzo Eszenaren barruko 20 lanetako hamabi programatu dira otsailaren 19tik maiatzaren 28ra bitarteko denboraldian; igandeetan izango dira emanaldiak, 19:00etan, Aldabe, Arana, Arriaga, Ariznabarra, Salburua eta Zabalganeko ekitaldi-aretoetan.

Konpainia eta artista hauek arituko dira: Asier Kidam, Ciro Dido, Imperfeccionismo Mágico, Juanjo Monago, Abarka taldea, Pánico Escénico, Titania Teatro, Latirili, El Club de los Poetas Rojos, Nisune, Sinquerer Teatro eta Tobaco Road.

Gaur jarriko dira sarrerak salgai, gizarte etxe eta kirol instalazio guztietan. Prezioak 3 € eta 5 € artekoak izango dira, taldeen arabera.

Kultura Zerbitzuak espazioak eta ekipamenduak jartzen ditu, eta sarrera-salmenta kudeatzeaz, zabalkundea egiteaz, argiztapen eta soinu teknikari baten gastuez eta leihatilan bildutako dirua ordaintzeaz ere arduratzen da.

 

2017ko datuak

2017an programatutako 19 lanetako 17 estreinatu ziren, bi taldek baja eman baitzuten beren kabuz; orotara 1.884 ikusle bildu ziren, aurreko urteetan bezalaxe. “Funtzionatzen duen programa da eta, gainera, arrakasta kualitatiboa du, kuantitatiboa baino garrantzitsuagoa dena, konpainia amateurrei antzezteko aukera ematen baitie”, amaitu du Cantok.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  10 urria 2017 11:38

Sei eszena proposamen estreinatuko dira urriaren 22tik abenduaren 17ra bitartean

20171010 Auzoeszena

Bihar hasiko da Auzo Eszena programako urritik abendura bitarteko denboraldirako sarreren salmena. Auzo Eszenak Gasteizko arte eszenikoen alorreko konpainia ez-profesionalei beren proposamenak gizarte etxeetako ekitaldi aretoetan jendaurrean erakusteko aukera ematen die.

Kultura, Hezkuntza eta Kirol zinegotzi Estibaliz Cantok aurkeztu du programa prentsaurrekoan gaur. Haren hitzetan, “programa honetan sinesten dugu, eta horren aldeko apustua egiten dugu tokiko kulturaren aldeko filosofiarekin bat dator eta. Taldeek sormena, artea eta konpromisoa eskaintzen dute; guk, berriz, espazioak, ekipamenduak, zabalpena, sarrera-salmenta eta teknikarien gastuak. Horretaz gain, leihatilan bildutako dirua ere ematen diegu”.

Sei taldek hartuko dute parte urritik abendura bitarteko programazioan: Trokomotxo, TAdir Teatro, Abstractoesfera, Asier Kidam, Los del Sótano eta Auskalhop; lauk gaztelaniaz, eta bik euskaraz.

Emanaldi guztiak urriaren 22tik abenduaren 17ra bitarteko igandeetan izango dira– urriaren 29an, azaroaren 5ean eta abenduaren 10ean izan ezik–, 19:00etan, Araneko, Salburuko, Arriagako eta Aldabeko gizarte-etxeetan. Sarrerak gizarte etxe eta kirol-instalazio guztietan (pilotalekuetan izan ezik) egongo dira salgai, eta 5 euro balio dute.

 

2016ko datuak

Iaz 9.099 euro bildu ziren. Diru gehien jaso zen ikuskizunean 800 euro lortu ziren, gutxienean 276 euro. Hori guztia espazioak eskaintzen duen lekuarekin lotuta egoteaz gain, taldeak berak jartzen duen prezioarekin ere lotuta dago. Taldeek gastuak estaltzeko prezioak jarri ohi dituzte.

Azkenik, iazko bi denboraldietako beste zenbait datu interesgarri:

 2016ko otsailetik ekainera eta urritik abendura
Ikuskizun kopurua17
Ikusleak1986 pertsona.

 

Lekuari dagokionez:

  • 7 ikuskizunetan % 100 bete zen
  • 3 ikuskizunetan % 80etik %100era artean bete zen
  • 4 ikuskizunetan % 50etik % 80ra
  • 3 ikuskizunetan ez zen % 50era iritsi
Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  8 otsaila 2017 14:31

 

 

 

 

 

 

 

 

Lehenengo hamarrak otsailaren 19tik maiatzaren 28ra bitarteko igandeetan estreinatuko dira

Auzo Eszena programak Gasteizko arte eszenikoen alorreko konpainia ez-profesionalei beren proposamenak jendaurrean erakusteko aukera ematen die, eta 2017an 18 lan estreinatuko dira.

Kultura, Hezkuntza eta Kirol zinegotzi Estíbaliz Cantok aurkeztu du gaur prentsaren aurrean.

Orotara 18 lan izango dira, eta lehenengo hamarrak otsailaren 19tik maiatzaren 28ra bitarteko igandeetan estreinatuko dira; Aldabe, Arana, Arriaga, Ariznabarra eta Salburuko ekitaldi-aretoetan izango dira emanaldiak, 19:00etan hasita.

Talde eta banako hauek hartuko dute parte: Abarka Taldea, Express Your Clown, Pánico Escénico, Entelekia, Teatro Lua, Mejora@s, Juanjo Monago, Arteko, Tranpola eta Extremadurako Etxea.

Gaur jarriko dira sarrerak salgai, gizarte etxe eta kirol instalazio guztietan. Prezioak 3 € eta 5 € artekoak izango dira, taldeen arabera.

 

2016ko datuak

2016an 17 ikuskizun eskaini ziren, eta 1986 ikusle zenbatu ziren. Zazpi lanetan leku guztiak bete ziren; hirutan, lekuen % 80 baino gehiago bete zen; lautan lekuen % 50 eta % 80 artean bete zen, eta bakarrik hirutan izan zen % 50etik beherako asistentzia. “Datu horiek erakusten dute konpainia amateurrei jendaurrean aritzeko aukera emateko programaren arrakasta kualitatiboari publikoaren arrakastak ere laguntzen diola”, nabarmendu du Kulturako arduradunak.

Folleto Auzo Eszena primavera 2017

Share