Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  24 iraila 2018 12:17

Gasteizko Udalak behe tentsioko energia elektrikoaz hornitzeko kontratazio-dosierra onetsi du gaur goizean, argiteria publikorako eta beste erabilera batzuetarako. Udalak 3,2 milioi euroko aurrekontua du horretarako, eta kontratua urtebete luzatzeko aukera emango du. Aurreko urteetan bezala, erositako energia % ehun berriztagarria izango da, baina oraingoan berrikuntza bat sartu da: kontratua lau multzotan banatu da, hornitzaileen arteko lehia sustatzeko eta lehiaketan fakturazio txikiagoa duten enpresek parte hartzerik izan dezaten errazteko.

Kontratatutako energiak argiteria publikorako eta beste ekipamendu batzuetarako erabiliko da: iturriak, semaforoak, ponpatze-sistemak, ureztapena…  Aurrekontu osoa 3.279.794,23 euro da, honela banatuta:

A multzoaren aurrekontua: 768.136,38 €.

B multzoaren aurrekontua: 616.075,63 €.

C multzoaren aurrekontua: 1.071.585,89 €.

D multzoaren aurrekontua: 823.996,31 €.

Esleipendunak bezeroei arreta emateko zerbitzua eduki beharko du, zerbitzuaren funtzionamendu zuzenaz arduratu, eta urteko egun guztietan eta eguneko 24 orduetan zerbitzu etengabea eman, edozein arazo konpontzeko.

Share