Prentsa Oharren banner
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  31 urtarrila 2019 13:19

Udalak elurte planaren larrialdi aurreko fasea aktibatu du, asteburuan elurra egin dezakeela ohartarazi baitu Eusko Jaurlaritzako Larrialdiei Aurre Egiteko eta Meteorologiako Zuzendaritzak.

Euskalmeten iragarpenen arabera, larunbat goizaldean elur kota 400-600 metrora jaitsiko da, eta egun osoan horrela jarraituko du.

Arabako zenbait lekutan izozte arinak izango dira, eta izozte arin eta moderatuak mendialdean.

Larrialdi aurreko fasean, Udalak baliabide propioak aktibatzen ditu, suhiltzaileen eta FCCren makinak baliatuz.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  26 urria 2018 13:54

Asteburuan elurra egin dezakeela iragarri delarik, Udalak elurte planaren larrialdi aurreko fasea aktibatu du; izan ere, elur maila 600-800 metrora jaits daiteke igandean, baita beherago ere, ekaitz guneetan.

Larrialdi aurreko fasea aktibatzen denean, udal baliabideak alerta-egoeran sartzen dira, esku hartu beharko balute ere. Eguraldi gertakari horiei buruzko udal bandoa ere eguneratu da.

Hona hemen Eusko Jaurlaritzako Larrialdi eta Meteorologiako Zuzendaritzaren iragarpena:

  • Larunbata, hilak 27. Elur maila 1.000 metro ingurura jaitsiko da. Arratsaldean 800-900 metrora jaits daiteke. Aurreikusitako lodierak: 2-10 cm 1.000 metrotan; 0 cm 600 metrotan; 0 cm 200 metrotan.
  • Igandea, hilak 28. Elur maila 600-800 m ingurukoa izango da. Barrualdean izozte arinak, bereziki mendialdean. Aurreikusitako lodierak: 5-20 cm 1.000 metrotan; 0-2 cm 600 metrotan; 0 cm 200 metrotan.
  • Astelehena, hilak 29. Elur maila 600-800 m ingurukoa izango da; goizean 1.000 metrora igoko da. Aurreikusitako lodierak: 5-20 cm 1.000 metrotan; 0-1 cm 600 metrotan; 0 cm 200 metrotan.

 

Ate irekiko egunak 

Horretaz gain, iragarpena eta aurreikusitako tenperaturen jaitsiera kontuan hartuz, Gizarte Politiken eta Osasun Publikoaren Sailak erabaki du ateak irekitzea harrera baliabideetan, kalean lo egiten dutenek erabili ahal izan ditzaten.

 

 

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  10 urtarrila 2018 14:38

Elurra egin dezakeela iragarri delarik, Udalak elurte planaren larrialdi aurreko fasea aktibatuko du gaur gauean.

Eusko Jaurlaritzako Larrialdiei Aurre Egiteko eta Meteorologiako Zuzendaritzaren arabera, gaur, asteazkena, elur-maila jaisten joango da egunean zehar, eta azken orduan 700-800 m ingurura iritsiko da.

Goizaldean, berriz, elurra 600-800 metrotan ager daiteke; eguerdi aldera 800 metrora igoko da maila, eta gero 1000 metro inguruan geratuko da.

Iragarpena kontuan hartuta, Udaleko Herritarren Segurtasunaren Sailak 7 ibilgailu mugiaraziko ditu, hortzez (7) eta urgarriz (5) hornitutakoak, galtzadak eta hiriko kale nagusiak garbi izan daitezen bermatzeko.

Share