Prentsa Oharren banner
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  12 ekaina 2019 12:11

Gasteizko Udalak bat egin du aurten Arabako Foru Aldundiaren ekimenarekin, zeinak fase pilotuan 38 kultura agenteren kontsultak izan baitzituen

 

 

 

Arabako Foru Aldundiak, Gasteizko Udalak eta Laboral Kutxak KulturAraba Bulegoa  kultura erakundeei eta profesional autonomoei informazioa eta laguntza emateko zerbitzuarekin jarraitzea itundu dute. Zerbitzu hori proiektu pilotu gisa jarri zuen abian iaz Arabako Foru Aldundiaren Euskara, Kultura eta Kirol Sailak.

Gaur aurkeztu dute prentsaurrekoan Kultura, Hezkuntza eta Kirol zinegotzi Estíbaliz Cantok, Euskara, Kultura eta Kirol diputatu Igone Martínez de Lunak, eta Laboral Kutxako bulego zuzendari Luis Daniel Bernalek.

Programa pilotu horrekin Arabako Kulturaren Plan Estrategikoaren (2017-2020) Kultura Erakundeak Sendotzeko eta Modernizatzeko Programaren lehentasunezko ekintzetako bat abian jartzen zen.

Horrela, hilabete batzuetan zehar bulego honek erantzuna eman die kultur proiektu bat martxan jartzen denean sortzen diren galderei. Pilotu fase honetan 38 kultura agente hurbildu dira bulegora 58 kontsulta egiteko. Agente gehienak Gasteiztik heldu dira, baina baita beste leku batzuetatik ere. Kontsulten ehuneko 60 bulegoan bertan egin dira, ehuneko 24a interneten bide eta 16a telefonoz.

Ekimenak izandako erantzuna ikusirik, Udalak bat egitea erabaki du; izan ere, Cantok azaldu duenez, “lurraldeko bi erakunde publiko nagusien estrategiak kultur politiken alorrean bide berera etorri dira beste behin; azken batean, horrek tokiko sorkuntzaren aldeko apustua egiten duen lan-ildoari jarraitzea esan nahi du, zeina 2018-2020 plan estrategikoan jasota baitago, tokiko kulturan prestakuntza, sorkuntza, ekoizpena eta berrikuntza sustatzeko helburu nagusiarekin”.

Laboral Kutxa proiektu honetara biltzen da bere ezagupenak eta aholkularitza eskainiz, Gaztenpresa Fundazioaren bidez, kultura ekimen ekintzaile berriei. Izan ere, fundazio horren helburua da gure ingurunean enplegua sustatzea, ideia sortzen denetik finantzatzen den arte laguntza emanda eta sorkuntza bakoitzari aholkularitza pertsonalizatua eskainita.

Azken batean, lurraldeko bi erakunde publiko nagusien kultura politiken arloko estrategiak biltzen dira, berriro ere, KulturAraba Bulegoan. Eta oraingoan erakunde pribatua batuta,  ilusioz betetako agertoki bat datorkigu aurrera, enpresa bokazioa duten sormen eta kultura ekimenen ekintzailetza, berrikuntza eta babes arloko lankidetza publiko-pribatuarena.

Zer da KulturAraba Bulegoa?

  • Arabako Lurralde Historikoko eta Trebiñuko Konderriko kultura sektorean lan egiten duten pertsonei eta erakundeei argibideak eta laguntza emateko bulegoa da.
  • Aholkularitza gune bat da, kultura eta sormen sektorearen behar informatiboei erantzuteko eta sektore hori sendotzeko eta modernizatzeko.

Nori dago zuzenduta KulturAraba Bulegoa?

  • Kultura eta sormen arloko enpresei.
  • Sektoreko profesional autonomoei.
  • Kultura elkarte eta erakundeei.
  • Kultura arloko ekimen eta proiektuak dituzten pertsonei, edozein fasetan egonik ere.
  • Kulturarekin lotutako diziplinetako ikasle eta ikertzaileei.

Zer eskaintzen du KulturAraba Bulegoak?

  • Kultura eta sormen proiektuak garatzearekin lotutako dirulaguntzei, deialdiei eta hainbat konturi buruzko informazioa (finantzaketa, prestakuntza, fiskalitatea eta legeak, espazio baliabideak …)
  • Sektoreko eragileei laguntzea beren eguneroko jarduerarekin eta kultura proiektuak garatzearekin zerikusia duten gaietan.
  • Sektorea dinamizatzea, eta testuinguruak sortzea errazago izateko sareak egitea eta proiektuak aurrera eramateko ezaupideak edo inspirazioa.
  • Taldearen osaera hau izango da:
    • Laguntza prozesuak erraztu eta erabiltzaileek eskatutako gaiei erantzungo dien pertsona bat.
    • Zerga eta lan arloko pertsona aditu bat.
    • Disziplina anitzeko talde bat, KulturArabak sustatuko dituen hileroko topaketak dinamizatzeaz arduratuko dena.

Nola jaso KulturAraba Bulegoko zerbitzuak?

  • Bulegora bertara joanez. Helbidea: Jesusen Zerbitzarien Fundatzailearen kalea 5, Gastei Astelehen, astearte eta ostegunetan, 10:00etatik 14:00etara eta asteazkenetan 16:00etatik 20:00etara.
  • Posta elektroniko bidez: kulturaraba@araba.eus
  • Sare sozialez bidez: #kulturaraba traola erabilita
  • Telefonoz: 945 18 19 92

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  10 ekaina 2019 11:56

Dantza profesionalentzako sorkuntza laborategiaren proiektuak hainbat lan estreinatuko ditu, ekainaren 27an, irailaren 12an eta abenduaren 18an

 

 

 

Atalak 2.0, euroeskualdeko kideek sustatutako dantza profesionalentzako sorkuntza laborategiaren proiektua, Gasteizera iritsi da lehenengoz.

Kultura, Hezkuntza, Kultura eta Kirol zinegotzi Estíbaliz Cantok, 2.0-ko ordezkari Fernando Sáenz Ugartek eta Proyecto Larrua dantza konpainiako kide batek aurkeztu dute gaur prentsaurrekoan; Gasteizko dantza konpainia hori izango da proiektuaren barruan bere koreografia lana aurkezten lehena.

Atalak 2.0 sorkuntza laborategiak sustatzeko proiektua da, euroeskualdeko kideek lagundutakoa. Horren misioa dantzaren munduko profesionalei (koreografoak eta dantzariak) lanbidean eta sormenaren arloan garatzeko aukerak eskaintzea da, egonaldien, erakustaldien, topaketen eta bitartekaritza-proposamenen bidez.

Proiektua hiru kidek sortu zuten: DantzaZ (Errenteria), Malandain-Biarritz  koreografia zentro nazionala (Pirinio Atlantikoak-Akitania Berria) eta Baluarte fundazioa (Tudela); horiei Gasteizko Antzoki Sarea, Tabakalera eta Azkuna Zentroa Alhondiga Bilbao batu zaizkie.

Parte hartzera gonbidatu gintuztenetik —nabarmendu du Cantok—, oso proiektu erakargarria iruditu zitzaigun, gure sailak tokiko eszena-sorkuntzaren eta dantzaren alde egindako apustua kontuan hartuta, interes handia baikenuen Atalak.2.0-ren kide izateko. Arabak eta Gasteizek koreografo eta dantzari harrobi handia dute, eta oso azpiegitura egokiak egonaldi artistikoak egiteko. Bi egitate horiek gure artisten sormenari eta profesionalizazioari laguntzeko esparruak eskaintzera behartzen gaituzte, eta horrexegatik inplikatu gara Atalak.2.0 proiektuan”, azaldu du.

Sormen-laborategian bi aste ematea eskaintzen du proiektuak, hala sortzaileek nola dantzariek bilaketa koreografikoan sakontzerik izan dezaten. Koreografiaren munduan lehen urratsak egiten ari diren sortzaile berriei zuzendutako proposamena da. aborategiaren formatuan funtsezkoa da talde lana.

Aurten hiru koreografo hautatu dituzte egonaldiak gidatu eta lanak sortzeko:

  • Myriam Perez Cazabonek Dantzagunean egin du egonaldia.  Lan hori ez da Gasteizen ikusi ahal izan, San Prudentziorekin batera aurkeztu baitzen. Horren ordez, Proyecto Larrua taldearen bi lan ikusiko dira.
  • Proyecto Larrua. Tuterako Gaztambide antzokian egingo du egonaldia, ekainaren 10etik 21era, eta emaitza Félix Petite antzokian ikusi ahalko da, ekainaren 27an, baita Montehermoso kulturunean ere, irailaren 12an.
  • Martxel Rodríguezek ere Dantzagunean egingo du egonaldia, eta abenduaren 18an aurkeztuko du bere lana Félix Petite antzokian.

Principal antzokiko leihatilan jaso ahalko dira lanak ikusteko gonbitak, ikuskizuna baino 15 egun lehenagotik.

Ez dira ohiko emanaldiak izango, agertokia artistekin partekatuko baita,  eta haiekin hitz egin ahalko baita, sorkuntza-prozesuaz galdetu, etab.

ATALAK BERRIAK 2019

Share
Kategoriak: Fotonotizia  —  Etiketak: , ,   —  Komunikazio Zerbitzua / Servicio de Comunicación  —  7 ekaina 2019 12:38

 

Alkatea, Gorka Urtaran; Kultura, Hezkuntza eta Kirol zinegotzia, Estíbaliz Canto, eta Emakumeen Lasterketaren organizatzaileak, Feria irekitzeko ekitaldi ofizialean. Lasterketa igandean izango da, 11:00etatik aurrera, Mendizabalean hasi eta bukatzen delarik. Ferian eman behar da izena, eta dortsalak jaso; orobat, kirola eta elkartasuna batzen dituen probaren xedearekin bat egin duten gizarte elkarte eta erakundeak daude bertan.

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —   12:11

Horrez gain, Gobernu Batzarrak Arabako Bertsozale Elkartearekiko hitzarmena onetsi du, eta Gasteiztxo programaren eta sorospen zerbitzuaren kontratuak esleitu ditu

Estíbaliz Canto zinegotziak gidatzen duen Kultura, Hezkuntza eta Kirol Sailak proposaturik, Tokiko Gobernu Batzarrak Artium Fundazioarentzako aurrekontu-transferentzia onetsi du gaur.

Museoaren jarduerek hiriarentzat eta bere funtzionamenduarentzat duten garrantzia aintzat hartuta, Udalak oso garrantzitsu irizten dio museoa behar adinako aurrekontu-zuzkiduraz hornitzea. Horrenbestez, 90.000 euro bideratu ditu fundazioa baliabide finantzarioez hornitzeko.

Gainera, ekainaren 21ean eta 22an egingo den Azkena Rock jaialdiaren harisa, Gobernu Batzarrak hura babesteko kontratua egin du, 270.000 euroan.

Horrez gain, Gobernu Batzarrak 2019ko Arabako Bertsozale Elkartearekiko hitzarmena onetsi du. Arabako Bertsozale Elkarteak, besteak beste, helburu hauek ditu: bertsolaritzaren transmisioa bermatzea, zaletasuna zabaltzea eta horri buruzko ikerketa sustatzea, horretarako Gasteizen eta Arabako Lurralde Historikoan lan eginez. Udalak 14.000 euroz hornitu du hitzarmena, helburu horiek bete ditzan.

Gasteiztxo programa eta sorospen zerbitzua

Bestetik, Hezkuntza Zerbitzuak proposaturik, Tokiko Gobernu Batzarrak erabaki du Mastaller SL enpresari esleitzea informazio- eta komunikazio-hedabideetan hezteko 2019-2020 ikasturteko Gasteiztxo programaren kontratua, 143.746,56 euroan

Azkenik, eta Kirol Zerbitzuak proposaturik, udal igerilekuetan 2019-2020 eta 2020-2021 denboraldietan uretako sorospen eta botikin zerbitzua eskaintzeko kontratazio dosierra onetsi da, 3.562.523,14 euroan.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  5 ekaina 2019 13:18

 

Ekainaren 10etik aurrera, Extremadurari eskainitako jarduerak

 

 

 

 

 

Erkidegoen Jaialdiaren XXXIV. Edizioa aurkeztu du gaur udaletxean Arabako Lurralde Etxeen Federazioak, Hezkuntza, Kultura eta Kirol Arloko zinegotzi Estíbaliz Cantorekin batera. Aurten ekaineko 14an, 15ean eta 16an izango da, Santa Barbara plazan, orain artekoan Foru plazan izan bada ere.

Aurtengo berritasunen artea, Federazioa osatzen duten erkidegoetako bati eskainiko zaio jaialdia eta, horrenbestez, 10tik 13ra bitartean jarduera irekiak antolatu dira, Extremadurako Kultur Aste gisa.

Erkidegoen Jaialdiaren XXXIV. Edizioa

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  30 maiatza 2019 11:44

 Ángel Blanco Egoskozabalek (Errenteria) aurkeztutako “Giroz beteta”  lanak irabazi du Gasteizen abuztuaren 4tik 9ra egingo diren Andre Maria Zuriaren jaietarako kartelaren lehiaketa.

 

 

 

Orotara, 51 egilek 55 lan aurkeztu zituzten lehiaketara, eta Arabako diseinu grafikoaren alorreko profesionalek osatutako epaimahaiak hauek hautatu zituen lehen fasean:

7 zk. Lema: GIROZ BETETA

12 zk. Lema: AIRE

37 zk. Lema: POPURRI

53 zk. Lema: SÍMBOLOS DE IDENTIDAD

Bigarren fasean, finalisten artetik “Giroz beteta” lema duena jo da irabazletzat, botoen % 40 lortu baitu. Gainerakoen artean botoen % 20 lortu dute bakoitzak.

Hauek osatu dute bigarren faseko epaimahaia: Kultura Zerbitzuko eta Komunikazio Bulegoko teknikari bana, eta Gasteizko Arte eta Diseinuko goi mailako Eskola, Arte eta Lanbide Eskola, eta Ekialdea BHI (Arte Batxilergoa). Ikastetxeek partaidetza-prozesu baten bidez eman dute botoa.

2019ko Andre Mari Zuriaren Jaietako kartelak 1.500 euroko saria jasoko du. Egilea, Ángel Blanco Egoskozabal, Errenteriako da, eta 51 urte ditu; Arte Aplikatuetan graduatua da, Publizitate Marrazketaren espezialitatean. Gainerako finalistek 250 euro jasoko dute.

Hauek dira: “Aire”,  Rubén Alejandro Lucas García (Murtzia);

 

 

“Popurrí”  Alejandro Echeita Benguria (Gasteiz), eta

 

“Símbolos de identidad”, Vicent Ramón Pascual Giner  (Bocairent, Valentzia).

 

 

 

 

Artisten % 56 Gasteizen edo Araban bizi dira; % 8, Euskal Autonomia Erkidegoan, eta % 36, beste probintzia batzuetan. Kartelen % 49 emakumeek aurkeztu dituzte, eta % 51, berriz, gizonek. Adinei dagokienez, 30 urtetik beherako egileena izan da lanen % 47; gazteenek 9 urte dute, eta zaharrenak, 80.

Aurkeztutako kartelen erakusketa Ibaiondo, Iparralde eta Judimendiko gizarte etxeetan izango da, uztailaren 5etik 23ra bitartean.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  24 maiatza 2019 11:35

Tokiko Gobernu Batzarrak onetsi egin ditu Estíbaliz Canto zinegotziak gidatzen duen Kultura, Hezkuntza eta Kirol Sailaren hainbat hitzarmen.

Lehena, Gasteizko Jazz Jaialdiaren elkartearekin, 120.520 eurokoa, jaialdiaren 43. edizioa egiteko.

Bigarrena Teatro Paraíso S.A.L.-rekin, 45.000 eurokoa, haur eta gazteei zuzendutako antzezte jarduerak garatzeko: Beñat Etxepare aretoko programazioa eta Haurtxoak proiektua.

Hirugarrena, Arabako Argazkilarien Elkartearekin, 8.000 eurokoa, argazkigintza zabaldu eta ikasteko –urtean zehar ikastaroak, prestakuntza jardunaldiak, hitzaldiak eta abar antolatuta…–,  eta VIPHOTO FEST argazki-feria nazionalerako.

Laugarrena, Arabako Ilusionisten Elkartearekin, 88.000 eurokoa, Magialdiaren XXXI. edizioa egiteko.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:34

Gainera opor programako zenbait zerbitzu esleitu ditu

Estíbaliz Cantok zuzentzen duen sailak proposatuta, Tokiko Gobernu Batzarrak bi dirulaguntza-deialdi (2019-2020 ikasturtean guraso-elkarteek antolatutako eskolaz kanpoko ekintza osagarrietarakoa, eta 2019-2020 ikasturteean zerbitzuaren hezkuntza-programetan parte hartzen duten ikastetxeen garraio-gastuetarakoa) eta Errekabarri-Eguzkia guraso elkartearekiko hitzarmena onetsi ditu gaur.

Batetik, 2019-2020 ikasturteean zerbitzuaren hezkuntza-programetan parte hartzen duten ikastetxeen garraio-gastuetarako deialdia eta berariazko oinarriak, 11.284 eurotan. Programa horiek Magialdia, IIbilbide historiko-artistikoak, Gasteiztxo eta Musika Adierazpena dira.

Bestetik, Gasteizko ikastetxeetako ikasleen guraso elkarteei dirulaguntzak emateko deialdia, 2019-2020 ikasturtean eskolaz kanpoko jarduerak eta jarduera osagarriak egitekoa, 126.000 eurokoa

Azkenik, Gasteizko Udalak lankidetza hitzarmena sinatu du Errekabarri-Eguzkia guraso elkartearekin, Errekabarri HLHIko ikasleak Cándido Ruiz de Garibay ikastetxera eramateko, bertan ikasten ari baitira Errekabarri HLHI ireki bitartean.

Opor-programa

Horrez gain, Gobernu Batzarrak 2019ko opor programako jolas-txoko (jantokiarekin eta jantokirik gabe), udaleku ireki eta ingurumen-udalekuen zerbitzua esleitu dio Ludoland S.L. Enpresari, 243.098,90 euroan.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  22 maiatza 2019 13:25

 

Liburu Saltzaileen Elkartearekiko hitzarmena 6.000 eurotik 20.000 eurora handitu izanak egin du posible azoka formatu berrian antolatzea

Liburu Azoka tradizionala maiatzaren 24tik (ostirala) ekainaren 2ra (igandea) bitartean egingo da Gasteizen. Normalean Liburuaren Egunaren inguruan (apirilaren 23a) antolatu ohi den arren, aurten, oporrak zirela eta, ezin izan da hala egin, eta datak desberdinak izateaz gain, formatua ere aldatu egin da: asteburu bat irautetik hamar eguneko iraupena izatera igaroko da.

Hezkuntza, Kultura eta Kirol zinegotzi Estibaliz Cantok; Euskara, Kutura eta Kirol diputatu Igone Martinez de Lunak; Vital Fundazioko zuzendari Axier Urrestik, eta liburu saltzaileen gremioko ordezkari Ane Agirregomezkortak aurkeztu dute gaur prentsaurrekoan.

Cantok, formatua handitzeari dagokionean, ziurtatu du “liburu-salatzaileen gremiokoek azoka hobetzeko duten ardurari esker izan dela posible aldaketa egitea, baina baita instituzioek emandako bultzadari esker ere”. Izan ere, aurten udal-ekarpena 6.000 eurokoa izatetik 20.000 eurokoa izatera igaro da aurrekontu-aldaketa bati esker, eta “horrek ahalbidetu du bultzada hori ematea”.

Azokak sei stand izango ditu eta Urrezko Zeledonen plazan jarriko dute.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  17 apirila 2019 09:38

Ortzai elkartearekiko urteko hitzarmena ere onetsi du

Gaur, Estíbaliz Cantok zuzentzen duen Kultura, Hezkuntza eta Kirol Sailaren proposamenez, Tokiko Gobernu Batzarrak bi hitzarmen onetsi ditu.

Lehenengoa, EHUren Arabako campuseko Errektoreordetzarekin sinatuko da Gasteizko Film Laburren XXIII. Jaialdia antolatzeko, eta 6.000 euroko zenbatekoa izango du.

Bigarrena, Ortzai kultura-elkartearekin sinatuko du. Udalaren iritziz, interesgarria da Ortzai kultura-elkarteak egiten dituen ekimenei laguntzea, kolektibo ugariren onurarakoak baitira, eta, horrenbestez, 2019an zenbait jarduera egiteko hitzarmena onetsi du. Horretarako, 20.000 euro jarriko ditu Udalak.

Share

Aurrekoak »