Prentsa Oharren banner

FICMA-Ingurumeneko Zinemaren Nazioarteko Jaialdiaren erakustaldia hartuko du berriro ere Gasteizek. Sei film proiektatuko dira, Artium museoan. Ingurumenarekin begirunez jokatuko duen aldaketa sozialaren inguruko hausnarketa bideratzea du xede jaialdiak, duela 25 urte sortu zenez geroztik, eta joan den azaroan izan zen azken edizioa, Bartzelonan. Hamabost aldiz ekarri du dagoeneko Ingurugiro Gaietarako Ikastegiak Kataluniako jaialdi horren erakustaldia Gasteizera. Bihartik aurrera, Artiumekin lankidetzan, sei dokumental proiektatuko dira.

Ingurumenaren arloko gaiak jorratzen dituen zinema-jaialdi aitzindaria da mundu osoan Ingurumeneko Zinemaren Nazioarteko Jaialdia. Izan ere, zaharrena da, 25. edizioa izan baita azkena, eta erreferente bihurtua da ingurumen-dokumentalen arloan, baita jaialdi berritzaile gisa ere. Zinema eta zinemaren industria lantzen ditu, eta ingurumenaren arloko edukia eta ingurumen-hezkuntza, hainbat jarduerarekin.

Bihartik —urtarrilak 15— eta hilaren 31ra bitartean izango da proiekzioak ikusteko aukera. Aurten, bigarren urtez, Artium museoan izango dira. Film hauek ikusi ahal izango dira: ‘The reclutant radical’ (urtarrilaren 15ean), ‘Hondar 2050’ (urtarrilaren 17an), ‘Rush tour’ (urtarrilaren 22an), ‘The uncertainly has settled’ (urtarrilaren 24an), ‘Unfractured’ (urtarrilaren 28an) eta ‘Chamán’ (urtarrilaren 31n). 19:30etan hasiko dira proiekzioak, jatorrizko bertsioan, azpitituluekin, eta doan izango dira.

Pinakotekak jaialdiarekin bat egin duelarik, sendotu egingo da ingurumen-zabalkundearen eta gizartearen arteko lotura, ingurumenaren eta artearen eta kulturaren artekoa. Gainera, Artiumeko funtseko artelanen bisita gidatuetan parte hartzeko aukera eskaintzen da, eta familia osoarentzako lantegi bat, arte plastikoen bitartez naturara hurbiltzeko. Errioxako Würth Museoari buruzko hitzaldi bat izango da urtarrilaren 16an, eta argazkiak hostoen gainean errebelatzen ikasteko lantegi bat, urtarrilaren 24an.

 “Gasteizen etorkizun iraunkorragoa lortze aldera bideratzen ari garen proiektuekin uztartzen dira dokumentaletan jorratzen diren gaiak. Energia-aurrezpena eta energia-eraginkortasunaren hobekuntza direla medio trantsizio energetikoa bultzatzeko konpromisoa hartua dugu, Koroatzeko proiektuaren eta Mugikortasun Planaren gisako proiektuen bitartez, Azpiegitura Berdearen Estrategiaren bitartez klima-aldaketara egokitzeko, elikagaien estrategiaren markoan lurraldeko janari-produkzioa lehenetsi eta jarduera horrek ingurumenean duen inpaktua gutxitzeko, ekonomia jasangarria bultzatu eta hondakinak murrizteko… Hori guztia, herritarren partaidetzarekin”, azaldu du Ingurumen zinegotzi eta IGIko lehendakari Iñaki Prusillak.

“Nire aldetik nabarmendu nahiko nuke Artium, gaur egungoaz arduratzen den Zentro-Museo gisa, gizarte garaikideari eragiten dioten eta interesatzen zaizkion gai guztiei adi dagoela. Eta ingurugiroa da horietako bat, agian gizadiaren etorkizunerako garrantzitsuena. Hori dela-eta, Jaialdiaren proiekzioen egoitza gisa parte hartzeaz gainera, aurten Artiumek, iaz ere egin zuen bezala, beste eduki batzuk ere eskainiko ditu, artea eta artistak ingurugiro gaietara nola hurbiltzen zaizkien ezagutzera emateko, edota nola eragin daitekeen artearen mundutik gai horri buruzko gogoeta eta kezka”, adierazi du, bere aldetik, Euskara, Kultura eta Kirol diputatu Igone Martínez de Lunak.

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  9 urtarrila 2018 12:15

 

 

 

 

 

 

 

Gasteizek 9 film eskainiko ditu FICMA-Ingurumeneko Zinemaren Nazioarteko Jaialdiko erakustaldian, Artium museoan proiektatuko diren sei saioetan. Jaialdiak ingurumenarekiko errespetuzko aldaketa sozial baten inguruan hausnartzea izan du xede sorreratik, eta martxan daramatzan 24 urteetan errotu egin da nazioartean. Ingurugiro Gaietarako Ikastegiak hamabost aldiz ekarri du Gasteizera Kataluniako jaialdi honetako erakustaldi bat. 

Ingurumeneko Zinemaren Nazioarteko Jaialdia ingurumena aztergai duen zine-jaialdi aitzindaria da munduan. Iazkoa 24. edizioa izan zen, eta jaialdia erreferente bihurtu da ingurumen arloko dokumental zein jaialdi berritzaileen arloan. Zinema, bere industria eta ingurumen arloko edukia eta hezkuntza lantzen ditu hainbat jardueratan teknologia berriak baliatuta. Sustapen eta hedapenetik harantzago doan jaialdia da FICMA, inspirazio eta baloreen iturri izateaz gain, gizarte aldaketen sortzailea ere bada. Jaialdi honetan entretenimendua hausnarketa bihurtzen da; gizartea eraldatzea du xede, kulturaren, zinemaren eta ikus-entzunezkoen industria lagun, planeta leku bizigarriagoa izan dadin eta etorkizuna duen leku bihurtzeko.

Gasteiztarrek gaurtik (urtarrilaren 9a) urtarrilaren 25era bitartean gozatu ahalko dute erakustaldiaz. Aurtengo berrikuntzarik nagusia kokalekuaren aldaketa da: proiekzioak Artium museoan izango dira. Aurreko edizioetan, berriz, Aldaberen aurrean, Luis de Ajuria aretoan edo Montehermoson izan ziren. Pinakotekak jaialdian parte hartzeari esker, Blanca de la Torre arte komisarioaren hitzaldi bat gehituko zaio programari: “Artea egungo klima-aldaketaren eta arazo ekologikoen aurkako estrategia gisa”. Bertan, artearen garrantziaz eta artearen lengoaiak iraunkortasun-arazoen inguruan eztabaida publikoa sortzeko ematen duen aukeraz hausnartuko da. Horretaz gain, Artiumek ingurumen gaiekin lotutako artelan bat aukeratuko du, astero, bere funtsen artetik. Proiekzioak astearte eta ostegunetan izango dira, eta horien aurretik, 19:00etan, aukeratutako artelanak ezagutzeko bisita gidatua egingo da. Bisita horietarako ezinbestekoa da izena ematea. Proiekzio eta hitzaldirako, berriz, sarrera librea izango da lekuak bete arte.

” Udalean uste dugu zinema ezinbesteko lanabesa dela sentsibilizazio eta pedagogiaren alorrean. “Zinemak pertsona berriarengana eta beste errealitate batzuetara hurbiltzen laguntzen digu, eta osotasun baten parte garela eta egiten dugun orok uste baino sakonagoko eraginak dituela irakasten eta horretaz kontzientzia harrarazten digu. Honek guztiak garrantzi handiagoa du ingurumenaz ari bagara” adierazi du Ingurumeneko zinegotzi eta IGIko lehendakari Iñaki Prusillak.

Gure ustez bete-betean asmatu dugu arabarrei eta euskaldunei, oro har, guretzat eta etorkizuneko belaunaldientzat honen garrantzitsua den gai baten inguruko ikus-entzunezko produkzio bikainak eskaintzeko aukera izatean” adierazi du Euskara, Kultura eta Kiroleko diputatu Igone Martinez de Lunak.

FICMAko zuzendari Jaume Gilek adierazi duenez, ” Kataluniako ingurumeneko zinemaren nazioarteko jaialdia ingurumena aztergai duen zine-jaialdi aitzindaria da munduan. Iazkoa 24. edizioa izan zen, eta jaialdia erreferente bihurtu da ingurumen arloko dokumental zein jaialdi berritzaileen arloan. Zinema, bere industria eta ingurumen arloko edukia eta hezkuntza lantzen ditu hainbat jardueratan teknologia berriak baliatuta. Sustapen eta hedapenetik harantzago doan jaialdia da FICMA, inspirazio eta baloreen iturri izateaz gain, gizarte aldaketen sortzailea ere bada. Jaialdi honetan entretenimendua hausnarketa bihurtzen da; gizartea eraldatzea du xede, kulturaren, zinemaren eta ikus-entzunezkoen industria lagun, gure planeta leku bizigarriagoa izan dadin eta etorkizuna duen leku bihurtzeko.

 

Honako filmak eskainiko dira:

Urtarrilak 9, asteartea

Unchained, Alex C. Rivera, Erresuma Batua, 2017, 80 min

Urtarrilak 10, asteazkena

Hitzaldia: Artea egungo klima-aldaketaren eta arazo ekologikoen aurkako estrategia gisa” . Hizlaria: Blanca de la Torre

Urtarrilak 11, osteguna

Sparkling Rivers, Märten Vaher, Anna Gavrons, Estonia, 2017, 54 min

Paradise Melting, Umar Majid Ali, Pakistán, 2017, 34 min

Aukeratutako artelana: Sin Título (Paraíso seriekoa), 2003 – Carmela García

Urtarrilak 16, asteartea

The Valable Waste, Adesoji Adeyemi-Adejolu, Nigeria, 2016, 47 min

Straws, Linda Booker, Estatu Batuak, 2017, 33 min

Urtarrilak 18, osteguna

The Last Harvest, Tina-Marie Qwiberg, Suedia, 2017, 58 min

Aukeratutako artelana: Poisonous Spider, 2005 – Qingsong Wang

Urtarrilak 23, asteartea

El secreto del bosque, Antonio Grundfeld Rius, Espainia – Ekuatore Ginea, 2016, 45 min

El hombre de agua dulce, Álvaro Ron, Espainia-Estatu Batuak, 2017, 17 min

Urtarrilak 25, osteguna

Greed – A Fatal Desire, Jörg Seibold, Alemania, 2016, 83 min

Aukeratutako artelana: Twilight 11, 2008 – Carlos Irijalba

Jatorrizko bertsioan, gaztelaniazko azpitituluekin

 

19:00: astearte eta ostegunetan. Artelanerako bisita: 25 lagun gehienez.

Erreserba izen ematearen hurrenkeran.

19.30: Proiekzioa: Entzunaretoa

Hitzaldia: 19.00 ordu

Edonor sar daiteke

Informazioa eta erreserbak: 945 20 90 20

 

Share