Prentsa Oharren banner
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  7 ekaina 2017 14:03

 

 

 

 

 

 

  • Iñigo Urkullu Lehendakariak eta Gorka Urtaran alkateak lankidetza-hitzarmena sinatu dute, Vitoria-Gasteizko hiriburutza sustatzen jarraitzeko
  • “Gasteiz 2020 Proiektuak”, kanonaz gain, etxebizitza, enplegua eta gizarte-politikak; osasun-azpiegiturak; hezkuntza eta kultura; eta garapen ekonomikoaren eremuak hartuko ditu hiriburua hobetzen jarraitzeko eta herritarrentzako bizi-kalitatearen eta ongizatearen helburuari eusteko

Iñigo Urkullu lehendakariak eta Gorka Urtaran alkateak gaur goizean lankidetza-hitzarmena sinatu dute, “Gasteiz 2020” proiektua sustatzeko. Gobernuak 40 milioi euro bideratuko ditu hiriburutzara, herritarrentzako bizi-kalitatearen eta ongizatearen erreferente gisa hobetzen jarraitzeko. Bi arduradunek balioa eman diote hiriburutzaren kanonerako zenbatekoa bikoizteko aukera eman duten erakundeen arteko lankidetzari.

Gaur eguerdian sinatu da Eusko Jaurlaritzaren eta Vitoria-Gasteizko Udalaren arteko lankidetza-hitzarmena, Vitoria-Gasteiz EAEko erakunde komunen egoitza gisa sustatzea finantzatzeko.

Iñigo Urkullu lehendakariak esan du “Gasteiz 2020” proiektua “hiriburuarentzako etorkizuneko apustua” dela eta bere Gobernuarentzako “lehentasunezkoa”, izan ere, bere programaren zatia da. Azaldu duenez, ekarpena urtero egingo da, bi ataletan: “hiriburua sustatzeko kanona” (7,5 milioi euro urtean); eta “hirirako ekipamendu berri”etarako inbertsioak (2,5 milioi euro urtean).

Bestalde, Vitoria-Gasteizko alkatea pozik agertu da Eusko Jaurlaritzak hiri honetan erakutsitako inplikazioagatik. “Hori agerikoa da, hiriburutzaren kanona bikoiztu egingo delako legegintzaldi honetan. Gainera, kanonaz gainera, Urkullu lehendakariaren Gobernua, pasa den legegintzalditik, inbertsio handiak egiten ari da sektore estrategikoetan, eta hala egiten jarraituko du legegintzaldi honetan ere, Vitoria-Gasteizen garapenerako, besteak beste, osasunean, hezkuntzan eta mugikortasunean”. Gorka Urtaranek, halaber, Vitoria-Gasteizko Udalaren eta Eusko Jaurlaritzaren arteko sintonia azpimarratu du. “Erakunde-lankidetza bikaina da, eta, hori dela eta, Euskadiko hiriburuari hiri modernoa, aitzindaria eta berritzailea izaten jarraitzeko aukera ematen dioten proiektuetan aurrera egin daiteke”, esan du.

Akordioaren zehaztasunak

Lehendakariak deskribatu ditu Eusko Jaurlaritzak 2017. urte honetan akordio honen esparruan egingo dituen jarduketa batzuk. Akordioak honako eremu hauek barne hartuko ditu, besteak beste: etxebizitza, enplegua eta gizarte-politikak; osasun-azpiegiturak; hezkuntza eta kultura; eta garapen ekonomikoa.

–        Laudio plazako konfigurazio berria

–        San Anton plazaren inguruko jarduketa.

–        San Ignacio Loiolakoaren kaleko obrak

–        Konstituzio plazaren irisgarritasuna.

–        Tomas Zumarraga Dohatsuaren kaleko lanak.

–        Birgaitze-obrak auzoetan.

–        “Bost Enparantza” proiektua, bost plaza publiko berritzeko, Santa Barbara plazako lehen fasearekin hasita.

–        Hiriko inbertsio-proiektuak, herritarrek parte hartzeko prozesuekin eta auzo-ekimenekin lotuta: hiri-baratzeak; Latinoamerika plaza; Arana inguruko aparkalekua; Europa parkinga edo Gasteiz Antzokia.

Datozen urteotan, gaur sinatutako hitzarmenari dagozkion eranskinen bidez, akordio honen kargura finantzatuko diren inbertsio eta obrak ezarriko dira.

Share
Kategoriak: Fotonotizia  —  Etiketak: ,   —  Komunikazio Zerbitzua / Servicio de Comunicación  —  5 ekaina 2017 12:42

 

 

 

 

 

Gasteizko alkate Gorka Urtaranek Arabako Lurralde Etxeen Federazioaren lehendakari eta lehendakariorde Mónica Calvo eta Manuel López Doamo hartu ditu. Izan ere, zuzendaritza-batzorde berria izendatu du 1985ean osatutako entitate horrek, eta lehengo aldiz emakume bat da lehendakaria.

Arabako Lurralde Etxeen Federazioak Gasteiz eta Laudioko 12 lurralde etxe barne hartzen ditu; Andaluziako eta Galiziako etxeek dute bazkide gehien.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  29 maiatza 2017 12:55

Gasteizko Udalak jardunaldi bat antolatu du datorren ekainaren 8an, industrialdeak kudeatzeko eta horietan esku hartzeko eredu ezberdinekin lotutako esperientziak eta iritziak partekatzeko. Enpresa-elkarte, enpresa, gizarte-eragile eta administrazio publikoei zuzendutako jardunaldia Europa biltzar jauregiko Gasteiz aretoan egingo da, eta alor horretako estatu osoko profesionalek hartuko dute parte.

Sei aurkezpenek  eta bertaratuen zein hizlarien arteko azken eztabaidak osatuko dute programa, eta arlo publikoaren eta pribatuaren arteko lankidetzako esperientziak, industrialdeak dinamizatzeko ekintzak, enpresak elkartzeko proiektuak eta industrialdeak garatu eta etengabe hobetzeko tresnak ezagutu ahalko dira. Galizia, Asturias, Katalunia, Andaluzia eta Euskadiko adituek hartuko dute parte. Gorka Urtaran alkateak inauguratuko du jardunaldia, eta ondoren Enpresa Poligonoen Espainiako Koordinakundearen zuzendari Alejandro Sáenz de San Pedrok irekiko du hitzaldien txanda.

“Industrialdeak gako dira Gasteiz enpleguaren eta ekonomiaren hiria bihurtzeko dugun estrategian. Inguru horietan esku hartzeko plan bat landu dugu, eta fruituak ematen ari da. Industrialdeen kudeaketarekin zerikusia duten agenteen arteko koordinazioan aurrera egin dugu, lursailei buruzko informazioa eta enpresentzako arreta hobetzen ari gara, eta jardunaldi honen bidez esperientzia eta ezagutza partekatzeko urratsak egin nahi ditugu”, adierazi du Enpleguaren eta Garapen Ekonomiko Iraunkorraren zinegotzi Nerea Melgosak.

Melgosak Industria Zerbitzu berriaren egitekoa  azpimarratu du, Gasteizko Udalak sektore ekonomiko horri begira abiarazi dituen ekintzak indartzen erabakigarria izan baita. Orobat nabarmendu du Sprilurrek, Araba Garapen Agentziak eta Gilsa udal sozietateak sinatu zuten hitzarmena, lurraldeko industria-lurzoruaren eskaintza koordinatzeko, zeinarekin duela gutxi Arabako Teknologia Parkeak ere bat egin baitu.

Datorren ekainaren 8an industrialdeen kudeaketari buruz egitekoa den jardunaldiak Garapen Agentzien Euskal Elkartearen lankidetza du, eta doakoa da, aldez aurretik izena emanda.

Informazio gehiago: Industrialdeen kudeaketari buruzko jardunaldia

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  18 maiatza 2017 09:19

 

  • Datorren ostegunean, maiatzak 25, egingo da Enpresen Gizarte Erantzukizunerako Araba Foroaren topaketa, Europa jauregian, enpresek gizartean duten eraginaz mintzatzeko
  • Biltzarrean, besteak beste, Mutualia, Tubacex eta Michelinek hartuko dute parte, eta Euskadiko Etika Klusterra ere aurkeztuko da

programa_foarse2017

Enpresen Gizarte Erantzukizunerako Araba Foroak (FOARSE) Enpresen Gizarte Erantzukizunari buruzko XI. Biltzarra egingo du maiatzaren 25ean (osteguna), gizartean arlo ekonomiko, sozial eta ingurumenekoan duten eragin onuragarria biderkatzeko ekimenak garatzen ari diren enpresen joerak eta esperientziak partekatzeko helburuarekin. Gasteizko Udalak, Arabako Foru Aldundiak, ASLEEuskadiko Lan Sozietateen Elkarteak, Kutxabankek, Konfekoop-Euskadiko Kooperatiben Konfederazioak eta San Prudencio fundazioak osatzen dute FOARSE. 2007an sortu zenetik, urtero antolatu dute enpresen gizarte erantzukizunari (EGE) buruz hausnartu eta eztabaidatzeko foroa; ikuspuntu horrek lehiatzeko bereizgarria ematen die enpresa askori, eta negozioak egiteko era ezberdina, ingurunea errespetatuz eta inguratzen dituen gizartearekin inplikatuz.

Florida aretoan egingo da saioa, 9.30ean hasita. Gasteizko alkate Gorka Urtaranek, Arabako Foru Aldundiko Ogasun, Finantza eta Aurrekontuen diputatu José Luis Cimianok eta FOARSEko lehendakari Yolanda Berasateguik inauguratuko dute. Ondoren, ASLEko kudeatzaile Josetxo Hernández enpresen gizarte erantzukizuna kudeaketa aurreratuaren eta lehiakortasunaren funtsezko elementua izateaz mintzatuko da. Horren erakusgarria da, esate baterako, munduko inbertsio-funts handienek  EGEan lider diren enpresa iraunkorren aldeko apustua egitea gero eta gehiagotan.

Euskadin enpresen gizarte erantzukizunaren alorrean lider diren hiru enpresak (Mutualia, Tubacex eta Michelin) mahai-inguru batean hartuko dute parte, beren esperientziak eta alor horretan egindako azken aurrerapenak azaltzeko, gero eta lotura estuagoa baitu negozioarekin eta balio partekatua sortzearekin.

Azkenik, Euskadiko Etika Klusterreko lehendakari José Ignacio Besgak elkarte hori aurkeztuko du, ezaugarri horiek dituen Espainiako lehena baita; horren helburua da lankidetza-proiektuak sortzea, balio etikoen ikerketa, ezagutza eta aplikazioa gizartearen alor guztietan zabaltzeko.

Biltzarrean parte hartu nahi izanez gero, doan eman daiteke izena, helbide honetan: foarse@foarse.com.

+INFO: FOARSE XI. biltzarra

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   09:12

 

 

 

 

Gorka Urtaran alkatea buru zela, Udalak harrera egin dio gaur arratsaldean Calasanz-Escolapios ikastetxeari, Gasteizen 50. urteurrena bete baitu. Ekitaldian berrogeita hamar pertsona inguruk hartu dute parte: irakasleak, gurasoen elkartea, eskola kontseilua, ikasleen ordezkariak, begiraleak eta abar.

Ikastetxeko zuzendari Natxo Oyangurenek oroitzapenezko diploma jaso du alkatearen eskuetatik, eta eskerrak eman dizkie eskolaren ibilbidea ahalbidetu duten belaunaldiei. Berrogeita hamar urte bete dituen honetan ikastetxearen lema heztea, ebanjelizatzea eta gizartea eraldatzea bezalako kontzeptuetan oinarritzen dela gogoratu du.

Alkateak, berriz, bost hamarkada hauetan ikastetxeko estamentu guztiek noranzko berean lan egin dutela nabarmendu du, heziketa eredu partekatu baten alde, “garrantzitsua ez baita ikasle onak lortzea, batez ere pertsona onak lortzea baizik“. Ikastetxeak bizikidetzaren, aniztasunaren eta garapen iraunkorraren alde egindako apustua ere azpimarratu du.

  1. urteurren horretaz gain, aurten José de Calasanzek ordena fundatu izanaren 400 urte bete dira, eta Barriako Errotazarra aterpearen 30 urte.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  16 maiatza 2017 07:59

Gasteizko alkate Gorka Urtaranek San Isidro Nekazariaren eguna dela eta “Elorriagako Kapareen Biltzarra” kontzejuen elkarteari egin ohi zaion harreran hartu du parte gaur goizean. Udalbatzako, Batzar Nagusietako eta Foru Aldundiko kideekin batera, alkateak Gasteizko udalerria osatzen  duten kontzejuek eta menpeko toki erakundeek egiten duten lan handia nabarmendu du. “Herriak hobetzeko egiten duzuen lanarekin hiriak ere aurrera egitea lortzen duzue”, esan du.

Gorka Urtaranek Nekazaritza Eremuko Kontseilua sortu berri dela gogoratu du, eta organo horretan “Udala eta administrazio batzarrak maila berean” daudela. Gasteizko alkatea “erakundeen arteko harreman horretan aurrera egitearen alde” agertu da, eta Gasteizko Udalak nekazaritza eremuarekin duen konpromisoa aipatu du. “Ekonomikoki une zailak dira, baina zuen eskaerei erantzuteko inbertsioak egiten saiatzen gara”, esan du.

ACOVIko lehendakari Miren Fernández de Landa ere izan da ekitaldian. Udaleko talde politikoei “ikuspegi zabala” izateko eskatu die, “tira-birak alde batera utzi ” eta herriei lagundu diezaieten, “beren potentziala garatu eta beren izaerari eutsi ahal izan diezaioten”. Elkarteko ordezkariak dei egin die “nekazaritza eremuko emakumeei, gaurkotasun politikoa bizitzera animatzen ditut, haien eskuak, ideiak, ahalegina eta bihotza behar ditugulako“.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  11 maiatza 2017 13:56

 

 

 

 

 

 

 

 

Gorka Urtaran alkateak inauguratu du gaur goizean Arabako Abokatuen I. Biltzar Juridikoa,  zeina Arabako Abokatuen Elkargoak antolatu baitu, besteak beste, Abokatuen Kontseilu Nagusiaren babesarekin.

Hauek izan dira buru ekitaldian: Espainiako Abokatuen Kontseilu Nagusiko lehendakari Victoria Ortega, Justizia Auzitegi Nagusiko lehendakari Juan Luis Ibarra, Justizia Auzitegi Nagusiko goi mailako fiskal Mª del Carmen Adán, Arabako Abokatuen Elkargoko dekano Javier Pascual, eta Lan eta Justizia sailburu Mª Jesús Carmen San José.

Bi egunez, Gasteizen bildutako 170 parte-hartzaileek jurisdikzio ezberdinekin (zibila, penala, administratiboa, merkataritzakoa eta lanekoa) lotutako gaurkotasun-gaiak landuko dituzte biltzarrean.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   10:16

Enpresaburu gazteek zein gaik kezkatzen dituzten azaldu diete Gorka Urtaran eta Nerea Melgosari

Gasteizko alkate Gorka Urtaran eta Enpleguaren eta Garapen Ekonomiko Iraunkorraren zinegotzi Nerea Melgosa  Ajebask  enpresari gazteen elkartearekin bildu dira gaur, talde horrentzat interesgarri izan daitezkeen udal proiektuen berri eman, sinergiak sortu eta estrategiak koordinatzeko xedez. Elkarteko hogeita hamar kidek hartu dute parte bileran; zein gaik kezkatzen dituzten eta zein izan daitezkeen irtenbideak azaldu dute.

Alkateak eta zinegotziak Urtaranen gobernuaren lan-ildo estrategikoak —orokorrak eta bereziki ekonomiari dagozkionak— aurkeztu dizkiete. Udala iraunkortasunaren hiru arloetan —ez soilik ingurumenaren ikuspegitik, baita ikuspegi sozial eta ekonomikotik ere— garatzen ari den jardueren adibideak azaldu dizkiete, eta Nerea Melgosak gidatzen duen sailak enpresen alorrerako bideratzen dituen ekintzak aipatu dituzte: mintegietatik hasita ekintzaileei laguntzeko planera, prestakuntza eta Itun Berdea barne.

Alkateak Gasteiz industria-hiria dela azpimarratu du, eta horrek garrantzia handia duela etorkizunari eta krisiaren irteerari begira. “Industriaren indarrak domino eragina du, hau da, industria hobetuz gero, gainerako sektoreek ere hobera egiten dute”, esan du. Hori dela kausa, Udala arlo ekonomikoan egiten ari den ahaleginak industriara eta merkataritzara bideratzen dira, beste sektore batzuk ahaztu gabe, eraikuntzarena, esaterako, zeina berpizten ari baita.

Gorka Urtaranek ehun ekonomikoarekin eta gainerako administrazioekin lankidetzan aritzeko borondate irmoa adierazi du, jarduera eta enplegua berreskuratzeko, enplegua egonkorra eta kalitatekoa izatekotan. Izan ere, haren agintaldiko ia bi urte igaro direlarik enplegu tasak eta Gizarte Segurantzaren kotizatzaileen tasak hazi egin dira. “Enpresarik gabe ez dago ekonomia-jarduerarik, ez dago garapenik, eta ez dago etorkizunik”, azpimarratu du alkateak.

Enpresaburuek hainbat gairi buruzko kezkak azaldu dituzte: EJZren hobariak; Zabalgunea birgaitu, biziberritu eta berpizteko ‘masterplan centro’ deritzona; auzoen eta erdialdearen arteko mugikortasuna; ingurumen estrategiak, eta abar.

 

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  9 maiatza 2017 14:17

 

 

 

 

 

 

 

 

 

 

 

 

 

 

 

Gasteizko alkate Gorka Urtaranek Eusko Legebiltzarrean Europaren Eguna dela eta antolatutako ekitaldietan hartu du parte. Legebiltzarreko lehendakari Bakartxo Tejeria, Eurobasqueko lehendakari José María González Zorrilla, eta Legebiltzarreko Mahaiko zenbait kiderekin batera, Eurobasqueren 2016ko Kazetaritza Saria Iñigo Bullaini emateko ekitaldian izan da; Zuzenbideko doktorea eta gai europar eta konstituzionaletan aditua da saritua. Hain zuzen ere, aurten bete da Europar Batasunaren jatorri izan ziren Erromako Itunen 60. urteurrena.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  27 apirila 2017 13:42

21 Zabalgunea sozietateak Erdi Aroko hirigunean gazteei alokatzeko etxebizitzen zozketarako deialdia egingo du 

21 Zabalgunearen kontseiluak zenbait proiektu onetsi zituen atzo, eta hartara hirigintza sozietatea birgaikuntza-agentzia gisa sendotuko da. Etxebizitzak eta eraikinak egokitzeko laguntza behar duten familiei sostengu handia ematen die horrek, birgaikuntzaren sektorea aktibatzen du, eta gizarteari baliabideak ematen hiriko auzoetan esku hartzeko.

Batetik, zenbait erabaki onetsi ziren lurzorua saltzeko (lursail bat Aretxabaletan, babes ofizialeko 60 etxebizitza egiteko), bai eta Pintore kalean lau etxebizitza eta Salburua eta Zabalganean 13 merkataritza areto saltzeko ere. Salmenta horietatik lortutako baliabideen bidez birgaikuntza politikari eutsi ahalko dio sozietateak.

 

Laguntza plan hobea

Bestetik, 21 Zabalgunearen kontseiluak 2017an birgaitzeko laguntzak emateko araudia onetsi zuen. Orain arte ematen zituen laguntzez gain, beste ildo batzuk sortu dira: begiratokiak birgaitu eta mantentzeko laguntzak, Gasteizko ezaugarria baitira (400.000 euro), eta leihoak konpontzeko laguntzak (400.000 euro). Orobat, laguntzak jasotzeko lehentasunezko alderdien barruan Zabalgunea sartu da. Beste aldaketa tekniko batzuk ere egin dira testuan.

 

 

 

 

 

 

 

Gorka Urtaran alkateak positibotzat jo du lortutako akordioa, horri esker Gasteizek “orain arte zuena baino araudi hobea izango” baitu. “Hiriko hainbat lekutako etxebizitza askotan oinarrizko irisgarritasun eta erosotasun beharrak hobetzen lagunduko du araudiak”.

Alkateak laguntza horiek hiriaren ehun ekonomikoan izango duten biderkatze-efektua azpimarratu du. Hona hemen datu batzuk: iaz, 21 Zabalguneak 2,1 milioi euro eman zituen 5.707 etxebizitza birgaitzeko eta irisgarritasuna hobetzeko laguntzetan.

2016an emandako diru-laguntzei esker, 20.453.748,4 milioi euroko obrak egin dira. Alegia, emandakoa bider 10.  Gainera, ordainsariek sortutako BEZa 2 milioi euro baino gehiago izan da (2.152.972,19 €). Udalak lizentziengatik lortutakoa 318.360,29 euro da.

 

Gazteentzako etxebizitzen zozketa

Bestetik, Erdi Aroko hirigunean gazteei alokatzeko etxebizitzen zozketarako deialdia egitea onetsi zuen 21 Zabalgunearen kontseiluak. Sei elkarbizitza izango dira, zeinetan ordaindu beharrekoak ez baitu gaindituko bizikidetza unitateak urtean eskuratzen dituen diru-sarrera gordinen % 30eko muga. Zozketan parte hartzeko eskabideak Sozietatearen bulegoetan aurkeztu beharko dira, 2017 ekainaren 15eko 12ak baino lehen.

 

COSUBAPREren likidazioa

Orobat, COSUBAPRE sozietatea likidatzea erabaki zuen 21 Zabalguneak. Sozietatea 2005ean sortu zen, lurrak erosteko, eta besteak beste, bi funts erosi zituen Nebera gainean, merkatuko balioa baino 30 aldiz garestiago. Oraingo alkateak aurreko agintaldian salatu zuen hori, ez zuelako egokitzat jotzen Udalak bi sustatzaile pribaturekin batera parte hartzea landa lursail horien erosketan, lursailak birsailkatuko zirelakoan, salerosketa eskrituretan jasota zegoenaren arabera.

2012an, Gorka Urtaranek orduko alkateari eskatu zion esku har zezan, eta aipatutako sozietatea era antolatuan desegin. Auzia Estatuko Kontuen Epaitegira ere bidali zen, baina ez zuen aurrera egin, preskribatuta zegoelako.

 

 

Share

« HurrengoakAurrekoak »