Prentsa Oharren banner

Esleitu dira udaletxeko estalkia berritzeko lanak

Tokiko Gobernu Batzarrak Esparza Obras y Proyectos SL enpresari esleitu dizkio udaletxeko teilatua eraberritzeko lanak, 282.479,15 euroan (BEZa barne), hau da, hasierako prezioa 88.000 euro baino zertxobait gehiago beheratu da.

“Estalkia oso hondatuta dago, eta horrek filtrazioak eta kondentsazio-hezetasuna sortzen ditu. Horregatik, teila guztiak berrituko ditugu, eta isolamendua instalatuko dugu, eraikinaren portaera termikoa hobetzeko eta kondentsazioak eragozteko“, azaldu du Udal Administrazioaren eta Eraldaketa Digitalaren zinegotzi Borja Rodríguezek.

Bide batez, beste alderdi batzuk hobetuko dira, esaterako, segurtasun-neurriak ezarriko dira gerora mantentze-lanak egin behar direnerako.

Lanak gauzatzeko epea 190 egun naturalekoa da.

Udaletxea eraikin neoklasikoa da; Justo Antonio Olagibel arkitektoak diseinatu zuen, eta 1791ko abenduaren 24an inauguratu zen, egun hartan egin baitzuen Udalak lehen saio instalazio berrietan.

 Beste esku-hartze batzuk

Horretaz gain, Udal Administrazioaren eta Eraldaketa Digitalaren Sailak udal eraikinak mantendu eta hobetzeko beste lan batzuk egitea aurreikusi du: Ibaiondoko gizarte etxeko estalkiak konpontzea, 79.609,68 euroko aurrekontua (BEZa barne) eta gauzatzeko 45 eguneko epea aurreikusita, eta estalkiak berritzea San Ignacio ikastetxe publikoko haurren eraikinean zein Gurutzmendi haur-eskolan, 80.426,34 euroko aurrekontuarekin (BEZa barne).

Orobat, aldagela bat egokituko da Oreitiasoloko lantegiko solairuartekoan, 163.714,04 euroko aurrekontuarekin (BEZa barne).

 

 

Share

Judimendi HLHIko estalkia berrituko du Udalak

Judimendi Haur eta Lehen Hezkuntzako ikastetxe publikoaren estalkia iragazgaizteko obren kontratazio-dosierra onetsi du Gasteizko Udalak, 161.144,88 euroko zuzkidurarekin (BEZ barne). 2 hilabetekoa izango da kontratuaren gauzatze-aldia.

Obrak egin beharra dago, ikastetxearen estalki laua hondatuta dagoelako eta euri uren ebaluazio-sistemak, zein eraikinaren barrutik pasatzen baita, isuriak dituelako aspalditik. Horretaz gain, margotutako fatxada eta hegalkinetan azalera zartatuta dago, eta konpondu eta berriz margotu behar dira.

Estalkiaren azalera guztia eta ikastetxeko terraza estaliko dira berriz, “chovaterm” edo bi geruzadun antzeko sistema bidez, eta eguzki-erradiaziotik babesteko-geruza izango du. Horrenbestez, estalkiko arazoa konpontzeaz gain, teilatua termikoki isolatzea lortuko da, eta eraikinaren efizientzia hobetuko.

Halaber, aldatu egingo da estalkira igotzeko sabaileihoa eta zorroten eta arketa berriak, eta segurtasun-soka finkoak jarriko dira, besteak beste.

Udal Administrazioaren eta Eraldaketa Digitalaren zinegotzi Borja Rodríguez Ramajok nabarmendu egin du bere sailak udal eraikinak hobetzeko egiten duen ahalegina. “Kasu honetan, ikastetxe bat da, lehentasuneko ekipamenduetako bat, alegia. Judimendi HLHIko lan hauek eraikinaren efizientzia eta jasangarritasuna nabarmen hobetzen lagunduko dute”.

 

Share

AMVISAren sarea hobetzeko lanek eragindako trafiko desbideratzeak Senda ibilbidera eta Manuel Iradier zein San Antonio kaleetara hedatuko dira

Joan den urritik, AMVISA saneamendu- eta hornikuntza-sarea berritzeko lanak egiten ari da Adriano VI.aren kalean, Louis Heintz kalean, Ramon y Cajal kalean, Senda ibilbidean eta Manuel Iradier kalean. Manuel Iradier kaleko eta Gasteiz hegoaldearen zati handi bateko isurketak biltzen dituen saneamendurako kolektore zaharra aldatzea da obraren helburu nagusia, eta inguru horietan trafiko eten handiak eragiten ari da. Lanek ia 2 milioi euroko inbertsioa beharko dute.

Astelehenetik aurrera, gainera, zirkulazioan aldaketa berriak egingo dira Senda ibilbidean eta Florida, Iradier eta San Antonio kaleetan. Urtarrilaren bukaerara arte, ibilgailuak ezingo dira sartu Senda ibilbidetik Manuel Iradier kalerantz, eta San Antonio kalean zirkulazioaren noranzkoa aldatuko da, Florida eta Manuel Iradier kaleen artean. Manuel Iradier kaleko lehen etxadian bizi direnek, bestalde, San Antonio kalearekiko bidegurutzetik egin beharko dituzte sartu-irtenak aparkalekuetara.

Gero, otsailaren hasieratik eta hiru astez gutxi gorabehera, Senda ibilbidetik Manuel Iradier kaleko lehen etxadira baino ezingo da sartu, itxi egingo baita Manuel Iradier kalearen hurrengo zatia, baita Korazonistetara daraman bidea ere. Bidegurutzean egitekoa den jarduera zehatz baten eraginez, Hegoaldetik San Antonio kalean barrena datozen ibilgailuek Manuel Iradier kalerantz jo beharko dute. San Antonio kalean, berriz, zirkulazioaren noranzkoa aldatuko da Florida eta Manuel Iradier kaleen artean, bertako auzokoek sarbidea izan dezaten.

AMVISA eragindako pertsona eta jarduerak (atariak, garajeak, ikastetxeak…) ohartarazten ari da dagoeneko. Inguru horretatik ibilgailu pribatuan ez zirkulatzeko gomendatzen du Udalak, guztiz ezinbestekoa ez bada.

Manuel Iradier_San Antonio

 

Share

(Audioarekin eguneratua) Hasiak dira Ospitale plaza modernizatzeko obrak

AMAIA BARREDO ZINEGOTZIAREN ADIERAZPENAK

Lanek lau hilabete iraungo dute

Udalak 360.000 euro baino gehiago inbertituko ditu “Vitoria-Gasteiz Hobetuz” partaidetza-prozesuaren fruitua den proiektu horretan

Gaur goizean hasi dira  Ospitale plaza eraberritzeko obrak. Lanen lehen zatia Done Jakue hiribidean egingo da; gaur goizean hasi dira makinak lanean bertan. Gasteizko Udalak Ospitale plaza —Guardien plaza izenez ere ezaguna— eraldatuko du, irisgarriagoa eta modernoagoa izan dadin. Balgorza enpresa arduratuko da lanez, Udalak 362.034,58 euroko inbertsioa eginda (BEZa barne). Urtaranen gobernuak bultzatutako esku-hartzea “Vitoria-Gasteiz Hobetuz” izeneko partaidetza-prozesuaren fruitua da, eta aipatu plaza modernizatzea eta hobetzea ekarriko du. Udalak plazaren 650 metro karratuko azaleran jardungo du, baita Frantzia kaleko 120 metro karratutan eta Done Jakue hiribideko 200 metro karratutan ere. Lanak gauzatzeko epea lau hilabetekoa da.

“Gasteizko auzoetako bizi-kalitatea, erakargarritasuna eta funtzionaltasuna hobetzea Agenda gasteiztarraren jarduera-ildo nagusietako bat da”, azaldu du Mugikortasunaren eta Espazio Publikoaren zinegotzi Amaia Barredok. “Auzokoekin batera lan eginez, gainera”.

Hain zuzen ere, proiektuak helburu hauek ditu: espazio horren erakargarritasuna eta estetika handitzea, zoladura eta hiri-altzariak aldatuz; espazioa berrantolatzea, oinezkoentzat irisgarriagoa izan dadin, eta egoera txarrean dauden sareak eta azpiegiturak –argiztapena, saneamendua, hornikuntza eta drainatzea– berritzea. “Plaza, orain arte ezkutuan geratzen zena, jendea elkartzeko eta denbora pasatzeko espazioa bihurtuko da, alboko kaleen maila berean” esan du Amaia Barredok.

Izan ere, plaza berriak 90º-ko sektore zirkularraren forma izango du. Kurba horren erdia Frantzia kalearen mailan egongo da. Done Jakue hiribidetik hurbil dagoen inguruan, berriz, plaza eta kalearen arteko garaiera aldeari irtenbidea emateko eskailerak jarriko dira. Gainera, plazaren muga gisa 14 eta 17 metroko bi banku luze jarriko dira, bertaratzen direnek atseden hartzeko. Gaur egun Ospitale plaza Frantzia kaletik eta Done Jakue hiribidetik bereizteko dauden hormak kendu egingo dira.

Udalak plazako lurra goitik behera aldatzeko helburua ere badu. Jarriko den zoladurak granitozko lauza horiak izango ditu erdigunean. Eraikinen eta plazaren artean, granitozko lauza grisak ipiniko dira. Estetika aldetik, Andre Maria Zuriaren plaza, Santa Barbara plaza eta Terrorismoaren Biktimen Oroimenezko Zentroaren ingurua ekarriko ditu gogora. Errege ateak etorkizunean izango duen itxura ere horien antzekoa izango da.

Urtaranen gobernuak espazio publikoan sustatu dituen beste esku-hartze batzuetan bezala, eraberritze-lanak argiztapena aldatzeko ere aprobetxatuko dira. Ildo horretatik, argiztapen-puntu bakarra jarriko da, led lanparak txertatuta izango dituzten sei proiektatzailerekin. AMVISAk, berriz, drainatzea eta saneamendua berritzeko beharrezkoa lanak egingo ditu.

Espazio Publikoaren Zerbitzuak zuhaitzak landatzeko asmo ere badu –Celtis Australis motakoak–, eta lekuz aldatuko du iturri apaingarria. Iturria zaharberritu ere egingo da. Zuhaitzek 10 metroko altuera hartuko dute gutxi gorabehera, eta plazaren inguruan jarriko direnez, trafikoa eta egoteko lekua bereizteko balioko dute, itzala emateaz gain. Fatxadetatik nahikoa urrun jarriko dira, etxeei enbarazu ez egiteko.

Santiago kalean plaza ukitzen duen espaloia berrituko da, eta, horrez gain, Vitoria-Gasteiz modeloko sei-aparkaleku jartzea erabaki da, hondakinen kontainerren alboan. Frantzia kalean, plaza ukitzen duen espaloia berritzea da asmoa.

Share

Udaletxeko estalkia berritzeko lehiaketa onetsi da

Tokiko Gobernu Batzarrak udaletxeko estalkia (Espainia plaza) berritzeko lanak kontratatzeko dosierra onetsi du, 370.931,51 euroan.

Udal Administrazioaren eta Eraldaketa Digitalaren zinegotzi Borja Rodríguez Ramajok azaldu duenez, teilatua oso zaharra da, eta hondatuta dago; hori dela kausa, filtrazioak eta kondentsazio-hezetasuna sortzen dira eraikinean. “Teila guztiak aldatuko ditugu, eta isolamendua jarriko, eraikinaren portaera termikoa hobetu eta kondentsazioak eragozteko”, iragarri du.

Bide batez,  beste alderdi batzuk hobetuko dira. “Jarduera horren osagarri, instalazioak berritu eta segurtasun neurriak ezarriko ditugu gerora mantentze lanak egin ahal izateko”, erantsi du Rodríguez Ramajok.

Lana gauzatzeko epea 190 egun naturalekoa izango da, obraren zuinketa egiaztatzen denetik kontatuta.

Kontratazio organoak Euskadiko Sektore Publikoko Kontratazioaren Plataforman iragarriko du kontratuaren lehiaketa.

Eraikin historikoa

Gasteizko udaletxea eraikin neoklasikoa da; 1791ko abenduaren 24an inauguratu zen, egun hartan egin baitzuen Udalak lehen saio instalazio berrietan.

Justo Antonio Olagibel arkitekto gasteiztarrak diseinatu zuen, garai hartako alkate Alamedako Markesak aginduta. Plaza berria, zabala eta dotorea eraiki nahi izan zuen agintariak, hiri berri baten abiapuntua izango zena.

Udaletxeko fatxada guztiz integratuta dago Gasteizko erdiguneko leku esanguratsu horrek osatzen duen multzoaaren barruan.

 

 

 

 

Share

Eguberrien ostean hasiko dira ‘Connect Ibailakua’ proiektuko eta Ospitale plazako obrak

 

 

Gasteizko alkate Gorka Urtaranek baieztatu duenez, Eguberrien ostean hasiko dira ‘Connect Ibailakua’ proiektua egiteko eta Ospitale plaza eraberritzeko obrak. ‘Mejorando Vitoria-Gasteiz Hobetuz’  partaidetza programan proposatutako bi ekimen dira, eta 375.702 eta 362.034 euro inbertituko dira horietan, hurrenez hurren. Bi kasuetan, Balgorza enpresa arduratuko da lanez. “Herritarren ekimenak dira biak, eta datozen hilabeteetan mamituko dira. Gasteizko auzoak hobetzeko apustu irmoa egiten jarraitzen dugu”, azaldu du Gasteizko alkateak.

Lakua auzoan belaunaldien arteko aire zabaleko parke berria egingo da, hutsik dauden lursailak eta erabiltzen ez diren espazioak baliatuta. ‘Connect Ibailakua’ proposamenak azpiegitura berdearen filosofia du oinarri, eta Urtaranen gobernuaren Auzoen Planaren barruan sartuta dago.  Lanak egiteko 3 hilabeteko epea aurreikusi da.

Auzoko 11 lekutan egingo dira lanak, espazio hauek sortzeko:

1- Aisialdirako eta kirol askotarako gunea. Baia Ibaiaren kalearen eta Santa Engrazia Ibaiaren kalearen arteko bidegurutzean eta Inglares Ibaiaren kaleko familia bakarreko etxeen atzealdean dagoen lursail bat egokituko da, 9.000 metro koadrokoa. Beisbola, softbeisbola, criqueta edo lacrossea praktikatu ahalko dira, gaur egun zaila baita horietan jarduteko lekuak aurkitzea hirian.

2- Kometentzako lekua. Iruñea kaleko bidegorriaren eta Landaberde eta Xabier kaleen ondoan dagoen lursail trapezoidal batean —4.500 metro koadro ditu— haize-mahuka duen masta bat jarriko da, haizeak nondik jotzen duen jakiteko.

3- Agertokia. Ibaiondoko gizarte etxetik gertu dagoen berdegune biribilean —980 metro koadro ditu—, Wellingtongo Dukearen kalearen eta Landaberde kalearen artean, agertoki bat jarriko da, 12 metroko hiru eserleku jarraitu, eta eskailerak. Korten altzairuz egingo da egitura, eta gizarte etxeko jardueren osagarri izango da.

4- Aisialdi eta kirol espazioa. Bi lekutan (Belate kalearen eta Iruñea kalearen artean). Horietako batean, egoteko zona bat proposatzen da, muinoz osatua; bertan askaltzeko sei eserleku irisgarri jarriko dira, eta futbol-ateak, belar artifizialaren gainean. Bestean saskibaloiko saskiak instalatzea aurreikusten du proiektuak, hormigoizko zolata baitu.

5-Zirkuitu bio-osasungarria. Orio kalean dagoen espazio batean, Landaberde eta Bartzelona kaleen artean, zirkuitu bio-osasungarria jartzea proposatzen da (orain haur-jolas batzuk daude han). Pedalak, arrauna, eskia, bielak, eskailerak, masajea eta paralelak jarriko dira, baita informazio kartelak ere. Lau jolasez osatuko da eremua: mahai-teniseko 2 mahai, xakeko mahai bat, eta partxiseko beste bat.

6- Jolas inprimatuak. Girona kalean, Landaberde eta Bartzelona kaleen artean, jolasteko eta apaintzeko marrazkiak inprimatuko dira zoladuraren gainean. Kolore askotako suge bat eta taula zenbakidun bat, eskailera eta sugea dituena.

7-Badmingtona. Galeoia dagoen inguruan, erabiltzen ez den espazio batean, badmingtonean aritzeko pista bat egokitu nahi da.

8, 9 eta 10- Ori kaleko parke linealean, zolatuta dauden eta erabiltzen ez diren hiru espaziotan, hiru jarduera diseinatu dira: diana forma duen marrazki bat inprimatzea zoladuraren gainean (Irati kalearekiko bidegurutzean), kalistenia zirkuitu bat (Getaria kalearekiko bidegurutzean), eta altzairu galvanizatuzko saskibaloiko saski bat, bandaloen kontrakoa (Girona kalearekiko bidegurutzean).

11- BMX zirkuitoa.

Zarautz, Getaria eta Baiona kaleen arteko lursailean. Zirkuiturako pistak, muinotxoak eta donut bat sortuko dira, eta aisialdirako gune bat. Eserlekuak, argiak, landareak eta abar jarriko dira. Bi zirkuitu proiektatu dira: laburra, 65 metro luze eta 3 metro zabal izango dena, eta luzea, 190 luze izango dena.

Ospitale plaza

Gasteizko Udalak Ospitale plaza —Guardien plaza izenez ere ezaguna— eraldatuko du, irisgarriagoa eta modernoagoa izan dadin. Udalak plazaren 650 metro karratuko azaleran jardungo du, baita Frantzia kaleko 120 metro karratutan eta Santiago kaleko 200 metro karratutan ere. Lanak gauzatzeko epea lau hilabetekoa da.

Proiektuak hainbat helburu ditu: espazio horren erakargarritasuna eta estetika hobetzea, zoladura eta hiri-altzariak aldatuz; espazioa berrantolatzea, oinezkoentzat irisgarriagoa izan dadin, eta egoera txarrean dauden sareak eta azpiegiturak –argiztapena, saneamendua, hornikuntza eta drainatzea– berritzea. Ezkutatuta egotetik alboko kaleen maila berean egotera igaroko da, eta hala, jendea elkartzeko eta denbora pasatzeko gune atsegin bihurtuko.

Izan ere, plaza berriak 90º-ko sektore zirkularraren forma izango du. Kurba horren erdia Frantzia kalearen mailan egongo da. Santiago kaletik hurbil dagoen inguruan, berriz, plaza eta kalearen arteko garaiera aldeari irtenbidea emateko eskailerak jarriko dira. Gainera, plazaren muga gisa 14 eta 17 metroko bi banku luze jarriko dira, bertaratzen direnek atseden hartzeko. Gaur egun Ospitale plaza Frantzia eta Santiago kaleetatik bereizteko dauden hormak kendu egingo dira.

Udalak plazako lurra goitik behera aldatzeko helburua ere badu. Jarriko den zoladurak granitozko lauza horiak izango ditu erdigunean. Eraikinen eta plazaren artean, granitozko lauza grisak ipiniko dira. Estetika aldetik, Andre Maria Zuriaren plaza, Santa Barbara plaza eta Terrorismoaren Biktimen Oroimenezko Zentroaren ingurua ekarriko ditu gogora. Errege ateak etorkizunean izango duen itxura ere horien antzekoa izango da.

Urtaranen gobernuak espazio publikoan sustatu dituen beste esku-hartze batzuetan bezala, eraberritze-lanak argiztapena aldatzeko ere aprobetxatuko dira. Ildo horretan, argiztapen-puntu bakarra jarriko da, led lanparak txertatuta izango dituzten sei proiektatzailerekin. AMVISAk, berriz, drainatzea eta saneamendua berritzeko beharrezkoa lanak egingo ditu.

Espazio Publikoaren Zerbitzuak zuhaitzak landatzeko asmo ere badu –Celtis Australis motakoak–, eta lekuz aldatuko du iturri apaingarria. Iturria zaharberritu ere egingo da. Zuhaitzek 10 metroko altuera hartuko dute gutxi gorabehera, eta plazaren inguruan jarriko direnez, trafikoa eta egoteko lekua bereizteko balioko dute, itzala emateaz gain. Fatxadetatik nahikoa urrun jarriko dira, etxeei enbarazu ez egiteko.

Santiago kalean plaza ukitzen duen espaloia berrituko da, eta, horrez gain, Vitoria-Gasteiz modeloko sei-aparkaleku jartzea erabaki da, hondakinen kontainerren alboan. Frantzia kalean, plaza ukitzen duen espaloia berritzea da asmoa.

Esku-hartze gehiago Zabalganean

Alkateak jakinarazi du, halaber, aste honetan hasi direla Zabalganean jolas naturalizatuen zona bat sortzeko lanak. Zehazki, Nazio Batuen hiribidean dagoen lursail batean, Zabalganeko haur eskolaren eta Zabalgana Lehen Hezkuntzako ikastetxearen artean. Esku-hartze hori ere ‘Mejorando Vitoria-Gasteiz Hobetuz’ partaidetza-prozesuan hautatu zen.

Hartara, Udalak hiriko azpiegitura berdea garatzen jarraituko du, espazio naturalen sare horrek ingurumen, gizarte eta ekonomia onurak baitakartza. Oraingoan, jolasteko eta egoteko gune naturalizatua proiektatu da. Zuhaixken zerrenda batek mugatutako laukizuzen bat diseinatu da, eta bertan ohikoak ez diren jolasak jarriko dira: eskultura erako enborrak, harriekiko jolas bat, oreka egitekoa, jauzi egiteko enborrak… Sei masusta-arbola ere landatuko dira, geriza emateko. Bi hilabete iraungo dute lanek.

Zabalgana eta Armentiako basoa lotzeko oinezkoentzako egurrezko pasabidea bihar jarriko dela gogorarazi du alkateak. Lan horiek direla eta, goizeko seietatik moztuko da trafikoa N-102 errepidean. Gasteiztik autobiderantz Mariturri auzotik irteten diren ibilgailuak Gasteiztik Ibaiara doan bidetik desbideratuko dira eta hirian sartu nahi duten ibilgailuak, berriz, A-4163 Gometxa-Armentia errepidetik. Trafikoa arratsalde erdialdean irekitzea aurreikusita dago.

Pasabidea jarri aurretiko lanak (zimendua) irailean hasi zituzten. Orain lurra finkatua dagoenez, prest dago egitura jartzeko. Bihar lau pieza handi (bi erdian eta beste bi muturretan)  muntatuko dituzte lur gainean bertan, garabi eta makina handien bitartez. Lanak larunbatean egitea erabaki da N-102tik trafiko gutxien igarotzen eguna delako.

Esku-hartze hori ere ‘Mejorando Vitoria-Gasteiz Hobetuz’ partaidetza-programan hautatu zen; hain zuzen ere, bozkatuenetako bat izan zen. Lanek 342.000 euroko aurrekontua zuten, eta 6 hilabeteko gauzatze-epea.

Share

Udalak Ospitale plaza eraberrituko du, irisgarriagoa eta modernoagoa izan dadin

Udalak ia 1.000 metro karratuko azaleran jardungo du guztira, Frantzia eta Santiago kaleetako zatiak barne

 

 

 

 

 Proyectu-dossierra

Gasteizko Udalak Ospitale plaza —Guardien plaza izenez ere ezaguna— eraldatuko du, irisgarriagoa eta modernoagoa izan dadin. Gobernu Batzarrak Balgorza enpresari esleitu dio kontratua, 362.034,58 euroan, BEZa barne. Urtaranen gobernuak bultzatutako esku-hartzea “Vitoria-Gasteiz Hobetuz” izeneko partaidetza-prozesuaren fruitua izan da, eta aipatu plaza modernizatzea eta hobetzea ekarriko du. Udalak plazaren 650 metro karratuko azaleran jardungo du, baita Frantzia kaleko 120 metro karratutan eta Santiago kaleko 200 metro karratutan ere. Lanak gauzatzeko epea lau hilabetekoa da.

“Esana genuen, ahalegin handia egingo genuela Gasteizko auzoak hobetzeko”, adierazi du Gorka Urtaran alkateak. Proiektuak hainbat helburu ditu: espazio horren erakargarritasuna eta estetika hobetzea, zoladura eta hiri-altzariak aldatuz; espazioa berrantolatzea, oinezkoentzat irisgarriagoa izan dadin, eta egoera txarrean dauden sareak eta azpiegiturak –argiztapena, saneamendua, hornikuntza eta drainatzea– berritzea. Ezkutatuta egotetik alboko kaleen maila berean egotera igaroko da, eta hala, jendea elkartzeko eta denbora pasatzeko gune atsegin bihurtuko.

Izan ere, plaza berriak 90º-ko plaza zirkularra osatuko du. Kurba horren erdia Frantzia kalearen mailan egongo da. Santiago kaletik hurbil dagoen inguruan, berriz, plaza eta kalearen arteko garaiera aldeari irtenbidea emateko eskailerak jarriko dira. Gainera, plazaren muga gisa 14 eta 17 metroko bi banku luze jarriko dira, bertaratzen direnek atseden hartzeko. Gaur egun Ospitale plaza Frantzia eta Santiago kaleetatik bereizteko dauden hormak kendu egingo dira.

Udalak plazako lurra goitik behera aldatzeko helburua ere badu. Jarriko den zoladurak granitozko lauza horiak izango ditu erdigunean. Eraikinen eta plazaren artean, granitozko lauza grisak ipiniko dira. Estetika aldetik, Andre Maria Zuriaren plaza, Santa Barbara plaza eta Terrorismoaren Biktimen Oroimenezko Zentroaren ingurua ekarriko ditu gogora. Errege ateak etorkizunean izango duen itxura ere horien antzekoa izango da.

Urtaranen gobernuak espazio publikoan sustatu dituen beste esku-hartze batzuetan bezala, eraberritze-lanak argiztapena aldatzeko ere aprobetxatuko dira. Ildo horretan, argiztapen-puntu bakarra jarriko da, led lanparak txertatuta izango dituzten sei proiektatzailerekin. AMVISAk, berriz, drainatzea eta saneamendua berritzeko beharrezkoa lanak egingo ditu.

Espazio Publikoaren Zerbitzuak zuhaitzak landatzeko asmo ere badu –Celtis Australis motakoak–, eta lekuz aldatuko du iturri apaingarria. Iturria zaharberritu ere egingo da. Zuhaitzek 10 metroko altuera hartuko dute gutxi gorabehera, eta plazaren inguruan jarriko direnez, trafikoa eta egoteko lekua bereizteko balioko dute, itzala emateaz gain. Fatxadetatik nahikoa urrun jarriko dira, etxeei enbarazu ez egiteko.

Santiago kalean plaza ukitzen duen espaloia berrituko da, eta, horrez gain, Vitoria-Gasteiz modeloko sei-aparkaleku jartzea erabaki da, hondakinen kontainerren alboan. Frantzia kalean, plaza ukitzen duen espaloia berritzea da asmoa.

 

 

Share

Autobus Elektriko Adimentsuak 1.520 tona CO2ren emisioa eragotziko du urtean

Autobus elektriko adimentsuari esker, urtean 1.520 tona CO2ren emisioa eragotziko da, egungo gasolio-ibilgailuen ordez zero emisioko 100×100 autobus elektrikoak erabilita. Mugikortasunaren eta Espazio Publikoaren zinegotzi Amaia Barredok oso positibotzat jo du mugikortasun-sistema moderno eta iraunkor hau erabiltzea, izan ere “Gasteiz erreferente izango baita eduki handiko garraio publiko elektrifikatuaren arloan”.

Amaia Barredok gogorazi duenez, egun 2. linea periferikoak 10 minutuko maiztasuna du astean zehar, 15 minutukoa larunbatetan eta 20koa igandeetan. BEA martxan dagoenean, maiztasunak 7,10 eta 15 minutukoak izango dira, hurrenez hurren.

BEAren lanak irailaren 2an hasi ziren, eta hainbat zuhaitz ordeztea, horietako batzuk oso egoera txarrean zeuden, eta beste batzuk birlandatzea ekarri du berekin.  2016tik, Gasteizko Udalak 5.444 zuhaitz landatu ditu hiriaren barruan. Urtez urte hazten den kopuru horri hirian barrena dauden zuhaixkak eta Eraztun Berdeko zuhaitzak gehitu behar zaizkio.

“Gobernuak gure hiriak gero eta zuhaitz gehiago izateko lan egiten jarraituko du. Kentzen diren zuhaitzen (gaixo daudelako, arriskutsuak direlako edo beharrezkoa delako) eta jartzen diren zuhaitzen arteko balantzea positiboa izaten jarraitzeko”, azaldu du Amaia Barredok.

Azken urteetan zenbat zuhaitz landatu den zehaztu du Mugikortasun Iraunkorraren eta Espazio Publikoaren Sailak: 2016an, 1.101; 2017an, 980; 2018an, 2.133. 2019an, berriz, 1.230 landatu dira orain arte, baina udazken-neguko landaketa kanpaina egiteke dagoelarik, aurreko ekitaldiko kopurua gaindituko da. Landatutako eta kendutako aleen arteko aldea ere positiboa da. Egun, 2016an baino 2.432 zuhaitz gehiago daude hirian.  Gasteizek 115.000 zuhaitz ditu, guztira, hirian zehar banatuta.

 

Share

Aurrera doaz Tranbiaren lanak, Castro Urdiales eta Nieves Cano kaleetako trenbidearen muntaiarekin

-Lanek trafiko mozketa berriak eragingo dituzte Heraclio Fournier, Luis Orgaz eta Zendagurenen

 

 

 

Aurrera doaz Gasteizko tranbiaren hegoaldeko lanak, Castro Urdiales eta Nieves Cano kaleetan trenbidearen muntaiarekin. Lanek trafiko-mozketa berriak eragingo dituzte bihartik aurrera, bost astez.

Eusko Jaurlaritzako Ekonomiaren Garapen eta Azpiegitura Sailaren esku dagoen Euskal Trenbide Sarea erakunde publikoak egiten ditu lanak. Lan horiek egunez egingo dira. Eraisteak, indusketak, zerbitzuen berrezartzea, trenbidearen muntaia, hormigoitzeak, aglomeratuak eta seinaleak. Urriko lehenengo hamabostaldian bukatzea espero da.

Lanen fase berri honek eragina izango du Castro Urdiales kalean, eta horrek, Alberto Schommer, Heraclio Fournier eta Zendaguren kaleetako bidegurutzeei eragingo die. Eusko Jaurlaritzaren, Arabako Foru Aldundiaren eta Gasteizko Udalaren 10 milioi eurotik gorako inbertsio bat jasoko dute tranbiaren lanek.

Trafiko-mozketa horiek bost aste inguruko iraupena izango dute, Espazio Publiko eta Trafiko Zerbitzuek egindako kalkuluen arabera, eta Castro Urdiales kalearen ‘iparraldean’ egingo dira. Hain justu ere, Heraclio Fournier, Zendaguren eta Luis Orgaz kaleetara doan trafikoa itxi egingo da (Alberto Schommer kaletik).

Heraclio Fournier kalera iristeko, beraz, San Cristobal zubitik joan beharko dugu, Izarduy Komandantea eta Nieves Cano kaleetatik barrena. José Uruñuela kalera joan nahi duten herritarrek arazorik gabe egin ahal izango dute Trenbide kaletik, mozketa hori Castro Urdiales kalean egingo delako. Zendaguren kalearen kasuan, bestetik, kale horren egungo sarbidea itxi egingo da. Ibilgailuek, beraz, kale horren egungo ‘irteera’ erabiliko dute sartzeko nahiz ateratzeko.

Luis Orgaz kalearen mozketak, azkenik, Alberto Schommerretik Unibertsitateko ibilbidera joan nahi duten ibilgailuak desbideratzera behartuko ditu. Unibertsitateen ingurura joateko hiru alternatiba erabili ahal izango dira: San Cristobal Zubitik barrena orain arte erabili izan dena (orain bezala); Zumakadi ibilbidetik barrena Herminio Madinabeitia-Domingo Martínez de Aragón kaleetara (Justo Vélez de Elorriagako parkingeraino bakarrik); eta Aguirre Miramón eta Juan Ibáñez de Santo Domingo kaleetatik Unibertsitateko ibilbideraino.

 

 

 

Share

[Eguneratua] Datorren astelehenean hasiko dira Terrorismoaren Biktimen Oroimenezko Zentroaren ingurua eraberritzeko lanak

Lanak gauzatzeko epea, guztira, 11 hilabetekoa da, eta aurrekontua, 2.169.787 euro

 

 

 

 

Amaia Barredo audioa

Datorren astelehenean (irailak 2) hasiko dira Terrorismoaren Biktimen Oroimenezko Zentroa ingurua hobetzeko proiektuaren lanak, zeinen bitartez bost kaletako espazioa berrantolatuko den: egungo zoladura aldatuko da (leku askotan zaharkitu eta narriatuta baitago), berritu egingo dira instalazio eta zerbitzuak (esaterako argiztapena eta saneamendua), oinezkoentzako lekua irabaziko da eta hobetu egingo da Erdi Aroko hiriguneko irisgarritasuna, igogailu eta eskailera mekaniko berrien bitartez.

Opacua S.A. arduratuko da datozen 11 hilabetetan obrak egiteaz, 2,1 milioi euroko inbertsioa bitarte, bost kale hauetan: San Frantzisko, San Frantzisko aldapa, San Bizente aldapa, Gernikako Estatutuaren kalea eta Mateo Benigno Moraza kalea.

Proiektu globala 3 fasetan planifikatu da: San Frantzisko aldapa eta Oroimenezko Zentroaren atzealdea; Oroimenaren plaza; eta Errege atea. Horietako lehena, astelehean hasiko dena, 5 etapatan planifikatu da. Lehena 5 hilabete barru burutuko da eta epe horretan ez da zirkulazio-mozketarik aurreikusten, unean uneko lan txiki batzuengatik baino.

Erdigunerako Masterplanean sartuta dagoen jarduera horrek izugarri duinduko du espazioa. Eraberritzearen ondorioz, hiria biziberritzeaz gain, alderdi horretako jarduera ere dinamizatuko da. Horrek bultzada handia emango die espazio publikoaren eraberritzeari eta hiriaren erdialdea eta Erdi Aroko hirigunea dinamizatzeari”, azpimarratu du Mugikortasunaren eta Espazio Publikoaren zinegotzi Amaia Barredok, zeinek nabarmendu nahi izan duen erakundeen arteko lankidetza. “Hauxe da lan egiteko modua, erakundeen artean elkarlanean aritzea, hiria eta pertsonen bizitza hobetzeko helburu komuna lortzearren”. Lanen aurrekontuetako 1.700.000 euro kanpo-finantziaziotik etorriko dira, hain zuzen ere Estatuko aurrekontu orokorretik.

Lanetako lehen astean hesiak eta obra-etxolak paratuko dira, eta zuinketa topografikoari ekingo zaie. Obra-etxolak astean zehar ipiniko dira plazan, Mateo Benigno Moraza eta Agirre Lehendakariaren kaleen artean, eta tarte bat utziko da zabor-edukiontzietara iritsi ahal izateko.

Irailaren 2an berean indargabetuko dira San Frantzisko aldaparen ezker aldeko eta Oroimenezko Zentroaren atzealdeko aparkalekuak. Hurrengo bost hilabetetan indargabetu egingo dira baita San Frantzisko aldaparen eskuin aldekoak ere. Asmoa behin betiko errei berria fase orretan bertan paratzea da, eta hartara obrak egin bitartean zirkulazioa moztu beharra ekiditea.

Gero igogailu eta arrapala mekanikoen hormak egiteko nahitaezko hondeaketa-lanei ekingo zaie. Aldi berean, instalazio elektrikoak eta telefonoarenak desbideratuko dira aldi baterako, hartara hondeaketa-lanak osatu ahal izateko. Behin horma horiek eginda, betelanei ekingo zaie, bai eta elektrizitate-, telefonia-, saneamendu-, argiztapen- eta drainatze-instalazio berriak egingo dira, eta zoladura eta hormen estaldura berriak ipintzen hasiko.

Proiektuaren azalpena

Mugikortasunaren eta Espazio Publikoaren Sailak erredaktatu duen proiektuak berekin ekarriko du la gaur egun Arkupeen alboan dabilen trafikoaren desagerpena. Gune hori guztia oinezkoentzako izango da, halako moduan non are gehiago nabarmenduko den Justo Antonio Olagibel arkitektoaren lana, eta ostalaritza-terrazetarako gunea sortuko da bertan. Trafikoarentzako beste bide bat sortuko da Gobernuaren Ordezkariordetzaren eta Oroitzapenezko Zentroaren artean, Gernikako Estatutuaren kaletik.

San Frantzisko kalean ere esku-hartze handia egingo da. Gaur egungo zoladura erabat aldatuko da 18. zenbakitik aurrera, eta inguru horretako aparkalekuak desagerraraziko dira. Nabarmen handituko da hego aldeko espaloia, eta ipar aldekoan (ikusita zeharkako malda handia duela) zabalera aldakorreko terraza proiektatu da, luzean. Zarama bilketa pneumatikorako ontziak bi gunetan bilduko, eta ez hirutan (gaur egun horrela antolatuta daude), eta hondakinak biltzeko ohiko edukiontziak lurperatzea aurreikusi da. Horrez gain, zuhaitz berriak landatuko dira, eta argiztapen apaingarriaz hornitutako Virgen Blanca modeloko bankuak instalatuko dira bi espaloietan, bai eta Vitoria modeloko aulkiak ere hegoaldekoan.

Beste aldaketa handi bat izango da Gernikako Estatutuaren kalean: trafikoarentzako bide berriaz gain, Erdi Aroko hiriguneko irisgarritasuna hobetzeko bi elementu aurreikusten dira bertan. Batetik, edukiera handiko (1.500 kg / 20 pertsona) igogailu panoramikoa, 5,45 metroko gorabehera gainditzeko. Eta igogailuaren alboan eskailera mekanikoak ere instalatuko dira, igotzeko eta jaisteko alda banarekin, bakoitza metro bat zabal. Orduero 6.000 pertsona eramateko gaitasuna izango du.

Eraberritze lanek San Bizente aldapa ere ukituko dute: arazoak eman dituen lauzazko zoladura altxatuko da, eta horren ordez aglomeratu asfaltikoko zoladura jarraitu malgua ipiniko da, zeinak kale honen azpian dauden Aihotz plazako lokaletara jaisten diren hezetasun-filtrazioen arazoak ekiditea ahalbidetuko duen.

Mateo Moraza kalearen galtzada luzatu egingo da Gernikako Estatutuaren kaleko bide berriarekin lotzeraino, eta trafikotik aske utziko ditu Oroimenezko Zentroaren sarrera eta Postetxearen atzealdearekiko lotunea. eraikin zaharberrituaren paraleloan joango den bide paralelo horren zabalera 4,7 metrokoa izango da guztira, eta 3 metroko zabaleradun espaloiak bereziko du. Inguru horretan argiztapenaren tratamendu berezia egingo da, aintzat hartuta Erdialdearen eta haren inguruaren ezaugarriak. Kale horretan dagoen bilketa pneumatikorako buzoien gunearen alboan bi edukiontzi lurperatu paratuko dira (beira eta ontziak biltzeko, hurrenez hurren); hartara, ekidin egin ahal izango da gaur egun Arkupeen ondoan daudenen ikus-inpaktua.

Berrikuntzaren beste elementu bat Oroimenezko Zentroaren, San Frantzisko aldaparen eta Gernikako Estatutuaren kalearen arteko hirukian dagoen erdialdeko parterrea izango da. Erabat aldatuko da parterrea eta bere topografia, halako moduan non hegoaldera lekua irabaziko den, gaurko gaztainondo-ilara gordeko da eta zuhaixka berriak landatuko dira. Kendu egingo da gaur egun bertan dagoen iturri apaingarria, eta horren ordez beste bat ipiniko, turrusta bikoitzekoa eta geiser erakoa.

Bizikleten mugikortasunak tratamendu berezia izango dute Terrorismoaren Biktimen Oroimenezko Zentroaren ingurua eraberritzeko proiektuan; izan ere, bi errei berri sortuko dira Gernikako Estatutuaren kalean (2,15 metroko zabalerakoak) eta luzatu egingo da Mateo Benigno Moraza kalea Oroimenezko Zentroaren alboan (1,7 metroko zabalera). Hartara, nabarmen hobetuko da Olagibel kaletik datorren bidegorriaren jarraikortasuna.

Lan horiek guztiak ez dute eraberritze baten lehen fasea baino osatzen; ondotik egingo direnekin, plaza bat sortuko da Oroimenezko Zentroaren eta Postetxearen atzealdean, zein Oroimenaren plaza deituko den. Horri guztiari esker, espazio berezi bat sortuko da Oroimenezko Zentroaren inguruan, non gerora, eskultura edo elementu sinbolikoren bat jartzea aurreikusi den.

DOSIERRA

 

 

 

 

 

Share