Prentsa Oharren banner

Blanca Portillok, Pepe Viyuelak, María Pagések eta Quique Gonzálezek beren proiektu berriak aurkeztuko dituzte Gasteizen, 2022ko urtarriletik apirilera bitartean

Udalaren Antzoki Sareak 47 antzerki-, musika- eta dantza-ikuskizunek osatutako programazioa aurkeztu du

 

Udalaren Antzoki Sarearen 2022ko neguko denboraldian 47 ikuskizun antolatu dira urtarriletik apirilera bitartean. Horietako 35 Principal antzokian egingo dira, publiko guztientzako antzerki, musika eta dantza eskaintzearren. Arabako hiriburuko gizarte-etxeek, bestalde, kulturarekiko 12 hitzordu hartuko dituzte, Jim Aktual, Ikuskizuna Ibaiondon eta XXI. Mendeko Flamenkoa zikloen barruan.

Hala iragarri dute Hezkuntza eta Kultura zinegotzi Estíbaliz Cantok eta Udalaren Antzoki Sarearen arduradun Marta Monfortek gaur goizean egindako prentsaurrekoan. “Egoera gorabehera, oso denboraldi indartsua eskainiko dugu, era guztietako ikusleentzako askotariko formatuez osatua. Aktore, zuzendari eta musikari handiak etorriko dira, baita dantza konpainiak ere, horietako batzuk nazioartekoak; horiek neguko hilabeteak hobeto eramaten lagunduko digute, zalantzarik gabe, kultura erabat segurua baita”, nabarmendu du zinegotziak.

 

Antzerkia

Helduentzako antzerki-abonamenduak interprete, testu eta zuzendari handiek bermatutako 8 proposamen aurkeztuko ditu guztira. ‘El Tartufo de Moliere’ lanak irekiko du denboraldia, otsailaren 4an; Ernesto Caballerok egokitu eta zuzendu du, eta Pepe Viyuela da protagonista. Otsailaren 18an, Sam Sephard-en ‘True West’ lan ospetsuaren txanda izango da; Eduardo Mendozak egin du bertsioa, eta Pablo Derqui eta Tristán Ulloa dira protagonista nagusiak.

Otsailaren 25ean, ‘La Panadera’ lana ikusi ahalko da Gasteizen. Sare sozialen ondorioei buruzko testu hori Sandra Ferrúsek idatzi eta zuzendu du, zeina gaur egungo antzerkigile nabarmenen artean baitago. Martxoaren 5ean, berriz, eszenako bi izen handi etorriko dira Principal antzokira; izan ere, Juan Mayorgak Blanca Portillo zuzendu du ‘Silencio’lanean, zeinak hainbat lanetako isiltasunean barne eramango baikaitu: ‘Antígona’, ‘La casa de Bernarda Alba’ eta ‘La vida es sueño’, besteak beste.

Carolina África dugu nazio-mailako beste antzerkigile handietako bat: Zentro Dramatiko Nazionalak gonbidatutako zuzendarietako bat da, eta martxoaren 18an eta 19an iritsiko da Arabako hiriburura, ‘Cuaderno de Pitágoras’ proiektuarekin.

Tanttaka Teatroa konpainia ere itzuliko da azken lana aurkeztera, martxoaren 23an euskaraz eta 24an gaztelaniaz: ‘Semea pixka bat motelago dabil soilik’. Testu horrek arrakasta handia izan du Buenos Airesen, eta oraingoan Fernando Bernuések zuzendu du hamar aktorek osatutako taldea, horien artean, Ane Gabarain eta Mireia Gabilondo.

Steven Berkoff egile handiaren ‘Decadencia’ lanak borobilduko du helduentzako abonamendua, apirilaren 2an. Pedro Casablanc eta Maru Valdivielso aktoreak Mario Gasen zuzendaritzapean arituko dira.

Zortzigarren antzerki-proposamena La Joven konpainiaren eskutik etorriko da, abonamendutik kanpo. Talde hori behin baino gehiagotan agertu da gure programazioan bere muntaia garaikide, apurtzaile eta konprometituekin. Eskola-funtzioez gain, ‘Fuego, mapa de una Europa en ruinas’ lanaren funtzio irekia eskainiko du apirilaren 5ean.

 

Euskarazko ikuskizunak

Antzoki Sareak euskarazko lanen aldeko apustua egiten jarraitzen du. Tanttaka Teatroa konpainiaren lanaz gain, beste bi lan programatu ditu: otsailaren 10ean, Hika Teatroa konpainiaren ‘La Tarara’, Agurtzane Intxaurragak zuzendua eta, besteak beste, Itziar Ituño protagonista duena; apirilaren 12an, ‘Entre copas’ testu eta film ezagunaren bertsioa, ‘Kopaz Kopa’, komedia itxuraz “zuri”, dibertigarri eta lasaia, Garbi Losadak eta José Antonio Vitoriak zuzendutakoa.

 

Dantza

Dantza abonamenduari dagokionez, Gasteizko publikoak goi mailako hiru konpainia bikainez eta lengoaia koreografiko desberdinez gozatu ahalko du. Otsailaren 12an, Jesús Rubio Gamo etorriko da, gaur egungo koreografo abangoardistenetako bat, etorkizun handikoa, bere ‘Gran Bolero’ berezia aurkeztera. Martxoaren 4an, María Pagések bere azken lana aurkeztuko digu, ‘Paraíso de los negros’; aparteko egikera artistikoa duen koreografo handia da, flamenkoaren eta antzerki-dramaturgiaren artean dabilena. Apirilaren 9an, azkenik, Malandain Ballet Biarritz konpainiak programa bikoitza ekarriko du: ‘Sirènes’, Martin Harriaguerena eta ‘Sinfonía’, Thierry Mallandainena.

 

Musika

Musikak presentzia handia izaten jarraituko du Antzoki Sarearen eskaintzan, bai musika klasikoak, bai popak eta beste genero batzuek; guztira, askotariko 14 proposamen izango dira.

Quique Gonzálezek bere azken diskoa aurkeztuko du otsailaren 5ean; Les Luthiers martxoaren 11, 12 eta 13an etorriko zaizkigu Gasteizera, ‘Viejos Hazmerreíres’ ikuskizuna eskaintzera, eta Ruper Ordorikak ‘Hautsi da amphora’ lan berria aurkeztuko digu martxoaren 25ean, Korrikaren eta Loraldia jaialdiaren barruan.

Horri Kontzertu Handien Zikloko lau emanaldiak gehitu behar zaizkio. ‘Neguko Disdirak’ kontzertuak irekiko du programa, otsailaren 19an; Idoia Asurmendik eta Eñaut Elorrietak bertsio sinfonikoak egingo dituzte, Fernando Velázquezen zuzendaritzapean. Apirilaren 7an, Jordi Savallek eta lagun dituen musikariek ‘Todas las mañanas del mundo’ izenburua duen programa barrokoa eskainiko dute.

Maiatzaren 27an, Carlos Menak bisitatuko du Principal antzokia, Forma Antiqua musika-taldearekin batera, ‘El jardín de Farinelli’ programa eskaintzera. Azkenik, Camerata Ireland orkestrak itxiko du 2022ko zikloa, ekainaren 1ean, Barry Douglas pianista eta zuzendari handiaren zuzendaritzapean; Mozart eta Beethovenen obrez osatutako programa erakargarria interpretatuko du.

Udal Musika Bandak, berriz, hiru kontzertu eskainiko ditu: ‘Desideratum’, urtarrilaren 26an, Pablo Urbinaren zuzendaritzapean; ‘Ad infinitum’, otsailaren 9an, eta ‘Errare humanum est’, martxoaren 16an, biak Luis Orduñak zuzendurik.

Orobat, Euskadiko Orkestrak lau kontzertu emango ditu 21-22 denboraldiko abonamenduaren barruan.

 

Familientzako ikuskizunak

Udalaren Antzoki Sareak ahalegin handia egiten du publiko berriak sortzeko, eta horren erakusgarri dira datozen hilabeteetarako programatu dituen lau ikuskizunak: antzerkia, dantza, clown eta zirkua. ‘Beethoven para Elisa’, Víctor Ullate Juniorrekin (otsailaren 13an), ‘FormaS’, Zigzag Danza-rena (otsailaren 20an), ‘Italino gran hotel’, La tal teatro taldearena (martxoaren 20an) eta ‘Parade el circo de los valientes’, La Maquiné taldearekin (martxoaren 27an).

Euskadiko Orkestrak ere bat egin du asmo horrekin, bi proposamenekin: ‘Zirkus’ urtarrilaren 30ean, Federcio García Lorca antzokian, eta ‘Botadun Katua’ apirilaren 10ean, Principal antzokian.

Udal Musika Bandaren beste bi kontzertuk osatuko dute abonamendu hori: ‘The New Orleans a Abbey Road’, martxoaren 6an, eta  ‘Zirku Soinua’, apirilaren 3an.

 

Gizarte-etxeak

Gasteizko gizarte-etxeetako antzokiek bat egin dute arte eszenikoen aldeko apustuarekin, goi mailako bi ziklorekin.

Jim Aktualek hiru lan oso desberdin aurkeztuko ditu denboraldi honetan, baina faktore komun batekin: gai korapilatsuen lanketa. Zanguango Teatro taldearen ‘Sólo Críos, Críos solos’ lanak immigrazioaz dihardu (otsailaren 24an); Ventrículo Veloz konpainiaren ‘Dados’ lanak, nerabeen identitate sexualaz eta genero-disforiaz (martxoaren 18an); Vanessa Espínen ‘Un animal en mi almohada’ lanak, indarkeria matxistaz (apirilaren 7an).

Ikuskizuna Ibaiondon zikloak, bestetik, hiru hitzordu saihestezin proposatzen ditu. Otsailaren 11n, Club Caníbal taldeak ‘Algún día todo esto será tuyo’ plazaratuko du; martxoaren 11n, ‘Hoy puede ser mi gran noche’ komedia musikala iritsiko da, Teatro en Vilo konpainiaren eskutik, eta apirilaren 1ean, azkenik, La Calórica-k bere arrakasta handietako bat aurkeztuko du, umorez eta salaketaz betea: ‘FairFly’.

Horri guztiari XXI. Mendeko Flamenkoa zikloa gehitu behar zaio. Ziklo hori urtarrilaren 29an abiatuko da, Esperanza Fernándezekin, eta jarraian hauek arituko dira: María Terremoto, otsailaren 12an; Luis Moneo, otsailaren 26an; Perico ‘El Pañero’ eta José Canela, martxoaren 12an, eta Pedro ‘El Granaíno’, martxoaren 26an. Saioak Jesús Ibáñez de Matauco antzokian izango dira, 19:30ean hasita.

Abonamenduak urtarrilaren 24an eta 25ean jarriko dira salgai; abonamendu irekiak, aurretik hitzordua eskatuta, urtarrilaren 27tik aurrera; eta sarrera solteak, urtarrilaren 28tik aurrera.

Bi salbuespen izango dira, bi emanalditarako sarrerak lehenago jarriko baitira salgai: Quique Gonzálezen kontzertua eta Euskadiko Orkestraren ‘Zirkus’; horietarako sarrerak urtarrilaren 18tik aurrera erosi ahalko dira.

Beste ikuskizun batzuetarako sarrerak abendutik daude salgai, hala nola Les Luthiers, Kontzertu Handiak eta XXI.  Mendeko Flamenkoa.

Informazio gehiago

Neguko programa_22

Share

Mayumana, Donostiako Orfeoia, Juan Diego Botto eta Yllana Gasteizen izango dira Gabonetan

Udalaren Antzoki Sareak 14 ikuskizun programatu ditu abenduaren 3tik urtarrilaren 8ra bitartean

 

Udalaren Antzoki Sareak 2021-22ko Gabonetako denboraldia aurkeztu du: orotara 14 ikuskizun aurreikusi dira, abenduaren 3tik urtarrilaren 8ra bitartean. Programak Mayumana, Yllana eta Donostiako Orfeoiaren proposamen berriak aurreikusten ditu, baita Juan Diego Bottoren itzulera ere, 2021eko Antzerki Sari Nazionala jaso ondoren.

“Ohikoa denez, musika-, dantza-, magia- eta musika-ikuskizunek osatzen dute egitarauaren zati handi bat, baina aurten, publikoak aspalditik eskatzen zuena egia bihurtu dugu eta antzerkia ere sartu dugu, ikusle gehien izan ohi dituen generoa ere badelako”, iragarri du Estibaliz Canto Hezkuntza eta Kultura zinegotziak.

Denboraldia abenduaren 3an hasiko da, ostiralean, Euskadiko Orkestraren abonamenduko laugarren kontzertuarekin. Xostakovitx, Ginastera, Britten eta Glière konpositoreen lanak joko dituzte, Robert Treviñoren gidaritzapean. Principal antzokian.

Agertoki horretan bertan bi antzezlan izango dira. Ostegunean, hilak 9, Eneko Sagardoy eta Miren Gaztañaga protagonista dituen ‘Maitasunaren Itxiera’, maitasun harremanen erradiografia. Eta larunbatean, hilak 11, ‘Anfitrión de Plauto’ komedia, Juan Carlos Rubiok zuzendua, eta Pepon Nieto, Toni Acosta eta Fele Martínez protagonista direla.

Yllanaren umorea abenduaren 10ean itzuliko da Gasteizera, Félix Petite antzokira hain zuzen, ‘No todo son pulgas’ lanarekin. Antzoki horretan bertan, abenduaren 15ean —asteazkena—, Atalak Sareak dantza laborategi interesgarri bat aurkeztuko du, Amaia Elizaran euskal koreografoaren eskutik.

Principal antzokiko programaziora bueltatuz, abenduaren 16an (osteguna) Juan Diego Bottok, 2021eko Antzerki Sari Nazionalaren irabazleak, ‘Una noche sin luna’ oholtzaratuko du. Obra hori Gasteizera itzultzen da, iaz estreinatu baitzuen Antzerki Jaialdian.

Jesús Ibáñez de Matauco antzokian, berriz, Alberto San Juanek emanaldi bikoitza eskainiko du: ‘Lorca, New York en un Poeta’, eta kontzertua bere bandarekin. Urtarrilaren 17an.

Dantza da Gabonetako ohiko beste edukietako bat, eta oraingo honetan, Dantzaz konpainiak ‘Bat’ izeneko ikuskizuna aurkeztuko du abenduaren 18an. Migrazioei, identitateari edo mundu globalizatuan gizakiak bete beharreko lekuari buruz mintzatzen diren hiru lan biltzen ditu.

Udal Musika Bandak ere lekua izango du Gabonetako programazioan, abonamenduko hirugarren kontzertuarekin. Abenduaren 22an izango da hitzordua, Luis Orduñaren zuzendaritzapean: María José Belenguer eta Johan de Meij-en lanak interpretatuko ditu, eta, lehen aldiz, Txaikovskiren ‘Pianorako 1. kontzertua’.

Abenduaren 26an, igandean, Arabako Ilusionisten Elkarteak Mag Edgarden ‘Sonrisas’ ikuskizuna aurkeztuko du. Eta Aitzina Folk jaialdiak aurpegi ezagun baten aldeko apustua egin du: Carlos Nuñez. Abenduaren 27an bere lehen diskoaren 25. urteurrena ospatuko du.

Mayumaná konpainia ere Gasteizera itzuliko da bere azken lanarekin: ‘Currents’. Hiru emanaldi izango dira, perkusioz, dantzaz eta antzerki fisikoz beteak. Abenduaren 29an eta 30ean.

Urtarrilean dagoneko, hilaren 4an, EGO, Euskal Herriko Gazte Orkestrak programa barrokoa interpretatuko du, Bach, Vivaldi, Corelli eta Piazzollaren obrekin, Lina Tur Bonet biolinistaren zuzendaritzapean. Eta urtarrilaren 8an, Donostiako Orfeoiak itxiko du denboraldia, opera abesbatzak eta zarzuelak osatutako egitarau ikusgarri batekin.

Saio guztiak 19:30ean hasiko dira.

Programazio honen osagarri, Udal Antzoki Sareak Principal antzokira bisita gidatuak antolatu ditu. Urtarrilaren 9an euskaraz eta urtarrilaren 29an eta 30ean gaztelaniaz.

2022ko aurrerapena

Hezkuntza eta Kultura zinegotziak, halaber, dagoeneko finkatuta dauden bi ziklo iragarri ditu 2022rako.

Kontzertu Handien Zikloaren barruan, 4 hitzordu egongo dira. Otsailaren 19an, Fernando Velásquezek Idoia Asurmendi eta Eñaut Elorrieta zuzenduko ditu, orkestra sinfonikoarekin batera, ‘Neguko Disdirak’ lanean. Eta apirilaren 4an, Jordi Savallek ‘Todas las mañanas del mundo’ aurkeztuko du, Jean-Baptiste Lully & François Couperin, Sainte Colombe eta Marin Maraisen musika barrokoarekin.

Maiatzean, hilaren 27an, Carlos Mena kontratenorrak eta Agrupación Zapico taldeak ‘Yo Farinelli’ interpretatuko dute, eta ekainaren 1ean Camerata Ireland orkestra irlandarrak itxiko du zikloa, Mozart eta Beethoveni eskainitako programarekin.

XXI. Mendeko Flamenko Zikloari dagokionez, 5 emanaldi izango dira. Urtarrilaren 29an, Esperanza Fernández; otsailaren 12an, María Terremoto; otsailaren 26an, Luis Moneo; martxoaren 12an, Perico ‘El Pañero’ eta José Canela; eta martxoaren 26an, Pedro ‘El granaíno’. Saioak 19:30ean hasiko dira, Jesús Ibáñez de Matauco antzokian.

Gainera, pandemia dela eta bertan behera utzi behar izan zuten ikuskizunetako bat programatu dela iragarri du zinegotziak. Argentinako Les Luthiers konpainiaren ‘Viejos Hazmerreíres’ ikuskizuna martxoaren 11tik 13ra izango da Principal antzokian, eta sarrerak azaroaren 25etik aurrera eskuratu ahal izango dira.

Salmentari buruzko informazioa

Gabonetako programazioko ikuskizunetarako eta Les Luthiers taldearen ikuskizunerako, sarreren salmenta azaroaren 25ean hasiko da ohiko lekuetan. Online salmenta 10:00etan hasiko da; leihatilaren eta telefonoaren ordutegia 10:00etatik 13:00etara eta 17:30etik 19:30era izango da.

Hala ere, Mayumaná-ren ikuskizunerako sarrerak azaroaren 16tik aurrera egongo dira salgai, ohiko ordutegi eta puntuetan.

Kontzertu Handien Zikloari eta XXI. Mendeko Flamenko Zikloari dagokienez, abonamenduen salmenta abenduaren 14an eta 15ean hasiko da, 10:00etatik 13:00etara eta 17:30etik 19:30era. Abenduaren 16tik aurrera, leihatilako ohiko ordutegian eskuratu ahal izango dira.

Sarrera solteak, berriz, abenduaren 21ean jarriko dira salgai, 10:00etatik 13:00etara eta 17:30etik 19:30era; abenduaren 22tik aurrera ohiko ordutegian erosi ahal izango dira.

“Gasteiztarrak Udal Antzoki Sarearen programazioarekin bat egitera gonbidatu nahi ditut. Eta Olentzerori, Mari Domingiri eta Errege Magoei iradokizun bat egin nahi nieke: oparitu kultura”, gaineratu du Cantok.

Programa

 

 

Share

Udalaren Antzoki Sareak batez beste % 92ko asistentzia lortu du udaberriko denboraldian

Principal antzokian edukiera 400 pertsonara mugatuta egon da eta gainerako udal antzokietan % 50era.

 

Gasteizko Udalaren Antzoki Sareak batez beste % 92ko asistentzia izan du udaberriko programazioan. Apiriletik ekainera hainbat formatutako 26 proposamen eskaini dira (antzerkia, dantza, ikuskizunak euskara, komediak, musika klasikoa, familientzakoak, beste musika mota batzuk..).  Ikuskizun horiek Principal antzokian eta sareko gainerako antzokietako ohiko zikloetan egin dira: “ikuskizuna Ibaiondon”, “Dantza Sarean” eta “Jim Aktual”.

7.898 sarrera saldu dira guztira, 7.150 Principal antzokian eta 748 gizarte-etxeetako zikloetan.

“Balantzea ezin da hobea izan. Berriz ere egiaztatu dugu ikusleak kultura sentitzeko eta bizitzeko beharra dutelako joaten direla antzokietara;, eta bertan seguru sentitzen direlako, ikuskizunak segurtasun-baldintzetan egiten dira eta. Kultura segurua da” azpimarratu du Hezkuntza eta Kultura zinegotzi Estíbaliz Cantok.

Principal antzokian 400 lekukoa izan da gehieneko edukiera, ekainaren 19an izan ezik, LABIk hartutako erabakiaren ondorioz 486 leku izan baitziren. Gainerako antzokietan % 50era mugatu da.

Bi ikuskizun bertan behera geratu dira pandemiaren ondorioz:  Camerata Irelanden kontzertua, maiatzaren 13rako aurreikusia,  eta udalaren musika bandaren ‘de New Orleans a Abbey Road’ kontzertua, 2021eko maiatzaren 23rako aurreikusia. Bi kontzertu horiek 2022ko programazioan sartuko dira.

Bereziki pozgarria da antzerki-abonamenduek berriz ere izan duen harrera ona, baita dantza-abonamenduek, euskarazko proposamenek eta bestelako musikek izan duten ikus-entzuleen igoera ere. Era berean, gizarte-etxeetako zikloek jendearen harrera ona egiaztatu dute, zifra aipagarriak izan dituzte eta.

Zifrek erakusten dutenez, Dantza Sarean zikloak gora jarraitzen du, eta horrek finkatu egiten du tokiko koreografoei zirkuitu egonkor bat ematearen aldeko apustua.

“Udalaren Antzoki Sarean herritarrei antzerkirik, dantzarik eta musikarik onena eskaintzen jarraituko dugu.  Kultura behar dugu “, gaineratu du Cantok.

 

Zifrak

ZikloakSaldutako abonamenduak
“Ikuskizuna Ibaiondon” zikloa47
JIM Aktual zikloa29
Musika, familia osoarentzat46
Kontzertu handiak95
“Dantza Sarean” zikloa151
Antzerki abonamendua260
“Umore giroan” abonamendua234
Euskarazko antzerkirako abonamendua67
GUZTIRA929

 

 

IkuskizunakEdukiera
Pedro Páramo% 93
Andanzas de Juan Rana% 100
Matar cansa% 98
El príncipe constante (bi saio)% 90
Rocío Molina% 100
Corsia /Giselle% 92,75
Kukai Hnuy Illa% 100
Ameriketako bidaia% 90,88
Konpromisoa% 84,50
Feminismo para torpes% 100
Illana /Green Piss% 94,14
Paco Ibañezen kontzertua% 100,00
Rodrigo Cuevas% 100,00
Anari% 92,00
Preludes (kontzertu handiak)% 67,50
Living Room music% 78,17
Leihoak /Ventanas (Paraíso)% 100
El festín de los cuerpos (Ibaiondo)% 100,00
Ronejo (Ibaiondo)% 100,00
Sueños y visiones de Rodrigo Rato (JIM)% 100,00
AKA Also know as (JIM)% 97,26
Serenity Suite, Matxalen Bilbao (Dantza Sarean)% 56,03
Dead, Lasala – Judith Argómaniz (Dantza Sarean)% 90,07

 

Edukiera, abonamenduen arabera
Antzerki  abonamendua% 93
Euskarazko ikuskizunen abonamendua% 88
Dantza-abonamendua% 97
Kontzertu handien abonamendua% 84,8
Familientzako musika-abonamendua% 78,5
“Umore giroan” abonamendua% 92,45
Jim Aktual abonamendua% 98,75
‘Ikuskizuna Ibaiondon’ abonamendua% 100
“Dantza Sarean” zikloa% 74

 

 

 

 

 

 

 

 

Share

Jorge Javier Vázquez, Carlos Sobera eta Loles León izango dira Gasteizen uda honetan

Udalaren Antzoki Sareak 11 ikuskizun programatu ditu uztailaren 14tik abuztuaren 8ra bitartean

 

Hezkuntza eta Kultura zinegotzi Estíbaliz Cantok Gasteizko Udalaren Antzoki Sareko udako programazioa aurkeztu du. 11 ikuskizun egingo dira uztailaren 14tik abuztuaren 8ra bitartean Principal antzokian, eta, besteak beste, Jorge Javier Vázquez, Carlos Sobera eta Loles León izango dira protagonista. Guztira 21 emanaldi eskainiko dira, eta komedia eta musika izango dira nagusi.

“Urtebete daramate antzokiek zabalik, osasun neurriak zorrotz aplikatuz eta ordutegi- eta edukiera-mugetara egokituz, eta orain ozen esan dezakegu kultura eta antzokiak seguruak direla, eta gure hiriko jendeak Udalaren Antzoki Sareko ikuskizun guztietara joateko ohitura mantendu duela. Horrek adore eman digu entretenimenduan oinarritutako programazio bat diseinatzeko, eta barre egiteko eta une onak igarotzeko aukera izango dugu”, adierazi du Cantok.

Gasteizko Nazioarteko Jazzaldiaren 45. edizioak irekiko du denboraldia ‘Jazza Antzokian’ zikloarekin, eta, horren barruan, 5 kontzertu egingo dira uztailaren 14tik 18ra bitartean. Egitarauak emankizun hauek aurreikusten ditu: Miguel Salvador Quartet (uztailak 14), Gonzalo del Val Trío feat. Benet Palet (uztailak 15), CMS (uztailak 16), Lucía Martínez & The Fearless (uztailak 17) eta Maciej Obara 4tet (uztailak 18). 18:00etan hasiko dira denak, Principal antzokian.

Sarrerak Principal antzokiaren ohiko bideak baliatuz erosi ahal izango dira (leihatiletan, telefonoz eta Internet bidez). Abonamenduak, ekainaren 16tik aurrera, eta sarrerak, ekainaren 25etik aurrera.

Udako denboraldiak uztailaren 23an jarraituko du; Mikel Urdangarinek bere azken diskoa aurkeztuko du, ‘Izurdeen Lekua’, gaueko 21:30ean. Berarekin Koldo Uriarte (teklatua), Rafa Rueda (gitarrak), Nika Bitchiashvili (biolina), Jon Cañaveras (baxua) eta Ander Hurtado de Saracho (bateria) izango dira.

Urtero bezala, aurtengo udan ere EGO Euskal Herriko Gazte Orkestra entzuteko aukera izango dute herritarrek; izan ere, Mozart eta Brahmsi eskainitako programa aurkeztuko du orkestrak uztailaren 26an Principal antzokian, 19:00etan.

Uztailaren 29tik 31ra ‘Desmontando a Séneca’ komedia egongo da Principaleko agertokian. ‘De la brevedad de la vida’ liburuan oinarritzen da obra , eta Jorge Javier Vázquez du protagonista. 5 emanaldi egingo dira, proiekzioekin, musikarekin, filosofiarekin eta umore askorekin.

Abuztuaren 3an eta 4an ‘La Coartada’ thrillerra egongo da ikusgai, Gorka Otxoa, María Castro eta Miguel Hermosorekin eta Bernabé Ricoren zuzendaritzapean. Txalo Produkzioak taldearen eskutik.

Ondoren, ‘Asesinos todos’ obraren txanda izango da, Carlos Sobera, Neus Asensi, Elisa Matilla eta Ángel Pardo protagonista dituen komedia klasikoa. Pentación taldearen eskutik eta Pep Antón Gómezen zuzendaritzapean.

Udako denboraldia ixteko Loles León eta ‘Una noche con ella’ lan berria izango ditugu, bidaia bat historiaren eta bere bizitzaren azken berrogeita hamar urteetan barrena, music hall eta kabaretaren lengoaia erabiliz kontatuta. Aktore ospetsua horrekin batera Briel González eta Fran del Pino arituko dira, Juan Luis Iborraren zuzendaritzapean.

“Egitarau fresko bat proposatzen dizuegu, komedia askorekin eta aktore garrantzitsu eta ospetsuekin, eta ziur nago une oso atseginak igarotzeko aukera emango digutela”, erantsi du zinegotziak.

Udako denboraldiko sarrerak uztailaren 7an jarriko dira salgai, 10:00etan, eta leihatiletan, telefonoz eta Internet bidez erosi ahal izango dira.

Antzerki Jaialdia

Bestetik, urriaren 10etik azaroaren 28ra bitartean egitekoa den Gasteizko Nazioarteko Antzerki Jaialdiaren 46. edizioari buruz ere hitz egin du Cantok. “Tokiko eta euskal sorkuntza eszenikoa sustatzen jarraitzen dugu eta nazioarteko proposamenak berreskuratzeko ere ari gara lanean. Era berean, arte eszenikoen hitzordu garrantzitsu honen nortasunaren parte diren antzezpenez gain, beste ekintza batzuk ere programatuko ditugu”, adierazi du.

Urriaren 29an, herritarrek ‘El hombre almohada’ ikusteko aukera izango dute, Martin McDonagh dramagile ingelesaren maisulanaren egokitzapena. David Serranok zuzentzen du eta Belén Cuesta, Ricardo Gómez, Juan Codina eta Manuela Paso dira protagonistak. Principal antzokian.

Eta iragarritako beste obra ‘Las noches bárbaras’ izan da. Hervé Kouvi koreografo aljeriar-frantsesaren dantza ikuskizun horrek Mozart, Fauré eta Afrikako musika tradizionala hip-hop kulturarekin eta capoeirarekin nahasten ditu. Azaroaren 4an Principal antzokian.

Informazio gehiago

 

 

 

 

 

 

 

 

 

Share

Udalaren Antzoki Sareak % 100eko okupazioa lortu du neguko denboraldian proposatutako antzerki, dantza eta musika saioetan

Principal antzokian edukiera 400 pertsonara dago mugatuta eta gainerako udal antzokietan % 50era.

 

Udalaren Antzoki Sareak leku guztiak betetzea lortu du neguko denboraldiko antzerki, dantza eta kontzertuen proposamen ia guztietan. Urtarriletik martxora bitartean, 37 ikuskizun eskaini dira guztira, 28 Principal antzokian eta 9 gizarte etxeetako antzokietan. Principal antzokian edukiera 400 pertsonara dago mugatuta eta gainerako udal antzokietan % 50era.

“Arte eszenikoetan parte hartzen duten sektore guztientzat hain zaila den egoera honetan, gure helburua da arte eszenikoen programazioa ahal den neurrian mantentzea. Baliabide tekniko eta ekonomikoen arabera programatzen saiatzen gara, antzerkia, dantza, musika eta hori ahalbidetzen duten milaka pertsonek bere lan aparta egiten jarrai dezaten”, adierazi du Estíbaliz Canto Hezkuntza eta Kultura zinegotziak.

Udalaren Antzoki Sarea kalitateko ikuskizunak eskaintzen saiatzen da agertokietan eszenaratzen diren istorioez gozatu eta horiekin hunkitu, barre edo negar egiten duten herritar guztiei.

“Gure ustez arte eszenikoak herritarren premien parte dira, eta, beraz, administrazio publikoek premia horri erantzuna eman behar diote. Horregatik, oso positibotzat jotzen dugu neguko programazioa egin ahal izana; ikuskizun bakarra utzi dugu bertan behera, Ballet du G.Theatre de Geneve“, gehitu du Cantok.

 

Antzerkia

Aurrekoetan bezala, helduentzako antzerkietan ia leku guztiak bete dira. ‘La Máquina de Turing’, ‘Principiantes’ eta ‘Eva contra Eva’ ikuskizunek, esaterako, sarrera guztiak saldu dituzte. Nabarmentzekoa da Mario Gasek zuzendutako ‘Principiantes’ obraren erabateko estreinaldia, Principal antzokian.

Azken urteetako joeraren ildotik, ‘Antzerkia Ibaiondon’ zikloan leku guztiak bete dira eta ‘JIM Aktual’ zikloan sarreren % 85 saldu dira.

Bestalde, euskarazko ikuskizunek goranzko joera dute eta ‘Kutsidazu bidea Ixabel’ antzezlanean, adibidez, lekuen % 92,5 bete dira. “Euskarazko antzerkiak eta ikuskizunek osasun ona dute, eta, horregatik, proposamen hauen kalitatea eta kopurua handitzen jarraitzearen aldeko apustua egingo dugu”, iragarri du zinegotziak.

 

Dantza

Dantzari dagokionez, emaitzak ere oso onak dira, ia lekuen % 100 bete direlako. Izan ere, azken urteetan dantza saioetara hurbildu den pertsona kopurua neurriz igo da.

 

Musika

Kontzertu Handien Zikloaren barruan, Donostiako Orfeoiak leku guztiak bete ditu, eta Il Gardellino Baroque Orquestrak lekuen % 90. Bi taldeek kalitate handiko kontzertuak eskaini dituzte.

Pop kontzertuei dagokienez, ia leku guztiak bete dituzte, eta nabarmentzekoa da batez ere ETS talde arabarrak eskainitakoa.

XXI. Mendeko Flamenkoa zikloan egin diren bost kontzertuek leku guztiak bete dituzte. Edizio honetan 2020ko zikloan partu hartu ezin izan zuten kantarietako batzuk egon dira.

 

Familia giroan

Azkenik, familiei zuzendutako ikuskizunetan edukieraren % 90 bete da. Familientzako ikuskizunetan parte-hartzaile kopurua pixkanaka goraka doala nabari da.

Antzoki Saretik oso modu positiboan baloratzen dute herritarrei kalitateko antzerkiak eskaintzen jarraitzea. “Publikoari eskerrak eman nahi dizkiogu, pandemia egoeran ere antzokiak betetzen dituelako. Herritarrek antzokira joateko beharra dutela uste dugu, eta hala erakutsi dute amaitu berri den denboraldi honetan. Bertan egiten diren antzerki eta jarduerak guztiz seguruak dira”, azpimarratu du Estíbaliz Cantok.

 

DATUAK / DATOS

IKUSKIZUNA / ESPECTÁCULOData / FechaLekuak / AforoIkusleak / Espectadores/as%
ANTZERKI ABONAMENDUA / ABONO TEATRO    
La máquina de Turing2021/02/06400400% 100,00
Principiantes2021/02/12400400% 100,00
La habitación de María2021/02/25400392% 98,00
Dribbling2021/03/20400388% 97,00
Fortunata y Benito2021/03/23400377% 94,25
Eva contra Eva2021/03/26400400% 100,00
ABONAMENDUTIK KANPO / FUERA DE ABONO    
Natalia Lacunza2021/02/05397325% 81,86
Santi Rodriguez2021/03/05400377% 94,25
Eñaut Elorrieta2021/02/27400369% 92,25
ETS2021/03/12400400% 100,00
DANTZA ABONAMENDUA / ABONO DANZA    
Carmen Maquía2021/02/19400390% 97,50
Ballet du G.Theatre de Geneve2021/03/19367367% 100,00
EUSARAZKO ANTZERKI ABONAMENDUA / ABONO EUSKERA    
Kutsidazu Bidea Isabel2021/02/17400369% 92,25
Zer gertatu ote zitzaion Ana Garciari2021/03/04273232% 84,98
     
ABONO IBAIONDO ABONAMENDUA    
Un poyo rojo2021/02/26143143% 100,00
Españolas, Franco ha muerto2021/03/18146146% 100,00
ABONO JIM ABONAMENDUA    
Antonia2021/02/18136134% 98,53
Quinta Feira2021/03/1112491% 73,39
ABONO FLAMENCO ABONAMENDUA    
Pansequito2021/01/30149149% 100,00
Israel Fernández2021/02/13148148% 100,00
Mayte Martín2021/02/27148148% 100,00
David Palomar2021/03/13149149% 100,00
Cancanilla de Málaga2021/03/27149149% 100,00
KONTZERTU HANDIAK / GRANDES CONCIERTOS    
Orfeón Donostiarra2021/02/20400394% 98,50
Il Gardellino Baroque Orquestra2021/03/06400351% 87,75
FAMILIARENTZAKO ANTZERKIA / ABONO TEATRO FAMILIA    
Alpha2021/02/21264238% 90,15
Kotondarrak2021/02/28264237% 89,77
Encuentracuentos2021/03/14344316% 91,86
Laika2021/03/28350299% 85,43
FAMILIARENTZAKO MUSIKA ABONAMENDUA / ABONO MUSICA FAMILIA    
Pangea2021/02/07330325% 98,48
Ekomusik2021/03/07270238% 88,15
GUZTIRA / TOTAL  9307% 92,90

 

 

 

 

 

Share

Poetak maiatzean jaialdiak Paco Ibáñez ekarriko du Principal antzokira, maiatzaren 14an

 

Maiatzaren 7tik 29ra bitartean egingo da jaialdia, modu presentzialean

 

Paco Ibáñezek Principal antzokian abestuko du maiatzaren 14an, Poetak maiatzean jaialdiaren barruan, Hezkuntza eta Kultura zinegotzi Estíbaliz Cantok eta jaialdiko zuzendari Elisa Ruedak gaur prentsaren aurrean jakinarazi dutenez.

Udalaren Antzoki Sareak babesten du kontzertua, Gasteizko kultur egutegiko ekitaldi hutsezin bihurtu den jaialdi honetako izarra.“Poesia inoiz baino beharrezkoagoa da, pandemiak ezarritako murrizketak direla eta joaterik ez dugun lekuetara bidaiatzea ahalbidetzen baitigu. Gure etxeko egongelatik poeta ospetsuen eta mundu zirraragarri horretan bidea urratzen ari diren beste batzuen olerkiekin gozatu dezakegu. Gainera, jaialdiari esker, testuak ahots benetan iradokitzaileetan entzun ditzakegu, eta hori beti da plus bat”, erantsi du Estíbaliz Cantok.

Bestalde, Elisa Ruedak maiatzaren 14ko kontzertuari buruzko xehetasun gehiago eman du. “Paco Ibañez, poeten ahotsa. Humanista eta artista konprometituak emango duen kontzertua maitasun-, askatasun- eta duintasun- proposamena da. Bidegabekeriaren, indarkeriaren eta izugarrikeriaren kontrako erresistentziaren sinboloa. Paco Ibañezen ahotsean eta musikan bilduta, XIII. mendeaz geroztik izan diren gaztelaniazko poeta handienen hitzak entzungo ditugu”.

Ekitaldia maiatzaren 7tik 29ra bitartean egingo da, eta aurten presentziala izango da; 2020ko edizioa, berriz, online egin behar izan zen, pandemia dela eta.

Artista valentziarraren emanaldiaz gozatu nahi dutenek Udalaren Antzoki Sarearen ohiko bideetatik eskuratu ahalko dituzte sarrerak, abonamenduen barruan (martxoaren 25etik aurrera) edo sarrera solteak erosiz (martxoaren 30etik aurrera).

“Paco Ibáñezek Principal antzokian emango duen kontzertura gonbidatzen ditugu gasteiztarrak. Ezagutzen dutenek zuzeneko esperientzia bizi nahiko dute ziur aski. Eta oraindik haren lanean barneratu ez direnek ezin dute aukera galdu. Emanaldian osasunaren arloko agintariek ezarritako protokoloei jarraituko zaie. Kultura segurua dela gogorarazten dizuegu“, azpimarratu du zinegotziak.

Kontzertua

“Claridad no te apartes de mis ojos… escucha, detrás de mis palabras,

el grito de los hombres que no pueden hablar”

Paco Ibáñezek —olerkarien ahotsa, humanista, artista konprometitua— eskaintzen duen kontzertua maitasun, askatasun eta duintasun proposamena da, bidegabekeriaren, indarkeriaren eta izugarrikeriaren kontrako erresistentziaren sinboloa.

Paco Ibáñezen ahotsean eta musikan bilduta, XIII. mendeaz geroztik gaur arte izan diren gaztelaniazko poeta handienen hitzek mendeetan gaindi bidaiatzen dute, Paco abesten duenaren protagonista bihurtzen baita, eta protagonista bihurtzen baititu entzuleak, duintasun pertsonal eta kolektiboaren aldeko erresistentzian lagun.

Bere printzipioak aldatzen ez dituelarik, itsasargi bat izaten jarraitzen du planeta osoan bidegabekeria nagusi den garaiotan. Arrazoia eta poesia da hitzen edertasuna ahaztu den eromenezko garai batean. Dagoeneko hiru gazte belaunaldik ezagutu dute, eta ezagutzen jarraitzen dute, guztiok behar dugun horren bila: hitza.

Haren ahotsak ate misteriotsu eta ezkutu bat irekitzen digu denoi, poesiara daraman ate isil eta liluragarria… askatasunaren atea!

 

 

 

Share

Denboraldi berriko antzerki-abonamenduak agortu ditu Udalaren Antzoki Sareak, aldez aurreko salmentaren lehenengo astean

 

Orobat saldu dira En Tol Sarmiento-ren kontzerturako eta ‘Antzerkia Ibaiondon’ ziklorako sarrera guztiak

 

Neguko denboraldiko 8.100 sarrerak saldu ditu Udalaren Antzoki Sareak aldez aurreko salmentaren lehenengo astean, urtarrilaren 25etik 31ra bitartean. “Pozgarria da, oso, beste behin ere antzerki-abonamenduek izan duten harrera ona, agortu egin baitira. Saldu diren 267 abonamenduek erakusten dute antzerkiak jarraitzen duela izaten gasteiztarrek gogokoen duten diziplina artistikoa”, azpimarratu du Hezkuntza eta Kultura zinegotzi Estíbaliz Cantok.

Era berean, ‘Antzerkia Ibaiondon’ ziklorako sarrera guztiak saldu dira.

Principal antzokiaren gehieneko edukiera 400 sarrerakoa da, eta Jesús Ibáñez de Matauco antzokikoa eta Félix Petite antzokikoa, berriz, % 50ekoa.

Principal antzokiaren kasuan, saldu diren sarreren portzentajea % 84koa da, eta gizarte-etxeetako antzokien kasuan, berriz, % 82koa.

 

Zifrak, zehatz-mehatz

 

ZikloakSaldutako abonamenduak

 

Ikuskizuna Ibaiondon60

 

Jim Aktual zikloa25

 

Musika, familia osoarentzat42

 

Familiarentzako antzerkia75

 

Dantza-zikloa126

 

Antzerki  abonamendua267

 

 

Ikuskizunakedukiera

 

La máquina de Turing% 100

 

Principiantes% 100

 

La habitación de María% 100

 

Dribbling% 100

 

Fortunata y Benito% 100

 

Eva contra Eva% 100

 

ETSren kontzertua% 100

 

Flamenko-kontzertua: Pansequito% 100

 

Flamenko-kontzertua: Israel Fernández% 100

 

Flamenko-kontzertua: Maite Martín% 100

 

Un poyo rojo% 100

 

Españolas, Franco ha muerto% 100

 

Donostiako Orfeoiaren kontzertua% 95

 

Kutxidasu Bidea Ixabel% 95

 

 

 

Asistentzia, abonamenduen eta zikloen arabera

 

Antzerki  abonamendua% 100

 

Euskarazko ikuskizunen abonamendua% 66

 

Dantza-abonamendua% 94

 

Kontzertu handien abonamendua% 64

 

Familientzako antzerki-abonamendua% 65

 

Familientzako musika-abonamendua% 46

 

Jim Aktual abonamendua% 51

 

‘Ikuskizuna Ibaiondon’ abonamendua% 100

 

‘XXI. mendeko flamenkoa’ abonamendua% 93

 

Natalia Lacunzaren kontzertua% 52

 

Eñaut Elorrietaren kontzertua% 89

 

En Tol Sarmiento-ren kontzertua% 100

 

 

“Datu horiek agerian jartzen dute, beste behin ere, publikoak kultura behar duela, bere bizitzako oinarrizko elementu gisa. Era berean, agerian geratzen da antzezlanetan eta gainerako ikuskizunetan hartutako neurriak egokiak direla eta, beraz, publikoa seguru sentitzen dela antzokietan”, gaineratu du Cantok.

Share

Udalaren Antzoki Sarearen Eguberrietako programazioak % 90etik gorako okupazioa izan du batez beste; lau ikuskizunetan, guztiz bete da aretoa

13 ikuzkizun izan dira, azaroaren 29tik urtarrilaren 3ra bitartean

Gasteizko Udalaren Antzoki Sarearen Eguberrietako  programazioak oso erantzun ona jaso du Gasteizko ikusleen aldetik: sarreren % 90 saldu dira ikuskizunen parte handi batean, eta lau ikuskizunetarako sarrerak agortu egin dira.

“Principal antzokian % 89koa izan da asistentzia, eta % 97koa sareko antzokietan. Beraz, emaitzak oso onak izan direla esan genezake, batez ere bizi dugun salbuespen-egoera kontuan hartzen badugu”, azaldu du Hezkuntza eta Kultura zinegotzi Estibaliz Cantok.

Azaroaren 29tik urtarrilaren 3ra bitartean, 13 ikuskizun eskaini dira; hamar Principal antzokian eta hiru Félix Petite eta Jesús Ibáñez de Matauco antzokietan. Musikarekin zerikusia izan duten ikuskizunak nabarmendu dira, eta familiei zuzendutakoak.

Egoera sanitarioaren ondorioz, Principal antzokiko edukiera 400 eserlekura murriztu da. Guztira, 3291 ikusle izan dira bertan.

Jesús Ibáñez de Matauco eta Félix Petite antzokien edukiera % 50era murriztu da; guztira 322 pertsona izan dira horietan.

“Arte eszenikoei bizirik eustea dugu helburu, kultur sarea babestuz eta herritarren behar kulturalak asebetez. Kultura segurua baita”, azpimarratu du Cantok.

Ikuskizunen datuak

Hauek izan dira sarrerak agortu diren ikuskizunak:

  • Izaro: ‘Limones en invierno’
  • Euskal Herriko Gazte Orkestra
  • Udalaren Musika Banda
  • Leo Bassi

Gainerako ikuskizunetan % 90 inguruko okupazioa izan da, taula honetan ikus daitekeenez:

PRINCIPAL ANTZOKIA
azaroaren 29aDéjà-vu, Manolo Alcántara% 89
azaroaren 10aRita, arrastoan sartzen% 75
abenduaren 16aUdalaren Musika Banda% 100
abenduaren 17aLehendakari Agirre.% 53
abenduaren 18aTodas hieren y una mata% 88
abenduaren 19a eta 20aEne kantak% 91
abenduaren 26aHesia urraturik, Xabier Lete in memoriam% 96
abenduaren 3aAitzina Folk Festival, Korrontxi% 96
urtarrilaren 2aIzaro: ‘Limones en invierno’% 100
urtarrilaren 3aEuskal Herriko Gazte Orkestra% 100
Okupazioa, batez beste% 89

 

GIZARTE-ETXEAK
abenduaren 11Yo Mussolini, Leo Basi. (Ibaiondo)% 100
abenduaren 16aAtalak 2.0 Laboratorio, Eneko Gil% 100
abenduaren 17aGozpuztu, Doos Colectivo (Hegoalde)% 96
Okupazioa, batez beste% 97

 

 

 

Share

Leo Bassik, Izarok eta Ene Kantak taldeak beren azken proposamenak aurkeztuko dituzte Gasteizen aurtengo Gabonetan

Udalaren Antzoki Sareak 13 ikuskizun programatu ditu azaroaren 29tik urtarrilaren 3ra bitartean

 

Udalaren Antzoki Sareak 2020-21eko Gabonetako denboraldia aurkeztu du: orotara 13 ikuskizun aurreikusi dira, azaroaren 29tik urtarrilaren 3ra bitartean. Besteak beste, Leo Bassi, Izaro eta Ene Kantak taldearen azken proposamenak barne hartzen ditu programak.

“Ahalegin handia egin dugu programa biribil eta askotarikoa egituratzeko, Gabonetako denboraldian egin ohi dugunez. Gainera, hain berezia izaten ari den urte honetan, pandemia dela eta bertan behera utzi behar izandako ikuskizunak berreskuratu ditugu“, iragarri du Hezkuntza eta Kultura zinegotzi Estíbaliz Cantok.

Azaroaren 29an (igandea) abiatuko da programa, Manolo Alcántararen ‘Deja Vu’ ikuskizunarekin; edertasun plastiko handiko lan horretan lausotu egiten da artearen eta fantasiaren arteko marra, zirkuaren eta antzerki fisikoaren artekoa. Jende ororentzat da.

Abenduaren 10ean (osteguna) Txalo Producciones konpainiaren ‘Rita, arrastoan sartzen’ komedia ikusi ahalko dugu, Aitziber Garmendia eta Joseba Apaolaza protagonista dituena.

Abenduaren 11n (ostirala) bi ikuskizun izango dira. Batetik, Euskadiko Orkestraren abonamenduko hirugarren kontzertua, saio bikoitzean, 17:30ean eta 19:30ean; Xoxtakovitx eta Schumannen lanak joko dituzte, Robert Treviño maisu handiaren zuzendaritzapean. Egun berean, Leo Bassik ‘Yo Mussolini’ show berria aurkeztuko du, zeinean txiste errazak, probokazioa eta hausnarketa nahasten baititu. Félix Petite antzokian izango da hori.

 

Abenduaren 16an (asteazkena), Udal Musika Bandak abonamenduko hirugarren kontzertua eskainiko du ‘Beethovenen Gasteiz’ izenburuaren pean, Luis Orduña zuzendari dela.

Abenduaren 17an (osteguna) programa bikoitza antolatu da: Lehen lana ‘De Gernika a Nueva York, pasando por Berlín’ da, Tentazioa konpainiarena: Iñaki Rikarte da protagonista, Fernando Bernuések zuzendu du eta Iñaki Salvadorrek jarri du musika. Bigarrena, ‘Gozpuztu’ da, Doos Colectivo taldearena. Dantza-garaikidea eta zuzeneko musika uztartzen dituen ikuskizuna da, orekaren bilaketaz mintzo dena. Garazi López de Armentia da jokalaria.

Abenduaren 18an (ostirala) Álvaro Tatoren kapa eta ezpatako komedia hartuko du Principal antzokiak: ‘Todas hieren y una mata’, umore eta poesia ugariz zipriztinduriko bidaia, zuzeneko musikaz lagunduta.

Familientzat  Ene Kantak taldearen ‘Liluragarriak’  ikuskizunaren bi saio antolatu dira, abenduaren 19an eta 20an (larunbata eta igandea). Urko Oskoz eta Nerea Urbizuk haurrentzako kantu berriak aurkeztuko dituzte, musikaren bidez euskararen erabilera sustatzeko asmoz.

Antzoki Sareak, bestalde, omenaldia egin nahi dio Xabier Leteri, haren heriotzaren hamargarren urteurrenean. ‘Hesia urraturik’ du izenburu Joxan Goikoetxeak hori oroitzeko idatzitako oratorio sinfoniko-korala. Abenduaren 26an (larunbata) eskainiko da Principal antzokian; Landarbaso abesbatzak, Miren Urbietak eta Beñat Egibidek abestuko dute, Juan José Oconen zuzendaritzapean.

Hurrengo hitzordua Aitzina Folk jaialdi solidarioarekin izango da, abenduaren 30ean: Korrontzi eta Xabier Amurizaren arteko lankidetzatik sortutako ‘Koplariak’ kontzertua; talde hori euskal kultura  eta dantzaren enbaxadore gailenetakoa da nazioartean.

2021ean jada, Euskadin azkenaldian gehien nabarmendu diren abeslarietako baten txanda izango da: Izaro, zeinak ‘Limones en invierno’ diskoa aurkeztuko baitu. Urtarrilaren 2an izango da, Principal antzokian.

Eguberrietako denboraldia amaitzeko, EGO-Euskal Herriko Gazte Orkestra etorriko da Principal antzokira, urtarrilaren 3an (igandea); Beethoveni eskainitako programa monografikoa prestatu dute, haren jaiotzaren 250. urteurrenean.

Saio guztiak 19:00etan hasiko dira, oraingo egoera sanitarioak berdin jarraitzen badu.

Beste bi ekintzak osatuko dute Gabonetako arte eszenikoen eskaintza:

Abenduaren 16an, Enero Gilek sorkuntza koreografikoari buruzko laborategia eskainiko du, ‘Atalak 2.0’ izenekoa. Félix Petite antzokian izango da, 19:30ean. Abenduaren 1etik aurrera jaso ahalko dira gonbidapenak, ohiko lekuetan.

Horretaz gain, Principal antzokia ezagutzeko bisita gidatuak antolatu dira. Urtarrilaren 9an euskaraz izango da, eta urtarrilaren 10ean, gaztelaniaz. 12:00etan zein 18:00etan egin ahalko dira bisitak.

2021eko aurrerapena

Hezkuntza eta Kultura zinegotziak, halaber, bi ziklo ezagunen 2021erako programazioa aurreratu du: XXI. Mendeko Flamenkoa eta Kontzertu Handien Zikloa.

Lehenengoan bost emanaldi aurreikusi dira: Pansequito, urtarrilaren 30ean; Israel Fernández, otsailaren 13an; Mayte Martín, otsailaren 27an; David Palomar, martxoaren 13an, eta Cancanilla de Málaga, martxoaren 27an (azken biak 2020rako zeuden programatuta). Larunbatetan izango dira saioak, Jesús Ibáñez de Matauco antzokian (Hegoalde gizarte etxea).

Kontzertu Handien Zikloak lau emanaldi eskainiko ditu, horietako bi 2020ko programatik berreskuratuak. “Musika sinfonikoaren, interprete handien eta nazioartean proiekzioa lortu duten euskal musikarien aldeko apustu handia da.  Oraingo honetan, lau emanaldi barne hartzen ditu programak“, nabarmendu du zinegotziak.

Lehen hitzordua otsailaren 20rako jarri da: Donostiako Orfeoiak Rossiniren meza txiki solemnea abestuko du, pianoaz eta klabeaz lagunduta.

Martxoaren 6an, pandemiarengatik bertan behera gelditu zen kontzertuetako bat berreskuratuko da. Il Gardellino Baroque Orchestra talde ospetsua da, zeinak Bachen suiteak eta Brandenburgoko kontzertuak joko baititu.

Apirilaren 23an, Alfonso Gómezek programa ausart eta berritzailea aurkeztuko du, Chopinen preludioetan oinarritua, Ramón Lazcano musikari handia eta Ensemble Cairn taldea lagun dituelarik.

2021eko Kontzertu Handien Zikloa amaitzeko, beste proposamen bat berreskuratuko da, Camerata Irelandena: Barry Douglasen zuzendaritzapean, Beethoven, Mozart, Haydn eta Elgarren lanak eskainiko dituzte.

SALMENTARI BURUZKO INFORMAZIOA

Gabonetako programazioko ikuskizunak:

Abenduaren 1ean. Leihatilan eta telefonoz: 10:00etatik 13:00etara eta 17:00etatik 19:00etara. Interneteko salmenta 10:00etan hasiko da.

XXI. Mendeko Flamenkoa eta Kontzertu Handien Zikloa:

Abonamenduak: abenduaren 15ean, 10:00etatik 13:00etara eta 17:00etatik 19:00etara. Abenduaren 16tik aurrera, leihatilako ohiko ordutegian, lekuak bete arte.

Sarrera solteak: abenduaren 18an, 10:00etatik 13:00etara eta  17:00etatik 19:00etara.

2020-2021 Gabonetako programazioa

Share

Udalaren Antzoki Sareak 19:00etara aurreratu du azaroan programatutako lanak hasteko ordua

COVID-19ak sortutako osasun krisialdiari aurre egiteko Eusko Jaurlaritzak ezarri dituen azken neurriak direla eta, Udalaren Antzoki Sareak 19:00etara aurreratu behar izan du azaroan programatutako lanak hasteko ordua.

Salbuespen hauek izango dira:

  • Familientzako ikuskizunak ohiko ordutegian eskainiko dira: 18:00etan.
  • Euskadiko Orkestrak azaroaren 9an emango duen kontzertua 20:00etan hasiko da.
  • Enredados ataleko azaroaren 14, 15, 16 eta 17ko saioak: dagokionean jakinaraziko dira ordutegi berriak.
  • Off Lokal ataleko abenduaren 18, 19, 20 eta 21eko ikuskizunak: dagokionean jakinaraziko dira ordutegi berriak.

Herritarrak 22:00etarako etxera iritsi ahal izatea bermatzeko hartu dugu erabaki hau”, azaldu du Hezkuntza eta Kultura zinegotzi Estíbaliz Cantok.

“Programazioa mantentzea da gure lehentasuna, eta gasteiztarrek Antzerki Jaialdiko lanez gozatu ahal izan dezaten bermatzea. Araudiaren arabera justifikatutako arrazoiren batengatik saiora joaterik ez duten pertsonek sarreraren dirua itzultzeko eskatu ahalko dute ikuskizunaren aurretik, leihatilako ohiko ordutegian“, gaineratu du.

Neurria bihar, azaroak 7, sartuko da indarrean, baina gaur gauean Félix Petite antzokian programatuta dagoen lana —Danza Mobile eta Incubo teatro taldeen ‘El festín de los cuerpos’— 20:30ean hasiko  da, aurreikusita zegoen bezala.

Share