Prentsa Oharren banner

Datorren astelehenean, hilak 28, Zinema Gaur zikloaren III. edizioaren udaberriko programa hasiko da

Zinema Gaur Udaberria 2018

Montehermosoko ohikoaz bestelako zinema zikloa sendotu egin da, eta uztailaren 9ra arte 9 film eta bi lantegi eskainiko dira

Montehermoso kulturuneko ohikoaz bestelako zinema zikloak, Zinema Gaur zikloak, maiatzaren 28an ekingo dio udaberriko programari, eta uztailaren 9ra arte 9 film eta bi lantegi eskainiko ditu.

Kultura, Hezkuntza eta Kirol zinegotzi Estíbaliz Cantok eta zikloaren koordinatzaile Garbiñe Ortega aurkeztu dute prentsaren aurrean.

Zinema Gaur aukera paregabea da hala ohikoa ez den zinema gustuko dutenentzat nola zinema oro har gustuko dutelarik hori ezagutzeko jakin-mina dutenentzat. Bi edizio besterik egin ez bada ere, zikloa sendotuta dago zinemarekiko grina partekatzeko espazio gisa”.

Aurten ere zikloa bi zatitan banatuko da, udaberrikoa eta udazkenekoa, eta hiru ardatz izaten jarraituko du: batetik, Ortegak aukeratutako filmen proiekzioa; bestetik, zikloak eta lantegiak; azkenik, ekitaldi bereziak.

“Aurten, berrikuntza gisa, hainbat belaunalditako tokiko artisten programazioa sortu da, nazioarteko zirkuituan zer esana ematen ari direlarik horren berri ematera eta ikusleekin hitz egitera etorriko baitira.

Film hauek eskainiko dira:

  • Maiatzak 28, 19:30 La idea de un lago. Milagros Mumenthaler. 2016. Argentina. 82 min.
  • Ekainak 4, 19:30. Donkeyote. Chico Pereira. Espainia. 2017. 86 min.
  • Ekainak 12, 19:30 Euskal zinema berria* (hiru proiekzio, zinemagileak bertan direla)
    • Plágan. Koldo Almandoz. 2017. 10 min.
    • Cicha Symfonia (Sinfonia isila). Aitor Gametxo. 2017. 25 min.
    • Irati Gorostidi, Arantza Santesteban. 2017. 21 min.
  • Ekainak 18, 19:30. Beyond the one. Anna Marziano. Alemania. 2017. 70 min.
  • Ekainak 25, 19:30. Paisaia eta desioa: Laida Lertxundiren zinema
    • 025 Sunset Red
    • Vivir para Vivir
  • Uztailak 2. Baronesa. Juliana Altunes. Brasil 2017. 70 min.
  • Uztailak 9. Soldado. Manuel Abramovich. 2017. Argentina. 72 min.

Horretaz gain, bi lantegi izango dira:

  • Argazkitik animaziora eta vj-ing-era. Irakaslea: Itziar Garaluce, ikusizko artista; ekainaren 16an (larunbata), 10:00-14:00 / ekainaren 17an (igandea), 10:00-14:00. 15 pertsona gehienez.
  • Mashup table: zinema edizio kolektiboa (haurrak eta helduak) Irakaslea: Drac Magic; 2 ordu haurrentzat // 4 ordu helduentzat.

Lantegietan izena emateko epea bihar zabalduko da; 945 161830 telefonora deituz edo info.montehermoso@vitoria-gasteiz.org helbidera idatziz egin daiteke.

Ziur gaude zikloak berriro ere arrakasta lortuko duela. Iazko asistentzia datuek (600 pertsona inguru) hori pentsarazten digute. Gainera, Montehermoson ikus-entzunezkoen aldeko apustua egiten ari gara, ziklo honetaz gain, Distopiak zikloa eskaini baitugu, eta alor horretako proiektu artistikoentzako diru-laguntza sendotzen ari baita”, amaitu du Cantok.

 

 

Share

Zinema Gaur zikloak beretu egin du bigarren edizioan ikuslego ez oso konbentzional bat

 

 

 

 

 

 

Urriaren 5etik azaroaren 27ra bitartean ZINEMA GAUR programaren bigarren edizioa egin izan da Montehermoso kulturunean, eta jarrera ikaragarri ona izan du, nola ikusleen aldetik, hala ikus-entzunezkoen alorreko artista eta sortzaileenetik ere. Batzuek zein besteek parte hartu izan dute programa osatu duten proiekzio, performance, lantegi eta ikastaroetan. Ikuslegoa baduela erakutsi du programak, eta  horrenbestez, iaz jaio zen zikloak Montehermosoren urteko jardueran jarraitu ondorioztatzen da.

“ZINEMA GAUR programak ohikoaz bestelako zinemarekiko interesa eta grina elikatzen jarraitzen du, eta erreferente bihurtu da gure hiriaren zazpihgarren artearen zaleentzat” esan du Kultura, Hezkuntza eta Kirol zinegotzi Estíbaliz Cantok.

Aurtengo zazpi proiekzioetan (Ortuño aretoan beti) 420 pertsonak hartu izan du parte, eta batez besteko asistentzia 60 lagunekoa izan da – udaberriko ziklokoan baino 10 gehiago–. Zikloaren amaieran (Niñato filma proiektatu zen, Adrián Orr egilearena) ia-ia bete egin zen 100 laguneko edukiera duen aretoa,bertan izan zelarik pelikularen editorea, Ana Pfaff andrea.

Luis Felipe Alanis sortzaile mexikarrak zuzenduriko animazio-lantegietako parte-hartzea itzela izan da, eskainitako plaza guztiak bete baitira, zenbait pertsona itxaron-zerrendan geratu delarik. Horixe izan da bi lantegiren kasua: batetik Istorio bizidunak izenekoa, 7 eta 15 urte bitarteko haurrei zuzendua, eta bestetik Mundu pausatuak, stopmotion animazioa baliatzen duen irudi bizidunaren aurkikuntza, narratiba grafikoari, zinemari eta animazioari buruzko lantegia, 16 urtetik gorakoentzat. harrera on horrek animatu egiten gaitu familiei, gazteei eta jende orori zuzenduriko proposamenak egiten jarraitzera.

Bestetik, beste bi lantegi eskaini dira, sortzaileei eta zinema eta ikus-entzunezkoen ikasleei, 20na lekudunak: Zerez egina dago zinema? Haustea ulertzeko, Clara Sánchez-Dehesak gidatua, eta Zinema-muntatzeari buruzko lantegia: muntatze-gelaren esperientzia, Ana Pfaff irakaslearen eskutik. Bada, horiek ere % 70ean bete dira.

Harrera azpimarragarria izan dute baita edizio amaitu berriko ekimen bereziak, Carolina Camposen eta Màrcia Lançaren Nome performancea ( Azala sorkuntza espazioarekin batera sortua), Etxeko Zinemaren Eguna (Home Movie Day), Fósforo Kultur Elkartearekin batera egina, eta Carlos Casas eta Luis Felipe Alanisen hitzaldiek: batez beste 40 pertsona inguru ekimen bakoitzeko.

Gogoratu nahi dugu Garbiñe Ortega gasteiztarrak koordinatzen duela Zinema Gaur. ibilbide oparoia du ikus-entzunezkoen alorrean. Besteak beste, erakunde hauetan erakutsi da haren komisario-lana: New Yorkeko Lincoln Center, Anthology Film Archives (NYC), San Francisco Cinematheque, Bartzelonako Kultura Garaikideko Zentroa, La Casa Encendida (Madril) eta Tabakalera (Donostia). Orobat, lankidetzan aritu da Pacific Film Archiveko komisariotza departamentuan (Berkeley, California) eta Kultura Digitaleko Zentroko zinema atalean (Mexiko), eta Festival Ambulante (Mexiko) jaialdiko zuzendarikidea izan da. Nazioarteko jaialdietan epaimahaikide ere izan da, esterako, FICUNAM (Mexiko) eta Ann Arbor Film Festival (AEB) jaialdietan. Gaur egun Punto de Vista Zinema Dokumentaleko Nazioarteko Jaialdiaren zuzendari artistikoa da.

Zinema Gaur ekimenaren eboluzioa

Zinema gaur programa 2016ko azaroaren 14tik 30 bitartean jaio zen, ohikoaz bestelako zinema ziklo baten eskutik, eta oso publikoaren harrera ona izan zuen hasieratik beretik. Horrengatik erabaki zen aurten bigarren edizioari ekitea, bitan banatuko zen molde batean: udaberrian bat, eta udazkenean bestea, iraupena laukoztu zuena. Udaberriko saioa emakumeei eskaini zitzaien, maiatzaren 8tik ekainaren 26ra bitartean, eta orain amaitu berria urriaren 5etik azaroaren 27ra bitartean egin da.

Share

Zinema Gaur programak performance batez abiaraziko du bigarren edizioko udazkeneko zikloa

 

 

 

 

 

Programa Otoño Zinema Gaur

Urriaren 5etik azaroaren 27ra arte zazpi filmen proiekzioak, lau lantegi eta lau ekitaldi berezi antolatu dira Montehermoson

Carolina Campos eta Màrcia Lança artista portugesek Azala sorkuntza espazioaren laguntzarekin landu duten Nome performanceak irekiko du Zinema Gaur programaren bigarren edizioko udazkeneko zikloa, urriaren 5ean, 19:30ean; Montehermoso kulturunean egingo da zikloa, azaroaren 27ra arte.

Kultura, Hezkuntza eta Kirol zinegotzi Estíbaliz Cantok, proiektuaren koordinatzaile Garbiñe Ortegak eta Carolina Campos artistak aurkeztu dute gaur prentsaren aurrean.

Cantok azaldu duenez, “duela urtebete eskas herabeki sortu zen programa, 15 eguneko formatuan, baina pixkanaka haziz joan da, publikoak zein ikus-entzunezkoen alorreko artista eta sortzaileek egindako harrera onari erantzunez, eta Sailetik apustu sendoa eginez”. Horren erakusgarria da proiektuaren aurrekontua, iazko 4.000 euroetatik 20.000 eurora igaro baita, udaberrian eta udazkenean bi hilabeteko ziklo bana egiteko.

Edizio honetan, “kalitate jauzi bat” eman nahi izan da, “genuen publikoa fidelizatzeaz gain” erantsi du Kulturako arduradunak. Horretarako, publiko zabalago batengana iristeko ekintzak antolatu dira, familiak eta gazteak kontuan hartuz. Hain zuzen ere, azaroan arreta berezia emango zaio animaziozko zinemari.

Orotara zazpi filmen proiekzioak, lau lantegi eta lau ekitaldi berezi antolatu dira.

Hauek izango dira ekitaldi bereziak: “Nome” performance-a, Carolina Campos eta Màrcia Lançak Azala sorkuntza espazioaren laguntzarekin landutakoa; Etxeko Zinemaren Eguna (Home Movie Day), Fósforo kultur elkartearen lankidetzaz, eta Carlos Casas eta Luis Felipe Alanisen hitzaldiak.

Bestetik, lantegi hauek eskainiko dira: “Zerez egina dago zinema? Haustea ulertzeko”, Clara Sánchez-Dehesak gidatua, jende ororentzat; “Istorio bizidunak”, 7 eta 15 urte bitartekoentzat; “Mundu pausatuak, stopmotion animazioa baliatzen duen irudi bizidunaren aurkikuntza”, narratiba grafikoari, zinemari eta animazioari buruzko lantegia, 16 urtetik gorakoentzat, eta “Zinema-muntatzeari buruzko lantegia: muntatze-gelaren esperientzia”, Ana Pfaff irakasle dela.

Eta, jakina, zinema proiekzioak; guztiak 19:30ean izango dira, Ortuño aretoan:

  • TABÚ. Miguel Gomes. 2012. Portugal, Alemania, Brasil, Frantzia, Espainia. 118 min. à urriaren 9an.
  • TAXI TEHERÁN. Jafar Panahi. 2015. Iran. 82 min. à urriaren 16an.
  • LA MUERTE DE LUIS XIV. Albert Serra. 2016. Espainia, Frantzia, Portugal. 115 min. à urriaren 23an.
  • ANTES SÍ, AHORA NO. Sang-soo Hong. 2015. Hego Korea 121 min. à urriaren 30ean.
  • LA BELLA DURMIENTE. Adolfo Arrietta. 2016. Frantzia, Espainia. 82 min. à azaroaren 6an.
  • EL ABRAZO DE LA SERPIENTE. Ciro Guerra. Kolonbia 2015. 125 min. à azaroaren 20an.
  • NIÑATO. Adrián Orr. 2017. España. à azaroaren 27an.

 

Share

Zinema Gaur performancea egingo du Esperanza Colladok astelehenean Montehermoson

Gainera, “El cine como experiencia: desbordamientos y expansiones” hitzaldia emango du hurrengo egunean

Gonbidatu berezia izango da Zinema Gaur programaren udaberriko edizioan, datorren astelehenean, hilak 29, eta asteartean, hilak 30: Esperanza Collado artista eta ikerlaria, zeinek bere azken performancea aurkeztu baitu, eta parazinemaz hitz egingo.

Esperanza Collado artista eta ikerlaria da. Haren lana arte plastikoek, performanceko arteek eta zinemak osatutako harremanetan du langunea. Haren liburuak Parazinema: zinemaren materiagabetzea arte praktiketan (“Escritos sobre arte” saria, Fundacion Arte y Derecho, 2011) gogoeta kritikoa eta historikoa eskaintzen du zinemaren “diziplina gabeko” praktikari buruz. Haren performance berria We Only Guarantee the Dinosaurs honela deskribatu dute: “una coreografía cuidadosamente construida […] a través de la esencia del cine (pre, presente, post) y sus posibilidades. […] El futuro de un próspero arte fílmico recae sobre esfuerzos como [éste]” (Jodie Mack, La Furia Umana).

Performance-ak aurkeztu berri ditu Images Festival-en, Toronto (2016), Bienal de La Habana-n, Kuba (2015), Art Cinema OFFf-off-en, Palais des Beaux-Arts-en, Brusela (2016), MAC Val-en, Paris (2015), Temple Bar Gallery-n, Dublin (2015), Art Centre Ongoing-en, Tokio (2014), CA2M-n, Madrid (2014), etab., eta banakako erakusketak Things said once La KINO-n (Bartzelona, 2016), La releve The Film Gallery-n (Paris, 2015-16).

Maiatzaren 29an izango da “Things Said Once / Cosas dichas una vez” performancea, 19:30ean. “Things Said Once / Cosas dichas una vez” arte adierazpena eta zinemari egindako laudorioa da, zinemaren historiaren eta oraingo ardura kolektiboaren aitorpenetik egindakoa.     Zineak espazioan, denboran eta komunitatean edo gizartean dituen dimentsioen esperientzia gisako ideiaren inguruan egituratzen da poema gisa idatzitako testua. “Things Said Once / Cosas dichas una vez” ekintza-sorta bat barne hartzen duen ingurune landu batean aurkezten da.

Hurrengo egunean, maiatzak 30, ordu berean, “El cine como experiencia: desbordamientos y expansiones” hitzaldia emango du. Irudi-mugimenduaren proiekzio aretotik erakusketa geletarainoko migrazio masiboaren lekuko gara gaur egun, halakoa da iraultza digitalak bultzatuta eta artearen materia gabetzearen gertaerak prestatutako desplazamendua. Halako agertokian, hautazkoa izateaz gain, zinema esperientzia historikoen egoerez haratago birdefinitzea beharrezkoa ere bada, ez zinemaren historiaren ikuspuntutik baizik eta hainbat historien bidegurutzetatik: arte eszenikoak, zinema eta arte plastikoak, alegia, irudikapenen historia orokor batetik. Desplazemendu horren gainean lan egitean nahitaezko zaigu kontatzeko marko berriak asmatzea. Nire aukera izan da parazinema kontzeptuaren mendean egitea”, adierazi du Colladok berak.

Sarrera doakoa izango da bi ekitaldietan, lekuak bete arte.

Zinema Gaur lantegiak

Bestalde, gogoratu beharra dago oraindik ere geratzen dela lekurik Espazio de Cine programan. Maider Oleagak gidatuko du oraingoan, eta zinema fantastikoak beste zinema-genero batzuetan izan duen eragina aztertyuko du bertan..

Zinemazaleak elkartzeko gunea izango da Espacio de Cine programaren edizio berria, zinema fantastikoaren etiketaren pean zinema garaikidean joera bat markatzen duten bideetako batzuk aztertzeko. Film horiek fantasiazko ezaugarriak eta elementuak erabiltzen dituzte errealitate anitza, konplexua, antzemanezina, beste alde horretara daramatzaten igarobidez, eta tolesturez beterik.

Ekainaren 7, 14 eta 21ean izango dira saioa, “Los pliegues de la realidad, tendencias fantásticas en el cine contemporáneo” izenburupean, 19:00etatik 22:00era bitartean.

Jarduera doakoa da, baina lekuak mugatuak. Beraz, izena eman beharra dago —tel.: 945 161 830; posta-helbidea: info.montehermoso@vitoria-gasteiz.org—

Share

Gaur hasiko da Zinema Gaur programak emakumeari eskainiko dion edizioa

Lehen edizioan arrakasta lortu zuelarik, ohikoaz bestelako zinemari buruzko programa bi ziklotan banatuko da: bata udaberrian eta bestea udazkenean egingo dira

Montehermosok ohikoaz bestelako zinemari buruzko “Zinema Gaur” programaren bigarren edizioa hartuko du, bi zatitan —udaberria eta udazkena— banatuta. Gainera, lehen zatia emakumeari  eskainiko zaio.

Kultura, Hezkuntza eta Kirol zinegotzi Estíbaliz Cantok eta zikloaren koordinatzaile Garbiñe Ortega aurkeztu dute prentsaren aurrean.

Zinema Gaur aukera paregabea da hala ohikoa ez den zinema gustuko dutenentzat nola zinema oro har gustuko dutelarik hori ezagutzeko jakin-mina dutenentzat. Hori dela eta, bigarren edizioan eginahalak egin eta apustua bikoiztu dugu, zinemarekiko grina partekatzeko espazio gisa sendotu dadin”.

Aurten hainbat berritasun sartu dira: batetik, zikloa urtean bi zatitan banatuta egingo da, lehena udaberrian eta bigarrena udazkenean. Udaberriko zatiak maiatzaren 8tik ekainaren 26ra arte iraungo du. Bestetik, udaberriko zatian emakumeari erreparatuko zaio bereziki.

Zinema Gaur programak hiru ardatz izaten jarraituko du: lehenak  Ortegak aukeratutako filmen proiekzioak hartzen ditu barne; oraingoan, emakume iberoamerikarrek —Mexiko, Argentina edo Txilekoek— egindako film garaikideak, narratiba ausartak, askotariko gaiak eta estilo oso pertsonalak eskainiko  dira.

Film hauek dira:

  • María (y los demás). Nely Reguera. Espainia. 2016. Proiekzioa: maiatzaren 8an.
  • Bellas de Noche. María José Cuvas. Mexiko. 2016. Proiekzioa: maiatzaren 15ean.
  • El futuro perfecto. Nele Wohlatz. Argentina. 2016. Proiekzioa: maiatzaren 22an.
  • Los niños. Maite Alberdi. Txile 2016. Proiekzioa: ekainaren 5ean.
  • Las lindas. Melisa Liebenthal. Argentina. 2016. Proiekzioa: ekainaren 12an.
  • Casa Roshell. Camila J. Donoso. Txile, Mexiko. 2017. Proiekzioa: ekainaren 19an.

C/I/N/E/C/O/L/L/A/G/E programa ere egingo da ardatz horren barruan: pieza laburrek osatutako proiekzioa da, Gloria Vilchesek komisariatu eta aurkeztua. Emanaldi guztiak Ortuño aretoan izango dira, 19:30etik aurrera.

Bigarren ardatza ikastaro eta lantegiek osatzen dute. Bi izango dira: batetik, “Errealitatearen tolesturak, zinema garaikidearen fantasiazko joerak” izenburua duen zinema espazioa, Maider Oleagak gidatutakoa; zinemazaleak elkartzeko gunea izango da, zinema fantastikoaren etiketaren pean zinema garaikidean joera bat markatzen duten bideetako batzuk aztertzeko. Ekainaren 7an, 14an eta 21ean (asteazkenak) egingo da, 19:00etatik 22:00etara.

Bestetik, “Perla finak eta oso xeheak” izeneko collage lantegia, Gloria Vilchesen ardurapean. Helduentzako lantegia da, paper moztu eta itsasgarriarekin eginiko eskuzko collagea praktikatzeko, artista klasiko eta garaikideen obra esanguratsuenen azterketatik abiatuz.  Ekainaren 24an eta 25ean eskainiko da, 10:00etatik 14:00etara.

 

Lantegietan izena emateko epea zabalik dago; 945 161830 telefonora deituz edo info.montehermoso@vitoria-gasteis.org helbidera idatziz egin daiteke.

Hirugarren ardatzean hiru motatako ekitaldi bereziak ditugu. Hasteko, “Things Said Once / Cosas dichas una vez”  performancea, Esperanza Colladok zuzendua;  zinemari buruzko arte adierazpena eta laudorioa da, zinemaren historiaren eta oraingo ardura kolektiboaren aitorpenetik egindakoa. Maiatzaren 29an egingo da, 19:30ean.

Bigarren, ” Zinema esperientzia gisa: gainezkatzeak eta hedapenak” hitzaldia, Esperanza Collado artista eta ikertzaileak emango duena, arte plastikoek, performance-arteek eta zinemak elkarrekin izan ditzaketen harremanetan sakontzeko. Maiatzaren 30erako antolatu da, 19:30ean hasita.

Azkenik, beste berritasun bat: proiekzioaren osteko guatekea. Udari ongietorria emateko, eta “Zinema da dantzarako pista” izenburuaz, proiekzioa eta dantzaldia egingo dira Falerina lorategian: Mariano Cohn eta Gaston Duprat-en Living stars (Argentina, 2013) dokumentala eskainiko da, zeinak idazkari, administratzaile, haginlari eta abarren bizitzaz hitz egin eta dantzara gonbidatzen baitu. Ekainaren 22an izango da, 20:30ean.

Lehen edizioan, zinema espazioak % 70eko parte-hartzea izan zuen, lantegiak, % 100ekoa (8 pertsona itxarote-zerrendan geratu ziren), proiekzioek 45-60ko asistentzia izan zuten, eta performance-ak, 57koa.

Ziur gaude berriro ere arrakasta lortuko duela. Iazko asistentzia-datuak hain onak izanik, aurten bikoiztu egin dugu apustua, Montehermosok ikus-entzunezkoen alde egin dezan saiatu nahi baitugu”, amaitu du Cantok.

Falerina lorategia

Bestetik, Falerina lorategian jarduerak antolatzen hasi dira, Kultura Sailaren asmoa baita Montehermosoko kafetegiaren emakida eta horren kudeaketa bereiztea. Besteak beste, Poetak maiatzean eta Zinema Gaur ekitaldiak hartuko ditu.

Programazioa bi oinarri kontuan hartuta osatu da: jarduerak adin orotakoei zuzenduak eta askotarikoak izatea (astegunetan zein asteburuetan) eta gehien bat eguerdian eta arratsaldean egitea, auzokoen atsedena errespetatzeko —hain zuzen ere, aurreko urteetako jarduerek kexak eragin dituzte—.

Maiatzetik urrira bitartean, hainbat jarduera hartuko ditu Falerinan jarritako agertokiak: poesia errezitaldiak, kaleko ikuskizunak, magia, kontzertuak, jaietako jarduerak, eta Kaldearekin, Magialdiarekin eta Erdi Aroko azokarekin lotutakoak. Orobat, akuarela lantegiak, swing, lindy hop eta txalaparta klaseak, proiekzioak eta abar eskainiko  dira.  Musika ere izango da, jakina: eguerdiko kontzertuak, hiriko konboak, eta Luis Aranburu musika eskolak lehen aldiz antolatutako Udaband musika udalekuen amaierako kontzertua, uztailean.

Dossier Zinema Gaur

Share

Datorren astelehenean hasiko da Zinema Gaur programaren bigarren edizioa, “María y los demás” filma proiektatuz

Lehen edizioan lortutako arrakasta ikusirik, berriro antolatu da Montehermoson ohikoaz bestelako zinemari buruzko programa, udaberrian eta udazkenean ziklo bana egiteko asmoz

Montehermosok ohikoaz bestelako zinemari buruzko “Zinema Gaur” programaren bigarren edizioa hartuko du. Filmen proiekzioen, performance-en, lantegien eta ikastaroen bitartez beste zinema horrekiko interesa eta jakin-mina piztu nahi ditu.

Garbiñe Ortegak —sektorean  itzala lortu duen gasteiztarra— koordinatu du programa. Lehen edizioan arrakasta lortu zuelarik, oraingo berritasun nagusia da zikloa bitan banatuko dela, udaberrian eta udazkenean jarduera-multzo bana egiteko asmoz.

Udaberrikoa maiatzaren 8an hasiko da, 19:30ean, Nely Regueraren “María (y los demás)” filmarekin. Mariak ez du amarik, eta beti zaindu ditu aita eta anai-arrebak. Arduratsua eta kontrolatzailea, beti izan da familiako zutabea eta horretaz harro sentitzen da. Horrexegatik, aitak bere erizain sinpatikoarekin, Cachitarekin, ezkonduko dela esaten dionean, Mariak mundua erortzen zaiola sentitzen du.

Zinema Gaur zikloaren udaberriko atalak maiatzaren 8tik ekainaren 26ra arte iraungo du. Programak proiekzioak, lantegiak eta beste jarduera batzuk barne hartzen ditu, eta astelehenean bertan aurkeztuko da prentsaurrekoan, gainerako berritasunekin batera.

Share

Izena emateko epea irekita Zinema Gaur programaren bigarren edizioko ikastaro eta lantegietarako

 

 

 

 

 

Lehen edizioan lortutako arrakasta ikusirik, 2017an berriro egingo da ohikoaz bestelako zinemari buruzko programa, udaberrian eta udazkenean egingo diren bi ziklotara zabalduta

Lehen edizioan lortutako arrakasta ikusirik, 2017an berriro egingo da “Zinema Gaur” ohikoaz bestelako zinemari buruzko programa, formatu zabalagoarekin eta berrikuntza ugarirekin. Filmen proiekzioen, performance-en, lantegien eta ikastaroen bitartez beste zinema horrekiko interesa eta jakin-mina piztu nahi ditu programak.

Lehenengo berrikuntza datei dagokie, azaroan 15 egunez egiten den zinema-zikloa izan beharrean bi ziklotan banatutako programa izango baita, bata udaberrian, maiatzaren 8tik ekainaren 26ra arte egitekoa, eta bestea azaroan.

Berriro ere  Garbiñe Ortega arduratu da koordinazioaz, zeinak hiru ardatzetan banatu baitu programa: proiekzioak, ikastaro eta lantegiak, eta ohikoaz bestelako zinemarekin lotutako ekitaldi bereziak.

Ikastaro eta lantegiei dagokienez, gaur bertan irekiko da izena emateko epea; 945 161 830 telefonora deituz edo info.montehermoso@vitoria-gasteiz.org helbidera idatziz egin daiteke. Izen-ematea doakoa da, baina lekuak mugatuta daude.

Bi ikastaro/lantegi emango dira, hainbat egunetan banatuta. Lehena, “Errealitatearen tolesturak, zinema garaikidearen fantasiazko joerak” izenburua duen zinema espazioa da, Maider Oleagak gidatutakoa. Zinemazaleak elkartzeko gunea izango da, zinema fantastikoaren etiketaren pean zinema garaikidean joera bat markatzen duten bideetako batzuk aztertzeko. Film horiek fantasiazko ezaugarriak eta elementuak erabiltzen dituzte igarobide ezkutuz eta tolesturez beteriko errealitate anitza, konplexua edo antzemanezina deszifratzeko edo bistan uzteko. Ekainaren 7an, 14an eta 21ean egingo da, 19:00etatik 22:00etara.

Bigarren lantegia “Perla finak eta oso xeheak” izeneko collage lantegia da, Gloria Vilchesen ardurapean. Helduentzako lantegia da, paper moztu eta itsasgarriarekin eginiko eskuzko collagea praktikatzeko, artista klasiko eta garaikideen obra esanguratsuenen azterketatik abiatuz. Ekainaren 24an eta 25ean eskainiko da, 10:00etatik 14:00etara.

Gainerako berrikuntzak aurrerago aurkeztuko dira, prentsaurrekoan.

Share

Montehermosok ohikoaz bestelako zinemari buruzko “Zinema Gaur” programaren lehen edizioa hartuko du

Programa Zinema Gaur

Programa azaroaren 14tik 30era arte garatuko da, eta zenbait jardueratan lekuak mugatuak izango direnez gaur hasiko da izena emateko epea

Montehermosok ohikoaz bestelako zinemari buruzko “Zinema Gaur” programaren lehen edizioa hartuko du azaroaren 14tik 30era arte. Filmen proiekzioen, performance-en, lantegien eta ikastaroen bitartez beste zinema horrekiko interesa eta jakin-mina piztu nahi ditu.

Kultura, Hezkuntza eta Kirol zinegotzi Estíbaliz Cantok eta programaren koordinatzaile Garbiñe Ortegak aurkeztu dute programa. Gasteiztarrak itzala lortu du sektorean: komisario jardun du Amerikako zenbait lekutan, eta nazioarteko jaialdietan epaimahaikide ere izan da, esterako, FICUNAM (Mexiko) eta Ann Arbor Film Festival (AEB) jaialdietan.

Cantok azaldu duenez, “aukera paregabea da hala ohikoa ez den zinema gustuko dutenentzat nola zinema hutsa gustuko dutelarik hori ezagutzeko jakin-mina dutenentzat”. Orobat erantsi du: “gure sailaren asmoa da Montehermosoko aurrekontua pixkanaka igotzea, urte askotan kontrakoa gertatu baita, eta ikus-entzunezkoen sektorea izango da apustuetako bat”.

Programak hiru atal nagusi ditu: batetik, astean behin hitzordu lasai eta irekia izango da, hirian orain arte ikusi gabeko zinematografia eta narratiba berriak ezagutu eta interes eta grina komunak partekatzeko; bestetik, filmen proiekzioak eta performance-ak eskainiko dira (leku mugaturik gabe); azkenik, eskuz egindako zinema lantegia antolatu da, zeinean kamerarik gabeko zinema landuko baita, eta filmetako materiala birziklatzeak dituen aukera estetiko eta narratiboak esperimentatuko.

Gaurtik aurrera eman ahal da izena hitzaldietarako ein lantegirako, doan.

Share