VGaztea

Maiatzaren 3an irekiko dira udaberria-udako “kirol bidean” kanpainarako izen-emateak

Gazteen artean kiroletako praktika hedatzeko kanpaina da “Kirol bidean”.

12 eta 30 urte bitartekoa bazara aukera paregabea daukazu kirol anitza bakarrik edo zure lagunekin praktikatzeko. Jardunaldiak adin-taldeen arabera banatzen dira: 12 eta 17 urte bitarteko talde bat eta 18 eta 30 urte bitartekoa bestea.

Arroilak, espeleologia, parapentea, hipika, ferrata-bidea, kayak, yoga, geocaching, bizikleta eta eskalada haitzetan praktikatzeko aukera izango duzu.

Ez galdu aukera! Izena eman maiatzaren 3tik aurrera online, Gizarte etxe eta udal kiroldegietan, edo Gazteen Argibideetarako Udal Bulegoan.

Argibide gehiago eta izen-emateak: v-g.eus/34h2iAo

e-GA – Hizkuntza gutxituetako hiztun gazteen proiektu- lehiaketa eta topaketa birtuala

Zer da e-GA?

Alde batetik, hizkuntza-lankidetza sustatzeko proiektu-lehiaketa da; eta, bestetik, 2021eko ekainaren 11n streaming bidez egingo den topaketa birtuala.

Testuingurua

Munduan hizkuntza asko daude, baina guztiek ez dute biziraupena ziurtatuta. Politika instituzionalez gain, funtsezkoa da gizarte zibiletik sortutako aktibismoa ere sustatzea. Zentzu horretan, gazteria izango da hizkuntza biziberritzea bultzatuko duen gizarte taldea. Testuinguru globalizatu honetan, eta erronka horri erantzuteko, hizkuntza-komunitateetako gazteen arteko elkartasuna eta lankidetza funtsezkoak izango dira hizkuntzen etorkizunerako.

Zertan da proiektu-lehiaketa?

Hizkuntza-lankidetzari buruzko proiektu bat sortzea, edo bestela, beste hizkuntza komunitate bati buruzko proiektua.

35 urte arteko gazteek parte har dezakete; ahal bada, beste hizkuntza-komunitate bateko beste gazte batekin lankidetzan. Erakundea kontaktuak errazten saiatuko da, beharrezkoa izanez gero.

Lanaren formatua guztiz askea da: hizkuntza biografia (5 orrialde, gehienez), abestia, artelana (2 orrialdeko azalpena gehienez), elkarrizketa, ikus-entzunezkoa (5 minutu, gehienez).

Hizkuntza gutxitu batean idatzita, diseinatuta, kantatuta… egon behar du; eta horretaz gain, eGA-ko hizkuntza ofizialetako batean (euskara, ingelesa edo gaztelania). Bestalde, lan originalak izan beharko dira, beste inon argitaratu gabeak.

Batzorde batek baloratuko ditu proiektuak eta, horretarako, irizpide hauek erabiliko ditu:

Originaltasuna.
Kalitate teknikoa.
Hizkuntzen biziberritzera bideratuta.
Hizkuntza-lankidetza.
Genero-berdintasuna.

Nola bidali zure proiektua

Epea 2021eko maiatzaren 23ra arte dago irekita.

Sartu galdetegian, bete eta erantsi zure proiektua. Horretarako, Google kontu bat izan beharko duzu, edozein posta elektronikorekin.

Proiektua bidali

 

Errezitaldi poetiko gaztea: iluztrazioak eta musika zuzenean (Haziak programa)

Gasteizko euskal idazle gazte talde batek elkarrekin sortutako literatura-ekoizpenak ikusaraztea, hori da, hain zuzen ere, errezitaldi honen helburu nagusia.

Gazte horiek euskararen, aniztasunaren eta feminismoaren aldeko idazketa sortzailea lantzeko ikastaro batean parte hartu zuten, eta bertan testu poetikoen bilduma bat sortu zuten. Elkarrekin sortutako testuak liburuxka hau bilakatu dira: Idatziz Sortu! elkarlanean aritutako hainbat pertsonen sorkuntzen bilduma”.

Miren eta Itziar Uriarte Crespo buru dituen proiektu gazte hau (Gazte Hitzak kontakizun laburren lehiaketan sarituak) izan da Gazteria Zerbitzuak antolatutako “Haziak- idea gazteak” lehiaketaren proiektu irabazleetako bat.

Maiatzaren 7an, Goiuri jauregian, 18:00etan, Liburuxkaren aurkezpenerako ekitaldian, gazte sortzaileek euren esperientzia kontatuko dute eta bertaratzen direnen aurrean, beren konposizioen zatiak irakurriko dituzte. Errezitaldia bideratzeko, eta gazteen irakurketa laguntzeko ilustrazioak proiektatuko dira, eta zuzeneko musika entzungo da. Geihago…

“Ruta al Exilio 2021” espedizioa: milaka aztarna.

ruta al exilio 2021

Espainiako Gazteriaren Institutuak eta Bartzelonako Unibertsitateko Memorien Europako Behatokiak koordinatzen dute “Ruta al exilio” proiektuaren lehenengo edizioa.

Sentsibilizaziorako beste ekimen batzuen oinordekoa da. Ikasgela ibiltari hau herrialde osoko 16 eta 17 urteko gazteentzat da. Lehenengo ibilbidea uztailaren 15etik 30era egingo da eta parte hartzeko deialdia ekainaren 4ra arte egongo da zabalik.

Maria Teresa Perez: “Diskurtso intoleranteak eta gorrotozkoak berpizten ari diren une honetan gaude, eta inoiz baino hezkuntza gehiago behar da gazteenek jakin dezaten faxismoa eta antifaxismoa ez direla gauza bera”.

Zer da Ruta al Exilio 2021?

“Ruta al Exilio 2021: un millar de huellas” prestakuntza-bidaia bat da, eta hogeita hamar gaztek Espainiako erbestealdi errepublikarreko Pirinioez gaindiko ibilbideak egingo dituzte uztailaren 15etik 30era, Alt Empordàtik Frantziako hego-ekialderaino, gastu guztiak ordainduta. Espedizioa, batez ere, oinez eta autobusez egingo da. Geihago…

Gauekoak eta Liburu Eguna

Gaur, apirilak 23, Nazioarteko Liburu Eguna da eta Gauekoak-ook gure Irakurketa Klub inklusiboan ospatuko dugu.

Klub honetan, 16 eta 30 urteko bitarteko 10 gazteek parte hartzen dute, ostiralero, Aldabe gizarte etxean , arratsadez 18:00etatik 19:30etara.

Pasaden ostiralean hasi ginen Montse Floresek idatzitako Agua del Rif liburuarekin  eta ekainaren 4an bukatuko dugu.

Arabako Irakurketa errazako elakarteak dinamizatzen du eta aisialdi inklusiboa, sortzailea eta parte-hartzailea sustatu nahi du, irakurketaren eta istorioak partekatzeko eta eraikitzeko grinaren bidez.

Baina… Zer da irkaurketa erraza?

Irakurketa Errazeko materialak (liburuak, dokumentuak, web orriak, etab.) irakurtzeko zailtasunak dituzten pertsonek irakurri eta ulertzeko kontu bereziaz sortutako materialak dira. Edukiari, lengoaiari eta formari dagokienez IFLAren nazioarteko ildo nagusiei jarraitzen diete.

 “Urrutira bidaiatzeko ez dago liburu bat baino ontzi hoberik” Emily Dickinson.

Liburu Egun polita izan!

Googaz, tokiko merkataritza sustatzeko hiriko room ihesak arrakasta handia izan du

Joan den apirilaren 17an Googaz hiriko room ihesaren lehen lehiaketa egin zen Gasteizen. Lehiaketa horren helburuen artean dago gure hiriko tokiko merkataritzak duen garrantzia ikusaraztea gazteen artean.

Eskaera handia eta harrera ona izan dituenez, bigarren edizio bat egingo dugu apirilaren 24an, larunbatean. Parte hartu nahi baduzu eta lagunekin Interrail bat irabazteko aukera izan nahi baduzu, izena eman www.googaz.eus webgunearen bidez.

“Zure esku ere badago” sexu heziketarako kanpainak komiki berria argitaratu du

También está en tu mano

14. zenbakia da, “Elkar Zainduaz” izenburua du, eta arrisku-jarduerak, kontrazepzioa, STI (Sexu-Transmisioko Infekzioak) eta babesteko erantzukizuna jorratzen ditu.

Kanpainak gazteentzako eta haiekin lan egiten duten agenteentzako komikiak eta unitate didaktikoak eskaintzen ditu.

Komiki bakoitzak gai ezberdina jorratzen du, guztiek Gasteizen dute eszenatokia eta bukaera irekita uzten dute pentsamendu kritikoa eta hausnarketa sustatzeko asmoz. Gainera, komikiekin batera unitate didaktikoak ditugu ikasgelan edo aisialdian gazteekin lantzeko.

Gazteak bazarete, komikiak irakurtzera gonbidatzen zaituztegu, denbora-pasa izateaz gain, hausnarketa interesgarria egin baitezakezue. Hezitzailea edo irakaslea bazara, gazteekin landu ditzakezu unitate didaktikoak.

Ikus “Elkar zainduaz” komikia eta unitate didaktikoa (pdf)
Kanpainari buruzko informazio gehiago eta komiki guztiak ikusi.

Dagoeneko eskuragarri duzu apirileko gazte buletina

Boletín joven
Gazteentzako deialdiak ezagutu nahiko zenituzke?

Gazte buletinaren apirileko zenbakian, InSitu Art Festival bezalako nobedadeak ezagutuko dituzu. Gazte sortzaileak zuen lanak aurkez ditzakezue tokiko dendetako erakusleihoetan erakusteko.

Gainera, Udagora Fest, Enplegu Birtualaren Foroa, Siner-G erakusketa Gazte Informazio Bulegoan, Aisialdiko begirale izateko ikastaroa… eta askoz gehiago.

Ez galdu ezer!

Kontsulta ezazu online edo harpidetu zaitez eta zure posta elektronikoan hilero jaso!

 

In Situ ArtFestival – Bertako saltokiak lekuko artisten bila

In Situ Art Festival proiektuak Gasteizko tokiko saltokien erakusleihoetan artistikoki esku hartzeko eta saltoki horien, tokiko artisten eta herritarren artean sinergiak sortzeko deialdi bat proposatzen du. Proiektu irekia eta parte-hartzailea da, bertako saltokietan kontsumitzearen garrantzia nabarmendu nahi duena, saltoki txikiak eta arte-sorkuntzan aritzen diren gazteak ahalduntzeko.

Ekimen hau Haziak ideia gazteen lehiaketaren bultzadarekin garatu da, eta Gauekoak programazioaren parte da.

Bertako artista gazteentzako deialdia

In Situ arte jaialdiak deialdi bat ireki du gazte sortzaileek beren sorkuntza esku-hartzea egin dezaten tokiko saltokien erakusleihoetarako.

Zehazki, Gasteizen bizi, ikasi edo lan egiten duten 18 eta 35 urte bitarteko gazteak aurkeztu daitezke deialdira. Epea apirilaren 20tik maiatzaren 9ra bitartekoa da, bi egun horiek barne.

InSitu ArtFestival deialdiko oinarriak

In Situ ArtFest flyerra

Hiritar guztientzako jarduerak

Bertako artistentzako deialdiaz gain, InSitu ArtFestival jaialdiak hiritar guztiei zuzendutako jarduerak ere antolatu ditu.

  • Ekainaren 4ean – In Situ ArtFestivalaren aurkezpena.
  • Ekainaren 19an – Bisita gidatuak esku-hartze artistikoetara.
  • Uztailaren 2an – Amaiera-saioa eta sari-banaketa.
    tiempo libre
Kontaktua eta sareak

insituartfest@gmail.com

www.insituartfestival.com

Instagram

Komunikazio teknikari lanposturako deialdia Euskadiko Gazteriaren Kontseiluan

Prozesuan parte hartzeko, CV eta motibazio gutunak apirilak 26ko 12:00ak arte jasoko dituzte egk@egk.eus -en. Lanpostua Bilbon izango da.

Euskadiko Gazteriaren Kontseilutik (EGK) Komunikazio teknikari lanpostua eskaintzen dute. Beren barne eta kanpo komunikazioa, ekosistema digitala (webgunea, buletin digitala eta sare sozialak), eta hedabideekin harremana, besteak beste, kudeatuko dituen pertsonaren bila dabiltza. Lanpostua Bilboko bulegoan izango da, baina lan eremua Euskadi osoan. Zure eguneroko lanean albisteak, prentsa-oharrak, ekitaldi eta prentsaurrekoetarako deialdiak, elkarrizketak eta sare sozialetako argitalpenak kudeatu beharko dituzu. Era berean, gainerako lan-arloekin une oro arituko zara elkarlanean proiektuen zabalpenean eta hauen jarraipenean. Zure Komunikazio lan-arloko proiektuak ere izango dituzu, adibidez, EGKren nortasun korporatiboa berrituz irudi honetan agertzen diren bezalako irudiak aldatuz.

Eskatzen diren ezaugarriak, lanpostuaren baldintzak eta egin beharrekoak, etab. deialdian (PDF) ikus ditzakezu.

Oso garrantzitsua: 30 urte baino gutxiago izan behar dituzu eta euskara zein gaztelaniaz ondo aritu. Lanpostua Bilboko bulegoan izango da.