VGaztea

Utopia.Gazte klik klaren edizio berriaren hasiera, gazteentzako argazkigitza eta bideo sorkuntzaren lehiaketa

Gazte Klik Klak-aren 2021eko edizioa 13. da. Gazteen sormen-gune batean bihurtzea lortu du Gazte Klik klak-ek, eta hirian sortzen ari den artista talde baten lana bultzatzen lagundu du. Aurreko edizioetatik gaur egun argazkigintzaren eta bideo-sorkuntzaren munduan ospe oneko gazteak igaro dira: Jon Gorospe, Sara Berasaluce, Leire Baztarrica edo Jennifer Custodio besteak beste.

Edizio honetako gaia UTOPIA da. Hirian, ekologian, giza harremanetan, teknologian…

Deialdi berri honetan, gazteek, argazkigintzaren eta ikus-entzunezkoen bidez, beren ingurune hurbilean utopiari buruz duten ikuspegia ikustaraztea nahi dugu. Utopia gobernu sistema ideal bat da, non gizarte perfektu eta justu bat sortzen den, non dena gatazkarik gabe eta harmonian gertatzen den. Oro har, komunitatearentzako plan ideal, erakargarri, onuragarri hori, zaila da betetzen edo formulatzeko unean ezin da gauzatu.

Baldintzak

  • Parte hartzaileak: Gasteizen bizi diren edo ikasten duten 14 urtetik 25era bitarteko gazteak.
  • Jasotzeko epea: 2021eko urriaren 22tik azaroaren 21a bitartean, biak barne.
  • Epaia: abenduko lehengo hamabostaldian zehar argitaratuko da epaia, Udalaren webgunean, nahiz Gazteen Argibideetarako Udal Bulegoan.

Sariak

    • 300 euroko lau bono trukagarriak, argazki, bideo edo kultura materiala erosteko.
    • Lau sarituek Tetrapack talde erakusketa batean parte hartuko dute, gure hiriko argazkilaritzan eta arteanadituak diren hainbat artistaren tutoretzapean.
    • Erakusketa 2022ko bigarren lauhilekoan izango da. Katalogo bat argitaratuko da, parte-hartzaileen lana eta ibilbidea jasoko dituena .

Oinarriak

Ikusi informazio osoa obren ezaugarriei eta euskarriei buruz, lanak nola entregatu, erakusketa,epaimahaiaren erabakia etab. Gazte Klik Klak lehiaketaren oinarriak Imagen archivo pdf

Kontaktua

Lehiaketa edo oinarri hauei buruzko edozein galdera argitzeko honako posta elektronikora jo dezakezue gaian Gazte Klik-klak 2021 adieraziz: gazteklikklak@gmail.com

Gazteriaren Foru Transpirenaikoa

  

Zer da Gazteriaren Foru Traspirenaikoa?

Pirinioetako gazteen arteko elkarrizketarako gune bat da, eta bere helburu nagusia Pirinioetako gazteak harremanetan jartzea da, haien premiei buruz eztabaidatu eta ordezkari politikoei helarazi ahal izateko. Euskadi, Nafarroa, Aragoi, Katalunia, Nouvelle-Aquitaine eta Okzitanieko gazteek osatzen dute, eta Europar Batasuneko Erasmus + programarekin batera finantzatzen da.

Lehen topaketa Biescasen.

Joan den urriaren 2an egin zen Foruaren lehen topaketa Biescasen. Hiru egunez, pirinioaren bi aldeetako gazteek ohikoak dituzten problematiketara bideratu zuten beren lana: lana eta emantzipazioa; kultura, hizkuntzak eta identitatea; turismoa eta mugikortasuna; natura eta iraunkortasuna; eta beste gai sozial batzuk, hala nola feminismoa, arrazakeria eta LGTBIQ+ eskubideak.

60 pertsona inguruk hartu zuten parte, eta horien artean Gasteizko gazteen ordezkaritza zegoen, Gazteria Zerbitzua eta Euskadiko Gazteriaren Kontseiluaren arteko lankidetzari esker.

Eta hemendik aurrera, zer?

Topaketaren amaieran Pirinioetako Gazteen Manifestua egin zen, Pirinioetako gazteen beharrizan komunak eta horiek konpontzeko proposamenak jasotzen dituen dokumentua. Aurrera begira, topaketa Pirinioetako beste leku batzuetan txandaka egitea aurreikusten da.

 

Zorionak parte hartu duzuenoi!

 

 

“Konektatzeko prest?” Informazio kanpaina

Gasteizko Udaleko Gazteria Zerbitzuak “Konektatzeko prest?” kanpaina abian jarriko du. Kanpaina sortu da informazioa deszentralizatzeko eta gazteengana iristeko asmoz.

Programa berria da, eta Gasteizko gazteentzat erabilgarria den informazioa hurbiltzea eta haien zalantzak eta interesak jasotzea du helburu.

Horretarako, informazio-stand mugikor bat sortu da, eta urriko eta azaroko larunbatetan Gasteizko gazteen ohiko topalekuetara hurbilduko da.

Kanpaina, 14 eta 20 urte bitarteko gazteei zuzenduta dago eta urriaren 22an jarriko da martxan.

Hurbiltzen diren gazte guztiek oparitxo bat izango dute (mugikorrerako euskarri bat). Gainera, ekarpenak eginez parte hartzen dutenek Iphone 11 baten zozketan parte hartuko dute.

Bataila, Invert + DJ Hazhe bertan direla

Invert bere azken kanta abesten ikusten duen lehena izan nahi duzu?

14 eta 20 urte bitartean badituzu, Invert abeslariak, DJ Hazhe lagun duela, bere abestirik berriena entzutera eta bideoklipa ikustera gonbidatzen zaitu. Gainera, elastikoak banatuko dira, agortu arte.

Zure doako sarrera eskatu

Bestalde, Invertekin rapeatu nahi izanez gero, hemen duzu aukera! Egin ezazu rap bat entresdosuno.com web orriko argibideei jarraituz, urriaren 25era arte. Jasotako guztien artean, artetik 16 pertsona aukeratuko dira, eta ausazko jokoei eta kirol apustuen arriskuei buruzko rap bataila batean parte hartuko dute.

Data eta ordutegia: 2021/10/28, 18:00-20:00

Tokia: Jimmy Jazz Aretoa.

Oharra: Kontzertuan zehar, irudiak hartu ahal izango dira, helburu pedagogiko edo dokumentalekin zabaltzeko.

No somos bichxs rarxs!

“No somos bichxs rarxs”  2020ko Haziak-Ideia Gazteak programaren barruan saritutako proiektuetako bat da. Igaro Trans* elkarteak aukera baliatu zuen trans* taldeak estereotipatu gabeko erreferenteak izatea merezi duela aldarrikatzeko, egungo belaunaldiek eta datozen belaunaldiek, behingoz, bakarrik ez daudela eta beren nortasun guztiak baliotsuak direla jakin dezaten.

Hori dela eta, bideo bat eta erakusketa bat lantzen ari dira, non filmatzen ari diren bitartean bizitako hainbat uneren argazki erakutsiko duten, baita aktoreen esperientziak ere (idatzizko edo adierazitako testigantzak). Adierazpen artistiko askea eta genero-identitatearen adierazpen askea uztartu dituen lana.

Laster izango dugu azken produktua ezagutzera emateko data eta gune zehatzaren berri. Bitartean, lanaren zertzelada batzuk aurreratuko dizkizuegu, trans* errealitateari buruzko hausnarketa sakonarekin batera:

“Argi dago gure gorputzak eta identitateak ez datozenean bat gizarteak ematen digunarekin, aurrez aurre aurkitzen ditugula aurkako giro eta espazioak, non indarkeria modu guztietan adierazten den, trans* kolektiboari bere osasun fisiko eta mentalean ondorio larriak eraginez.

Badira arau sozial, kultural, politiko, erlijioso eta medikoak ikusezin bihurtzen gaituztenak, patologizatzen gaituztenak eta kode “Ci-sexista”-tik ateratzeagatik diskriminatzen gaituztenak. Konfinamendu garaian, egoera hori okertu egin da. Mundu guztia bezala etxean giltzapetuta egon gara, baina tokatu zaigu, baita ere, gugan giltzapetzea, horrek dakarren giza nortasuna eta duintasuna ukatuz; .

Trans* taldeak estereotipatu gabeko erreferenteak izatea merezi du, egungo belaunaldiek eta etorriko diren belaunaldiek uler dezaten, behingoz, bakarrik ez daudela, beren identitate guztiak baliotsuak direla”.

No somos bichxs rarxs

 

 

Erakusketa ibiltaria: Sexualitateen bidaiak

Alkatetzaren eta Erakunde Harremanen Sailak Sexualitateen bidaiak erakusketa antolatu du, EMAIZE Sexologia Zentroarekin lankidetzan. Bertan, sexu- eta genero-aniztasunari buruzko informazioa aurkitu ahal izango duzu, hau da, gutako bakoitza izaki bakar eta askotarikoak egiten gaituen alderdietako bati buruzkoa.

Erakusketaren helburua aniztasun horri buruzko gogoeta egitea da, identitate desberdinak, desira erotikoaren orientazioa, genero-adierazpenak, familia-ereduak… balioesteko, betiere ikuspegi zabal eta integral batetik.

Gainera, gizarte-etxe bakoitzean bisita gidatu eta lantegi bana egingo dira. Jarduera horietakoren batean parte hartzea interesatzen bazaizu, bakarka zein taldeka, jar zaitez harremanetan EMAIZE Sexologia Zentroarekin, 945 26 58 96 zenbakian.

  • Erakusketaren egutegia:
    • Iparralde gizarte etxea: urriak 18 – azaroak 1
    • Ibaiondo gizarte etxea: azaroak 3 – azaroak 14
    • Judimendi gizarte etxea: azaroak 16 – azaroak 28
    • Salburua gizarte etxea: azaroak 30 – abenduak 20

Erakusketa ibiltaria

Hizki Laburrak, gazteentzako euskarazko kontakizun laburren lehiaketa.

Gauekoak-ek Oihaneder Euskararen Etxearekin batera euskarazko kontakizun laburren lehiaketaren II. edizioa, Hizki laburrak, antolatzen dute.

16 -30 urte bitarteko gazteentzak zuzentzen da. Erronka, istorio bat idatzi, gehienez 1000 hitz erabiliz antolatzeileek aukeratzen dute hitz bat parte-hartzaileek kontakizunean erabil dezaten. Aurten “oihartzun” da.

Lanak bidaltzeko epea urriaren 15etik azaroaren 15era da. Testuak pdf formatuan bidali behar dira info.gauekoak@gmail.com helbidera.

3 kontakizun irabazle aukeratuko dira, eta 200, 100 eta 50 euroko saria emango zaie, hurrenez hurren.

Epaimahaiaren erabakiaren ondoren, azaroaren 19tik aurrera udal webgunean argitaratuko dira kontakizunak, eta azaroaren 24an sari banaketa bat egingo zaie hiru hautatuei , Montehermoso Jauregiko Ortuño aretoan.

Kontsultatu lehiaketaren baldintzak oinarrietan Imagen archivo pdf.

Informazio gehiago www.vitoria_gasteiz.org/gauekoak edo instragrameko profiletan

@gauekoak.gasteiz.

 @vggaztea

 

“Lurra Ukitu, erlaxatzeko eta naturarekin berriro konektatzeko tailerrak”

Maitane Saez gazteak, berak sortutako “La Cabaña Pottery & Plants” plataformatik jaurtitzen du proposamen hau, Gasteizko Udaleko Gazteria Zerbitzuaren “Haziak-Ideia gazteak” lehiaketan saria jaso duenetariko bat.

Pantailetatik deskonektatzeko, egoera fisikoa hobetzeko eta eskuzko lanaren bidez sormena bideratzeko beharretik sortutako proiektua da “Lurra Ukitu, erlaxatzeko eta naturarekin berriro konektatzeko tailerrak”; Covid birusak eragindako hondamenak eta pantaila digitalen mendekotasuna leuntzeko ahalegin bat.

Bere helburu nagusia da gorputza aktibatu, burua askatu eta sormena antzeko gustu eta kezkak dituzten pertsonen inguruan jariatzeko alternatibak eskaintzea,  eguneroko bizitzan gorputzaren, adimenaren eta gizartearen ongizateari dagokionez hobekuntzak esperimentatzeko.

Gazte-proiektu honek bikain egokitzen diren hiru diziplina batzen ditu: ariketa (pilates & yoga),), zeramika eta landareak. Jardunaldi bakoitzean hainbat profesionalek parte hartuko dute, gorputza zaintzeari, buztingintzari eta landareen laborantzari buruzko ikuspegi aditua emateko.

Tailerrak urriaren 16an hasiko dira eta plaza guztiak beteta daude. (+) Info: “Lurra Ukitu”, erlaxatzeko eta naturarekin berriro konektatzeko lantegiak.

Lantegi honek gazteen artean piztu duen interesa baloratuz, Lurra Hartzeko II. Jardunaldia egitea aurreikusi da. Interesaturik baldin bazaude , Instagram-en mezu pribatu baten bidez (La Cabaña Pottery & Plants) edo www.lacabanapotteryandplants.es web orriaren bidez izena eman dezakezu.

“Matxismoa, gizaldi berriaren esklabotza”. 2020ko Hiretu Hiriaren edizioan saritutako proiektua

« Nola izango dira feminaziak, emakumeak hiltzen badira, ez hiltzen dutenak? », « Ez dugu beste bat nahi », « Matxismoa mende berriko esklabotza da »,  « “Gakoa irakaskuntza eta hezkuntza dira ».

Biribilak dira, besteak beste, Koldo Mitxelenako DBHko 4. kurtsoko gazteek sortutako abesti honetan jasotako esaldietako batzuk. Kantuaren konpositoreek ( 3 ikasle gazte), bere lankideen aportazioez eta parte hartzeaz bideoklip hau osatzen lortu zuten. Koldo Mitxelenako gela horrek Hiretu Hiria- Haz tuya la ciudad programaren barruan honako gai hau lantzea erabaki zuen: « Ingurune matxistak ».

Horretarako, etxe barruan zein kanpoan bizi diren ingurune matxistak identifikatu zituzten, haiek ingurune horietan beren gain hartutako rolei buruzko gogoeta egin zuten, aztertu egin zituzten, eta emakumeek bizi dituzten desberdintasun- eta indarkeria-egoera horiek ikusaraztea erabaki zuten. Gasteizko herritarrak errealitate latz horretaz jabetu daitezen, eta desberdintasun-egoera horiek saihesteko tresnak proposatzeko, “Matxismoa, mende berriko esklabotza” abestia egin eta antzeztu zuten. 2021eko Hiretu hiria Galan, Hiretu – Hiria 2020 edizioan parte hartu zuten 19 taldeek (9 zentrok) gehien bozkatutako proiektua izan zen. Saria aisialdiko eta laneko asteburu bat izan zen, eta hortik sortu zen hemen aurkezten dugun bideo hau.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Bideo honekin emango diogu hasiera 2021eko Hiretu Hiriari. Bertan, 8 ikastetxetako 21 taldek hartuko dute parte.