VGaztea

Gazte lidergoa Ibagueko eta Gasteizko eraldaketa politiko eta sozialerako

Nola jaio zen proiektua?

Garapenean Laguntzeko Zerbitzua eta Gazteria Zerbitzua lanean ari dira Erronka: Gazteak Gazte Planean 2021erako ezarritako helburu batzuk lortzeko, hori dela eta proiektu bat gauzatzen ari dira Kolonbia-Euskadi elkartearekin batera. Proiektu horretan, gizarte-eragina duten prestakuntza-, kualifikazio- eta laguntza-estrategiak burutuko dira gazteentzat kultura-kudeaketaren eta -ekintzailetzaren alorrean, baita Gasteizko eta Ibaguéko gazteen arteko truke-prozesuak ere, gazteen gaietan lan-agenda globalago bat prestatzeko.

Trukerako proposatutako ekintzak

1.  Trukeetarako plataforma digitala. www.trukecultural.org
Elkarrekintza-prozesu iraunkorra; bertan, hainbat produktu partekatuko dira aldian-aldian, hala nola kultura arloko kudeaketa prozesuei edo gazteen eskubideei buruzko bideoak, infogramak, podcastak eta txostenak, besteak beste, txatetan, web mintegietan, YouTuben, foroetan edota streaming bidez eztabaidatzeko.

2. Topaketa birtual tematikoak.
Topaketa birtualak egingo dira Gasteizko eta Ibaguéko gazteen artean, programatuak, gidatuak eta hedapen handikoak. Gai espezifiko orokorrak izango dituzte, tokiko adierazpenekin. Desberdintasunak eta kointzidentziak bilatuko dira, bai eta lankidetza hitzarmenak ere, hainbat arazori ekiteko, besteak beste klima-aldaketa, gazteen aurkako indarkeria matxista, gazte lidergoa eta kultur arloko kudeaketa prozesuak, batzorde binazionalak zehaztutakoaren arabera.

Geihago…

Etxebizitzari buruzko topaketan izena emateko azken egunak

Teknikari eta politikariekin hitz egin nahi duzu eragiten dizuten gaiei buruz? Orain duzu aukera. Zatoz datorren ekainaren 7an Europa Biltzar Jauregira 18:00etan etxebizitzari buruz hitz egitera eta zure kezkak azaltzera. Aprobetxatu azken egunak izena emateko.

Eta ez ahaztu ekainaren 14an enpleguari buruz hitz egingo dugula.

‘eta… GURE EMANTZIPAZIOA? Hiruburu jardunaldiak

Hiruburu

Gasteizko Udalaren Gazteria Zerbitzuak, Euskadiko Gazteriaren Kontseiluarekin (EGK-rekin) elkarlanean eta Eusko Jaurlaritzaren laguntzarekin, ‘Eta… GURE EMANTZIPAZIOA?’ bi saioetan burutuko den Hiruburu jardunaldiak egingo ditugu. Non gazteak, politikariak eta teknikoak solasean egongo garen. Ekainaren 7an, gazteon etxebizitza lantzeko eta ekainaren 14an, gazteon kalitatezko enpleguan zentratzeko. Gasteizko Europa Jauregian garatuko dira 18:00etan. Hiruburu hauen helburu nagusia gazteon etxebizitza eta kalitatezko enpleguari buruzko profil ezberdinen iritzi eta esperientziak biltzea da.

Prezioa: Doakoa. Aldez aurretik izena eman behar da.
Modalitatea: Aurrez aurrekoa.
Hizkuntza: Elebiduna.
Egunak: Ekainak 7 (etxebizitza) Ekainak 14 (enplegua).
Tokia: Europa Biltzar Jauregia.
Ordutegia: 18:00etatik 20:00etara (2 ordu).
Izena ematea

Ekintzailetza

ekintzailetza

Negozio-ideia bat duten eta beren kontura lan egiteko aukera planteatzen duten pertsonei zuzendutako prestakuntza da. Ikastaroak online egingo dira (streaming bidez, bideokonferentzia plataforma baten bitartez).

Enpresa sortzeko ikastaroa

maiatzak 31 – ekainak 4 | 20 ordu | 09:30 – 13:30 | doakoa | online

Helburuak honako hauek dira: ekintzaileak ezinbesteko alderdiak ebaluatu ahal izatea bere ideia proiektu bideragarri bihurtzeko, zalantzak argitzea, ideia planifikatzea eta sendotasuna ematea, eta azkenik, enpresa-proiektuaren aldez aurreko bideragarritasun-analisia lortzea.

Informazio gehiago.

Ekiteko lantegia – Gizarte-ekonomia: lan-sozietateak eta kooperatiba txikiak

ekainak 8 | 3 ordu | 09:30 – 13:00 | doakoa | online

Lantegiaren helburua lan-sozietate bat edo kooperatiba txiki bat osatzearen abantailak ezagutzea da.

Informazio gehiago.

Maiatzaren gazte buletina

Boletín joven

Hilabete honetako buletinean honako informazioa aurkituko duzu:

Gazteria Zerbitzua Instagramen dago, “Elkar Zainduaz” komikia, Gazteentzako telelanari buruzko oinarrizko ikastaroa, Tetrapack 2021 erakusketa, Gauekoak: Proiektuen poltsa osatzeko deialdia,…

Kontsulta ezazu online edo harpidetu zaitez eta zure posta elektronikoan hilero jaso!

e-GA – Hizkuntza gutxituetako hiztun gazteen proiektu- lehiaketa eta topaketa birtuala

Zer da e-GA?

Alde batetik, hizkuntza-lankidetza sustatzeko proiektu-lehiaketa da; eta, bestetik, 2021eko ekainaren 11n streaming bidez egingo den topaketa birtuala.

Testuingurua

Munduan hizkuntza asko daude, baina guztiek ez dute biziraupena ziurtatuta. Politika instituzionalez gain, funtsezkoa da gizarte zibiletik sortutako aktibismoa ere sustatzea. Zentzu horretan, gazteria izango da hizkuntza biziberritzea bultzatuko duen gizarte taldea. Testuinguru globalizatu honetan, eta erronka horri erantzuteko, hizkuntza-komunitateetako gazteen arteko elkartasuna eta lankidetza funtsezkoak izango dira hizkuntzen etorkizunerako.

Zertan da proiektu-lehiaketa?
Hizkuntza-lankidetzari buruzko proiektu bat sortzea, edo bestela, beste hizkuntza komunitate bati buruzko proiektua.

35 urte arteko gazteek parte har dezakete; ahal bada, beste hizkuntza-komunitate bateko beste gazte batekin lankidetzan. Erakundea kontaktuak errazten saiatuko da, beharrezkoa izanez gero.

Lanaren formatua guztiz askea da: hizkuntza biografia (5 orrialde, gehienez), abestia, artelana (2 orrialdeko azalpena gehienez), elkarrizketa, ikus-entzunezkoa (5 minutu, gehienez).

Hizkuntza gutxitu batean idatzita, diseinatuta, kantatuta… egon behar du; eta horretaz gain, eGA-ko hizkuntza ofizialetako batean (euskara, ingelesa edo gaztelania). Bestalde, lan originalak izan beharko dira, beste inon argitaratu gabeak.

Batzorde batek baloratuko ditu proiektuak eta, horretarako, irizpide hauek erabiliko ditu:

Originaltasuna.
Kalitate teknikoa.
Hizkuntzen biziberritzera bideratuta.
Hizkuntza-lankidetza.
Genero-berdintasuna.

Nola bidali zure proiektua

Epea 2021eko maiatzaren 23ra arte dago irekita.

Sartu galdetegian, bete eta erantsi zure proiektua. Horretarako, Google kontu bat izan beharko duzu, edozein posta elektronikorekin.

Proiektua bidali

 

 

Hiretu Hiria Gala- Gazte jendea hiria eraikitzen: maiatzak 14, 17:00, Goiuri jauregian

                                             

IPI Sansomendi, Sagrado Corazón, Nazareth, EPA El Carmen, Mendebaldea, Ekialdea, Koldo Mitxelena eta Egibideko ikastetxeen ordezkari gazteek landu dituzten proiektuak Gasteizko herritarren aurrean ikusgai jarriko dituzte. Horretarako, zuzeneko lekukotzak eta eurek eginiko bideoak plazaratuko dituzte Hiretu Hiria izeneko galan. Helburua: Gasteizko hiria bizitzeko toki solidarioa eta atsegina bihurtzea.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Gala honetara bertaratuko dira: parte hartu duten eskola-talde guztietako ordezkariak, senitartekoak, irakasleak, prozesuan inplikatutako hezkuntza-agenteak, alderdi politikoetako ordezkariak, eta gazte-proposamenak ezagutzeko interesa duten Gasteizko herritarrak. Gainera, jende ugari bertaratuko dela baliatuz, ekitaldian “Aurkeztutako gazteen gai eta esperientzien bozketa” egingo du Gazteria Zerbitzuak, bertaratutako jendeak gehien gustatzen zaiona aukera dezan. Boto gehien jasotzen dituen gaiak honako sari hau lortuko du: lan- eta dibertimendu-asteburu bat Paulen. Topaketa horretan, gazte irabazleek ekintza zehatz bat asmatuko dute Gasteizko herritarren aurrean ikusgai jartzeko.

Hiretu Hiria 2021 Gala gazteen parte-hartzerako prozesuaren amaiera izango da, eta baliagarria izango da gazte-proposamen eta gazte-gaitasunei balioa emateko: ahalmen kritikoa, analisi-ahalmena, auto-antolaketarakoa eta erantzunkidetasuna.

  • Data eta ordua: maiatzaren 14an (ostirala), 17:00etan.
  • Hizkuntza: gaztelaniaz eta euskaraz.
  • Adina: 14-99
  • Tokia: Goiuri jauregia.
  • Sarrera librea lekuak bete arte, 16:50etik aurrera.
  • Gaiak: “Gizarte-desberdintasunak Gasteizko auzoetan”, “Arrazakeria”,“Harrera-zentroak”, “Kartzela eta gizarteratzea”, “Animaliak abandonatzea”, “Nerabezaroa, Helduen aurreiritziak”, “Homofobia eta lesbofobia”, “Ikastetxeen ideologia”, “Eskola-jazarpena”, “Bizitzarako ikasgaia”, Genero-indarkeria”, “Nola landu sexua, droga eta alkohola”, “Kirola eta gizarteratzea”.

 

2021ko Bizikletaren Astea

Hemen dago Bizikletaren XIX. Astea. Maiatzaren 14tik 30ra ospatuko da.

Egun horietan zehar, hitzaldien, erakusketen, irteeren, gizarte-etxeetan eta kirol-instalazioetan antolatutako lantegien bidez, bizikleta erabiltzeko modu desberdinak erakutsiko dira: eskualde exotikoetara egindako bidaiak, txangoak eta ingurune hurbila ezagutzeko modua, hiriko mugikortasun osasuntsu eta arduratsua, ekofeminismoa, jarduera fisikoa eta kirola, eta baita sorkuntza artistikorako elemento inspiratzailea izatea ere.

Kontsultatu antolatutako jardueren agenda, jarduera batzuetan aldez aurretik izena eman behar delako

 

Gazteentzako telelanari buruzko oinarrizko ikastaroa

Argi dago bide telematikoetan oinarritutako lan-modalitatea geratzeko etorri dela. “Erronka: Gazteak” Gazte Plan bereziaren bidez, errealitate berri horretan lan egin nahi dugu, gazteak gure gizartearen erronka berriei aurre egiteko ahalik eta prestatuen egon zaitezten.

Ikastaro honen bidez, zure enplegagarritasuna hobetzen lagunduko dizun lan egiteko modu berri honen oinarriak ezagutu ahal izango dituzu. Doako prestakuntza da.

Ikastaroaren edukia

  1. Sarrera.
  2. Telelana geratzeko etorri da.
  3. Telelanaren abantailak eta desabantailak.
  4. Lanerako espazioa.
  5. Nola antolatu.
  6. Produktibitate-gomendioak.
  7. Software-tresna erabilgarriak.
  8. Zaindu zaitez barrutik eta kanpotik.
  9. Urrutiko langileen eskubideak eta betebeharrak.
  10. Azken gomendioak.

Irakaslea: Imanol Terán.

Modalitatea: online, Zoom aplikazioaren bidez.

Hizkuntza: gaztelania.

Data: ekainaren 1ean, asteartea.

Ordutegia: 18:00 – 20:00 (2 ordu).

Gazteentzako telelanari buruzko oinarrizko ikastaroaren kartela

Informazio gehiago.

e-GA – Hizkuntza gutxituetako hiztun gazteen proiektu- lehiaketa eta topaketa birtuala

Zer da e-GA?

Alde batetik, hizkuntza-lankidetza sustatzeko proiektu-lehiaketa da; eta, bestetik, 2021eko ekainaren 11n streaming bidez egingo den topaketa birtuala.

Testuingurua

Munduan hizkuntza asko daude, baina guztiek ez dute biziraupena ziurtatuta. Politika instituzionalez gain, funtsezkoa da gizarte zibiletik sortutako aktibismoa ere sustatzea. Zentzu horretan, gazteria izango da hizkuntza biziberritzea bultzatuko duen gizarte taldea. Testuinguru globalizatu honetan, eta erronka horri erantzuteko, hizkuntza-komunitateetako gazteen arteko elkartasuna eta lankidetza funtsezkoak izango dira hizkuntzen etorkizunerako.

Zertan da proiektu-lehiaketa?

Hizkuntza-lankidetzari buruzko proiektu bat sortzea, edo bestela, beste hizkuntza komunitate bati buruzko proiektua.

35 urte arteko gazteek parte har dezakete; ahal bada, beste hizkuntza-komunitate bateko beste gazte batekin lankidetzan. Erakundea kontaktuak errazten saiatuko da, beharrezkoa izanez gero.

Lanaren formatua guztiz askea da: hizkuntza biografia (5 orrialde, gehienez), abestia, artelana (2 orrialdeko azalpena gehienez), elkarrizketa, ikus-entzunezkoa (5 minutu, gehienez).

Hizkuntza gutxitu batean idatzita, diseinatuta, kantatuta… egon behar du; eta horretaz gain, eGA-ko hizkuntza ofizialetako batean (euskara, ingelesa edo gaztelania). Bestalde, lan originalak izan beharko dira, beste inon argitaratu gabeak.

Batzorde batek baloratuko ditu proiektuak eta, horretarako, irizpide hauek erabiliko ditu:

Originaltasuna.
Kalitate teknikoa.
Hizkuntzen biziberritzera bideratuta.
Hizkuntza-lankidetza.
Genero-berdintasuna.

Nola bidali zure proiektua

Epea 2021eko maiatzaren 23ra arte dago irekita.

Sartu galdetegian, bete eta erantsi zure proiektua. Horretarako, Google kontu bat izan beharko duzu, edozein posta elektronikorekin.

Proiektua bidali