VGaztea

Gauekoak-en udazken-neguko programazio berria

Udako etenaldiaren ostean berriro martxan jarri da Gauekoak. Udazken-neguko programazio berria gustu guztietarako planez beteta dago: tailerrak, kontzertuak, kirol-ikastaroak, jardunaldiak edo emanaldiak. Aisialdirako aukera alternatibo, hezigarri eta osasungarri asko 16 eta 30 urte bitarteko Gasteizko gazteentzat.

GAUEKOAK programak udazken-neguko denboraldi honetan aisialdirako gune alternatibo, sortzaile, parte-hartzaile eta osasungarriak sortzeko helburuarekin aurkezten da. Hainbat arlotako lanceta espazioak sortzen, tokiko kultura-nortasuna indartzen eta gazteen parte-hartzerako tresnak emanez.

Egitarau honek hainbat diziplina barne hartzen dituen 26 jarduera planteatzen ditu,  iraila eta abendua bitartean garatuko direnak. Horretarako, hiriko artista eta hezitzaileekin lankidetzak sortu dira hala nola,  Red Fanzine, Oihaneder Euskararen Etxea edo SAMA (Arabako Ikus Entzunezkoen Elkartea)
bezalako elkarteekin . Kultur interesak bultzatzeko gune bat sortu nahian, herritar gazteenen eta erakundeen arteko lankidetza bultzatuz.

Jarduera guzti hauek doakoak izango dira, aisialdiko eredu alternatibo bat defendatzen baitugu, berrikuntza, tokiko kultura eta artistak babestea eta hiriko gazteria osatzen duten kolektibo guztiak barne hartzea abiapuntu izango dituena.

Jardueren agenda osorik ikusgai dago udalaren webeko Gauekoak-en atalean edo sare sozialeetan.

@gauekoak.gasteiz.

@vggaztea.

Euskararen aldeko bideoklip batean parte hartzen animatuko zara?

“Euskara zabaltzen”, Gazteria Zerbitzuak antolatutako “2021eko Haziak-Ideia Gazteak” lehiaketan saritutako proiektua da.  Proiektua konfinamenduan zehar sortu zen, bi helbururekin: Artearen bidez euskarari balioa ematea eta Gasteizko artista gazteen lankidetza bilatzea.

Paloma Strachan konpositore eta instrumentista gaztea (txeloa, pianoa, ukelele, gitarra), beste bost artista gazterekin elkarlanean, “Euskara Zabaltzen” abestia ekoitzi zuen, gazteek gure hizkuntzarekiko, euskararekiko duten sentimendua jasotzeko asmoz. Horregatik, abestiaren letra 12-17 urte bitarteko neska-mutil talde baten ekarpena izan zen.

Iritsi da “euskara Zabaltzen” bideoklipa grabatzeko unea, eta, horregatik, Gasteizko artista gazteei dei egin diete beren ikuspegi artistikotik abestia grabatzen lagun dezaten: musika-tresnak, dantza, rap, zirkua, mimoa, korala, koreografiak, etab. Laburbilduz, Euskara eta Artearen bat-egiteak balio dezala pertsona desberdinak eta gure hiriko artista independenteak elkartzeko.

Jarduera: “Euskara Zabaltzen” abestiaren bideokliparen grabazioan parte hartu nahi duten Gasteizko pertsona eta artista independenteen ekarpenak jasotzeko gune irekia eskaintzea.

Eguna: igandean, irailak 12.

Ordutegia: 17:00-19:00.

Tokia: Lakua gizarte etxea (Gazte Factory).

Hizkuntza: euskera.

Adina: 12 urtetik gora

Izen emateak: 2021eko irailaren 11ra arte, izena eta harremanetarako telefonoa helbide elektroniko honetara bidaliz: paloma.strachan@gmail.com. Plaza mugatuak.

Idoia Ramirez de la Peciña eta Ayla Sota Jiménez bikain aritu ziren Espainiako III. Patinaje Artistikoko Linea Txapelketan.

 

Uztailaren 8tik 10erako asteburuan Espainiako III. Patinaje Artistiko Linea txapelketa egin da Las Rozasen (Madril).

Ekitaldi horretan parte hartu dute Idoia Ramirez de la Peciñak eta Ayla Sota Jiménezek, gure hiriko Ilusion Inline Klubeko kideek, eta 2. eta 5. postuan geratu dira.

Kirol honetan egindako ibilbidea nabarmendu behar da: interes hori partekatzen dute bi diziplina desberdinetatik etorrita (izotz gaineko patinajea eta lau gurpilen gaineko patinaje artistikoa),  kluba sortu zuten 2019an,  euren entrenatzaile eta koreografoak dira,  beste pertsona batzuk entrenatzen dituzte eta tailerrak ematen dituzte ikastetxe batean.

Entrenatzeko instalaziorik ez dagoela aldarrikatu dute, askotan kalean entrenatu behar izanda.

Zoriondu hemendik egindako lan handiagatik eta lortutako emaitzengatik.

Instagram profilean jarrai ditzakezu

Iragarki-taula: behar duzuna eskaintzeko edo bilatzeko gunea

Gazte Informaziorako Udal Bulegoaren webgunean, zure berri emateko edo bilatzen ari zarena aurkitzeko gune bat eskaintzen dizugu: pisu bat, alemaniarreko klaseak, zaletasunak partekatzeko norbait, zure kirol talderako jendea eta askoz gehiago.

14 eta 30 urte bitartekoa bazara, honako gai hauei buruzko iragarki bat jar dezakezu:

  • Ostatua
  • Haurrak zaintzea
  • Etxebizitza partekatzea
  • Eskola partikularrak
  • Hobbyak, kirola, bidaiak, boluntariotza…
  • Oparitu egiten da
  • Trukea

Adin horretatik gorakoa bazara, aukera izango duzu iragarkia ipintzeko baldin eta gazteentzako lana edo etxebizitza eskaintzen baduzu.

Ikusi oraingo iragarkiak edo zeurea ipini!

HAZIAK 2021. Ideiak Sarituak

Maiatzaren 3an amaitu zen HAZIAK ideia gazteen azken deialdiko ideiak bidaltzeko epea. Gazteria Zerbitzuak 18 proposamen jaso zituen guztira; horietatik 4 14-18 kategoriakoak ziren, eta gainerako 14ak 19 eta 30 urte bitarteko gazteak.

Udaleko Kultura, Berdintasun eta Gazteria zerbitzuetako teknikariek osatutako epaimahaiak edizio honetako ideiak lantzen dituzten gaiak eta askotariko esparruak baloratu ditu, eta bekak merezi dituzten ideiak zein izango diren erabaki du.

Saritutako ideiak

  • Tira. Udako abestia KAI-NAKAI-rekin: Abeslari gasteiztarrak kantu baikorra proposatzen digu konfinamenduaren ondoren euskarazko reggaeton estiloan.
  • Red Artean: artistak, sortzaileak, kolektiboak eta erakundeak konektatuko dituen online plataforma.
  • RENT, el musical: Antzerki musikala LGTB+ gaiarekin, gidoiaren egokitzapen propioarekin.
  • Pistas para artistas: abesti batek dakarren ikusentzunezko prozesuaren inguruko saio teoriko praktikoak.
  • Galdu Gordean: sormen prozesuen eta hiriaren inguruan sortutako elkarrizketak.
  • Jornada para el clima: Fridays for Future kolektiboarekin batera, klimaren urgentziari ekitea hainbat ekintzak.
  • Lo + trendy: sormenezko makillajea, argazkia eta edizioa sare sozialetarako
  • Anime y Manga: gai honen inguruko gazte komunitatea.
  • Wellcome Inside: antsietatearen eta depresioaren islada argazki eta bideoetan.
  • Euskara zabaltzen artearen bidez: gure hizkuntzaren garrantzia azpimarratzen duen abestia.
  • Re-conecta contigo: pantailak deskonektatzeko eta zeure burua aurkitzeko jarduerak.

Epaimahaiak bideragarritasuna, proiektuen arteko zeharkakotasuna, originaltasuna eta gazteen xede-publikoari ematen zaion protagonismoa nabarmendu ditu. Era berean, lehentasuna eman zaie 2020an gai berdinekin sarituak izan ez diren proiektuei, proiektu berriei gauzatzeko aukera emateko.

Zorionak!

Bertako artisten azoka

Gauekoak-ak herriko artista gazteekin azoka antolatu du ekainaren 19an, larunbata, Etxauri plazan.

Merkatuaren ordutegia 11: 00etatik 14: 30era eta 16: 00etatik 20: 00etara izango da.

Instagrameko profiletan egiten dutena ikus dezakezu.

@bidaihari_bag @mario_marco @marta_printmaking @akelarre.denda @ egurra_ukitzen @labildotsne @arkadia_deco @puochi_nah @izaromaridomingi @sinestesika.gara @fat_marmot_art

Plan ona da, aputatzen zara?

Gauekoak-eko proiektu-poltsaren deialdia amaitu da.

Joan den maiatzaren 4an Gauekoak taldeak bere proiektu-poltsaren beste deialdi bat egin zuen. Bertan, aisialdi alternatiboko programaren udaberri/udako eta udazkeneko denboraldietan ideiak gauzatu nahi zituzten Gasteizko gazteak, kolektiboak eta elkarteak aurkez zitezkeen.

Proposamen horiek bidaltzeko epea ekainaren 4an amaitu zen, eta guztira 24 proiektu jaso dira, gai ugari eta askotarikoak jorratzen dituztenak.

Kultura, kirola, ingurumena, berrikuntza eta informazioaren teknologiak interesgune argiak dira hiriko gazteen aldetik. Genero-berdintasuna, elkartasuna edo kulturartekotasuna ere izan dira programaren oinarri aktibo eta aberasgarritik landu beharreko inspirazio eta beharrak.

Gogoan izan poltsa hori urtean zehar irekita egoten dela. Beraz, gogotsu geratu bazara, gure helburuekin bat datorren ideia bat bururatu bazaizu, anima zaitez! eta honako helbide honetara bidali: info.gauekoak@gmail.com.

Horren inguruan informazio gehiago nahi izanez gero Udalaren web orriko Gauekoak atalean sartu edo Sare sozialtean aukituko gaituzu.

@gauekoak.gasteiz

Tetrapack 2021: bultzada kolektiboa.

Gasteizko Udaleko Gazteria Zerbitzuaren eta Arabako Foru Aldundiko Kultura eta Kirol Sailaren lankidetzaren ondorioz, Tetrapack 2021 erakusketak gaur, maiatzak 21, ateak irekiko ditu 19:00etan Amarika aretoan ekainaren 27ra arte (barne).

Honakoa, Gazte Klik Klak 2020ko Maitane Campos, Liam McDonnell, María Fariñas eta Asier Corredera argazki eta bideo lehiaketako irabazleen lanaren emaitza da. Geihago…

Udagora Fest zinemaldiaren II.edizioa

Datorren larunbatean, maiatzak 15, UDAGORA FEST-en bigarren edizioa izango da Goiuri Jauregian. Esperientzia horretan ikus-entzunezkoez gozatu eta hausnartu ahal izango da sortzaileekin batera. Iris Audiovisual elkarteak aurkeztatuko zinemaldia da Gauekoak-en programazioaren barruan.

UDAGORAK hiria gazteei hurbiltzen die, zinemaren bidez, eta kultura-eskaintza areagotzea, adierazpide berriak sustatzea eta gazteek sortzeko duten gaitasuna ikusaraztea.

Iñigo Cobo zuzendariaren “Anti-todo” film dokumentala proiektatuko da, 80ko hamarkadan hazitako belaunaldien eta 2000ko hamarkadan hazitako belaunaldien arteko elkarrizketa ezartzen duena.

Non: Goiuri Jauregia
Noiz: maiatzak 15, larunbata
Ordutegia: 17:00-21:00
Hizkuntza: Gaztelaniaz
Sarrera doan, aurrez esleitutako eserlekuan. Eskuragarri Entradium plataforman.

Errezitaldi poetiko gaztea: iluztrazioak eta musika zuzenean (Haziak programa)

Gasteizko euskal idazle gazte talde batek elkarrekin sortutako literatura-ekoizpenak ikusaraztea, hori da, hain zuzen ere, errezitaldi honen helburu nagusia.

Gazte horiek euskararen, aniztasunaren eta feminismoaren aldeko idazketa sortzailea lantzeko ikastaro batean parte hartu zuten, eta bertan testu poetikoen bilduma bat sortu zuten. Elkarrekin sortutako testuak liburuxka hau bilakatu dira: Idatziz Sortu! elkarlanean aritutako hainbat pertsonen sorkuntzen bilduma”.

Miren eta Itziar Uriarte Crespo buru dituen proiektu gazte hau (Gazte Hitzak kontakizun laburren lehiaketan sarituak) izan da Gazteria Zerbitzuak antolatutako “Haziak- idea gazteak” lehiaketaren proiektu irabazleetako bat.

Maiatzaren 7an, Goiuri jauregian, 18:00etan, Liburuxkaren aurkezpenerako ekitaldian, gazte sortzaileek euren esperientzia kontatuko dute eta bertaratzen direnen aurrean, beren konposizioen zatiak irakurriko dituzte. Errezitaldia bideratzeko, eta gazteen irakurketa laguntzeko ilustrazioak proiektatuko dira, eta zuzeneko musika entzungo da. Geihago…