VGaztea

Euskarazko irakurketa kluba (Gauekoak)

Euskal literaturak ibilbide luze eta oparoa izan du urteetan zehar, baina zer nolako ezagutza dugu ondare literario honen inguruan? Kontziente al gara eleberri, poesia-liburu, ipun-liburu… euskaraz ere irakur daitezkeela?

Gazteon irakurzaletasuna xede duen irakurle klub txiki honen helburu nagusia XXI.mendeko idazle euskaldunen proposamen literarioen inguruko eztabaida gune bat sortzea da. Norbanakoen esperientzia pertsonalak abiapuntzutzat hartuta, hilabetean behin proposatzen dugun kultur ekintza dugu helburu.

4 saio euskarazko 4 literatura-idazle emakumeekin.

Hasiera emango diogu klubari Gorputz madarikatuak eta Lucía Baskaranarekin irailaren 29an,  lagunduko gaituela saioan bere liburuaren inguruko ideiak ama-kumean jartzeko eta irakurketa partekatua egiteko.

Ikusi ote zenuen hil aurretik zure bizitza begien aurrean pasatzen? Protagonista ote nintzen ni, irudi horietakoren batean? Zein izan zen zure azken pentsamendua? Ni maitatzera iritsi ote zinen inoiz? Norentzat ziren lore haiek?

Eleberri honek bere bizitza berreraiki nahi duen emakume baten historia kontatzen du, eta nola bilatzen dituen emakume horrek bere iraganaren sakonean zoriontsu ez izatearen arrazoiak: desioaren sorrerak markaturiko nerabezaroa; gorputz propioa onesteko zailtasuna eta lehen maitasunaren zauriak, eta lehen desengainuarenak.

Irakurketa klub honetan parte hartzeko izen-ematea beharrezkoa da. Egin ahal duzu egoitza elektrokioaren bidez zein Gauekoak-en web eremutik.

Saio guztiak Landatxo gizarte-etxean egingo dira 19:030etatik 21:00ak arte.

Informazio eta jarduera gehiago Gauekoak-en web espazioan et sare sozialetako profiletan.

@gauekoak.gasteiz.

 @vggaztea

Bisitatu “Kaukasia” argazki erakusketa

Gazte Informaziorako Udal Bulegoak “Kaukasia” argazki erakusketa ikusgai du azaroaren 15era arte. Astelehenetik ostiralera, 10: 00etatik 14: 00etara, eta astearte eta ostegunetan, arratsaldez ere, 17:00etatik 19:00etara ikusi ahalko da Espainia plazako bulegoan.

Miguel Zulaica Parra abenturazale gaztea, motxila bizkarrean eta kamera eskuan, udaro edo oporraldi txiki bakoitzean abiatzen da mundua ezagutzera, esperientzia berriak bizitzera eta motxila bizipen berriez beteta itzultzera. Argazkilari afizionatua da, eta bere web galeria propioa du. Bertan, azken urteetan egindako argazki-lana erakutsi eta partekatzen du.

“Kaukasia”rekin, egileak Armenian eta Georgian zehar egin zuen ibilbidea erakusten digu, baita bere bidaian zehar aurkitu zuena ere, une oro bere beste anaia bidaiariarekin batera. Armeniar monasterioak esploratzea eta Georgiako iparraldeko Kaukaso mendietako urruneko herrietaraino barneratzea abentura honen esperientzia batzuk baino ez ziren izan.

Informazio gehiago: https://v-g.eus/KaukasiaErakusketa
Egilearen argazki gehiago dituen web galeria: https://www.flickr.com/photos/mzulaica

Artistentzako pistak

Gazte Zerbitzuaren Haziak 2021 lehiaketan aukeratu zen “Artistentzako pistak” proiektua asteburu honetan egin da, aurreikusitako helburuak betez: Musikan interesa duten gazteei, oraindik hasi ez badira edo ibilbide laburra badute, abesti bat sortzeko jarraitu beharreko urratsak erakustea, beren nortasuna doako tresnekin eta oinarrizko musika teoriarekin eraikitzea.

Bertaratutakoak (12 pertsona) oso pozik agertu dira tailerren edukiarekin.

Zorionak ideia horren sustatzaile diren Adriana Fariñas eta Rafael Hernándezi.

Parkour eta eskalada hiriko auzoetan ( Gauekoka)

Parkour eta eskaladaren oinarrizko teknikak banan-banan azalduko dira eta praktikan jartzeko aukera izango dute parte hartzaileek hiru tailerretan. Espazio bakoitzak eskaintzen dituen berezitasunei garrantzia emango zaie toki bakoitzak besteekin konparatuta dituen aldeak ikusi eta baloratzeko.

Saioak eta zein auzotan, hemen:

  • Irailak 24. Foronda kalea. Intermodal geltokian eta Parkour Park.
  • Urriak 1. Armentia eta Armentum parkea.
  • Urriak 22. Erdialdea. Burullerias plaza.

Ordutgia: 17:30etatik 20:30etara.

Izen-ematea beharrezkoa da. Baduzu inskripzioa egiteko egoitza  elektronikoan zein udalaren web orrialdean. Sare Sozialetako profiletan ere informazioa eskuragarri.

@gauekoak.gasteiz.

 @vggaztea

Informazio eta jarduera gehiago : Gauekoak.

Lantokiko prestakuntza egiten ari bazara, ikusi Enpresako egonaldi-beketarako deialdia

Ikaslan Arabak jakinarazi digu lantokiko prestakuntza egiten ari diren ikasleentzako enpresako egonaldi-beken deialdia ireki dela.

Deialdia Eusko Jaurlaritzak egiten du eta eskaera egiteko epea urriaren 16ra arte dago zabalik.

Onuradunak aurtengo irailetik abendura bitartean lantokian prestakuntza-modulua egiten ari direnak dira. Praktikaldia amaitu ondoren, enpresan 1 eta 3 hilabete bitartean jarraitzea da helburua. Horretarako, logikoa denez, enpresa ados egon behar da eta hitzarmen bat ezarri behar da enpresaren eta ikastetxearen artean.

Informazio gehiago

Gauekoak: teknika grafiken ikastaroa

@marta_printmaking Gaukeoak-en proiektu poltsara ekimen hau aurkeztu zuen 2020an. Orain, eskuzko estanpazio-teknikei buruzko ikastaro praktikoa aurrera eramango du udazkeneko egitarauan.

Teknika tradizionalak berreskuratuko ditugu eta gaur egungo prozesuetara egokituko ditugu, kostu txikiaren ikuspegitik, eskuragarria eta etxean aplikatzeko modukoa, non tresna nagusiak zure eskuak, ikasteko gogoa eta material eta tresna eskuragarriak izango diren.

Hiru teknika landuko dira: serigrafia, xilografia eta litografia, bakoitza saio desberdinetan.

Irailaren 25ean, larunbata, Xilografiaren historia eta erabilerak eta teknika basikoak ditugu. Gure matriz xilografiko propioa garatuko dugu, eta haren froga-estanpazioa egingo dugu ere, grabatu teknika ezagunenetarikoa esploratuz eta bere sorkuntza aukerak ezagutuz

Kalkografia-ren historia, erabilpenak eta gaur egungo aukerak ezagutuko ditugu urriaren 23an. Material berriak, tinta ekologikoak, birziklapen-materialak… Kalkografiaren teknika basikoa garatu (punta lehorra) eta gure matriz propioa egingo dugu, gero estanpazioaren prozedura esperimentatzeko.

Serigrafiaren txanda, azaroaren 13an da. Tailer honetan serigrafia-ren historia eta erabilera orokorrak birpasatuko ditugu, eta gure pantailaren estanpazioa garatu. Pantaila bat insolatzeko prozedura jarraituko dugu, pausuz pausu prozesua ezagutzeko, eta guk hautatutako irudia bai ohialean bai paperean estanpatzeko aukera izango dugu, efektu desberdinekin esperimentatuz (flokadoa, tinta bereziak, e.a.)

Ikastaro hauen  saioak Iparralde gizarte-etxean egingo dira 10:00etatik 14:00etara.

Izen-ematea beharrezkoa da. Kontsultatu epeak eta informazioa udalaren Gauekoak-en web eremuan edo sare sozialetako profiletan.

@gauekoak.gasteiz.

 @vggaztea

Etikasi 2021 programarako deialdia

Zer da Ekitasi?

Etikasi Programa, Euskadiko Gazteriaren Kontseiluak (EGK) Berdintasuna, Justizia eta Gizarte Politikak sailarekin batera sustatutako jarduera plana da, zeinetan giza eskubideen eta duintasunaren bizipen hezitzailea bultzatzen den bakoitzak ulertu eta bizitu ondoren.

Zer helburu dauka?

Programaren helburua etikari (etika ikasi) eta giza eskubideei buruz ikastea da, Euskadin indarkeriagatik markatutako herri eta leku ezberdinetara bisita hezitzaileak eginez.

Bi bidaia aukera egongo dira:

Lehen taldea: hiru eguneko asteburu bidaia Pasaia eta Errenteriara, azaroaren 12, 13, 14 asteburuan,
Bigarren taldea: egun bakarreko txangoa Lemoizera, azaroaren 20an.

Nori zuzenduta dago?

18 eta 30 urte bitarteko EAEko Lanbide Heziketako Erdi eta Goi Mailako Zikloetako eta Unibertsitateko karrerako ikasleek izango dute parte hartzeko aukera.

Izen emateko epea

Urriaren 1 arte izango dute izen emateko epea.

 

Informazio gehiago EGKren webgunean 

 

Anima zaitezte parte hartzera!

Gazte Informatzaileen Sarea. 2021-22ko edizioa

Martxan dago Gazte Informatzaileen Sarearen edizio berria.

Programa honen bidez, Gasteizen ikasten ari diren 15-25 urteko gazteak, ikasturte batez, gazteentzako interesgarria den informazioa biltzeko eta zabaltzeko prozesuaren protagonista bihurtzen dira: prestakuntza, bekak, lehiaketak, aisialdia…

Ikasleak, DBH 4. mailan, batxilergoan edo Lanbide Heziketan egon behar dira. Parte hartzea ikastetxeen bidez egiten da.

Informatzaile gazteek ekarpen ekonomikoa jasotzen dute egiten duten lanagatik.

Parte hartzeko epea zabalik: irailaren 24ra arte.

 

Gauekoak-en udazkeneko aurkezpen kontzertuak: Lukiek eta Habi

Gauekoak-ek hasiera emango dio ostiral honetan, irailak 17,  udazkeneko denboraldi berriari Falerina lorategian arratsaldeko 20 etan. Bi kontzertuak dira Lukiek eta Habi musika taldeekin.

Lukiek: 2015ean Josu Ximun (ahotsa eta gitarra), Antton Goikoetxea (baxua) eta Christian Rodriguezek (bateria) sortu zuten Lukiek (Mungia).Euskaraz abestutako rock alternatiboaren ikurrean bilakatu dira Zea Mays, Vulk, Yellow Big Machine edo Cecilia Payne bezalako taldeekin jo ostean. Baina batez ere bere zuzeneko indartsuei esker.

Habi Villabonako bi gaztek, Jon Ander Artola eta Yerai Gascon, osaturiko power duo bat da. 2018 elkartu ziren, eta sei hilabeteko lan prozesuaren ondoren, 2019an Loratu izeneko lehen diskoa argitaratu zuten; autoekoiztua eta Elkar estudioetan grabatua, Víctor Sánchez soinu ingeniariarekin.Orain disko berria grabatu berri dute, eta aurrerapen moduan, kontzertu honetan kanta berri batzuk joko dituzte.

Sarrerak eskuratzea beharrezkoa da musika talde hauetaz disfrutatu nahi izanez gero hurrengo estekan: Lukiek + Habi.

Informazio eta Gauekoak-en jarduera gehiago, udalaren web orrian eta Gazteria Zerbitzuko sare soz¡aleko profiletan.

@gauekoak.gasteiz.

 @vggaztea

Irailaren 14an 8:30ean Hizkuntza Klubean izena emateko epea zabalduko da!

Hizkuntza Kluba

Beste gazte batzuekin ikasten ari zaren hizkuntzak praktikatu nahi al dituzu?
Irailaren 14an (asteartea) 08:30etik aurrera Hizkuntza Klubean izena eman ahalko duzu!!
Euskara, gaztelania, frantsesa eta ingelesa praktikatu ahal dituzu.
Eta EHUko Letren Fakultatean ikasten baduzu, praktikak egiteko aukera duzu!