VGaztea

MAGIC ESKUALDEKO TXAPELKETA

Joan den azaroaren 28an, Magic Eskualdeko Txapelketa egin zen Loreto Arriola 25ean, Mirari elkarteak bere jarduerak egiten dituen tokian.

26 pertsonak hartu zuten parte, eta horietatik zazpi neskak ziren. Batez besteko adina 24-25 urtekoa izan da, eta meteorologia gorabehera, Arrasate, Bilbo, Donostia eta Logroñotik parte hartu dute, gure hiriko pertsonez gain.

Gasteizko Mirari Elkarteko Ander Chouza irabazlearentzako saria abenduaren 18an Madrilen egingo den Magic Txapelketa Nazionalerako sailkapena da.

Zorte on Ander! !

Bide batez, jakinarazten dizuegu Magic interesatzen zaizun edozein pertsona Loreto Arriola 25eko lokalera hurbil daitekeela.

Hezitzaileen trebakuntza ai laket!! Drogak, gozamenak eta arriskuak.

Eguna: Azaroak 6, larunbata.
Ordutegia: 10:00etatik 14:00era eta 16:00etatik 20:00etara

Tokia: Ai Laket!!eko egoitzan, Herreria kalea 43 tris, Gasteiz.

Hizkuntza: Euskaraz edo gaztelaniaz (Bi taldetan edo bakar batean egiteko aukera, izen-emateen arabera).

Plazak: gutxienez 10 eta gehienez 30 (Bi talde egiten badira, gutxienez 5 eta gehienez 15)

Gure proiekturen batean praktika boluntario bat egiteko aukera egongo da

Lantegiaren inguruan informazio gehiago nahi duten edo parte hartu nahi dutenek mezu bat idatzi dezakete  aitzol@ailaket.com (tlf.: 607523424) emailaren bidez edota Ai Laket!!-en egoitzatik pasata.

 

“Adinik gabeko bizikletan” programak laguntzaileak bilatzen ditu

Bizikletan ibiltzen dakiten pertsonak bilatzen dira, adineko pertsonei trizikloan ibiltzen laguntzeko.

Programa honetan laguntzaile gisa parte hartzera animatzen bazara, online eman dezakezu izena.

Informazio gehiago nahi izanez gero, 945161440 telefono zenbakira deitu edo helbide elektroniko honetara idatzi: mayores.info@vitoria-gasteiz.org

Gazteen Nazioarteko Eguna

Nazioarteko Eguna, 1999tik

1999an, Nazio Batuen Batzar Nagusiak abuztuaren 12a Gazteriaren Nazioarteko Eguna izendatu zuen, Gazteriaren Ministroen Mundu Konferentziaren gomendioei jarraituz.

Urteko ospakizun bat da, gazteek aldaketa-prozesuetan funtsezko bazkide gisa duten eginkizuna sustatzea eta aurre egin beharreko erronka eta arazoei buruzko kontzientzia sortzeko espazio bat sortzea helburu duena.

Hau dela eta, Gazteria Zerbitzuak “Gazteen ekarpena COVIDaren aurrean” bideoa aurkeztu du, Lankidetza Zerbitzuarekin eta Arabako SEADen lagunen elkartearekin batera.

Ezagutzen dituzu gure esperientziak?

Bideoan, gazteek COVID-19ren aurrean egindako prebentzioaren eta sentsibilizazioaren arloko hainbat ekimen erakusten dira, bai hemen, bai munduko hainbat herrialdetan (Kolonbia eta Sahara, besteak beste). Vanesa, Mohamed, Maria Camila eta Antoniok gazte boluntario gisa hainbat erakundetan egindako ekarpena erakusten digute, eta lan desinteresatu horren balioa mahai gainean jartzen dute, ziurgabetasun une hauetan.

http://youtu.be/66w4VOoSKEs

Helburuak

Ikus-entzunezkoa Erronka: gazteak Gazte Planaren barruan kokatzen da, eremu lokal-globalean, eta hiru helburu ditu:

Gasteizko eta hegoaldeko herrialdeetako gazteen artean truke-estrategia berritzailea sortzea (boluntariotza, kultura), haien errealitateak eraldatzeko ekintzak egin ahal izateko.
Kultura-kudeaketan munduko beste leku batzuetako gazteekin ezagutzak transferitzea ahalbidetuko duten ekintzak babestea.
Gazteen artean Garapen Jasangarriko Helburuak (GJH) ezagutzen lan egitea, helburuok betetzean ekarpenak egitea ahalbidetuko duten jarrera-aldaketak sustatzeko.

Zorionak pandemia une honetan zuen kolaborazioengatik!

 

BIZAN sarean ‘Biziz, adinik ez’ programan laguntzeko pertsonak bilatzen dira

BIZANen “Biziz, adinik ez” Europako proiektuarekin bat egiten dugu, adinekoekin atseginagoa den hiria sortzeko.

Adineko pertsona batzuek zailtasunak dituzte hirian mugitzeko.

“Biziz, adinik ez”, adineko pertsonei trizikloan abiadura atseginean eta hainbat ibilbidetan zehar paseatzeko aukera ematen die, hiria erakusteko pedalei ematen dieten languntzalei esker.

Udal etxeetan bizi diren adinekoekin denbora partekatu nahi duten adin guztietako pertsonen bila ibiliko gara ekainean, uztailaren 2an bukatuko da epea.

Lan horretarako prestatzeko, 2 prestakuntza-saio egingo dira eta hasierako talde bat sortuko da pedalei eragiten hasteko.

Interesatzen bazaizu, jarri gurekin harremanetan San Martingo BIZANen (Vera Fajardo margolariaren kalea, 5), 945 161440 telefonoan edo helbide honetan: mayores.info@vitoria-gasteiz.org. Behar duzun informazio guztia emango dizugu.

Web formularioan ere eman dezakezu izena zuzenean; ondoren, deituko dizugu eta programaren berri emango dizugu.

Auzolandegiak programaren 2021eko kartela diseinatzeko lehiaketa

Lehiaketaren oinarriak

Zu izan zaitezke Auzolandegiak 2021 programaren kartelaren egilea eta sari bikain bat irabazi!

Auzolandegiak programarekin bat datorren kartel bat egiteko ideiaren bat baduzu, parte hartu. Kartelaren konposizioa piktorikoa, fotografikoa, digitala eta abar izan daiteke.

Kartela aukeratzeko orduan epaimahaikideek kontutan hartuko dute lanen originaltasuna eta programarekin duen lotura.

Lanak aurkezteko epea

2021eko urtarrilaren 18tik otsailaren 14ra, bi egunak barne.

Informazio gehiago.

Odola ematea: inoiz pentsatu al duzu?

Odola ematea bizitza ematea da

Odola emateari buruzko informazioa

Odola ematea oso erraza eta segurua da, ez du min ematen eta profesional espezializatuek egiten dute. Emaileari ez dakarkio inolako arriskurik; lurralde guztiko gaixoei, berriz, sendabidean aurrera egitea dakarkie.

Aldi oro behar izaten da odola eta, hortaz, aldi oro eman beharko da odola. Egunero, Euskadiko ospitaleek eta klinikek odola edo odolaren osagaiak behar izaten dituzte gaixoak zaintzeko, ebakuntza gehienek eta tratamendu mediko askok transfusioak behar izaten baitituzte.

Zergatik eman?

Medikuntzaren eta teknologiaren aurrerapenak gorabehera, oraingoz odola ez da fabrikatzen eta, hortaz, pertsonen odol-emate altruistak dira odola lortzeko iturri bakarra. Gainera, odolak eta odolaren osagaiek bizialdi mugatua dute.

Odol-ematea ez da ezbeharrekin edo larrialdiekin lotuta egon behar halabeharrez; eguneroko eta ohiko ekintza izan behar da gure bizitzetan. Odola aldizka ematen badugu bakarrik izango dugu odol nahikoa eta segurua stocken.

Odola eman ahal dut?
  • Odola eman ahal izateko 18 urtetik gorakoa eta 66 urtetik beherakoa izan behar da, eta 50 Kg.-ko pisua, gutxienez.
  • Ez daukazu baraurik etorri beharrik. Bakarrik, ez eman odolik bazkari handia hartu eta 2 ordu baino lehen.
  • Azken lau hilabeteetan ebakuntza garrantzitsurik ez egin izana eta antibiotikorik hartzen ez aritzea.
Non eman

Olagibel Osasun Zentroa, 4. solairua

  • Astelehenetik – ostiralera: 8:30 – 21:00
  • Larunbatean: 9:00 – 14:30
  • Telefono: 945 007900

 

Informazio gehiago: Arabako Odol Emaileak

Transfusio eta Giza Ehunen Euskal Zentroa