VGaztea

Gazte Talent Finalistak

 

Gazte Talent bakarlari eta musika talde gazteen lehiaketa da, Jimmy Jazz elkarteak antolatzen duena Gasteizko udaleko Gazteria zerbitzua, Arabako Foru Aldundiaren, Laboral Kutxaren eta Araba Euskarazen laguntzarekin.

Finalak abenduaren 6 eta 7an Jimmy Jazz aretoan ospatuko dira. Doako sarrera.

Lunes 6 Astelehena – 19h: Premio Laboral Kutxa  Gazte Talent Saria
– Intxixu
– Lehia
– Tilda

Martes 7 asteartea – 19h: Premio Gazte Talent Saria
– Deserrite
– Emannuele
– Lola

Zorionak finalista guztiei!!

Info gehio: https://jimmyjazzgasteiz.com/eu/2021eko-gazte-talent/ edo 675708525 (Erlantz) // 634 65 09 96 (Darko)

 Kantu eta Hiri-dantzaren Xtrajaia erakustaldia, 12-18 urte bitarteko gazteek emanda

 

Igandean, azaroak 21, Aldabe gizarte etxeko antzokian, Xtraclubeko Kantu eta Hiri-dantzaren lantegietan parte hartu duten gazteek erakustaldi bat eman zuten, eta hiru hilabetetan praktikatutako kantu eta dantzak eskaini zituzten, baita eszenatoki batera beldur barik igotzeko beharrezkoak diren kantu- eta dantza- teknikak eta ahalmenak ere.

COVID dela eta , azkenengo 3 edizioetan ohiko xtrajaiaren erakustaldia jende aurrean egitea ezinezkoa izan zen; baina hamazazpigarren edizio honetan posiblea izan da eta jendeak antzokia bere presentzia eta txaloekin bete zuen.

Une hunkigarrienetako bat izan zen  Alaznek (premia bereziak dituen neskatoa), “Vida de Rico” abestia interpretatu zuenean, Kantu eta Hiri Dantza tailerreko kide guztiek lagunduta, eta berak  asmatutako koreografia dantzatuz.

Abestiek, koreografiek eta dibertsitate funtzionalaren aldeko  errespetuak gazteen emanaldiari ikusgarritasuna eman zioten, eta gazteen musikarekiko eta dantzarekiko pasioa nabarmendu zuten. Ilusioz eta profesionaltasunez bideratutako esperientzi honek eraman gintuen ongi pasatzera eta erakustaldiaz gozatzera.

Zorionak gazteei eta zorionak lantegi hauek bideratzen dituzten irakasleei! Puri Santamaría eta David Silva.

“Moonkey Pills Akroyoga Kartak” izeneko proiektua handitzen doa

Aurreko urtean HAZIAK Ideia Gazteen Lehiaketan parte hartzeari esker Moonkey Pills Akroyoga Kartak proiektua martxan jarri egin zuten Gasteizeko Irati, Sheila eta Maialenek. Karta sorta ilustratu baten bidez akroyoga praktika Euskal Herrian zehar zabaltzea zen proiektuaren oinarria, ilustrazio inklusiboak erabiliz, edonolako jendea kartekin idenfikatua sentitu zedin. Momentuan kartak euskera eta gaztelaniaz sortu zituzten, baina orain, urte bete beranduago, hiru gasteiztarrek proiektua handitu nahi izan dute.

Euskera/gaztelania bertsioak eukitako harrera ona, baita beste herrialdeetatik hazitako interesa ikusita, karta sorta ingelerara itzultzea erabaki dute. Horretarako crowdfunding kanpaina bat sortu dute, bigarren bertsio hau aurrera eramateko behar duten azken bultzadatxoan laguntza eskatuz. Gainera, crowdfundingean parte hartzen dutenei eskerrak emateko, Moonkey Pills ilustrazioak dauzkaten hainbat produktu berri sortu dituzte: botila, telazko poltsa eta katilu berri bat adibidez.

Proiektuaren bigarren zatia aurrera eramaten lagundu nahi baldin baduzue, zuen aportazioa hurrengo link honetan egin dezakezue: https://vkm.is/moonkeypills

“No habrá otra ocasión, El Musical joven”

“No habrá otra ocasión, El Musical” izeneko proiektua Gazteria Zerbitzuak antolatutako 2021eko Haziak-Ideia gazteen lehiaketan saritutako proposamen bat da.

Antzezlanaren estreinaldia 2022ko udazkenerako aurreikusita dagoen arren, 9 neska eta 10 mutilez osatutako talde hau jada, asteazkenero entseatzen ari da Marianistas ikastetxeko areto nagusian.

“No habrá otra ocasión, El Musical” izeneko antzezlana” RENT musikalaren egokitzapena da, eta bertan rock generoa protagonista izango da.  Musika-antzezlan honek bohemiar gazte talde baten istorioa kontatzen du; Artearen bidez adierazteko grina pizten duten gazteak, bizitza maitasunean neurtzen dutenak, pobreziaren eta HIESaren epidemiaren aurka borrokatzen dutenak. Musikal honek aniztasunaren eta LGTB+ kolektiboaren ordezkaritza osoaren alde egiten du.

Une honetan, alderdi musikala (kantuak) bukatzear dute, eta pixkanaka interpretazioan eta koreografietan sartuko dira.

Jantziak ere lantzen ari dira (lan honetarako asko behar da), eszenografia-planarekin, baina oraindik ez dira muntaketarekin hasi.

Antzezlana 2022ko azaroan antzeztuko da, antzokiko adituekin hitz egin ondoren data horiek gomendatu baitizkiete.

 

Haziak- Lurra hartu

La Cabaña Pottery & Plants plataformatik egin zuen Maitane Sáezek  proposamen hau,  Gazteria Zerbitzuak antolatutako 2021eko Haziak-Gazteen Ideiak lehiaketan saritua.
“Hartu lurra” proiektuak erlaxatzeko eta naturarekin berriro konektatzeko bideratu zituen tailerrak amaitu dira, parte hartu duten erabiltzaileen gogobetetze handiarekin.
18 eta 30 urte bitarteko hamar neskek eta 2 mutilek parte hartu dute pantaila digitaletatik deskonektatzera eta egoera fisikoa, mentala eta emozionala hobetzera animatu nahi zuten tailer horietan. Hori guztia Naturarekin errespetuzko harremana bultzatuz, alde aurretik jakinda horrek norberaren ongizatea ekarriko zuela.
Tailer horiek yoga, zeramika eta landareen diziplinak batu zituzten, eta jardunaldi bakoitzean hainbat profesionalek parte hartu zuten, gorputzaren zaintzari, buztingintzari eta landareen laborantzari buruzko ikuspegi aditua emateko.
Proiektu horrek erantzun ona izan du gazteen aldetik. Izan ere, 30 gazte itxaron-zerrendan geratu dira.

Xtraclub programa pilpilean

12 eta 18 urte bitarteko gazteei zuzendutako aisialdiko Xtraclub programa (udazkena-negua) emaitza oso onekin funtzionatzen jarraitzen du. Aisialdiko, kulturako, abenturako eta kiroleko 35 jardueretatik 6 tailer, 3 ikastaro (Argazkigintza, Parkour eta Patinaje artistikoa) eta 8 abentura-jarduera egin dira jada. Baina oraindik egiteko eta gozatzeko zain ditugu zortzi tailer, asteburu honetan hasiko den Komiki ikastaroa, eta 7 hiri- eta abentura- jarduera.

Oraingo honetan, balioan jarri nahi dugu Arabatarren parkour elkarteak eta Ilusion InLine klubak eskainitako “Parkour-Progresioa” eta “Patinaje artistikoa on line” izeneko ikastaroak, hurrenez hurren. Bi ikastaro horiek izan dira Xtraclub programak Udazken-Neguko programazioan eskaini dituen berrikuntzetako bat.
Parkourrari dagokionez, beste urrats bat eman da, hastapen-saioak (Lakuako Parkour parkea) eta progresio-saioak (Arana aldea) tartekatu dira. Parte-hartzaileek (mutilek) oso positiboki baloratu dute, eta eskatu dute datorren ikasturteko programazioari begira egun gehiago eskaintzeko irizpide horrekin, diziplina horretan sakondu ahal izateko.
Bestalde, Ilusion Inline Klubeko kide diren Idoia Ramirez de la Peciña eta Ayla Sota Jiménez gazteak ditugu, Lineako patinaje artistikoko ikastaroa egiteaz arduratu direnak. Horrelako ikastaro bat egin den lehen aldia da, eta erabiltzaileen gogobetetze-maila oso altua izan da.

Amaitzeko, azaroaren 21ean, Aldabeko gizarte etxeko antzokian, Kantu eta Hiri Dantza ikastaroetan hiruhileko osoan landutako abesti eta koreografiak ikusgai egongo dira Xtrajaia Jaialdian. 

Xtraclubek aisialdi ludiko, hezitzaile eta osasungarria eskaintzen jarraitzen du, sozializaziorako eta gazteak elkartzeko espazioak ahalbidetuz.

Artean sarea. Baldintza bakarra artean egotea da.

Artean kolektiboak sortutako “Artean sarea” plataformatik jaurtitzen du proposamen hau, Gasteizko Udaleko Gazteria Zerbitzuaren “Haziak-Ideia gazteak” lehiaketan saria jaso duenetariko bat.

Nortzuk dira

Artean hitzak, euskaraz, ‘artean’ eta ‘bitartean’ esan nahi du, eta Artean Kolektiboak “gauzen arteko” kontzeptu-esparruan nabigatzen duen zerbait izan nahi du. Marjinalaren eta berritasunaren artean dagoen zerbaiten energia gara, arte-ekoizlea izatearen eta berez espazio artistikoa izatearen artekoa, sormen-ahalmenaren eta behaketaren artekoa,  artearen historiaren eta komunitate artistikoaren artekoa.

Bilaketan dabilen proiektu bat.

Baina… Artean sarea, zer da?

Plataforma bat sortu nahi dute sortzaile berrientzat, kultura-erakundeentzat, sortzen ari diren arte-espazioentzat, galeria txikientzat, kulturaren sektoreko leku autogestionatuentzat eta sistema artistikoarekin harremanetan dauden eragile guztientzat, lotuta dagoen prekarietatetik erreskatatzeko asmoz, lotzen gaituen arteko tarte hori aprobetxatuz.

Aurten Gasteizen daude bide horretan aurrera egiten jarraitzeko, Araban sare eta komunitate artistikoa eraikitzen laguntzeko. Kultur eragileek bat egitea eta antolatzea nahi dute. Dena dokumentatu nahi dute eta sare horren  bitartez bizi dadila.

Artista bila. Arrazoia: bere balioa azpimarratu.

Informazio gehiago nahi izanez gero sartu @arteankolektiboa-n. Ezagutu nahi zaituzte! Zure lana ikusi nahi dute!

 

Utopia.Gazte klik klaren edizio berriaren hasiera, gazteentzako argazkigitza eta bideo sorkuntzaren lehiaketa

Gazte Klik Klak-aren 2021eko edizioa 13. da. Gazteen sormen-gune batean bihurtzea lortu du Gazte Klik klak-ek, eta hirian sortzen ari den artista talde baten lana bultzatzen lagundu du. Aurreko edizioetatik gaur egun argazkigintzaren eta bideo-sorkuntzaren munduan ospe oneko gazteak igaro dira: Jon Gorospe, Sara Berasaluce, Leire Baztarrica edo Jennifer Custodio besteak beste.

Edizio honetako gaia UTOPIA da. Hirian, ekologian, giza harremanetan, teknologian…

Deialdi berri honetan, gazteek, argazkigintzaren eta ikus-entzunezkoen bidez, beren ingurune hurbilean utopiari buruz duten ikuspegia ikustaraztea nahi dugu. Utopia gobernu sistema ideal bat da, non gizarte perfektu eta justu bat sortzen den, non dena gatazkarik gabe eta harmonian gertatzen den. Oro har, komunitatearentzako plan ideal, erakargarri, onuragarri hori, zaila da betetzen edo formulatzeko unean ezin da gauzatu.

Baldintzak

  • Parte hartzaileak: Gasteizen bizi diren edo ikasten duten 14 urtetik 25era bitarteko gazteak.
  • Jasotzeko epea: 2021eko urriaren 22tik azaroaren 21a bitartean, biak barne.
  • Epaia: abenduko lehengo hamabostaldian zehar argitaratuko da epaia, Udalaren webgunean, nahiz Gazteen Argibideetarako Udal Bulegoan.

Sariak

    • 300 euroko lau bono trukagarriak, argazki, bideo edo kultura materiala erosteko.
    • Lau sarituek Tetrapack talde erakusketa batean parte hartuko dute, gure hiriko argazkilaritzan eta arteanadituak diren hainbat artistaren tutoretzapean.
    • Erakusketa 2022ko bigarren lauhilekoan izango da. Katalogo bat argitaratuko da, parte-hartzaileen lana eta ibilbidea jasoko dituena .

Oinarriak

Ikusi informazio osoa obren ezaugarriei eta euskarriei buruz, lanak nola entregatu, erakusketa,epaimahaiaren erabakia etab. Gazte Klik Klak lehiaketaren oinarriak Imagen archivo pdf

Kontaktua

Lehiaketa edo oinarri hauei buruzko edozein galdera argitzeko honako posta elektronikora jo dezakezue gaian Gazte Klik-klak 2021 adieraziz: gazteklikklak@gmail.com

“Lurra Ukitu, erlaxatzeko eta naturarekin berriro konektatzeko tailerrak”

Maitane Saez gazteak, berak sortutako “La Cabaña Pottery & Plants” plataformatik jaurtitzen du proposamen hau, Gasteizko Udaleko Gazteria Zerbitzuaren “Haziak-Ideia gazteak” lehiaketan saria jaso duenetariko bat.

Pantailetatik deskonektatzeko, egoera fisikoa hobetzeko eta eskuzko lanaren bidez sormena bideratzeko beharretik sortutako proiektua da “Lurra Ukitu, erlaxatzeko eta naturarekin berriro konektatzeko tailerrak”; Covid birusak eragindako hondamenak eta pantaila digitalen mendekotasuna leuntzeko ahalegin bat.

Bere helburu nagusia da gorputza aktibatu, burua askatu eta sormena antzeko gustu eta kezkak dituzten pertsonen inguruan jariatzeko alternatibak eskaintzea,  eguneroko bizitzan gorputzaren, adimenaren eta gizartearen ongizateari dagokionez hobekuntzak esperimentatzeko.

Gazte-proiektu honek bikain egokitzen diren hiru diziplina batzen ditu: ariketa (pilates & yoga),), zeramika eta landareak. Jardunaldi bakoitzean hainbat profesionalek parte hartuko dute, gorputza zaintzeari, buztingintzari eta landareen laborantzari buruzko ikuspegi aditua emateko.

Tailerrak urriaren 16an hasiko dira eta plaza guztiak beteta daude. (+) Info: “Lurra Ukitu”, erlaxatzeko eta naturarekin berriro konektatzeko lantegiak.

Lantegi honek gazteen artean piztu duen interesa baloratuz, Lurra Hartzeko II. Jardunaldia egitea aurreikusi da. Interesaturik baldin bazaude , Instagram-en mezu pribatu baten bidez (La Cabaña Pottery & Plants) edo www.lacabanapotteryandplants.es web orriaren bidez izena eman dezakezu.

“Matxismoa, gizaldi berriaren esklabotza”. 2020ko Hiretu Hiriaren edizioan saritutako proiektua

« Nola izango dira feminaziak, emakumeak hiltzen badira, ez hiltzen dutenak? », « Ez dugu beste bat nahi », « Matxismoa mende berriko esklabotza da »,  « “Gakoa irakaskuntza eta hezkuntza dira ».

Biribilak dira, besteak beste, Koldo Mitxelenako DBHko 4. kurtsoko gazteek sortutako abesti honetan jasotako esaldietako batzuk. Kantuaren konpositoreek ( 3 ikasle gazte), bere lankideen aportazioez eta parte hartzeaz bideoklip hau osatzen lortu zuten. Koldo Mitxelenako gela horrek Hiretu Hiria- Haz tuya la ciudad programaren barruan honako gai hau lantzea erabaki zuen: « Ingurune matxistak ».

Horretarako, etxe barruan zein kanpoan bizi diren ingurune matxistak identifikatu zituzten, haiek ingurune horietan beren gain hartutako rolei buruzko gogoeta egin zuten, aztertu egin zituzten, eta emakumeek bizi dituzten desberdintasun- eta indarkeria-egoera horiek ikusaraztea erabaki zuten. Gasteizko herritarrak errealitate latz horretaz jabetu daitezen, eta desberdintasun-egoera horiek saihesteko tresnak proposatzeko, “Matxismoa, mende berriko esklabotza” abestia egin eta antzeztu zuten. 2021eko Hiretu hiria Galan, Hiretu – Hiria 2020 edizioan parte hartu zuten 19 taldeek (9 zentrok) gehien bozkatutako proiektua izan zen. Saria aisialdiko eta laneko asteburu bat izan zen, eta hortik sortu zen hemen aurkezten dugun bideo hau.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Bideo honekin emango diogu hasiera 2021eko Hiretu Hiriari. Bertan, 8 ikastetxetako 21 taldek hartuko dute parte.