VGaztea

Azaroaren 12an bakea eta bizikidetza lantaldearen bilera, EGK Gazteria Kontseiluak antolatuta.

 

Aniztasuna gizartea aberasten duen balore bezala ulertzen dugu Euskadiko Gazteriaren Kontseiluan (EGK) eta, horregatik, bake eta bizikidetza lan-arlotik hainbat ekimen antolatu ditugu. Besteak beste, ekainean Gasteizen egindako ‘Migratzaileei buruzko aurreiritziei planto!’ eta irailean Donostian izandako ‘Islamofobia: feminismoak, erronkak eta ikuspegiak’ jardunaldia. Hauek osatzeko eta aztertutakoa kontrastatzeko azaroaren 12an bakea eta bizikidetza lantaldearen bilera izango dugu Donostiako bulegoan (Andia kalea, 11) 17etan. Eman izena hemen!

Era berean, aukera baliatu nahi dugu 2019an jorratutakoaren ebaluazioa egin eta gazteon interesak zein diren identifikatzeko. Bakea eta bizikidetza lan-arlotik hurrengo urtean jorratu daitezkeen gaiak edo horietako batzuk jada buruan ditugu, orain arteko topaketa eta bileretan aipatu direlako. Ildo horiek gure beharrei erantzun diezaieten, tartea eskainiko diogu ere.

Lantalde bileran lantzekoak

Esan bezala, ekainean egindako #Planto! ekitaldiko ondorioak zurekin elkarbanatu nahi ditugu hauen lanketa egiteko eta egoera hauen aurrean bai gazteok zein gizarte zibilak edo administrazioek duten papera zein izan behar den aztertzeko, bakoitzaren esku dagoena kontuan izanda.

Horretaz gain, Migraziorako Euskal Itun Soziala eta MENA eta JENA gazteen egoera mahai gainean jarri nahi ditugu, araudiak laburki azalduz eta ostean Euskadin bizi den egoeran zentratuz. Eta nola ez, zuk proposatutako gaiak ere.

Non: EGKren Donostiako bulegoan (Andia kalea, 11).

Noiz: Azaroaren 12an, 17:00etan.

Izen-ematea https://forms.gle/QtNmnywDVA6rcS219

Ekitaldia interesekoa bazaizu, eman izena hemen! Eta edozein zalantza izanez gero idatz iezaguzu bakea@egk.eus helbide elektronikora edo deitu 943 42 97 67 / 688 737 097 (Leire) zenbakira.

Gogoratu! Euskadiko Gazteriaren Kontseiluko (EGK) lantaldeak 18-30 urte bitarteko gazteei zuzenduta daude. Gainera, EGK-k bertaratzeko erabiliko diren garraio publikoko gastuak ordaintzen ditu.

Zein dira bizikidetzarako erronkak? EGK-k Maiatzaren 8an aztertuko ditu bake eta bizikidetza lantaldean.

Euskadiko gizartea eraldatzen joan da eta, ondorioz, gero eta anitzagoa eta aberatsagoa da. Hala ulertzen dugu Euskadiko Gazteriaren Kontseiluan (EGK) behintzat eta horixe izan dugu buruan #GazteokBizikidetzan edo #EmakumeakBizikidetzan ekitaldiak antolatzean. Bide horretan hainbat erronka identifikatu ditugu eta hauei erantzun egokia eman behar zaiela uste dugu bizikidetzarako oztopo izan ez daitezen.

Denok batera bizi gara, baina zein da aniztasuna kudeatzeko bultzatzen den eredua? Egokiena al da? Bizikidetza erreala lortzea denon lana da. Eta horretarako erronkak identifikatzea da lehen pausua. Zeintzuk? Erronka berdinak al dira denontzat ala gazteok erronka bereziak dauzkagu alor honetan?

Info gehiago.

Ekitaldia interesekoa bazaizu, eman izena hemen! Eta edozein zalantza izanez gero idatz iezaguzu bakea@egk.eus helbide elektronikora edo deitu 943 42 97 67 / 688 737 097 (Leire) zenbakira.

Gogoratu! Euskadiko Gazteriaren Kontseiluko (EGK) lantaldeak 18-30 urte bitarteko gazteei zuzenduta daude. Gainera, EGK-k bertaratzeko erabiliko diren garraio publikoko gastuak ordaintzen ditu.

“Zurrumurruak, gezurrak eta sare sozialak” mintegia emango du maldita.es-ek maiatzaren 8an (asteazkena), zurrumurruen aurkako estrategiaren eskutik.

Gasteizko Udalak, Arabako Foru Aldundiarekin lankidetzan, mintegi hau antolatu du, Gasteizko eta Arabako Zurrumurruen aurkako Estrategiaren barruan, maiatzaren 8rako (asteazkena) 19:00etan, La Florida aretoan, Europa Jauregian.

Interneten bidez hedatzen den informazioak gero eta garrantzi handiagoa duen mundu honetan, funtsezkoa da herritarrek ulertzea nola funtzionatzen duen Interneten eta sare sozialen bidezko edukien hedapena, eta, batez ere, gaitasun kritikoa garatzea eta tresnak edukitzea albiste faltsuak identifikatzeko eta haiek benetako informaziotik bereizteko.

Mintegiak parte-hartzaileei bidea emango die kontzientzia hartzeko nolako garrantzia duen desinformazioak eta ezagutzeko zer metodologia erabiltzen den MALDITA.ES-en hari aurre egiteko eta edukiak egiaztatzeko, horrela, beren eguneroko bizitzan aplikatu ahal izan dezaten, informazioaren kontsumitzaileak diren aldetik. Geihago…