VGaztea

Hizki Laburrak, gazteentzako euskarazko kontakizun laburren lehiaketaren II edizioa: testu saridunak

‘Oihartzun’ hitza abiapuntu izanik eta gehienez 1000 hitz erabiliz istorio bat kontatzea izan du xede Hizki Laburren Lehiaketaren bigarren edizio honek.

Azaroaren 15era arte luzatu da lanak bidaltzeko epea eta guztira 16 lan jaso dira.

Aurreko edizioan bezala, honetan ere nabarmentzekoa izan da jasotako lanen kalitate aparta. Bestetik, aipatzekoa ere jasotako lanetan jorratu diren gai anitzak eta interesgarriak: umorea, egungo arazoak, mitologia, norbanakoen bizipenak…

Hiru lan izan dira sarituta suertatu direnak:

  • Lehenengo saria:  ‘Eman eta jaso’ – Oihana Arana
  • Bigarren saria: ‘Plazerra margotuz’ – Joyce Errasti
  • Hirugarren saria: Euskalduna’ – Ixone Santamaria.

Sari banaketa azaroaren 24an izango da Ortuño Aretoan, 19:00etan, eta ekitaldia borobiltzeko Jon Basagurenek kontzertua eskainiko du.

Gonbidapenak 

Zorionak parte-hartzaile guztientzat! Istorio guztiak irakurri udalaren web orrian.

 

Xtraclub programak 15 urte bete ditu

Dagoeneko 15 urte dira Gasteizko Udaleko Gazteria Zerbitzuak antolatutako Xtraclub programa kalitatez eta aisialdiko, kulturako, abenturako eta kiroleko jardueren kopuruz hazten joan dela, formatu desberdinekin: tailerrak, gaikako ikastaroak, abentura-irteerak, erakustaldiak eta bidaia kulturalak.

Gazteria Zerbitzuaren helburua da 12 eta 18 urte bitarteko gazteei aisialdiko eskaintza bat eskaintzea asteburuetan eta egunez, aisialdi positiboa bultzatzeko, gazteen nortasuna eraikitzen laguntzeko eta jokabide arriskutsuak prebenitzen laguntzeko. Aisialdi ludikoa, hezitzailea eta osasungarria eskaintzen da, sozializaziorako eta gazteak elkartzeko espazioak ahalbidetuz.

Xtraclub programa hazten joan da, eta jarduerak, gaiak eta ekintza-esparruak dibertsifikatzen joan da. Eta garrantzitsuena da publiko fidela duela, eta interes handiz itxaroten duela Udaberri – Udako eta Udazken – Neguko kanpainak noiz iritsiko. Ez da kasualitatea jardueren % 100 egitea, eskainitako plaza guztien % 92 betez.

Programa horri balioa emateko eta zabalago ezagutarazteko, Gazteria Zerbitzuak bideo pedagogiko bat egin du Gasteizko Lehen eta Bigarren Hezkuntzako ikastetxe guztiei bidaltzeko (AMPAk barne). Era berean, iraupen laburreko flash bat egitea aurreikusi da, programa hori sare sozialetan ezagutarazteko.

Hemen duzue Xtraclub programaren funtsa jasotzen duen bideo hau.

 

Ainhoa Ordoñez eta ‘Eskua’ dokumentala ( Gazte Sortzaileak)

Ainhoa Ordoñezek Euskara Zerbitzuko “ Gazte sortzaileak” programako beka bat irabazi zuen iaz. Orain Oihanederrera etortzen zaigu aukeztera bere emaitza, Eskua.

Azken denboraldi honetan Gasteiz artista komunitate txikia sortzen hasi da. Musikariak, iluztraziogileak, zinemagileak, argazkilariak etab.bere lana bultzatzeko alternatiba ezberdinak sortzen hasi dira.

Dokumental honek artista hauen erretratu bal bilatuko du, haien eguneroko errealitatearen erregistroaren eta haien lan artistikoaren batuketa dela medio. Beraz, disziplina artistiko desberdinak nahastuz, Gasteizko artista komunitate txiki honen identitate islatzen duen ikus-entzunezko pieza da.

  • Tokia: Ortuño aretoa (Oihaneder Euskararen Etxea)
  • Egunaurriak 15.
  • Ordua: 20:00.
  • Hizkuntza: euskara.
  • Sarrerakeskuragarri plazak bete arte.

Sarrerak eskuratu 

Telefonoz: deitu 010 telefonora, edo, Gasteiz kanpotik deitzen baduzu, 945 16 11 00 zenbakira.

 

Euskararen aldeko bideoklip batean parte hartzen animatuko zara?

“Euskara zabaltzen”, Gazteria Zerbitzuak antolatutako “2021eko Haziak-Ideia Gazteak” lehiaketan saritutako proiektua da.  Proiektua konfinamenduan zehar sortu zen, bi helbururekin: Artearen bidez euskarari balioa ematea eta Gasteizko artista gazteen lankidetza bilatzea.

Paloma Strachan konpositore eta instrumentista gaztea (txeloa, pianoa, ukelele, gitarra), beste bost artista gazterekin elkarlanean, “Euskara Zabaltzen” abestia ekoitzi zuen, gazteek gure hizkuntzarekiko, euskararekiko duten sentimendua jasotzeko asmoz. Horregatik, abestiaren letra 12-17 urte bitarteko neska-mutil talde baten ekarpena izan zen.

Iritsi da “euskara Zabaltzen” bideoklipa grabatzeko unea, eta, horregatik, Gasteizko artista gazteei dei egin diete beren ikuspegi artistikotik abestia grabatzen lagun dezaten: musika-tresnak, dantza, rap, zirkua, mimoa, korala, koreografiak, etab. Laburbilduz, Euskara eta Artearen bat-egiteak balio dezala pertsona desberdinak eta gure hiriko artista independenteak elkartzeko.

Jarduera: “Euskara Zabaltzen” abestiaren bideokliparen grabazioan parte hartu nahi duten Gasteizko pertsona eta artista independenteen ekarpenak jasotzeko gune irekia eskaintzea.

Eguna: igandean, irailak 12.

Ordutegia: 17:00-19:00.

Tokia: Lakua gizarte etxea (Gazte Factory).

Hizkuntza: euskera.

Adina: 12 urtetik gora

Izen emateak: 2021eko irailaren 11ra arte, izena eta harremanetarako telefonoa helbide elektroniko honetara bidaliz: paloma.strachan@gmail.com. Plaza mugatuak.

Euskara ikastaroak

Lanbidek eta HABEk sinatutako hitzarmenari esker antolatutako euskara ikastaroetan izena emateko epea zabalik dago.

Epea 2021/09/24ra arte egongo da zabalik.

A1, A2, B1, B2 eta C1 mailetako ikastaroak egingo dira.

LANBIDEn izena emandako pertsonentzat.

Informazio gehiagorako eta alta emateko, kontsultatu Lanbideren orria.

HAZIAK 2021. Ideiak Sarituak

Maiatzaren 3an amaitu zen HAZIAK ideia gazteen azken deialdiko ideiak bidaltzeko epea. Gazteria Zerbitzuak 18 proposamen jaso zituen guztira; horietatik 4 14-18 kategoriakoak ziren, eta gainerako 14ak 19 eta 30 urte bitarteko gazteak.

Udaleko Kultura, Berdintasun eta Gazteria zerbitzuetako teknikariek osatutako epaimahaiak edizio honetako ideiak lantzen dituzten gaiak eta askotariko esparruak baloratu ditu, eta bekak merezi dituzten ideiak zein izango diren erabaki du.

Saritutako ideiak

  • Tira. Udako abestia KAI-NAKAI-rekin: Abeslari gasteiztarrak kantu baikorra proposatzen digu konfinamenduaren ondoren euskarazko reggaeton estiloan.
  • Red Artean: artistak, sortzaileak, kolektiboak eta erakundeak konektatuko dituen online plataforma.
  • RENT, el musical: Antzerki musikala LGTB+ gaiarekin, gidoiaren egokitzapen propioarekin.
  • Pistas para artistas: abesti batek dakarren ikusentzunezko prozesuaren inguruko saio teoriko praktikoak.
  • Galdu Gordean: sormen prozesuen eta hiriaren inguruan sortutako elkarrizketak.
  • Jornada para el clima: Fridays for Future kolektiboarekin batera, klimaren urgentziari ekitea hainbat ekintzak.
  • Lo + trendy: sormenezko makillajea, argazkia eta edizioa sare sozialetarako
  • Anime y Manga: gai honen inguruko gazte komunitatea.
  • Wellcome Inside: antsietatearen eta depresioaren islada argazki eta bideoetan.
  • Euskara zabaltzen artearen bidez: gure hizkuntzaren garrantzia azpimarratzen duen abestia.
  • Re-conecta contigo: pantailak deskonektatzeko eta zeure burua aurkitzeko jarduerak.

Epaimahaiak bideragarritasuna, proiektuen arteko zeharkakotasuna, originaltasuna eta gazteen xede-publikoari ematen zaion protagonismoa nabarmendu ditu. Era berean, lehentasuna eman zaie 2020an gai berdinekin sarituak izan ez diren proiektuei, proiektu berriei gauzatzeko aukera emateko.

Zorionak!

Gauekoak-eko proiektu-poltsaren deialdia amaitu da.

Joan den maiatzaren 4an Gauekoak taldeak bere proiektu-poltsaren beste deialdi bat egin zuen. Bertan, aisialdi alternatiboko programaren udaberri/udako eta udazkeneko denboraldietan ideiak gauzatu nahi zituzten Gasteizko gazteak, kolektiboak eta elkarteak aurkez zitezkeen.

Proposamen horiek bidaltzeko epea ekainaren 4an amaitu zen, eta guztira 24 proiektu jaso dira, gai ugari eta askotarikoak jorratzen dituztenak.

Kultura, kirola, ingurumena, berrikuntza eta informazioaren teknologiak interesgune argiak dira hiriko gazteen aldetik. Genero-berdintasuna, elkartasuna edo kulturartekotasuna ere izan dira programaren oinarri aktibo eta aberasgarritik landu beharreko inspirazio eta beharrak.

Gogoan izan poltsa hori urtean zehar irekita egoten dela. Beraz, gogotsu geratu bazara, gure helburuekin bat datorren ideia bat bururatu bazaizu, anima zaitez! eta honako helbide honetara bidali: info.gauekoak@gmail.com.

Horren inguruan informazio gehiago nahi izanez gero Udalaren web orriko Gauekoak atalean sartu edo Sare sozialtean aukituko gaituzu.

@gauekoak.gasteiz

e-GA – Hizkuntza gutxituetako hiztun gazteen proiektu- lehiaketa eta topaketa birtuala

Zer da e-GA?

Alde batetik, hizkuntza-lankidetza sustatzeko proiektu-lehiaketa da; eta, bestetik, 2021eko ekainaren 11n streaming bidez egingo den topaketa birtuala.

Testuingurua

Munduan hizkuntza asko daude, baina guztiek ez dute biziraupena ziurtatuta. Politika instituzionalez gain, funtsezkoa da gizarte zibiletik sortutako aktibismoa ere sustatzea. Zentzu horretan, gazteria izango da hizkuntza biziberritzea bultzatuko duen gizarte taldea. Testuinguru globalizatu honetan, eta erronka horri erantzuteko, hizkuntza-komunitateetako gazteen arteko elkartasuna eta lankidetza funtsezkoak izango dira hizkuntzen etorkizunerako.

Zertan da proiektu-lehiaketa?
Hizkuntza-lankidetzari buruzko proiektu bat sortzea, edo bestela, beste hizkuntza komunitate bati buruzko proiektua.

35 urte arteko gazteek parte har dezakete; ahal bada, beste hizkuntza-komunitate bateko beste gazte batekin lankidetzan. Erakundea kontaktuak errazten saiatuko da, beharrezkoa izanez gero.

Lanaren formatua guztiz askea da: hizkuntza biografia (5 orrialde, gehienez), abestia, artelana (2 orrialdeko azalpena gehienez), elkarrizketa, ikus-entzunezkoa (5 minutu, gehienez).

Hizkuntza gutxitu batean idatzita, diseinatuta, kantatuta… egon behar du; eta horretaz gain, eGA-ko hizkuntza ofizialetako batean (euskara, ingelesa edo gaztelania). Bestalde, lan originalak izan beharko dira, beste inon argitaratu gabeak.

Batzorde batek baloratuko ditu proiektuak eta, horretarako, irizpide hauek erabiliko ditu:

Originaltasuna.
Kalitate teknikoa.
Hizkuntzen biziberritzera bideratuta.
Hizkuntza-lankidetza.
Genero-berdintasuna.

Nola bidali zure proiektua

Epea 2021eko maiatzaren 23ra arte dago irekita.

Sartu galdetegian, bete eta erantsi zure proiektua. Horretarako, Google kontu bat izan beharko duzu, edozein posta elektronikorekin.

Proiektua bidali

 

 

Gauekoak: proiektu poltsaren deialdi berria

Parte hartu nahi duzu Gauekoak-en  programazioan?

Proiektuen poltsaren deialdi berria zabalik. Aisialdiko programa alternatiboaren udaberri/udako eta udazkeneko denboraldietan ideiak gauzatu nahi dituzten gazte, talde edota elkarteen egitasmoak aurkezteko epea maiatzaren 4an hasi eta ekainaren 4an amaituko da, biak barne.

Anima zaitez eta bidali zure proposamenak!

Oinarriak eta dokumentazioa

Aurkeztu beharreko informazioa:

Errezitaldi poetiko gaztea: iluztrazioak eta musika zuzenean (Haziak programa)

Gasteizko euskal idazle gazte talde batek elkarrekin sortutako literatura-ekoizpenak ikusaraztea, hori da, hain zuzen ere, errezitaldi honen helburu nagusia.

Gazte horiek euskararen, aniztasunaren eta feminismoaren aldeko idazketa sortzailea lantzeko ikastaro batean parte hartu zuten, eta bertan testu poetikoen bilduma bat sortu zuten. Elkarrekin sortutako testuak liburuxka hau bilakatu dira: Idatziz Sortu! elkarlanean aritutako hainbat pertsonen sorkuntzen bilduma”.

Miren eta Itziar Uriarte Crespo buru dituen proiektu gazte hau (Gazte Hitzak kontakizun laburren lehiaketan sarituak) izan da Gazteria Zerbitzuak antolatutako “Haziak- idea gazteak” lehiaketaren proiektu irabazleetako bat.

Maiatzaren 7an, Goiuri jauregian, 18:00etan, Liburuxkaren aurkezpenerako ekitaldian, gazte sortzaileek euren esperientzia kontatuko dute eta bertaratzen direnen aurrean, beren konposizioen zatiak irakurriko dituzte. Errezitaldia bideratzeko, eta gazteen irakurketa laguntzeko ilustrazioak proiektatuko dira, eta zuzeneko musika entzungo da. Geihago…