VGaztea

Hitzaldia: ‘Bretxari klik egin’ David Guerrero Díez argazkilariaren eskutik (Gazte Klik Klak)

Argazkilaritza eta bideo digitaleko Gazte Klik Klak lehiaketaren irabazleen lanak Artgia aretoan ikusteko aukera izan ondoren, Tetrapack 2022ko txanda iritsi da.

Tetrapack ezinbesteko aukera bat da gazte sortzaileen formaziorako.Argazkigintzan, bideogintzan eta arte plastikoetan esperientzia handia duten profesionalek lagunduko baitute.

Formakuntza fase horren bigarren mintegia, David Guerrero Díez argazkilariren eskutik dator “Bretxari klik egin”, urtarrilaren 13an, osteguna. Bertan argazkilaritzari buruz dakiena eta duen ikuspegia azalduko digu.

David Guerrero (Gasteiz, 1972) geologoa da, eta argazki-ikasketak egin ditu Gasteizko Arte Eskolan eta Bilboko Blackkamera Argazki Eskola Dokumentalean. 2019an Bilboko BasqueDOK Argazki Dokumentalen Jaialdiko Argazki Garaikideko Beka irabazi zuen.

Bere argazkietan haurtzaroan eta nerabezaroan bizitako sentsazio eta sentimenduak aztertzen dituzten irudikapen enigmatikoak lantzen ditu. Bizitzaren egoerari buruzko irudietan adierazitako galderak dira, pertsona baten alderik intimoenarekin lotzen dugunari buruzkoak, non adierazten ez diren pentsamendu edo sentimenduak baitaude.

  • Hizlaria: David Guerrero Díez
  • Hizkuntza: gaztelania
  • Tokia: ZAS Kultur
  • Eguna: urtarrilak 13
  • Ordua: 19:30etan
  • Sarrera: doan. Plazak bete arte

Hurrengo mintegia

Urtarrilak 20. Ixone Sádaba.

Lanbidek profil profesional berriak eskatu ditu Gasteizko Udalean enplegu-planen bidez lan egiteko

Lanbidek lanbide-profil ugari eskatu ditu Gasteizko Udalean lan egiteko, 2021eko enplegua sustatzeko tokiko ekintzen bidez.

Duela egun batzuk, profil horietako batzuk argitaratu genituen, baina zerrenda eguneratu dugu gure lan-eskaintza publikoaren webgunean. Kontsultatu zerrenda eta eman izena Lanbideren webgunean.

Lantokiko prestakuntza egiten ari bazara, ikusi Enpresako egonaldi-beketarako deialdia

Ikaslan Arabak jakinarazi digu lantokiko prestakuntza egiten ari diren ikasleentzako enpresako egonaldi-beken deialdia ireki dela.

Deialdia Eusko Jaurlaritzak egiten du eta eskaera egiteko epea urriaren 16ra arte dago zabalik.

Onuradunak aurtengo irailetik abendura bitartean lantokian prestakuntza-modulua egiten ari direnak dira. Praktikaldia amaitu ondoren, enpresan 1 eta 3 hilabete bitartean jarraitzea da helburua. Horretarako, logikoa denez, enpresa ados egon behar da eta hitzarmen bat ezarri behar da enpresaren eta ikastetxearen artean.

Informazio gehiago

Iragarki-taula: behar duzuna eskaintzeko edo bilatzeko gunea

Gazte Informaziorako Udal Bulegoaren webgunean, zure berri emateko edo bilatzen ari zarena aurkitzeko gune bat eskaintzen dizugu: pisu bat, alemaniarreko klaseak, zaletasunak partekatzeko norbait, zure kirol talderako jendea eta askoz gehiago.

14 eta 30 urte bitartekoa bazara, honako gai hauei buruzko iragarki bat jar dezakezu:

  • Ostatua
  • Haurrak zaintzea
  • Etxebizitza partekatzea
  • Eskola partikularrak
  • Hobbyak, kirola, bidaiak, boluntariotza…
  • Oparitu egiten da
  • Trukea

Adin horretatik gorakoa bazara, aukera izango duzu iragarkia ipintzeko baldin eta gazteentzako lana edo etxebizitza eskaintzen baduzu.

Ikusi oraingo iragarkiak edo zeurea ipini!

Global Training 2021 bekak eskatzeko epea zabalik dago

Global Training programa31 urte baino gutxiago eta Unibertsitate-titulazioa edo Goi-mailako Lanbide Heziketako Titulua duten Euskadiko gazteei zuzenduta dago.

Aukera ematen dizu profesionalki prestatzeko atzerrian, ordaindutako praktikak eginaz zure espezialitate akademikoarekin zerikusia duten enpresa edo erakundeetan.

Proiektu honek EAEko gazteen nazioarteko mugikortasuna sustatzen du, beren prestakuntza hobetu dezaten eta etorkizun oparoa izan dezaten.

Eskaera egiteko epea: ekainaren 14tik uztailaren 16ra.

Informazio gehiago: 2021ko global training bekak

Lanbide Heziketako matrikula eskatzeko azken egunak (modalitate presentziala), 2021/22 ikasturtea

Gogoratu ekainaren 18ra arte duzula eskabide, presentziala edo online, egiteko hurrengo ikasturterako eskaintzen diren Lanbide Heziketako ikastaroetako batean matrikulatu ahal izateko.

Eskaintza hori hobeto ezagutu nahi baduzu bisitatu hurrengo estekak:

Arabako Lanbide Heziketako ikastetxe publikoen sarea (ikaslan).
Euskadiko Lanbide Heziketako itunpeko ikastetxeen elkartea (hetel).

Oraindik garaiz zaude, ez utzi aukera hau pasatzen.

Praktikak Gazte Informaziorako Bulegoko Hizkunta Klubean

UPV/EHUko Letren Fakultatean ikasten baduzu (Filologia, Euskal Ikasketak, Ingelesezko Ikasketak edota Itzulpengintza eta Interpretazioko Graduak, Masterra, edo Erasmus bat egitera etorri bazara), hautazko 9 kreditu gehienez lor ditzakezu borondatezko praktikak eginez.

Informazio gehiago nahi izanez gero hurbildu bulegora edo jarri harremanetan gurekin telefonoz edo sare sozialen bitartez.

Gasteizko Gazteria Zerbitzua badago Instagramen

Gaurtik aurrera Gasteizko Gazteria Zerbitzuak profil propio bat kudeatuko du Instagramen.

Bertan, egunero, informazio berriak edukiduko dituzu: aisialdia, prestakuntza, enplegua, bekak, etab.

Bilatu eta jarrai gaitzazu: @vggaztea

Eta nahiago baduzu, Gazte Informaziorako Bulegora hurbildu zaitezke zure zalantzak galdetzera, edo honakoen bidez jar zaitezke gurekin harremanetan:

Helbidea: Espainia plaza 1, behea. Vitoria-Gasteiz

Telefonoz: 945 16 13 30

Posta elektronikoa: infogaztea@vitoria-gasteiz.org

Twitter: @VGgaztea

Facebook: OMIJ informazio Gaztea

Buletin elektronikoa: Albistegi gaztea

Ordutegia: astelehenetik ostiralera, 10:00etatik 14:00etara.

Astearte eta ostegunetan, arratsaldez ere, 17:00etatik 19:00etara.

“Ruta al Exilio 2021” espedizioa: milaka aztarna.

ruta al exilio 2021

Espainiako Gazteriaren Institutuak eta Bartzelonako Unibertsitateko Memorien Europako Behatokiak koordinatzen dute “Ruta al exilio” proiektuaren lehenengo edizioa.

Sentsibilizaziorako beste ekimen batzuen oinordekoa da. Ikasgela ibiltari hau herrialde osoko 16 eta 17 urteko gazteentzat da. Lehenengo ibilbidea uztailaren 15etik 30era egingo da eta parte hartzeko deialdia ekainaren 4ra arte egongo da zabalik.

Maria Teresa Perez: “Diskurtso intoleranteak eta gorrotozkoak berpizten ari diren une honetan gaude, eta inoiz baino hezkuntza gehiago behar da gazteenek jakin dezaten faxismoa eta antifaxismoa ez direla gauza bera”.

Zer da Ruta al Exilio 2021?

“Ruta al Exilio 2021: un millar de huellas” prestakuntza-bidaia bat da, eta hogeita hamar gaztek Espainiako erbestealdi errepublikarreko Pirinioez gaindiko ibilbideak egingo dituzte uztailaren 15etik 30era, Alt Empordàtik Frantziako hego-ekialderaino, gastu guztiak ordainduta. Espedizioa, batez ere, oinez eta autobusez egingo da. Geihago…

Euskara ikasteko laguntzak

Euskara ikasteko laguntza-deialdia onetsi du Tokiko Gobernu Batzarrak. 149.000 euro bideratuko dira HABEk homologatutako euskaltegietan eta autoikaskuntza-zentroetan ikasten duten helduei zuzendutako laguntza horietara.

Hainbat programa daude: herritarrentzat, oro har; zortzi urtetik beherako seme-alabak dituztenentzat; aisialdi- eta kirol-begiraleentzat, eta merkataritzaren eta ostalaritzaren arloko profesionalentzat.

2021eko ekainaren 30ra arte erregistratu ahal izango dira eskabideak. Euskara Zerbitzuan kontsulta daiteke informazio guztia. Aurten, hainbat berrikuntza egin ditu Udalak: alde batetik, gutxieneko asistentzia eskatuko da laguntza jaso ahal izateko —ikastaroa gainditu beharra zegoen lehen—, eta, bestetik, puntuazio-sistema bat baliatuko da, ikasketa-orduak baloratzeko, beste aldagai batzuen aldean.