VGaztea

‘eta… GURE EMANTZIPAZIOA? Hiruburu jardunaldia

Hiruburu

Gasteizko Udalaren Gazteria ZerbitzuakEuskadiko Gazteriaren Kontseiluarekin (EGK-rekin) elkarlanean eta Eusko Jaurlaritzaren eta EHU-ren laguntzarekin, ‘Eta… GURE EMANTZIPAZIOA?’ saioan burutuko den Hiruburu jardunaldia egingo dugu. Non gazteakpolitikariak eta teknikoak solasean egongo garen. Irailaren 29an, gazteon etxebizitzari eta kalitatezko enpleguari buruz hitz egingo dugu. Araba Campuseko Unibertsitate Pabilioian Gasteizen garatuko da 18:00etan. Hiruburu honen helburu nagusia gazteon etxebizitza eta kalitatezko enpleguari buruzko profil ezberdinen iritzi eta esperientziak biltzea da.

Prezioa: Doakoa. Aldez aurretik izena eman behar da.
Modalitatea: Aurrez aurrekoa.
Hizkuntza: Elebiduna.
Eguna: Irailak 29.
Tokia: Araba Campuseko Unibertsitate Pabilioia.
Ordutegia: 18:00etatik 20:00etara (2 ordu).
Izena ematea

Kultur esperientzien trukeak

 

Gazteria Zerbitzutik, Kolonbia-Euskadi elkartearein batera,  Erronka Gazteak Gazte Planeko ekintzetako bat gauzatzeko (12.1 ekintza. Gasteiz/Ibagué truke-estrategia), joan den ekainaren 25ean webinar bat egin zen hirietako gazteen parte-hartzearekin.

Hortik atera dugu Ricardo Alfonso Modesto Díaz soziologo eta kultur kudeatzailearen hitzaldi hau, Kolonbian bizi izan den egoera zuzenean entzun dezazuen.

 

Gazteen Nazioarteko Eguna

Nazioarteko Eguna, 1999tik

1999an, Nazio Batuen Batzar Nagusiak abuztuaren 12a Gazteriaren Nazioarteko Eguna izendatu zuen, Gazteriaren Ministroen Mundu Konferentziaren gomendioei jarraituz.

Urteko ospakizun bat da, gazteek aldaketa-prozesuetan funtsezko bazkide gisa duten eginkizuna sustatzea eta aurre egin beharreko erronka eta arazoei buruzko kontzientzia sortzeko espazio bat sortzea helburu duena.

Hau dela eta, Gazteria Zerbitzuak “Gazteen ekarpena COVIDaren aurrean” bideoa aurkeztu du, Lankidetza Zerbitzuarekin eta Arabako SEADen lagunen elkartearekin batera.

Ezagutzen dituzu gure esperientziak?

Bideoan, gazteek COVID-19ren aurrean egindako prebentzioaren eta sentsibilizazioaren arloko hainbat ekimen erakusten dira, bai hemen, bai munduko hainbat herrialdetan (Kolonbia eta Sahara, besteak beste). Vanesa, Mohamed, Maria Camila eta Antoniok gazte boluntario gisa hainbat erakundetan egindako ekarpena erakusten digute, eta lan desinteresatu horren balioa mahai gainean jartzen dute, ziurgabetasun une hauetan.

http://youtu.be/66w4VOoSKEs

Helburuak

Ikus-entzunezkoa Erronka: gazteak Gazte Planaren barruan kokatzen da, eremu lokal-globalean, eta hiru helburu ditu:

Gasteizko eta hegoaldeko herrialdeetako gazteen artean truke-estrategia berritzailea sortzea (boluntariotza, kultura), haien errealitateak eraldatzeko ekintzak egin ahal izateko.
Kultura-kudeaketan munduko beste leku batzuetako gazteekin ezagutzak transferitzea ahalbidetuko duten ekintzak babestea.
Gazteen artean Garapen Jasangarriko Helburuak (GJH) ezagutzen lan egitea, helburuok betetzean ekarpenak egitea ahalbidetuko duten jarrera-aldaketak sustatzeko.

Zorionak pandemia une honetan zuen kolaborazioengatik!

 

Sareak Sortzen

8 urteko lankidetza

Gazteria Zerbitzuak eta Euskadiko Gazteriaren Kontseiluak zortzi urte daramatzate Gasteizko Udalaren gazte-politiketan parte hartzeko prozesuak garatzen, urteko hitzarmenak sinatuz.

Iragana

Jarduera arrakastatsuenetako bat Gazte Astea izan zen. Bertan, gazteentzako garrantzi berezia duten hainbat arlotako gazteen, kargu teknikoen eta kargu politikoen arteko dialogo-eztabaida saioak egin ziren.

Orainaldia

Gazteen artean dinamika berriak sortu dira COVID-19ren ondorioz. Dinamika horiek bideo honetan jaso, islatu eta balioetsi egin dira.

Etorkizuna

Etxebizitzak eta enpleguak kezkatzen gaituzte. Irailean eztabaida, hausnarketa eta proposamen berritzaileen jardunaldia egingo da. Laster gehiago kontatuko dizuegu.

Adi egon gure sare sozialei!

 

 

 

Zer dakizu Gazteria Elkarguneari buruz?

Zer da?

Udalak gazteriaren alorrean burutzen duen politikaren jarraipena egin eta politika horren inguruko eztabaidan parte hartu nahi duten hiriko elkarte eta taldeek -baita banako gazteek ere- osatzen dute Gazteria Elkargunea.

Nola parte har dezaket?

Elkargunean parte hartzeko, bete formularioa, eta esaguzu zein auzotan inplikatu nahiko zenukeen. Informazioa bidaliko dizugu, eta eztabaida-guneetara gonbidatuko.

Beste pertsona, elkarte, kolektibo edo entitate batzuekin eztabaidatu ahal izango duzu elkarguneetan, eta proposamenak aurkeztu. Partaidetza-organo horretan akordioa lortuz gero, dagokion udalbatzaren batzordean eztabaidatu ahal izango da.  Alderrdi politikoetako gazteriak eta udal teknikariek ere parte hartzen dute.

Azken Elkarguneak kontsultatu.

Zer gai landu diren jakin nahi baduzu, aktak kontsulta ditzakezu.

 

Anima zaitez eta parte hartu!

 

 

Vitoria-Gasteiz Kolonbiako gazteen protestei begira dago

 

Kolonbia-Euskadi elkarteak eta Yapawayra Fundazioak webinar bat antolatu dute Gazteen borrokaren eragina kulturan eta artean, La Revuelta juvenil de Ibagué izenburupean.

-Eguna: ekainak 25

-Ordua: 18:00

Kultura protesta gisa

Ibagué performancez, grafitiz eta bestelako emanaldi artistikoz bete da azken asteetan.

Gazteen ahotsa adieraztea. Protesta tokian tokitik sortzen da ia beti, eta hor kulturak indar berezia hartzen du nahigabearen adierazpen gisa.

Gazte aktiboak edo lokartuak

Webinarrak beste estereotipo bat ere aztertuko du: lokartuenak al gaude? Aldarrikatzen al dugu? Gure gurasoek baino gutxiago? Edo ba al dago protesta egiteko metodo berririk?

Mundu osoan, gazteria batu eta antolatu egiten da bidegabekerien aurrean, nahiz eta bere aurrekoez bestelako helburu eta metodoekin.

Izen ematea dohan

trukecultural.org

 

 

Txosten berezia: Covid-19ak Gasteizko gazteengan duen eragina (Gazteleraz)

Gazteen Errealitatearen Behatokia funtsezko tresna da errealitate horren ezaguera eguneratua mantentzeko eta ekintzak diseinatu eta egiteko, gazteen benetako beharrei eta nahiei erantzuteko, haiek direlako Gazte Plan honek planteatzen dituen gazteria politiken jasotzaileak.

“Erronka: Gazteak” Gazte Planaren barruan, eta Gasteizko VIII. Enplegu Planarekin lankidetzan, Alazne Sainz Gil de Paules soziologoak azterlan zehatz bat egin du, “Covid-19ak Gasteizko gazteengan duen eragina” izenburupean. Azterlan horretan, gure hiriko covid-19ren krisiak eragindako gazteei lotutako hainbat faktoreren alderdi anitzeko azterketa egiten da.

Txostenaren testu osoa esteka honetan kontsulta daiteke.

Etxebizitzari buruzko topaketan izena emateko azken egunak

Teknikari eta politikariekin hitz egin nahi duzu eragiten dizuten gaiei buruz? Orain duzu aukera. Zatoz datorren ekainaren 7an Europa Biltzar Jauregira 18:00etan etxebizitzari buruz hitz egitera eta zure kezkak azaltzera. Aprobetxatu azken egunak izena emateko.

Eta ez ahaztu ekainaren 14an enpleguari buruz hitz egingo dugula.

‘eta… GURE EMANTZIPAZIOA? Hiruburu jardunaldiak

Hiruburu

Gasteizko Udalaren Gazteria Zerbitzuak, Euskadiko Gazteriaren Kontseiluarekin (EGK-rekin) elkarlanean eta Eusko Jaurlaritzaren laguntzarekin, ‘Eta… GURE EMANTZIPAZIOA?’ bi saioetan burutuko den Hiruburu jardunaldiak egingo ditugu. Non gazteak, politikariak eta teknikoak solasean egongo garen. Ekainaren 7an, gazteon etxebizitza lantzeko eta ekainaren 14an, gazteon kalitatezko enpleguan zentratzeko. Gasteizko Europa Jauregian garatuko dira 18:00etan. Hiruburu hauen helburu nagusia gazteon etxebizitza eta kalitatezko enpleguari buruzko profil ezberdinen iritzi eta esperientziak biltzea da.

Prezioa: Doakoa. Aldez aurretik izena eman behar da.
Modalitatea: Aurrez aurrekoa.
Hizkuntza: Elebiduna.
Egunak: Ekainak 7 (etxebizitza) Ekainak 14 (enplegua).
Tokia: Europa Biltzar Jauregia.
Ordutegia: 18:00etatik 20:00etara (2 ordu).
Izena ematea

Maiatzaren gazte buletina

Boletín joven

Hilabete honetako buletinean honako informazioa aurkituko duzu:

Gazteria Zerbitzua Instagramen dago, “Elkar Zainduaz” komikia, Gazteentzako telelanari buruzko oinarrizko ikastaroa, Tetrapack 2021 erakusketa, Gauekoak: Proiektuen poltsa osatzeko deialdia,…

Kontsulta ezazu online edo harpidetu zaitez eta zure posta elektronikoan hilero jaso!