VGaztea

INSITU Art Festival-en amaiera.

Joan den ostiralean, uztailaren 2an, The Tap tabernan, IN Situ ArtFestival-ek amaiera eman zion jaialdiari, eta bertan lehiaketa artistiko honen lehen edizioko artista sarituen izenak jakinarazi genituen.

“In Situ ArtFestival” ek Gasteizko tokiko saltokien erakusleihoetan esku hartzeko deialdi bat proposatu zuen, saltoki horien, tokiko artisten eta herritarren artean sinergiak sortzeko. Deialdiaren oinarriei jarraiki, eta lanak aurkezteko epea amaitu ondoren, 43 proposamen artistiko jaso ziren, eta horietatik 10 hautatu ziren lehen fasean hiriko saltokietan erakusteko.

Epaimahaia honako hauek osatu dute: Jon Cazenave (argazkilaria eta irakaslea), Miriam Isasi (Arte Ederretako artista eta doktorea EHUn eta UNAMen), Charo Garaigorta (Hezkuntza eta Publikoentzako Programen Saileko arduraduna Artium Museoan, Arte Garaikidearen Euskal Museoan) eta Idoia Ruíz (Gauekoak, Gasteizko 16 eta 30 urte bitarteko gazteentzako aisialdi-programaren ordezkaria).

Tokiko 10 saltokietan azaldutako 10 esku-hartze artistikoak ebaluatu ondoren, sariek huts egin zuten, eta honela geratu ziren:

– 1. saria: Alazne Payueta (Denda: Farucho interiorismo)

– 2. saria: Maiela Zurutuza (Denda: Ibañez Arana iluminazioa)

– 3. saria: Sara Pérez (Denda: Minerva Imprenta Moderna)

Lehiaketaren oinarrietan jasotakoaren arabera, sariak honela lortu dira:

Lehen saria: 300 €

Bigarren saria: 200 €

Hirugarren saria: 100 €

Sari horiek Gauekoak aisialdi alternatibo eta osasuntsuaren programak eman ditu eta udaberri-udako denboraldiko programazioaren barruan egon da.

HAZIAK 2021. Ideiak Sarituak

Maiatzaren 3an amaitu zen HAZIAK ideia gazteen azken deialdiko ideiak bidaltzeko epea. Gazteria Zerbitzuak 18 proposamen jaso zituen guztira; horietatik 4 14-18 kategoriakoak ziren, eta gainerako 14ak 19 eta 30 urte bitarteko gazteak.

Udaleko Kultura, Berdintasun eta Gazteria zerbitzuetako teknikariek osatutako epaimahaiak edizio honetako ideiak lantzen dituzten gaiak eta askotariko esparruak baloratu ditu, eta bekak merezi dituzten ideiak zein izango diren erabaki du.

Saritutako ideiak

  • Tira. Udako abestia KAI-NAKAI-rekin: Abeslari gasteiztarrak kantu baikorra proposatzen digu konfinamenduaren ondoren euskarazko reggaeton estiloan.
  • Red Artean: artistak, sortzaileak, kolektiboak eta erakundeak konektatuko dituen online plataforma.
  • RENT, el musical: Antzerki musikala LGTB+ gaiarekin, gidoiaren egokitzapen propioarekin.
  • Pistas para artistas: abesti batek dakarren ikusentzunezko prozesuaren inguruko saio teoriko praktikoak.
  • Galdu Gordean: sormen prozesuen eta hiriaren inguruan sortutako elkarrizketak.
  • Jornada para el clima: Fridays for Future kolektiboarekin batera, klimaren urgentziari ekitea hainbat ekintzak.
  • Lo + trendy: sormenezko makillajea, argazkia eta edizioa sare sozialetarako
  • Anime y Manga: gai honen inguruko gazte komunitatea.
  • Wellcome Inside: antsietatearen eta depresioaren islada argazki eta bideoetan.
  • Euskara zabaltzen artearen bidez: gure hizkuntzaren garrantzia azpimarratzen duen abestia.
  • Re-conecta contigo: pantailak deskonektatzeko eta zeure burua aurkitzeko jarduerak.

Epaimahaiak bideragarritasuna, proiektuen arteko zeharkakotasuna, originaltasuna eta gazteen xede-publikoari ematen zaion protagonismoa nabarmendu ditu. Era berean, lehentasuna eman zaie 2020an gai berdinekin sarituak izan ez diren proiektuei, proiektu berriei gauzatzeko aukera emateko.

Zorionak!

HAZIAK Ideia Gazteen Lehiaketa 2021

Haziak 2021

Vitoria-Gazteizen bizi, lan egin edota ikasten duten 14 eta 30 urte bitarteko gazteek egindako ideiak aurrera eramaten laguntzea du helburu lehiaketa honek, laguntza tekniko eta/edo ekonomikoa emanez.

Uuhmm… Ideia bat daukagu!

Kontuan izan lehiaketa ia denetara dagoela zabalik eta zuen ideia errealitate bihur daitekeela: zuen neurrira egindako lantegiak, topaketak, muralak, proiekzioak, sormenerako espazioak, film laburrak, erakustaldiak… Ez jarri mugarik eta jar ezazue oraintxe bertan burua funtzionatzen, erronkara apuntatzen zarete?

Zer irabaz dezakegu?

Zuen beharrei erantzuteko eta idea aurrera eramateko baliabideak, oso lagungarriak izango dira ideia egia bihurtzeko.

  • Ordu kopuru bat zuen ideiari laguntzeko, behar duzuen arloko profesional batekin lanean aritzeko.
  • Materialak sortze prozesuan ezeren falta ez izateko.
  • Zabalkundea: nahiz eta proiektu bikaina egin, ez du ezertarako balio izango, inork ezagutzen ez badu. Mundu guztiak horren berri izan dezala!
  • Zuekin emanaldi bat, erakustaldi bat, lantegi bat, etab. kontratatzeko aukera proiektuak itxura hartua duenean.

Parte hartu nahi dugu, nola doa hau?

  1. Irakurri arretaz lehiaketaren oinarriak : lehiaketaren oinarriak (pdf)
  2. Behar diren dokumentuak bete, idatzi zuen ideia eta bidali haziak@vitoria-gasteiz.org helbidera (azkenengo eguna maiatzak 3).
  3. Ideiak guztiak ezagutzeko bilera egingo dugu. Saio horretan lan kolektiboa egingo dugu, eta helburua zuen proiektuak hobetzeko ideiak eta iradokizunak jasotzea izango da. Bilera horretara joatea behar-beharrezkoa da lehiaketan jarraitu ahal izateko.
  4. Bilkura egunetik eta nahi izanez gero, zuek jasotako hobekuntzak txertatuz proiektua berridatz dezakezue eta berriro ere bidaltzeko 4 eguneko epea izango duzue.
  5. Ekainean bisita ezazue udal web orria vitoria-gasteiz.org/haziakeu eta ezagutu lehiaketaren emaitza.

Oinarriak eta dokumentazioa

Zalantzarik?

Zuei laguntzeko gaude. Beraz, idatz iezaguzue zalantzarekin haziak@vitoria-gasteiz.org helbidera eta erantzungo dizuegu.

Eta gogoratu

Urte osoan zehar daukazula Haziak – Bulegoa.

Euskarazko idazkera sortzailea-lantegia

Noiz:

Hasiera eguna: 2021/03/07, hasiera ordua: 10:00, amaiera eguna: 2021/03/28, amaiera ordua: 12:00

Helburua:

Ikastaro honen xede nagusia Gasteizko euskal idazle gazteak batzea da, elkarren artean euskararen, aniztasunaren eta feminismoaren alde eginez.

Dinamizatzaileak:

Miren Uriarte Crespo (psikologoa eta taldelanean aditua), eta Itziar Uriarte Crespo (psikopedagogian lizentziatua eta hizkuntza irakaslea) izango dira tailerra bideratuko dutenak. Biak Gazteria zerbitzuak antolatutako “Gazte Hitzak lehiaketan” sarituak, eta Itziarren kasuan, “Bizimundua” izeneko helduentzako ipuin-liburu inklusiboaren sortzailea.

Edukia:

Lantegian, hainbat kontakizun mota landuko da, baliabide estilistikoak eta idazketa ez sexista indartuz. Tailerraren amaieran, parte-hartzaileek sortutako kontakizunak biltzen dituen liburuxka bat argitaratuko da. Maiatzaren 7an, Goiuri Jauregian, liburuaren aurkezpena egingo da, eta parte-hartzaileek, bertaratutakoen aurrean, bere kontakizunaren zatiren bat irakurriko dute.

Proiektu hau “Haziak- ideia gazteak” lehiaketan saritua izan da. Horri esker, laguntza ekonomikoa izan du, baita udaleko errekurtsoak erabiltzeko aukera ere: difusioa (kartelak, udaleko gizarte-sareak) eta ikastaroa egiteko udaleko espazio bat.

  • Jarduera: Idazkera sortzailea euskeraz lantzeko lantegia: kontakizunak, ipuinak, nano kontakizunak, poesia,…Balio estilistikoak, idazkera ez sexista. Ikaskuntza kooperatiboa.
  • Eguna eta ordua: 2020ko martxoaren 7, 14, 21 eta 28an, 10:00-14:00.
  • Hizkuntza: Euskaraz.
  • Adina: 16-35 urte.
  • Lekua: Aldabe gizarte-etxean, 1. bilera gelan.
  • Aldez aurreko izen ematea, hemen: idatzizsortu@gmail.com / otsailaren 28ra arte.

Lantegiaren kartela ikusi (pdf)

 

Haziak – “¿En qué momento?” izeneko filma

Haziak - en qué momento

Azaroa iristearekin batera, Kabir Singh eta Mikel Romeoren proiektu zinematografikoari agur esango diogu. ¿En qué momento? Filmak Javi gaztearen bizitza kontatzen digu, bere eguneroko bizitzako hainbat une modu irudimentsu eta onirikoan erakutsiz. Eszena ezberdinek istorio iradokitzaile bat kontatzen duen haria dute. Filma grabatzeko, Kabir Singhek bere ikaskideen laguntza izan du.

Proiektu honek “Haziak- la Oficina” udal-zerbitzuaren laguntza izan du, aholkularitza pertsonalizatuaren bidez (kalakalab elkartearen kontura), azken produktua hobetzeko. Gainera, udal-baliabideak eta -espazioak erabili dira filma zabaltzeko eta, ondoren, udal-espazioetan proiektatzeko.

“¿En qué momento?” Filmaren 2 emanaldi egin ziren, Aldabe antzokira 130 pertsona erakarri zituztenak eta amaierako eztabaida-solasaldian aktiboki parte hartu zutenak, filmaren argumentuaz, izenburuaren esanahiaz, grabazio-teknikez eta protagonisten bizipenez interesatuz.

Berri ona da 16 eta 17 urteko gazte talde honek bere planen artean duela 2021eko “Haziak- ideia gazteak”  lehiaketara aurkeztea, sariren bat eskuratu ahal izateko eta etorkizuneko zinema-proiektuak gauzatuta ikusteko.

Moonkey Pills- Akroyoga karten aurkezpena

Moonkey Pills

Noiz

Eguna: 2020/12/12, hasiera ordua: 18:00, amaiera ordua (gutxi gorabehera): 20:00

Deskribapena

Moonkey Pills, 60 kartako karta-sorta bat da. Karta hauek akroyoga (yoga eta akrobaziak uztartzen dituen diziplina) ezagutarazteko pentsatuak izan dira. Karta bakoitzak acroyoga pose zehatz  bat irudikatu eta deskribatu egiten du euskaraz eta gaztelaniaz. Akroyogako karta hauek oinarrizko poseak eta euren izenak ikasteko eta barneratzeko balio dute. Pose bakoitzean 3 pertsona inplikatuta daude: Hegalaria, Oinarria eta Laguntzailea. Horien helburua da posera heltzea eta bertan lasai mantentzea.

Proiektu honen sortzaileak Maialen Landa, Irati García eta Sheila Ordoñez dira, hainbat diziplinatan adituak direnak: diseinua, tatuaje profesionala, arkitektura, akroyoga Gasteizko Txiribuelta Zirku Eskolako partaideak, diseinu grafikoa, publizitatea… Akroyogaren diziplina ikertu eta esperimentatu ostean, 60 poseko karta-sorta bat sortu, diseinatu eta maketatu dute helburu zehatz batekin: acroyogaren praktika ezagutaraztea Gasteizen eta Euskal Herrian.

Gazte proiektu hau Gazteria Zerbitzuko “Haziak” lehiaketan saritua izan da.

Akroyoga karta sorta bukatuta dago eta ofizialki Gasteizko hiritarrei aurkezteko momentua heldu da. Parte hartzaileen artean baraja bat zozketatuko da. Akroyogako karta-sortak lortzeko aukera ere egongo da (hizlariekin hitz eginez).

Info + https://www.facebook.com/moonkepills

Jarduera:

Acroyoga kartak aurkezteko ekitaldia.

Eguna eta ordua:

2020ko abenduaren 12an, 18:00etan.

Hizkuntza:

Euskeraz, eta amaieran laburpen bat gaztelaniaz.

Adina:

11 urtetik aurrera

Lekua:

Aldabe gizarte-etxean.

Ezinbestekoa da sarrerarekin sartzea. Hemen eskatu: akromoonkeypills@gmail.com

Informazio gehiago.