VGaztea

Atzerriko hizkuntza-bekak, ONCE Fundazioa

Fundación ONCE

Atzerrian hizkuntza-ikastaroak egiteko laguntza-programa desgaitasunen bat duten gazteen hizkuntza-gaitasunak indartzeko eta, horrela, enplegu kualifikatuak aurkitzeko aukerak hobetzeko jartzen da abian, atzerriko hizkuntza bat eskatzea gero eta ohikoagoa baita.

ONCE Fundazioak desgaitasunen bat duten pertsonen aukera-berdintasunaren alde egin nahi du programa honekin, nazioarteko mugikortasuna errazteko eta desgaitasunen bat duten gazteen prestakuntzan jauzi kualitatiboa emateko behar diren baliabideak eskainiz.

Laguntza horiek eskatu ahal izango dituzte 18 eta 29 urte bitarteko gazte guztiek, baldin eta legez aitortutako %33ko desgaitasuna badute, gutxienez Espainiako nazionalitatea badute eta deialdian ezarritako baldintzak betetzen badituzte.

Informazio gehiago.

Santander Languages | English Courses – British Council bekak

Baldintzak:

18 urtetik gorakoak.

Hurrengo herrialdeetako nazionalitatea izatea edo bertan bizitzea: Espainia, Alemania, Argentina, Brasil, Txile, Kolonbia, Mexiko, Peru, Polonia, Portugal eta Uruguai.

Edukia:

British Council-en Learn English Select plataforman ingelesa ikasteko 5.000 beka. Ikastaroaren gastoak ordaintzen ditu bekak.

Ikastaroaren iraupena: 3 hilabete (2021eko maiatzaren 10etik abuztuaren 10era).

Epea:

2021/04/14

Informazio gehiago.

Ahoskera laborategia: zuzentasunari, egokitasunari eta naturaltasunari buruzko saioak Gasteizen

Ahoskera laborategia

Oihaneder Euskararen Etxeak, UEUrekin elkarlanean, eta hainbat eragileren eta erakunderen laguntzarekin euskara estandarraren ahoskerarekin eta, oro har, ahozkotasunarekin zerikusia duten bestelako aldagaiekin esperimentatzeko laborategia jarriko du martxan 2021ean.

Ahoskera Laborategian, azentua, intonazioa, euskal doinua, etab. landuko dira.

Informazio gehiago.

Matrikula librea Hizkuntza Eskola Ofizialetan

Gutxienez hamasei urte izanda edo urtean zehar bete edonork du matrikulatzea Hizkuntza Eskolak irakasten duen edozein hizkuntzatan eta maila hauetan: A2, B1, B2 eta C1. Euskarazko C1ean ez dago aukerarik libre moduan aurkezteko.

Modalitate honetan ikasleak Maila Agiriak lortzeko azterketak egiteko aukera baino ez du izango.

Matrikula libreak ikasturte bakoitzean azterketa-deialdi bakar baterako aukera emango du, maiatzaren bukaeran eta ekainean.

Matrikula internet bidez egiten da. Hizkuntza bakoitzeko maila bakar batean matrikulatzeko aukera baino ez da izango.

Hizkuntza berean ezin da libre moduan matrikula egin ikasle ofiziala izanda, ikasturte berean.

Matrikula egiteko epea: Otsailaren 1etik, 10:00etatik otsailaren 12ra, 13:00ak arte.

Informazio gehiago.

Mandarin txinera ikastarorako laguntzak Pekingo unibertsitateetan

chino

Izena emateko epea

2021/01/19tik 2021/02/08ra

Informazioa

ICO, F.S.P. Fundazioak 10 hilabeteko 25 laguntza arteko deialdia egiten du Pekingo unibertsitate batean mandarin txinera ikasteko, Txinaren eta Espainiaren arteko harremanak errazteko profesional gazteen prestakuntzaren bidez.

Baldintzak

  • Espainiako nazionalitatea duten pertsona fisikoak eta legezko bizilekua Espainian dutenak.
  • Gutxienez 22 urte eta gehienez 39 urte izatea, urteko deialdia argitaratzen den egunean.
  • Espainiako unibertsitateetako fakultateetan edo goi-mailako irakaskuntza-zentroetan ikasketak egin dituzten unibertsitateko graduatuak, lizentziatuak edo goi-mailako ingeniariak izatea, edo Espainiako zentroetan ikasketak egin dituzten diplomadunak, ingeniari teknikoak edo arkitekto teknikoak izatea, betiere, gainera, Goi Mailako Hezkuntzaren Europako Esparruko unibertsitateren batean emandako 60 ECTS kredituko master ofiziala egiaztatzen badute.
  • Mandarin txinatarraren gutxieneko ezagutza egiaztatua izatea.
  • Ingelesez gutxienez Europako Erreferentzia Marko Bateratuko B2 maila egiaztatua izatea.
  • Eta gutxienez urtebeteko lan-esperientzia egiaztatua izatea.

Hornidura

Laguntza bakoitzean kontzeptu hauek sartzen dira:

  • Ikastaroaren matrikula eta ostatu-gastuak.
  • 1.600 eurorainoko zuzkidura, Espainiatik lekualdatzeko laguntza gisa.
  • Nazioarteko estaldurako mediku-asegurua.
  • 4.600 euroko ekarpena gastu pertsonaletarako.

Informazio gehiago.

Euskararen Nazioarteko eguna

Abenduaren 3an ospatzen den Euskararen Nazioarteko Eguna 1995ean instituzionalizatu zuten Eusko Jaurlaritzak eta Euskaltzaindiak. Harrezkero, euskararen erabilera eta euskara bera sustatzeko asmoz, hainbat elkarte, erakunde publiko eta herritarrek milaka ekitaldi antolatu dituzte (mahai-inguruak, erakusketak, tailerrak, azokak, mota desberdinetako ikuskizunak, aurkezpenak…) egun seinalatu horretan, Euskal Herriko bazter guztietan, euskara bultzatu eta omentzeko.

Informazio gehiago.

AnHitzak 2020: Gasteizko hizkuntza aniztasuna balioan jartzeko topaketa

Estimazioen arabera, Gasteizko kaleetan 50 hizkuntza baino gehiago erabiltzen dira, ba al zenekien? Horren guztiaren balioa aitortu nahi dugu, proiektu honen bidez.

AnHitzak 2016 kulturarteko topaketa bat izan zen, world-coffe formatuan: elkar ezagutu, hizkuntza aniztasunari buruzko ideiak partekatu eta ekitaldi txiki batekin amaitu genuen.

AnHitzak 2020 ere eskema berberaren arabera antolatu nahi genuen, baina ez da posible izan. Horren ordez, banan-banan hainbat komunitate biltzen ari gara hizkuntza aniztasunaren eta euskararen inguruko ideiak partekatzeko. Topaketa txiki horietan testigantzak jasotzen ari gara, eta pixkanaka-pixkanaka hemen partekatzen. Amaitutakoan prozesu osoaren berri emango dugu eta solasaldi bat antolatuko dugu.

Informazio gehiago.