VGaztea

“Zure aukerak, hemen” kanpaina

Uste duzuna baino garrantzitsuagoa zara. Eguneroko erabakiekin mundua hobetzen lagun dezakezu. Erosketak egitean, bizi zaren komunitatea hobetzen lagun dezakezu. Izan ere, saltoki txikian erosten duzunean erosten duzuna baino askoz gehiago lortzen duzu. Tokiko merkataritzan erosteak abantaila hauek ematen ditu:

Iraunkorragoa
Gasteizko saltokietan erosten duzunean, tokiko enplegua sortzen ari zara, hazkunde ekonomiko iraunkorra, inklusiboa eta iraunkorra sustatuz.

Hurbilagoa
Hurbileko dendetan erosteak aukera ematen dizu berehala erosi nahi duzun produktua edukitzeko, itxaron beharrik gabe.

Ekologikoagoa
Zure auzoko dendan erosten baduzu, erosketa horrek garraio luzea egitea saihestuko duzu; beraz, karbono-aztarna murriztuko duzu, ingurumena eta baliabide naturalak zainduz etorkizuneko belaunaldientzat.

Solidarioagoa
Tokiko merkataritzan erosten baduzu, zure erosketarekin sortutako etekinak bizi zaren komunitatera itzuliko dira, zure inguruan aberastasuna sortuz.

Bidezkoagoa
Denda txikian erosiz, aberastasuna birbanatzea lortzen duzu, korporazio handien eskuetan geratu beharrean.

Kolaboratiboagoa
Tokiko merkataritzan erosteak sareak sortzen ditu, tokiko komunitateak bultzatzen eta hiriari bizia ematen laguntzen dutenak.

Zozketa
Eta hori guztia gutxi iruditzen bazaizu, orain, gainera, 50 €-ko 15 baleetako bat irabaz dezakezu Gasteizko tokiko dendetan erosteko. Hemen ikus ditzakezu zozketaren oinarriak.

Hizki Laburrak, gazteentzako euskarazko kontakizun laburren lehiaketa.

Gauekoak-ek Oihaneder Euskararen Etxearekin batera euskarazko kontakizun laburren lehiaketaren II. edizioa, Hizki laburrak, antolatzen dute.

16 -30 urte bitarteko gazteentzak zuzentzen da. Erronka, istorio bat idatzi, gehienez 1000 hitz erabiliz antolatzeileek aukeratzen dute hitz bat parte-hartzaileek kontakizunean erabil dezaten. Aurten “oihartzun” da.

Lanak bidaltzeko epea urriaren 15etik azaroaren 15era da. Testuak pdf formatuan bidali behar dira info.gauekoak@gmail.com helbidera.

3 kontakizun irabazle aukeratuko dira, eta 200, 100 eta 50 euroko saria emango zaie, hurrenez hurren.

Epaimahaiaren erabakiaren ondoren, azaroaren 19tik aurrera udal webgunean argitaratuko dira kontakizunak, eta azaroaren 24an sari banaketa bat egingo zaie hiru hautatuei , Montehermoso Jauregiko Ortuño aretoan.

Kontsultatu lehiaketaren baldintzak oinarrietan Imagen archivo pdf.

Informazio gehiago www.vitoria_gasteiz.org/gauekoak edo instragrameko profiletan

@gauekoak.gasteiz.

 @vggaztea

 

Eskuragarri dago uztaileko albistegi gaztea!

Hilabete honetako buletinean, besteak beste, albiste hauek aurkituko dituzu:

Gazte-uztaila gozatu! opor-programan parte hartzeko azken plazak, e-GA Sariak Hizkuntza-lankidetzako proiektuak, Ezagutu ezazu “Udan ere LibreIzanNonahi” kanpaina eta aurre egin indarkeria sexista eta matxistari!, Garapen komunitarioa bultzatzeko proiektu eta ekimenen deialdia, Egin Leku! Deialdia musikari hasiberrientzat, Piraguismoko edo windsurfeko ikastaro bat egin nahi?…

Kontsultatu online edo harpidetu zaitez eta zure posta elektronikoan hilero jaso!

e-GA sariak – Hizkuntza-lankidetzarako proiektuak

Esketxak, abestiak, bidaia-bitakorak, errezetak, biografia linguistikoak, poesia… hizkuntza gutxituetako hiztun gazteek hizkuntza-lankidetzako hainbat proiektu aurkeztu dituzte e-GA lehiaketara.

60 gazteren artean idatzitako 15 lan aurkeztu ziren, 20 hizkuntza komunitate ezberdinetakoak

Orain,  aurkeztutako proiektuak ezagutu ditzakezu, eta horien artean sarituak nabarmenduko ditugu.:

1. saria

Biografia linguistikoa “Basa: Hizkuntzen oihana zaintzeko auzolana

Euskararen eta kichwaren arteko lotura: hizkuntza eta lurra; iragana, orainaldia eta etorkizuna.

Arawi Ruiz Villacis eta Miren Uriarte Crespo.

2. saria

Kurdistanera bidaia-bitakora. Elkarrizketa eta elkargune“.

HIGAn ezagutu zuten elkar egileek eta Kurdistanera joatea erabaki zuten handik gutxira. Hementxe bidaia horretan lehenengo pertsonan bizitakoa.

Morgane Lincy-Fercot eta Amaia Orbe Barrio

3. saria

Erabili euskara, KONTXO!

Euskaraz ez dagoela irainik? Ez duela edozertarako balio? Sketch barregarri honetan Helsinkitik jaso dugu galdera hauei erantzuna.

Araitz Claramunt Oregi, Kayleigh Karinen, Maria Protassova, Tero Nieminen eta Tuulia Suvanto.

 

Dagoeneko eskuragarri duzu apirileko gazte buletina

Boletín joven
Gazteentzako deialdiak ezagutu nahiko zenituzke?

Gazte buletinaren apirileko zenbakian, InSitu Art Festival bezalako nobedadeak ezagutuko dituzu. Gazte sortzaileak zuen lanak aurkez ditzakezue tokiko dendetako erakusleihoetan erakusteko.

Gainera, Udagora Fest, Enplegu Birtualaren Foroa, Siner-G erakusketa Gazte Informazio Bulegoan, Aisialdiko begirale izateko ikastaroa… eta askoz gehiago.

Ez galdu ezer!

Kontsulta ezazu online edo harpidetu zaitez eta zure posta elektronikoan hilero jaso!

 

HAZIAK Ideia Gazteen Lehiaketa 2021

Haziak 2021

Vitoria-Gazteizen bizi, lan egin edota ikasten duten 14 eta 30 urte bitarteko gazteek egindako ideiak aurrera eramaten laguntzea du helburu lehiaketa honek, laguntza tekniko eta/edo ekonomikoa emanez.

Uuhmm… Ideia bat daukagu!

Kontuan izan lehiaketa ia denetara dagoela zabalik eta zuen ideia errealitate bihur daitekeela: zuen neurrira egindako lantegiak, topaketak, muralak, proiekzioak, sormenerako espazioak, film laburrak, erakustaldiak… Ez jarri mugarik eta jar ezazue oraintxe bertan burua funtzionatzen, erronkara apuntatzen zarete?

Zer irabaz dezakegu?

Zuen beharrei erantzuteko eta idea aurrera eramateko baliabideak, oso lagungarriak izango dira ideia egia bihurtzeko.

  • Ordu kopuru bat zuen ideiari laguntzeko, behar duzuen arloko profesional batekin lanean aritzeko.
  • Materialak sortze prozesuan ezeren falta ez izateko.
  • Zabalkundea: nahiz eta proiektu bikaina egin, ez du ezertarako balio izango, inork ezagutzen ez badu. Mundu guztiak horren berri izan dezala!
  • Zuekin emanaldi bat, erakustaldi bat, lantegi bat, etab. kontratatzeko aukera proiektuak itxura hartua duenean.

Parte hartu nahi dugu, nola doa hau?

  1. Irakurri arretaz lehiaketaren oinarriak : lehiaketaren oinarriak (pdf)
  2. Behar diren dokumentuak bete, idatzi zuen ideia eta bidali haziak@vitoria-gasteiz.org helbidera (azkenengo eguna maiatzak 3).
  3. Ideiak guztiak ezagutzeko bilera egingo dugu. Saio horretan lan kolektiboa egingo dugu, eta helburua zuen proiektuak hobetzeko ideiak eta iradokizunak jasotzea izango da. Bilera horretara joatea behar-beharrezkoa da lehiaketan jarraitu ahal izateko.
  4. Bilkura egunetik eta nahi izanez gero, zuek jasotako hobekuntzak txertatuz proiektua berridatz dezakezue eta berriro ere bidaltzeko 4 eguneko epea izango duzue.
  5. Ekainean bisita ezazue udal web orria vitoria-gasteiz.org/haziakeu eta ezagutu lehiaketaren emaitza.

Oinarriak eta dokumentazioa

Zalantzarik?

Zuei laguntzeko gaude. Beraz, idatz iezaguzue zalantzarekin haziak@vitoria-gasteiz.org helbidera eta erantzungo dizuegu.

Eta gogoratu

Urte osoan zehar daukazula Haziak – Bulegoa.

Gazteentzako Kazetaritza Erredakzioaren 2. Lehiaketa

Concurso redacción periodística

National Geographic España aldizkariak eta RBA Librosek Kazetaritza Erredakzio Lehiaketaren bigarren edizioa iragarri dute. Lehiaketa horretan, 14 eta 18 urte bitarteko gazteek kazetaritza-editorial bat idatzi beharko dute, ozeanoek dituzten erronkak azaltzeko eta konponbideak proposatzeko.

Baldintzak

Deialdi honetan parte hartu ahal izango dute 14 eta 18 urte bitarteko gazteek, DBHko 3. eta 4. mailakoek (Esploratzaile 1. maila) eta Batxilergoko 1. eta 2. mailakoek (Esploratzaile 2. maila), baldin eta Espainiako lurraldeko Bigarren Hezkuntzako edozein ikastetxetan matrikulatuta badaude.

Sariak

Bi kategorietako lehen sariak honako hauek jasoko ditu: lan irabazlea inprimatutako aldizkarian argitaratzea, National Geographic España aldizkarirako urteko harpidetza bat eta RBAko liburu sorta bat. Bigarren eta hirugarren irabazleak eta finalistak aldizkariaren webgunean argitaratuko dira.

Informazio gehiago.

 

Giza Eskubideak eta Sorkuntza Artistikoa. 2021eko deialdia

Montehermoso Kulturuneak eta Garapenean Laguntzeko Udal Zerbitzuak egiten dute deialdi hau. Hainbat kultura eta/edo arte ekintzen bidez, munduan dagoen giza eskubideen egoeraren gainean, bereziki, Udalarekin harreman egonkor eta jarraitua duten herrietan –bertan giza eskubideak babesteko eta garapenerako proiektuak burutzen dituelako– dagoen egoeraren gainean, gogoeta eta azterketa kritikoa egiteko markoa sortuko duen proiektua hautatzea du xede deialdi honek.

Deialdiaren gehieneko zenbatekoa 14.999 euro + BEZ (% 21) izango da. Proiektua ekoitzi eta gauzatzetik eta Montehermoso kulturunean erakusgai jartzetik sortzen diren gastuak barne hartu beharko ditu zuzkidura horrek.

Gasteizko Udalak, bere aldetik, kostu hauek hartuko ditu bere gain:

-publizitatearen eta zabalkunde instituzionalaren kostuak, hala nola hirian egiten den publizitatea, gonbidapenak, aretoko orriak eta Montehermoso kulturuneko bannerra.
-aretoetako arreta eta zaintza-langileen kostuak.

Era berean, muntatze eta desmuntatze lanen ondorio diren beste kostu batzuk ere hartu ahal izango ditu bere gain Udalak, edo proiektuan jaso gabeko ekintza edo jarduera osagarriak, gehienez 6.000 euro arte. Montehermoso kulturuneko tresneria teknikoa eta giza baliabideak gehituko zaizkio horri,erabilgarri badaude eta proiekturako egoki badira.

Proiektuak aurkezteko epea 2021eko apirilaren 23ra arte izango da. Erantsitako eskabidea bete behar da. Izapideak online egin daitezke egoitza elektronikoaren bidez edo aurrez aurre Herritarren Arretarako bulegoetan.

Informazio gehiago.

#Gaztetxalentx: banaka, binaka edo taldean jolastu eta 4 erronka gainditu!

Gazte txalentx

14 eta 25 urte bitartean dituzu? Erronkak gustatzen zaizkizu? Eman izena, proposatuko dizkizuegun 4 erronkak gainditzeko, ohitura jasangarriekin, mugikortasunarekin, energiaren eta uraren kontsumoarekin eta berdeguneekin lotuta.

2021eko martxoaren 7ra arte izango duzue izena emateko epea. Ez galdu aukera!

Aurkibidea

Nork har dezake parte?

Nola eman ahal dugu izena?

Zertan datza txapelketa?

Eta… sariak?

Nork har dezake parte?

Gasteizen bizi, ikasi edo lan egiten duten 14 eta 25 urte bitarteko banaka, binaka edo 3 eta 4 gazte bitarteko taldeak.

Nola eman ahal dugu izena?

Izena emateko epea 2021eko otsailaren 19ko 08:30etik martxoaren 7ko 23:59ra arte luzatuko da.

Bi modutan eman ahal da izena: online edo aurrez aurre (Gazteen Argibideetarako Udal Bulegoan -Espainia plaza 1 behean- formularioa eta gurasoen baimena entregatuz).

Izena eman online

18 urtetik beherakoek parte hartzen badute, bakoitzak Gazte Txalentx – Adingabekoentzako baimena (pdf) dokumentua osatuko du aitaren/amaren edo tutorearen baimenarekin (sinatuta) eta gazteria@vitoria-gasteiz.org helbidera bidaliko da edo Gazteen Argibideetarako Bulegoan entregatuko dute.

Zertan datza txapelketa?

4 erronkak:

Pertsona, bikotea edo taldeak 4 erronka gainditu beharko ditu 3 astetan, martxoaren 8tik 26ra arte:

  1. Kontsumismotik ihes egin: Scape room birtuala.
  2. Jasangarritasunaren alde nago eta bideoz kontatuko dizut.
  3. Gogoko logoa.
  4. Oinez eta bizikletaz hirian zehar: km+, CO2-.
Nola parte hartu:

Martxoaren 8an, goizeko 9: 00etan, erronkak abiatuko dira. Taldearen helbide elektronikora bidaliko dira erronkaren oinarriak, puntuazio-sistema eta entregatzeko azken eguna. Erronka bakoitzaren emaitzak posta elektronikoz bidali beharko dituzte helbide honetara. gazteria@vitoria-gasteiz.org

Gazte txalentx irabazten duten taldeak Vitoria-Gasteizko Udaleko Gazteria Zerbitzuaren webgunean argitaratuko dira, eta saridunei posta elektronikoz edo telefonoz jakinaraziko zaie sariak noiz eta non banatuko diren.

Eta… sariak?

4 sari ezartzen dira:

  • 1. eta 2. sailkatuak: 180 euroko opari-bonu bana
  • 3. eta 4. sailkatuak: 100 euroko opari-bonu bana

Bonuak “Gasteiz On” elkartearen saltokietan, ostalaritzan edo zerbitzuetan kontsumitu ahal izango dira, talde bakoitzak bonutik dagokion diruarekin zer erosi edo kontsumitu erabaki dezan, eta taldea osatzen dutenen artean banatu ahal izango da.