VGaztea

Gauekoak-en udazkeneko aurkezpen kontzertuak: Lukiek eta Habi

Gauekoak-ek hasiera emango dio ostiral honetan, irailak 17,  udazkeneko denboraldi berriari Falerina lorategian arratsaldeko 20 etan. Bi kontzertuak dira Lukiek eta Habi musika taldeekin.

Lukiek: 2015ean Josu Ximun (ahotsa eta gitarra), Antton Goikoetxea (baxua) eta Christian Rodriguezek (bateria) sortu zuten Lukiek (Mungia).Euskaraz abestutako rock alternatiboaren ikurrean bilakatu dira Zea Mays, Vulk, Yellow Big Machine edo Cecilia Payne bezalako taldeekin jo ostean. Baina batez ere bere zuzeneko indartsuei esker.

Habi Villabonako bi gaztek, Jon Ander Artola eta Yerai Gascon, osaturiko power duo bat da. 2018 elkartu ziren, eta sei hilabeteko lan prozesuaren ondoren, 2019an Loratu izeneko lehen diskoa argitaratu zuten; autoekoiztua eta Elkar estudioetan grabatua, Víctor Sánchez soinu ingeniariarekin.Orain disko berria grabatu berri dute, eta aurrerapen moduan, kontzertu honetan kanta berri batzuk joko dituzte.

Sarrerak eskuratzea beharrezkoa da musika talde hauetaz disfrutatu nahi izanez gero hurrengo estekan: Lukiek + Habi.

Informazio eta Gauekoak-en jarduera gehiago, udalaren web orrian eta Gazteria Zerbitzuko sare soz¡aleko profiletan.

@gauekoak.gasteiz.

 @vggaztea

Gauekoak-en udazken-neguko programazio berria

Udako etenaldiaren ostean berriro martxan jarri da Gauekoak. Udazken-neguko programazio berria gustu guztietarako planez beteta dago: tailerrak, kontzertuak, kirol-ikastaroak, jardunaldiak edo emanaldiak. Aisialdirako aukera alternatibo, hezigarri eta osasungarri asko 16 eta 30 urte bitarteko Gasteizko gazteentzat.

GAUEKOAK programak udazken-neguko denboraldi honetan aisialdirako gune alternatibo, sortzaile, parte-hartzaile eta osasungarriak sortzeko helburuarekin aurkezten da. Hainbat arlotako lanceta espazioak sortzen, tokiko kultura-nortasuna indartzen eta gazteen parte-hartzerako tresnak emanez.

Egitarau honek hainbat diziplina barne hartzen dituen 26 jarduera planteatzen ditu,  iraila eta abendua bitartean garatuko direnak. Horretarako, hiriko artista eta hezitzaileekin lankidetzak sortu dira hala nola,  Red Fanzine, Oihaneder Euskararen Etxea edo SAMA (Arabako Ikus Entzunezkoen Elkartea)
bezalako elkarteekin . Kultur interesak bultzatzeko gune bat sortu nahian, herritar gazteenen eta erakundeen arteko lankidetza bultzatuz.

Jarduera guzti hauek doakoak izango dira, aisialdiko eredu alternatibo bat defendatzen baitugu, berrikuntza, tokiko kultura eta artistak babestea eta hiriko gazteria osatzen duten kolektibo guztiak barne hartzea abiapuntu izango dituena.

Jardueren agenda osorik ikusgai dago udalaren webeko Gauekoak-en atalean edo sare sozialeetan.

@gauekoak.gasteiz.

@vggaztea.

Euskararen aldeko bideoklip batean parte hartzen animatuko zara?

“Euskara zabaltzen”, Gazteria Zerbitzuak antolatutako “2021eko Haziak-Ideia Gazteak” lehiaketan saritutako proiektua da.  Proiektua konfinamenduan zehar sortu zen, bi helbururekin: Artearen bidez euskarari balioa ematea eta Gasteizko artista gazteen lankidetza bilatzea.

Paloma Strachan konpositore eta instrumentista gaztea (txeloa, pianoa, ukelele, gitarra), beste bost artista gazterekin elkarlanean, “Euskara Zabaltzen” abestia ekoitzi zuen, gazteek gure hizkuntzarekiko, euskararekiko duten sentimendua jasotzeko asmoz. Horregatik, abestiaren letra 12-17 urte bitarteko neska-mutil talde baten ekarpena izan zen.

Iritsi da “euskara Zabaltzen” bideoklipa grabatzeko unea, eta, horregatik, Gasteizko artista gazteei dei egin diete beren ikuspegi artistikotik abestia grabatzen lagun dezaten: musika-tresnak, dantza, rap, zirkua, mimoa, korala, koreografiak, etab. Laburbilduz, Euskara eta Artearen bat-egiteak balio dezala pertsona desberdinak eta gure hiriko artista independenteak elkartzeko.

Jarduera: “Euskara Zabaltzen” abestiaren bideokliparen grabazioan parte hartu nahi duten Gasteizko pertsona eta artista independenteen ekarpenak jasotzeko gune irekia eskaintzea.

Eguna: igandean, irailak 12.

Ordutegia: 17:00-19:00.

Tokia: Lakua gizarte etxea (Gazte Factory).

Hizkuntza: euskera.

Adina: 12 urtetik gora

Izen emateak: 2021eko irailaren 11ra arte, izena eta harremanetarako telefonoa helbide elektroniko honetara bidaliz: paloma.strachan@gmail.com. Plaza mugatuak.

Kpop Dance erakustaldia Falerinako lorategian

Bihar, uztailak 29, 18: 00etan Falerina lorategian,  @everlasting_unit eta@doryoku.dc gasteiztar taldeek, Bilboko beste pertsona batzuekin batera, Kpop Dance erakustaldia egingo dute.

Sarrera librea izango da edukiera bete arte (Covid 19ren aurkako prebentzio-neurriak mantenduko dira).

Ez galdu ikusteko aukera!

Gauekoak-eko proiektu-poltsaren deialdia amaitu da.

Joan den maiatzaren 4an Gauekoak taldeak bere proiektu-poltsaren beste deialdi bat egin zuen. Bertan, aisialdi alternatiboko programaren udaberri/udako eta udazkeneko denboraldietan ideiak gauzatu nahi zituzten Gasteizko gazteak, kolektiboak eta elkarteak aurkez zitezkeen.

Proposamen horiek bidaltzeko epea ekainaren 4an amaitu zen, eta guztira 24 proiektu jaso dira, gai ugari eta askotarikoak jorratzen dituztenak.

Kultura, kirola, ingurumena, berrikuntza eta informazioaren teknologiak interesgune argiak dira hiriko gazteen aldetik. Genero-berdintasuna, elkartasuna edo kulturartekotasuna ere izan dira programaren oinarri aktibo eta aberasgarritik landu beharreko inspirazio eta beharrak.

Gogoan izan poltsa hori urtean zehar irekita egoten dela. Beraz, gogotsu geratu bazara, gure helburuekin bat datorren ideia bat bururatu bazaizu, anima zaitez! eta honako helbide honetara bidali: info.gauekoak@gmail.com.

Horren inguruan informazio gehiago nahi izanez gero Udalaren web orriko Gauekoak atalean sartu edo Sare sozialtean aukituko gaituzu.

@gauekoak.gasteiz

Gauekoak: proiektu poltsaren deialdi berria

Parte hartu nahi duzu Gauekoak-en  programazioan?

Proiektuen poltsaren deialdi berria zabalik. Aisialdiko programa alternatiboaren udaberri/udako eta udazkeneko denboraldietan ideiak gauzatu nahi dituzten gazte, talde edota elkarteen egitasmoak aurkezteko epea maiatzaren 4an hasi eta ekainaren 4an amaituko da, biak barne.

Anima zaitez eta bidali zure proposamenak!

Oinarriak eta dokumentazioa

Aurkeztu beharreko informazioa:

Ainhoa Larrañaga. EskuMinak

Data: martxoak 25

Ordua: 19:30

Lekua: Oihaneder Euskararen Etxea

Ainhoa Larrañagak “EskuMinak” diskoa aurkeztuko du Eskilarapeko Soinuak zikloaren baitan, urtarrilean COVID-19a dela-eta, ezin egin izan zen kontzertua martxoan emango da.

Kontzertua modu intimoan eta xumean eskainiko du, eta Iker Lauroba eta Garazi Esnaola izango ditu alboan.

Ainhoa Larrañaga 18 urteko hernaniarra aktore lanetan ezaguna egin zen Go!azen telesailean eta izen bereko antzerki lanetan aritu ondoren. Bago!az programan ere couch gisa parte hartu zuen bi urteetan zehar.

Aktore ibilbidea, musikarekin uztartu izan du beti eta kaleratu berri duen disko honekin bakarkako ibilbide berria hasi du musikan.

Hainbat kolaborazio egin ditu: besteak beste, Joxan Goikoetxearen “Lurra, ur haize” diskoan, edota Iker Laurobaren “Ontzi zahar batean” kantuan ere.

Informazio gehiago.