VGaztea

Maiatzaren gazte buletina

Boletín joven

Hilabete honetako buletinean honako informazioa aurkituko duzu:

Gazteria Zerbitzua Instagramen dago, “Elkar Zainduaz” komikia, Gazteentzako telelanari buruzko oinarrizko ikastaroa, Tetrapack 2021 erakusketa, Gauekoak: Proiektuen poltsa osatzeko deialdia,…

Kontsulta ezazu online edo harpidetu zaitez eta zure posta elektronikoan hilero jaso!

Komunikazio teknikari lanposturako deialdia Euskadiko Gazteriaren Kontseiluan

Prozesuan parte hartzeko, CV eta motibazio gutunak apirilak 26ko 12:00ak arte jasoko dituzte egk@egk.eus -en. Lanpostua Bilbon izango da.

Euskadiko Gazteriaren Kontseilutik (EGK) Komunikazio teknikari lanpostua eskaintzen dute. Beren barne eta kanpo komunikazioa, ekosistema digitala (webgunea, buletin digitala eta sare sozialak), eta hedabideekin harremana, besteak beste, kudeatuko dituen pertsonaren bila dabiltza. Lanpostua Bilboko bulegoan izango da, baina lan eremua Euskadi osoan. Zure eguneroko lanean albisteak, prentsa-oharrak, ekitaldi eta prentsaurrekoetarako deialdiak, elkarrizketak eta sare sozialetako argitalpenak kudeatu beharko dituzu. Era berean, gainerako lan-arloekin une oro arituko zara elkarlanean proiektuen zabalpenean eta hauen jarraipenean. Zure Komunikazio lan-arloko proiektuak ere izango dituzu, adibidez, EGKren nortasun korporatiboa berrituz irudi honetan agertzen diren bezalako irudiak aldatuz.

Eskatzen diren ezaugarriak, lanpostuaren baldintzak eta egin beharrekoak, etab. deialdian (PDF) ikus ditzakezu.

Oso garrantzitsua: 30 urte baino gutxiago izan behar dituzu eta euskara zein gaztelaniaz ondo aritu. Lanpostua Bilboko bulegoan izango da.

 

Albistegi gaztea 78. zk. Informazioa zure esku

Adi egon!

Ideia bat daukagu! Haziak 2021

Lehiaketaren oinarri berriak. Zure ideiak errelitatea bihurtu. Maiatzaren 3ra arte.

Gazteei zuzendutako proiektu edo zerbitzuak bideratzeko dirulaguntzak

Oinarriak argitaratu dira. Proiektuak aurkezteko epea, apirilaren 16ra arte.

Irakurketa errazeko klub inklusiboa

Zatoz eta partekatu istoriak taldeka. Apirilaren 16tik ekainaren 4ra arte (ostiralero).

Aldi baterako enplegu-erregulazioko espedienteei buruzko azterlan baterako laguntzaile bila

Elkarrizketa pertsonalak egiteko aldi baterako enplegu-erregulazioko espediente batean egon diren edo dauden gazte bila gabiltza (30 urte arte). Anima zaitez eta parte hartu!

Gazte Informaziorako Bulegoa

‘Loturak’ erakusketa

Maitane Argote Guzmanen pintura erakusketa Gazte Informaziorako Bulegoan. Apirilaren 16ra arte.

Bekak, praktikak, enplegua…

Gure webgunean informazio eguneratua aurki dezakezu: lan-eskaintza publikoa, lan-praktikak, beka-deialdiak, etab. Geihago…

Gazteriaren erakusketa espazioa

exposición

14 eta 30 urte bitartean badituzu, Gazte Informaziorako Udal Bulegoan gune bat duzu zure argazkiak, marrazkiak, koadroak, poesiak… erakusteko. Aretoaren formatura egokitu daitekeen edozein ekoizpen artistikorako irekia.

Oraingo erakusketa

Artista: Maitane Argote Guzmán.

Izenburua: Loturak.

Datak: 2021ko martxoaren 17tik apirilaren 16ra.

Mota: Pintura.

Espazioaren ezaugarriak

Apalak: gazte Informaziorako Udal Bulegoko Aretoak 10 cm-ko sakonera eta 3,60 m-ko luzera duten bi apal ditu. Apalen eta sabaiaren arteko distantzia 90 cm-koa da.

Markoak: gainera, 40* 50cm-ko 12 marko jartzen dira gazte interesdunen eskura, beren sorkuntzak erakusteko euskarri gisa erabil ditzaten.

Inprimaketa: inprimatu beharreko obra bada, Gazte Informazio Bulegotik ere egin daiteke lan hori, baina ez paper fotografikoan.

Zabalkundea: erakusketa iragartzen duten kartelak inprimatuko ditugu, eta gizarte-etxeetan eta kiroldegietan banatuko ditugu. Udaleko sare sozialen bidez ere zabalduko da erakusketa.

Ordutegia: erakusketa jendearentzat irekitzeko ordutegia bulegoarena izango da: astelehenetik ostiralera 10:00etatik 14:00etara, eta astearte eta ostegunetan 17:00etatik 19:00etara.

Aretoa lagatzeko baldintzak: Espazioaren aldi baterako lagapena hilabetekoa izango da, baldin eta eskaerak horretarako aukera ematen badu.

Lagapen-akordio bat sinatuko da esposizioaren baldintzak adosteko unean.

Interesa baduzu…

Idatz iezaguzu mezu elektroniko honetara eta ahalik eta lasterren jarriko gara zurekin harremanetan: infogaztea@vitoria-gasteiz.org

Instagramen @vitoriagazteok kontuaren lehen urteurrena

vitoriagasteok

Gazteria Zerbitzuaren @vitoriagazteok Instagrameko kontuak, zeina Gasteizko 16 eta 35 urte bitarteko gazteek kudeatzen baitute, 1.000 istorio baino gehiago bildu ditu, eta 195.000 bistaratzetik gora pilatu ditu jardueraren lehen urtean. Ekimen hori aitzindaria da Estatuan, eta Gazteria zinegotzi Miren Fernandez de Landak adierazi duenez, “gazteei ahotsa ematea ahalbidetzen du, udalaren sare sozial bat eskura jarriz eta, aldi berean, ikusgarritasuna emanez”. Zinegotziak tresna berritzaile horren balorazioa egin du gaur goizean Gazteen Argibideetarako Udal Bulegoan (OMIJ), profila kudeatu duten pertsona batzuekin batera: Adriana, Mikelats, Bea eta Santiago.

Lehen urte honetan, 26 erabiltzailek kudeatu dute profila. Bi astetan zehar, beren gustuak eta interesak islatu dituzte, erronkak eta galderak proposatu, egunero egiten zutena kontatu, eta era guztietako gaiak mahai gainean jarri: musika, idazketa, kirola, elikadura, dibertsitate funtzionala… Geihago…

Gazteen Argibideetarako Udal Bulegoko aldi baterako itxiera

omij

Abenduaren 1etik 8ra ez da aurrez aurreko arretarik izango Gazteen Argibideetarako Udal Bulegoan zerbitzua hobetzeko obrengatik.

Arreta ematen jarraitzen dugu gure Sare Sozialetan mezu zuzenaren bidez, telefonoz eta e-mailez:

Telefonoa: 626 74 49 36

E-mail: infogaztea@vitoria-gasteiz.org

Twitter: @VG_gaztea

Facebook: OMIJ Informazio gaztea

20 ikastetxek osatuko dute gazte informatzaileen sarea

red jóvenes informadores

Beren eguneroko jardunerako eta gerora emantzipatzeko garrantzia duen informazioa bildu eta zabaltzen dute sareko ikasleek. Arlo hauek lantzen dituzte: hirian gazteentzat dauden zerbitzu eta baliabideak, prestakuntza, beka eta dirulaguntzak, lehiaketa eta deialdiak, enplegua, aisialdia eta abar. onen bidez ongi informatutako gero eta gazte gehiago egotea sustatzen da, hartara jarrera arduratsu eta kritikoa gara dezaten eta gizartean parte har dezaten.

Gobernu Batzarrak erabaki du 20 ikastetxe horietako bakoitzari 500 euroko zuzkidura ematea. Orotara 10.000 euro izango dira. Ikastetxe hauek jasoko dute dirulaguntza:

ARKAUTE NEKAZARITZAKO BHIIES KOLDO MITXELENA BHI
SAGRADO CORAZÓN IKASTETXEA (“CORAZONISTAS”)LAKUA BHI
FRANCISCO DE VITORIA BHILOS HERRAN BHI
EGIBIDE ARRIAGAMENDEBALDEA BHI
EGIBIDE JESUS OBREROOLABIDE IKASTOLA
EGIBIDE MENDIZORROTASAN PRUDENCIO IKASTETXEA
EGIBIDE MOLINUEVOMIGUEL DE UNAMUNO BHI
EGIBIDE NIEVES CANOURKIDE IKASTETXEA
EKIALDEA  BHIADSIS GASTEIZ OLHI
IDEARTESANSOMENDI IPI

 

Gazte Informatzaileen Sarea ikasleek osatzen dute eta ikastetxeetan beren eguneroko jardunerako eta gerora emantzipatzeko informazio garrantzitsua jaso eta zabaltzeaz arduratzen dira: hirian gazteentzat dauden zerbitzu eta baliabideak, prestakuntza, beka eta dirulaguntzak, lehiaketa eta deialdiak, enplegua, aisialdia eta beste. 

Gazteen Argibideetarako Udal Bulegoak koordinatzen du Gazte Informatzaileen Sarea, prestakuntza emanez, haien interesei erantzuten dien informazioa bilduz eta horren transmisioan lagunduz.

Gazte informatzaileek diru-ekarpena jasotzen dute ikasturtean egindako lanaren truke. Gazteentzat interesgarria izan daitekeen informazioa ahalik eta gehien zabaltzeko, hainbat udal ekipamendutan (gizarte etxeak, kiroldegiak…) informazio-taulak jarri dira, leku horietan gazte ugari bildu ohi baita.

Hizkuntza Kluba. Izena emateko epea zabalik

> Izena emateko epea: 2020ko irailaren 16tik 30era.

2020-2021 ikasturterako oharra: Osasun egoera zein izan, saioak aurrez aurrekoak edo telematikoak izango dira.

Zer da?

Ikasten ari zaren hizkuntzak doan praktikatzeko eta zure herrialdeko hizkuntza beste pertsona batzuekin partekatzeko topagunea. Ez da gramatika, ariketak… egiteko hizkuntza ikastaro bat. Landuko duzuna zure hitz-jariotasuna izango da.

Baldintzak

16 eta 35 urte bitartekoa izatea.
Aukeratutako hizkuntzen hitz egiteko maila erdi/goikoa izatea.

2020-2021 ikasturteko iraupena

2020/10/26-2021/06/04

Lekua

Gazteen Argibideetarako Udal Bulegoa (Espainia plaza, 1 – behea).

Izen-ematea

Noiz:

Irailaren 16tik 30era.

Ikasturte osoan zehar ere izena emateko aukera izango duzu, bai leku libreak dituen talde batean parte hartzeko bai itxarote zerrendetan egoteko.

Non: Gazteen Argibideetarako Udal Bulegoan edo online.

Nobedadea: maila proba

Elkarrizketa-taldeak direnez, ezinbestekoa da bertaratzen diren pertsonek izena ematen duten hizkuntzan hitz egiteko gai izatea. Hori dela eta, aurten maila-proba bat egingo da izen-ematea eta dagokion taldea egiaztatzeko.

Maila probaren datak: urriaren 13tik 19ra.

Urriaren 22an, webgune honetan argitaratuko da probarako esleitutako eguna eta ordua jasotzen dituen zerrenda. 945 16 13 30 telefonoan ere kontsulta daiteke.

Informazio gehiago.

Gazteen Argibideetarako Udal Bulegoaren zerbitzu guztiak zabalik

GAUB

Gazteen Argibideetarako Udal Bulegoak, dagoeneko, zerbitzu guztiak eskaintzen ditu.

Ekainaren 15ean, bidaia-giden mailegurako eta ordenagailuak erabiltzeko zerbitzuak eskaintzen hasi ginen, eta gaurtik aurrera bidaiatekako gidak eta dokumentuak aretoan ere kontsultatu ahalko dira. Honela, bulegoko zerbitzu guztiak martxan dira.

Araudia

Horretarako, edukiera-kontrol bat egongo da, gehienez ere 4koa: 2 pertsona arreta-eremuan, eta beste 2, bidaiatekako kontsulta-eremuan.

◦Bulegora sartzean, derrigorrezkoa da eskuak gel desinfektatzailearekin garbitzea (sarreran eskuragarri dago) eta maskara erabiltzea aretoan zauden denbora guztian.

◦Itzulitako bidaia-gidak berrogeialdian egongo dira 7 egunez. Egun horiek igarota, bidaiatekako apalategietara itzuliko dira, eta katalogoan eskuragarri egongo dira berriro.

Ordutegia eta kontaktua

Edozein zalantza argitu edo bulegoko zerbitzuren bat erabili nahi baduzu, astelehenetik ostiralera 10:00etatik 14:00etara etor zaitezke. Eta ordutegi horretatik kanpo, bide hauen bitartez jar zaitezke gurekin harremanetan:

Telefonoa: 945 16 13 30

Posta elektronikoa: infogaztea@vitoria-gasteiz.org

Twitter: @VG_gaztea

Facebook: OMIJ informazio Gaztea