VGaztea

“Konektatzeko prest?” Informazio kanpaina

Gasteizko Udaleko Gazteria Zerbitzuak “Konektatzeko prest?” kanpaina abian jarriko du. Kanpaina sortu da informazioa deszentralizatzeko eta gazteengana iristeko asmoz.

Programa berria da, eta Gasteizko gazteentzat erabilgarria den informazioa hurbiltzea eta haien zalantzak eta interesak jasotzea du helburu.

Horretarako, informazio-stand mugikor bat sortu da, eta urriko eta azaroko larunbatetan Gasteizko gazteen ohiko topalekuetara hurbilduko da.

Kanpaina, 14 eta 20 urte bitarteko gazteei zuzenduta dago eta urriaren 22an jarriko da martxan.

Hurbiltzen diren gazte guztiek oparitxo bat izango dute (mugikorrerako euskarri bat). Gainera, ekarpenak eginez parte hartzen dutenek Iphone 11 baten zozketan parte hartuko dute.

“Matxismoa, gizaldi berriaren esklabotza”. 2020ko Hiretu Hiriaren edizioan saritutako proiektua

« Nola izango dira feminaziak, emakumeak hiltzen badira, ez hiltzen dutenak? », « Ez dugu beste bat nahi », « Matxismoa mende berriko esklabotza da »,  « “Gakoa irakaskuntza eta hezkuntza dira ».

Biribilak dira, besteak beste, Koldo Mitxelenako DBHko 4. kurtsoko gazteek sortutako abesti honetan jasotako esaldietako batzuk. Kantuaren konpositoreek ( 3 ikasle gazte), bere lankideen aportazioez eta parte hartzeaz bideoklip hau osatzen lortu zuten. Koldo Mitxelenako gela horrek Hiretu Hiria- Haz tuya la ciudad programaren barruan honako gai hau lantzea erabaki zuen: « Ingurune matxistak ».

Horretarako, etxe barruan zein kanpoan bizi diren ingurune matxistak identifikatu zituzten, haiek ingurune horietan beren gain hartutako rolei buruzko gogoeta egin zuten, aztertu egin zituzten, eta emakumeek bizi dituzten desberdintasun- eta indarkeria-egoera horiek ikusaraztea erabaki zuten. Gasteizko herritarrak errealitate latz horretaz jabetu daitezen, eta desberdintasun-egoera horiek saihesteko tresnak proposatzeko, “Matxismoa, mende berriko esklabotza” abestia egin eta antzeztu zuten. 2021eko Hiretu hiria Galan, Hiretu – Hiria 2020 edizioan parte hartu zuten 19 taldeek (9 zentrok) gehien bozkatutako proiektua izan zen. Saria aisialdiko eta laneko asteburu bat izan zen, eta hortik sortu zen hemen aurkezten dugun bideo hau.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Bideo honekin emango diogu hasiera 2021eko Hiretu Hiriari. Bertan, 8 ikastetxetako 21 taldek hartuko dute parte.

 

 

 

 

 

Zabalgana Berpiztu

Zabalgana Batuz elkarteak aurrera jarraitzen du gazteen partehartzeari balioa emateko proiektuarekin, Zabalgana Berpiztu proiektuaren bidez, Gazteria Zerbitzuak diruz lagundutako proiektua.

Joan den urriaren 1ean,  Isabela Velázquez hirigilea izan genuen, parte hartzeko prozesuetan egindako lanagatik ezaguna, Zabalganako ikastetxeetako bigarren hezkuntzako eta batxilergoko ikasleei zuzendutako hitzaldi batean.

Topaketa horretan, auzoan egin diren dinamiken berri eman zen, gazteak jolas-eremu publikoak planeatu eta berritzeko diseinuan inplikatzeko.

Halaber, Gasteiz-Hobetuz programan aurkeztu diren proposamenen berri eman da. Proposamen horietan auzoko gazteek egindako proposamenak sartu dira:

Borinbizkarrako jolas-parkea: Parke honek hainbat gune ditu, parkean zehar kokatuta (rokodromoa, erlaxazio-eremua, picnic eremua, tirolinak…).

– Zabalparkeak: Proposamenaren helburua da hainbat kolektibok, hala nola, auzoko gazteek (kalistenia-parkea, adinekoentzako zabuak…), eskatzen dituzten elementuak eskaintzea auzoko egungo espazioei.

Mariturriko botereak parkeak: Naturako elementuak (ura, airea, eguzkia eta lurra) inspirazioa dira Mariturri inguruan bi parke diseinatzeko. Parke horietan, gazteekin egindako ibilaldietan bildutako eskaerak sartuko dira.

VG.1936ko (G)uda. Un verano en guerra.

Argazkigintza eta historia uztartuz, Espainiako Gerra Zibilaren lehen egunak ulertu eta aztertu nahi dituen proiektu bat aurkezten dugu (Haziak-Ideia Gazteak lehiaketan saritutakoa). Proiektu honen helburua 1936ko irudi historikoak deskribatzea da, garai hartan gertatutakoak aztertuz, baina helburu politikorik gabe.

 Erakusketa-Ibilbide bati jarraituz eta hainbat argazkiren bidez, Gerra Zibilean oso garrantzitsuak izan ziren hainbat gai jorratu dira, hala nola: emakumearen papera, Elizaren garrantzia, gizartearen militarizazioa eta haren ondorioak, e.a.

“Vitoria-Gasteiz 1936ko (G)uda. Un verano en guerra ” erakusketa Gasteizko hainbat gaztek osatutako VG.1936 kolektiboaren ekimena da. Erakusketa hau egin ahal izateko, gazte horiek Udal Artxiboan arakatu zuten 1936ko udan ateratako argazkien bila.

Ceferino Yanguasek 1936ko udan ateratako argazkiak (metro 1 X metro 1) Gasteizko hainbat kaletan jarri ziren (atera ziren toki berberetan), eta 2 bisita gidaturen bitartez oinezkoei ibilbide historiko bat bizitzeko aukera eman zitzaien (ekainaren 19 eta 20an). Hiritarren erantzuna oso positiboa eta parte-hartzailea izan zen.

VG.1936 kolektiboaren gazteek oso baloratu dute euren hiriaren historian murgiltzeko esperientzia, baita Gasteizko Udal Artxibategian eginiko ikerketa-lana ere. Gainera historiarekiko grina kalera ateratzea eta jendeak ikusteak gazteek badutela zer esan, oso baloratu dute.

1936ko (g)uda. Argazkiak eta ibilbidearen planoa Imagen archivo pdf

Argazkia: Diario de Noticias de Álava

 

BIZAN sarean ‘Biziz, adinik ez’ programan laguntzeko pertsonak bilatzen dira

BIZANen “Biziz, adinik ez” Europako proiektuarekin bat egiten dugu, adinekoekin atseginagoa den hiria sortzeko.

Adineko pertsona batzuek zailtasunak dituzte hirian mugitzeko.

“Biziz, adinik ez”, adineko pertsonei trizikloan abiadura atseginean eta hainbat ibilbidetan zehar paseatzeko aukera ematen die, hiria erakusteko pedalei ematen dieten languntzalei esker.

Udal etxeetan bizi diren adinekoekin denbora partekatu nahi duten adin guztietako pertsonen bila ibiliko gara ekainean, uztailaren 2an bukatuko da epea.

Lan horretarako prestatzeko, 2 prestakuntza-saio egingo dira eta hasierako talde bat sortuko da pedalei eragiten hasteko.

Interesatzen bazaizu, jarri gurekin harremanetan San Martingo BIZANen (Vera Fajardo margolariaren kalea, 5), 945 161440 telefonoan edo helbide honetan: mayores.info@vitoria-gasteiz.org. Behar duzun informazio guztia emango dizugu.

Web formularioan ere eman dezakezu izena zuzenean; ondoren, deituko dizugu eta programaren berri emango dizugu.

Gazte lidergoa Ibagueko eta Gasteizko eraldaketa politiko eta sozialerako

Nola jaio zen proiektua?

Garapenean Laguntzeko Zerbitzua eta Gazteria Zerbitzua lanean ari dira Erronka: Gazteak Gazte Planean 2021erako ezarritako helburu batzuk lortzeko, hori dela eta proiektu bat gauzatzen ari dira Kolonbia-Euskadi elkartearekin batera. Proiektu horretan, gizarte-eragina duten prestakuntza-, kualifikazio- eta laguntza-estrategiak burutuko dira gazteentzat kultura-kudeaketaren eta -ekintzailetzaren alorrean, baita Gasteizko eta Ibaguéko gazteen arteko truke-prozesuak ere, gazteen gaietan lan-agenda globalago bat prestatzeko.

Trukerako proposatutako ekintzak

1.  Trukeetarako plataforma digitala. www.trukecultural.org
Elkarrekintza-prozesu iraunkorra; bertan, hainbat produktu partekatuko dira aldian-aldian, hala nola kultura arloko kudeaketa prozesuei edo gazteen eskubideei buruzko bideoak, infogramak, podcastak eta txostenak, besteak beste, txatetan, web mintegietan, YouTuben, foroetan edota streaming bidez eztabaidatzeko.

2. Topaketa birtual tematikoak.
Topaketa birtualak egingo dira Gasteizko eta Ibaguéko gazteen artean, programatuak, gidatuak eta hedapen handikoak. Gai espezifiko orokorrak izango dituzte, tokiko adierazpenekin. Desberdintasunak eta kointzidentziak bilatuko dira, bai eta lankidetza hitzarmenak ere, hainbat arazori ekiteko, besteak beste klima-aldaketa, gazteen aurkako indarkeria matxista, gazte lidergoa eta kultur arloko kudeaketa prozesuak, batzorde binazionalak zehaztutakoaren arabera.

Geihago…

Gazte Informatzaileen Sarea programaren aurtengo talde irabazlea

Badugu Gazte Informatzaileen Sarea programako ikastaro honetako talde irabazlea.

Francisco de Vitoria Institutukoak dira, eta lan handia egin dute ikasturte osoan, bai sare sozialetan, baita ikastetxeko hezkuntza-panelari eusten.

Hemendik, zorionak eta eskerrak eman nahi dizkiegu egindako lanagatik, bai eta ikasturte honetan Sarean parte hartu duten gainerako gazteei ere. Hiriko 20 ikastetxetako 38 gazte izan dira, eta azpimarratu nahi dugu pertsona horiek guztiek egindako lana informazioa zabaltzen eta ikaskideen eskaerak jasotzen.

Informatzaile Gazteen Sarearen programari buruz gehiago jakin nahi baduzu, kontsultatu gure webgunea. Gure telefono, posta elektroniko edo sare sozialen bidez ere jar zaitezke gurekin harremanetan: linktr.ee/vggaztea.

Datozen asteetan programaren oinarriak eguneratuko ditugu (2021/22 ikasturtekoa). Ez galdu!

Vitoria-Gasteiz Hobetuz: guztion artean Gasteiz hobetzen dugu

Gasteizko Udalaren Partaidetza Zerbitzuak Vitoria-Gasteiz Hobetuz programa abian ipini du berriro ere. Udalak zer egitea nahiko zenuke hiria hobetzeko? Guztion artean erabakiko da zein proposamen burutuko diren.

Proposamenak aurkezteko epea ekainaren 28ra arte irekita dago.

Asierrek eta Andonik Vitoria-Gasteiz Hobetuz-eko 1. edizioan “Parkour Park” proiektua aurkeztu zuten.

Zure proposamena aurkezteko udal langileen laguntza izateko aukera duzu, aldez aurretik hitzordua eskatuz. Bestalde, informazio gehiago nahi izanez gero, egingo diren hitzaldietara etor zaitezke, honetan ere aldez aurretik izena emanez.

Argibide gehiago

Hiretu Hiria Gala- Gazte jendea hiria eraikitzen: maiatzak 14, 17:00, Goiuri jauregian

                                             

IPI Sansomendi, Sagrado Corazón, Nazareth, EPA El Carmen, Mendebaldea, Ekialdea, Koldo Mitxelena eta Egibideko ikastetxeen ordezkari gazteek landu dituzten proiektuak Gasteizko herritarren aurrean ikusgai jarriko dituzte. Horretarako, zuzeneko lekukotzak eta eurek eginiko bideoak plazaratuko dituzte Hiretu Hiria izeneko galan. Helburua: Gasteizko hiria bizitzeko toki solidarioa eta atsegina bihurtzea.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Gala honetara bertaratuko dira: parte hartu duten eskola-talde guztietako ordezkariak, senitartekoak, irakasleak, prozesuan inplikatutako hezkuntza-agenteak, alderdi politikoetako ordezkariak, eta gazte-proposamenak ezagutzeko interesa duten Gasteizko herritarrak. Gainera, jende ugari bertaratuko dela baliatuz, ekitaldian “Aurkeztutako gazteen gai eta esperientzien bozketa” egingo du Gazteria Zerbitzuak, bertaratutako jendeak gehien gustatzen zaiona aukera dezan. Boto gehien jasotzen dituen gaiak honako sari hau lortuko du: lan- eta dibertimendu-asteburu bat Paulen. Topaketa horretan, gazte irabazleek ekintza zehatz bat asmatuko dute Gasteizko herritarren aurrean ikusgai jartzeko.

Hiretu Hiria 2021 Gala gazteen parte-hartzerako prozesuaren amaiera izango da, eta baliagarria izango da gazte-proposamen eta gazte-gaitasunei balioa emateko: ahalmen kritikoa, analisi-ahalmena, auto-antolaketarakoa eta erantzunkidetasuna.

  • Data eta ordua: maiatzaren 14an (ostirala), 17:00etan.
  • Hizkuntza: gaztelaniaz eta euskaraz.
  • Adina: 14-99
  • Tokia: Goiuri jauregia.
  • Sarrera librea lekuak bete arte, 16:50etik aurrera.
  • Gaiak: “Gizarte-desberdintasunak Gasteizko auzoetan”, “Arrazakeria”,“Harrera-zentroak”, “Kartzela eta gizarteratzea”, “Animaliak abandonatzea”, “Nerabezaroa, Helduen aurreiritziak”, “Homofobia eta lesbofobia”, “Ikastetxeen ideologia”, “Eskola-jazarpena”, “Bizitzarako ikasgaia”, Genero-indarkeria”, “Nola landu sexua, droga eta alkohola”, “Kirola eta gizarteratzea”.

 

2021eko Gazteria Sari Nazionalen Deialdia

Beste urte batez, Injuvek Gazteriaren Sari Nazionalen deialdia egin du. Sari horien bidez, gazteen ibilbidea eta ahalegina sustatu eta aintzatetsi nahi dira, beren lana eta inplikazio pertsonala dela eta, gizartearen hainbat arlotan duten konpromisoa agerian uzten baitute.

Aurtengo deialdia 2021eko martxoaren 22ko BOEn argitaratu zen, eta sei kategoria ditu:

  • Konpromiso soziala. Egindako lan soziala eta boluntarioa aitortzea.
  • Kultura. Balioak transmititzeko arte-diziplinen erabilera aintzatestea.
  • Ingurumena. Ingurumenarekiko errespetua sustatzen duten jarduerak egitea aintzatestea.
  • Kirola. Kirola gazteen artean balioak eskuratu eta transmititzeko bitarteko izan dadin egindako jarduerak aintzatestea.
  • Zientzia eta Teknologia. Zientziaren eta teknologiaren arloan garatutako ekimenak edo jarduerak aintzatestea.
  • Giza eskubideak. Giza eskubideen arloko aitorpena edo jarduerak.

Edizio honetan, sariaren zenbatekoa 5.000 eurora igotzen da kategoria bakoitzeko.

Hautagaitzak aurkezteko epea: martxoaren 23tik apirilaren 21era.

Informazio gehiago.