Prentsa Oharren banner

Atxilotua errekisitoria judizial bat dela eta

Udaltzainek atzo errekisitoria judizial bat zuen 54 urteko gizonezko bat atxilotu zuten.

Hegoalde gizarte-etxean harrapatu zuten gizonezkoa garaikur bat ebasten ari zenean. Identifikatu zutenean, patruilak egiaztatu zuen bilatzeko, atxilotzeko eta epaitegira eramateko errekisitoria bat indarrean zuela. Ondorioz, eskakizuna bete eta epailearen esku utzi zuten.

 

Share

Atxilotua indarkeria erabiliz lapurreta egiteagatik

Udaltzainek 26 urteko gizonezko bat atxilotu zuten atzo indarkeria erabiliz emakume baten aurka egindako lapurreta-delituaren ustezko egilea zelakoan. Guztia Nieves Cano kalean gertatu zen, 13:30 inguruan, emakumea paseoan zebilela poltsa kendu zionean.

Lapurrak ihes egin zuen, baina handik gutxira atxilotu zuten Aretxabaleta eremuan dauden lursailen bidean, eta gaur utziko dute epailearen esku.

Atxilotu ahal izateko, garrantzitsua izan zen hiru nerabek eta uniformea soinean ez zeramaten bi ertzainek eskainitako laguntza. Izan ere, biktimari lagundu eta erasotzaileak ihes egiteko garaian bota zuen poltsa berreskuratu zuten. Gainera, identifikatu eta gero atxilotu ahal izateko beharrezko datuak eman zituzten.

 

Share

Atxilotua aginduak ez betetzeagatik eta udaltzainei eraso egiteagatik

Udaltzainek atzo 43 urteko emakumezkoa atxilotu zuten autoritate-agenteen aurkako atentatuaren ustezko delitua egiteagatik.

Koordinazio Zentralak patruila baten laguntza eskatu zuen Arana kaleko ostalaritza-establezimendu batera joan zedin. Izan ere, bertan, emakume bat zerbitzari bat iraintzen eta beste bezero batzuk molestatzen ari zen. Udaltzainak emakumea identifikatzen saiatu zirenean, emakumeak uko egin eta haietako baten aurka egin zuen. Ondorioz, atxilotu egin zuten.

Guardiako epaitegiari dagozkion eginbideak egin ostean, aske utzi zuten

 

Share

Atxilotua emakume bati poltsa lapurtzeagatik

Udaltzainek atzo 30 urteko gizonezko bat atxilotu zuten ustez indarkeriaz lapurreta-delitua egiteagatik.

Arratsaldeko 14:00etan gertatu zen, Eduardo Velasco kalean. 092ra egindako dei batek udaltzainak bertaratzeko eskatu zuen. Izan ere, 82 urteko emakume bat lurrean zegoen, poltsa lapurtu ziotelako.

Zenbait lagunek emandako deskribapenari esker, udaltzainek gizonezkoa inguruan topatu zuten. Atxilotu eta epailearen esku utzi zuten.

 

Share

Lau atxilotu udaltzainei eraso egiteagatik

 Larunbatean lau gizonezko atxilotu zituzten autoritate-agenteen aurkako eraso-delituaren ustezko arduradunak izateagatik Udaltzaingoak egindako 3 esku-hartzetan.

Lehenengoa 20:00ak inguruan izan zen, Hedegile kalean, udaltzainek musukoa jantzita izan gabe oihuka ari zen 44 urteko gizonezko bat identifikatu zutenean. Une hartan, ostalaritza-establezimendu batean zegoen 52 urteko beste gizonezko bat gerturatu zitzaien eta hark ere musukoa gaizki jantzita zuen. Musukoa ondo jartzeko esanez egin zioten eskaeraren ondorioz, gizonezkoak jokabide oldarkorra eta desafiatzailea agertu zuen, lehen gizonezkoak bezalaxe, eta udaltzainak kolpatu ere egin zituen. Ondorioz, biak atxilotu zituzten.

Zerbitzutik kanpo zegoen agente batek, 21:35 inguruan, Biltzar Nagusien kalean bikote baten eta egoera oldarkorrean eta asaldatuan zegoen 23 urteko gizonezko baten artean sortu zen eztabaida gogorrean bitartekotza egin zuen. Gazteak pertsona haietako bat kolpatu eta agente bat kolpatzen saiatu zen. Ondorioz, geldiarazi eta atxilotu egin zuten.

Handik minutu batzuetara, Udaltzaingoak 23 urteko beste gazte bat atxilotu zuen Santo Domingo kalean autoritate-agenteen aurkako atentatuarekin lotuta.

Bide publikoan substantzia estupefazienteak kontsumitzen ari zirelako lau gazterekin esku hartzen ari zen patruila bat eta haietako bat (gerora atxilotu zutena) ihes egiten saiatu zen hainbat agenteri eraso eginez.

Genero-indarkeria

40 urteko gizonezko bat atxilotu zuten ostiralean Zaramaga auzoan bere bikotekidearen aurkako genero-indarkeria zela eta. Izan ere, aurretik, behin eta berriro egin zion eraso.

Udaltzainak Gasteiz hiribidera joan ziren ostiralean gazte batzuk, bide publikoan, ustez, substantzia estupefazienteak manipulatzen ari zirelako. Gazteak identifikatu ostean, haietako bat atxilotu zuten; izan ere, eskudirutan diru asko zuen eta bertatik ihes egiten saiatu zen marihuanaz betetako poltsa bat botata.

Babes-agindua

Ostiralean 21 urteko gizonezko bat atxilotu zuten udaltzainek Gamarrako Atean bere aurkako babes-agindua zegoelako.

Emakumezko gazte batek poliziaren presentzia eskatu zuen bere bikote ohia handik metro gutxira zegoelako. Udaltzainek gertaerak egiaztatu eta babes-agindua oraindik indarrean zegoela egiaztatu zuten.

COVID zigorrak

Asteburuan, Udaltzaingoak ostalaritzako establezimenduak kontrolatzeko zerbitzu berezia jarri du abian Covid-19aren aurkako araudia betetzen dutela zaintzeko. Ostiraletik, 180 kontrol egin dituzte hiriko lokaletan eta balantzea 57 zehapen-proposamenekoa izan da. Gehienak musukoa jantzita ez izatearekin edo musukoa behar bezala ez erabiltzearekin lotutakoak izan dira.

Sei edukiontzi erreta

Larunbatean, 23:06 eta 23:37 artean, Lakua-Arriaga eta Lakuabizkarra inguruan, Juan Garai, Voluntaria Entrega, Baroa, Hondarribia, Tarragona eta Bartzelona kaleetan sei edukiontzik su hartu zuten. Azken kale horretan, gainera, edukiontziko suak automobil batean kalteak eragin zituen.

 

Share

Atxilotuta 49 urteko gizonezko bat amari eraso egiteagatik

Udaltzainek atzo 49 urteko gizonezkoa atxilotu zuten ustez amari eraso egiteagatik.

23:30ean, gizonezkoak berak deitu zuen 092ra amarekin gatazka izan zuelako polizia bertara zedin eskatzeko. Udaltzainak etxera joan ziren, Zaramaga auzora, eta emakumea, adinekoa, lurrean eserita topatu zuten.

Emakumeak adierazi zuen semeak eraso egin ziola eta arrastan eraman zuela sukaldera. Tratu txarra ohikoa zela salatu zuen, bai fisikoa, bai psikologikoa. Udaltzainek anbulantzia eskatu zuten emakumeari arreta emateko, oso urduri baitzegoen.

Semeak aitortu zuen erasoa, beraz, patruilak atxilotu egin zuen. Gaur jarriko dute epailearen esku.

 

Share

Atxilotua bere bikotekidearen alaba mehatxatu eta derrigortzeagatik

Udaltzainek atzo 46 urteko gizonezko bat atxilotu zuten bere bikotekidearen alabaren aurkako mehatxu eta derrigortze delituen ustezko egilea izateagatik.

092ra egindako dei batek poliziaren laguntza eskatu zuen Aranbizkarra auzoko etxebizitza batean, familiako eztabaida bat gertatu zelako. Patruila emakumearekin elkarrizketatu zen eta bikotekideak oihu egin ziola eta alabari (adingabea) eraso egingo ziola mehatxatu zuela kontatu zien. Bien bitartean, gainera, etxebizitzako altzariak indarkeriak kolpatu eta kalteak eragin zituen.

Udaltzainek ustezko erasotzailea atxilotu zuten eta gaur jarriko dute epailearen esku.

Gas-ihesa

Hondeaketa-pala batek gas-hoditeria bat hautsi zuen atzo Legution. Suhiltzaileek zonaldea sokaz inguratu eta, badaezpada ere, bizilagunak ondoko etxe batera eraman zituzten.

 

Share

Atxilotua bizilekua bortxatzeagatik eta bikote ohiari indarkeria egiteagatik

Udaltzaingoko agenteek 26 urteko gizon bat atxilotu zuten atzo genero-indarkeriaren arloan bizilekua bortxatzeagatiko, indarkeriagatiko eta kalteengatiko delituen ustezko egile gisa.

092 zenbakira egindako dei batek poliziaren presentzia eskatu zuen Zabalgana auzoko etxebizitza batean; eskatzailearen arabera, bere  bikote ohia onarpenik gabe sartu zen bertara.

Patruila batek egiaztatu zuen gizona sukaldean zegoela: minutu batzuk lehenago, emakumea etxetik atera zela aprobetxatuz sartu zen etxean hari bortizkeriaz bultzada eman ostean.

Biktimak agenteei esan zien harremana zuten bitartean hainbat eztabaida izan zituztela, baita erasoren bat ere, eta egun batzuk lehenago, bikote ohiak kalteak eragin zituela etxebizitzako atean. Horren guztiaren ondorioz, agenteek atxilotu egin zuten.  Gaur jarriko dute epailearen esku.

 

Share

Udaltzaingoak 229 pertsona salatu ditu asteburuan Covid-19aren aurkako neurriak ez betetzeagatik  

Udaltzaingoak 229 zehapen-proposamen egin ditu asteburuan Covid-19ari aurre egiteko ezarritako neurriak ez betetzeagatik.

Salaketak honako hauekin lotutakoak izan ziren: musukoa derrigor erabiltzeko araua ez errespetatzea (90); bide publikoan alkohola kontsumitzea (45); pertsonen arteko distantzia ez mantentzea (44); gehienez 4 laguneko taldeen mugak ez betetzea (19); etxeratze-agindua urratzea (8); gune publikoan erretzea 2 metroko distantzia errespetatu gabe (8); udalerriko edo autonomia-erkidegoko irteera eta sarreren agindua ez errespetatzea (6) eta beste kasu batzuk (9).

Atxilotua lapurretagatik eta kalteak eragiteagatik

Udaltzainek 19 urteko bi gazte atxilotu zituzten larunbatean ustez indarkeria erabiliz saltoki batean lapurreta egiteagatik eta kalteak eragiteagatik.

Hiritar batek patruila baten laguntza eskatu zuen beste gizonezko bati telefono mugikorra lapurtu zioten unean lekukoa izan zelako. Miaketan, udaltzainek gailua aurkitu eta konfiskatu zioten.

Handik minutu batzuetara, Udaltzaingoa Eulogio Serdan kalera joan zen; izan ere, pertsona haiek berak saltoki bateko kristala hautsi zuten. Esku-hartze hartan, aurreko lapurretaren biktima agertu eta egileak ezagutu zituen. Ondorioz, atxilotu egin zituzten. Atzo jarri zituzten epailearen esku.

Udaltzainen aurkako atentatua

Udaltzainek atzo 19 urteko emakumezkoa atxilotu zuten autoritate-agenteen aurkako atentatuaren ustezko delitua egiteagatik.

092ra egindako dei batek poliziaren laguntza eskatu zuen autobus-geltokian, pertsona batzuk arazoak sortzen ari zirelako. Mugikor baten lapurretaren inguruko gorabeherak argitzen saiatzeko udaltzainek egindako esku-hartzean, emakumeak udaltzainen aurka eraso egin zuen eta, ondorioz, atxilotu egin zuten.

Droga dela eta ikertua

Udaltzaingoak 35 urteko gizonezko bat ikertu du Lakuabizkarrako auzo bateko etxebizitza batean kukuluetan 950 gramo marihuana eta hori hazteko materiala zuelako.

Eskaileretan zegoen usain handiak piztu zituen poliziaren susmoak. Horren ondorioz, ikerketa abiarazi zuten eta ostiralean susmagarriaren etxebizitzan sartu ziren agindu judizial batekin.

 

Share