Prentsa Oharren banner

Gasteizko Udalak Lorenzo Ascasibar eskultorea omendu du

Gasteizko Udalak harrera egin dio Lorenzo Ascasibar eskultoreari, hiriko bizilagun ospetsu eta XX. mendeko euskal eskultura figuratiboaren erakusle nagusietakoari.

Gasteizko alkate Gorka Urtaran, Hezkuntza eta Kultura zinegotzi Estibaliz Canto eta udal korporazioko hainbat kide izan dira omenaldian.

Jaiotzez gipuzkoarra den 90 urteko artista Gasteizen bizi da 70.eko hamarkadatik, eta Euskadin eta Estatu Batuetan ikusgai izan diren 700 lan baino gehiago egin ditu. Gasteizen baditugu berak egindako estatua ezagunak, esaterako Florida parkean dagoen Manuel Iradierren estatua (Eusko Legebiltzarraren ondoan) eta Jesus Guridirena, izen bereko musika eskolaren aurrean.

Ekitaldi honek bat egiten du azken asteetan egin zaizkion gorazarreekin, esaterako ‘Lorenzo Ascasibar, testimonio de un escultor’ liburua argitaratzea, non Miguel Ángel Elkoroberezibar ikertzaileak artistaren bizitza eta obra azaldu dituen.

Horretaz gain, eskultorearen atzera begirako erakusketa bat dago ikusgai Bergaran, ekainaren 20ra arte.

Share

Etorkizuneko erabiltzaileentzat jarduera-eskaintzak nolakoa izan behar duen gogoeta egiten ari dira BIZAN zentroetan

Erretiroaren atarian dauden hogei pertsona bildu ditu San Martineko BIZANak, haien iritzi eta lehentasunen berri jasotzeko

Garai bateko adinekoentzako zentro soziokulturalek, orain BIZAN izenarekin ezagutzen direnak, eboluzionatzen jarraitzen dute. Izen berriari lotutako irudi-aldaketarekin batera, berrikuntzak egingo dira etorkizunean jarduera-programazioan, erabiltzaile berrien kezkei eta beharrei erantzun diezaieten.

Programazio berri hori diseinatzen laguntzeko, Gizarte Politiken, Adinekoen eta Haurren Sailak eta Giza Baliabideen Sailak partaidetza-saio bat antolatu dute gaur goizean, San Martineko BIZANen, erretiroaren atarian dauden 20 udal langileren iritzia ezagutzeko.

“Oso lagungarriak izango zaizkigu horien esperientzia eta ezagutza, iritziak eta proposamenak, BIZAN zentroetako etorkizuneko jarduerak diseinatzeko. Izan ere, edukiz aldatzeaz gain, edukitzaileak ere izango du bilakaerarik, hiriko adinekoen zahartze aktiboa sustatzeko”, azaldu du Gizarte politiketako zinegotzi Jon Armentiak.

Share

Haur eta nerabeek parte hartzeko Aktibat(tu) programak udalean izandako harrera-ekitaldiarekin eman dio amaiera ikasturteari

Gorka Urtaran alkateak, haurtzaroko zinegotzi Jon Armentiak eta gainerako taldeetako ordezkariek Salburuko gizarte-etxean gaur goizean egindako harrera-ekitaldiak eman dio amaiera haur eta nerabeentzako partaidetza-programari.

Hiriko 18 ikastetxetako 2.000 ikasletik gora aritu dira 2020-2021 ikasturtean Aktiba(tu) programan. Ikasleek txikitatik parte hartzea bultzatzen du programa horrek, hiru helbururekin: haur eta nerabeen eskubideak ikusaraztea, haurrek beren eskubideen defentsaz jabetzea, eta udal bizitzan parte hartzea ekarpen eta erabakiak tarteko.

Salburuko gizarte-etxeko ekitaldi-aretoko harrerara hiru ikastetxetako irakasle eta ikasleak bertaratu dira, Aktiba(tu) programan parte hartu duten ikastetxeen ordezkari gisa.

 

Share

Gasteizek eta Arabak rap erritmoan sustatu dute beren burua Fiturren

‘Invert’ euskal raperoak Euskadik Fiturren duen standean aritu da, uztailaren 10ean Gasteizko Iradier Arenan egongo den freestyle duelua aurkezteko.

Endika Gutiérrez ‘Invert’ abeslariak Arabako eta bere hiriburuko kultura- eta natura- ondareak sustatu ditu rap erritmoan, eta Fiturreko Euskadiko standera bertaratu direnen txaloak jaso ditu. Turismoaren Nazioarteko Azoka maiatzaren 23ra arte egiten da Madrilen.

Hezkuntza eta Kultura zinegotzi Estíbaliz Cantok USN World Summer Cup ekitaldiaren garrantzia azpimarratu du. “Gazteei zuzendutako ekitaldia da; berez zaila da publiko horrengana heltzea, eta erakundeetatik haien aldeko apustu sendoa egiten dugu“.

Ana del Val Kultura eta Kiroleko foru-diputatuak ere ikuspegi hori partekatu du. “Garrantzitsua da gazteentzako kultura ekitaldiak berreskuratzea, biziki behar dutelako”.

‘Invert’ raperoa izango da Gasteizen errimak egiten bere maisutasuna erakutsiko duen freestylerretako bat. Ekitaldian parte hartuko duten gainerako artistak maiatzaren amaieran emango dira ezagutzera.

Sarrerak maiatzaren 26an jarriko dira salgai, 12:00etan.

Informazio gehiago https://usnfreestyle.com/

 

 

 

Share

Ikasleentzako bide-segurtasunaren gaineko marrazki-lehiaketako sariak banatu ditu Udaltzaingoak

Lehen Hezkuntzako 5. eta 6. mailetako ehunka ikaslek parte hartu dute “Seguru bizi” lehiaketan

Isabela Escobar —Hogar San José ikastetxekoa—, Naroa Fernández de Mendia —Korazonisten ikastetxekoa— eta Giorgi Kurasbediani —San Martin ikastetxekoa— izan dira Udaltzaingoak urtero antolatu ohi duen “Seguru bizi” marrazki-lehiaketako lehen, bigarren eta hirugarren sarien irabazleak.

Lehen Hezkuntzako 5. eta 6. mailako ikasleek parte hartzen dute lehiaketan, zeinen helburua baita bide-hezkuntza sustatzea eta bide-segurtasuna eta bide publikoko erabiltzaileen arteko bizikidetza ona bultzatzen duten arauak betetzeko beharraz kontzientziatzea ikasleak.

Bizikleta bat, diploma bat eta ziklista-kit bat —kaskoa, argiak eta txirrina— jaso dute saritzat irabazleek. Beste 25 ikasleren lana ere saritu da, eta horiek ere jaso dute diploma eta ziklista-kita. Goiuri jauregian izan da sari-banaketa, Gorka Urtaran alkatea eta Herritarren Segurtasuneko zinegotzi Marian Gutiérrez bertan zirela.

Bide-hezkuntzako urteko egutegia argitaratuko du Udaltzaingoak saritutako 12 marrazki onenekin.

Lehen saria

Bigarren saria

 

Hirugarren saria

 

Share

‘Lehen besarkada’, 2021eko World Press Photo sariaren irabazle

Mads Nissen daniarraren  ‘Lehen besarkada’  argazkiak irabazi du 2021eko World Press Photo lehiaketako sari nagusia. Argazki hori eta gainerako guztiak ikusgai izango dira urriaren 15etik azaroaren 14ra arte Gasteizko Montehermoso kulturunean.  Hemeretzigarren urtez izango da Gasteizen World Press Photo erakusketa.

 

Share

Gasteizko Udalaren eta EHUko ordezkari nagusien arteko bilera

 

Gorka Urtaran Gasteizko alkateak eta Estíbaliz Canto Hezkuntza eta Kultura zinegotziak topaketa izan dute gaur goizean Eva Ferreira EHUko errektorearekin eta Manoli Igartua Arabako campuseko errektoreordearekin. Unibertsitateko zuzendaritza taldea berritu zenetik, ezaugarri horretako lehen harremana da bai errektore mailan, bai errektoreorde mailan.

 

Udalak unibertsitatearekin dituen elkarlaneko eremu desberdinak gainbegiratzeko balio izan du bilerak. Era berean, ahalduntzea eta prestakuntza moduko arloetara bideratutako etorkizuneko ekimen bateratuak arakatu dituzte. Gasteizek EHUrekin duen hitzarmen-markoak ekimen-aukera zabala eskaintzen du; esate baterako, udako ikastaroen moduko adibide finkatuak. Aipatutako lankidetzaren beste adibide batzuk dira farmakutsadurari edo eskola-bereizketa egoerari heltzeko egindako lanak. Elkarlan-lerroen artean, kirol-medikuntza arloko ikerketa ere nabarmentzen da.

 

“Euskal Herriko Unibertsitatea lehen mailako agentea da Gasteizko garapen sozialean, kulturalean eta ekonomikoan. Udalak eta EHUk beren indarrak batzen dituzten guztietan, hiria irabazle ateratzen da eta gure nahia lanean jarraitzea da Unibertsitateak egiten duen ekarpena bistaratzeko. Era berean, sinergia berriak sortu nahi ditugu herritarren onerako”, adierazi du Gorka Urtaran alkateak gaurko topaketaren ostean.

 

Antzeko hitzak adierazi ditu Eva Ferreira errektoreak ere. Haren esanetan, “historikoki, Gasteizko Udala eta Euskal Herriko Unibertsitatea elkarlan estuan aritu dira. EHU Arabako unibertsitatea da eta Gasteizko parte da, bertako eragile sozial eta kultural handienetako bat delako. Gauza asko partekatu ditugu Udalarekin eta proiektu berrietan ere elkarlanean jarraituko dugu gasteiztarren alde”.

Share

Merkataritza lokalaren stock azoka berritua izango da Iradier Arenan, gaurtik eta martxoaren 27ra arte

Gasteiz Onek antolatutako merkataritza lokalaren stock azokaren inaugurazioa izan da gaur goizean Iradier Arenan. Bertan izan da Merkataritza zinegotzi Igor Salazar, besteak beste. “Beste behin ere, merkataritza lokalaren stock azoka babesten dugu. 2021ean, inoizko partaidetzarik handiena izango du, gainera”, adierazi du.

Ekitaldi honen 24. edizioak hiriko 17 denda bilduko ditu, eta 22 saltokitan eskainiko dizkiete produktuak herritarrei, gaurtik eta martxoaren 27ra bitartean. Hau izango da ordutegia: 10:00etatik 14:00etara eta 17:00etatik 20:30era. Covid-19aren kontrako neurri higienikok hartuko dira Iradier Arenan.

Berritasun gisa, saldoen txokoak instalatuko dira hiri osoko 41 establezimendutan. “Ekitaldian parte hartzera animatzen ditugu gasteiztarrak, merkataritza lokalak eskaintzen dituen kalitatezko produktuak eskuratu ahal izateko”, gaineratu du Salazarrek.

Share

Santa Barbarako pergolak toldoak estreinatuko ditu

Gasteizko Ekonomia Sustapenerako Saila, Mugikortasun eta Espazio Publikoko sailarekin batera, toldoak jartzen hasi da Santa Barbara plazako pergolan. Horrela, Udalak erantzuten dio ostegun eta larunbatetan egiten den merkatuko ekoizleen eskaerei, postuak eguzkiaren eta haizearen aurrean babesen bat jartzeko eskatua baitzuten. Toldoak olana mikrozulatukoak dira, eta egituraren hegoaldeko aldearen goialdean lotuta egongo dira.

Share

Gasteiz Sport Business biltzarraren bigarren edizioa hasi da, Europa jauregian

Kirol eta Osasun zinegotzi Livia Lópezek Gasteiz Sport Business biltzarraren bigarren edizioaren hasiera-ekitaldian parte hartu du; Europa jauregiko Maria de Maeztu auditoriumean egiten ari da hori. Gaurko hitzorduan 300 pertsonatik gora bilduko dira, COVID-19aren aurreko segurtasun-protokoloak ezarri direlarik hizlari, entzule eta laguntzaileentzat.

Livia Lópezek zorionak eman dizkie Gasteiz Sport Business-en antolatzaileei Udalaren izenean, ekimena bultzatzeagatik bai kirolerako bai biltzar jardueretako hain zaila den egoera honetan. “Osasunaren arloko murrizketak direla kausa sektore askok zailtasunak izan arren, zuek gure hiriaren, kirolaren eta hitzordu honen aldeko apustua egin duzue, ezagutzak partekatzeko xedez eta ekitaldi segurua izateari lehentasuna emanez“.

Gasteiz Sport Business jardunaldi bakarrean garatuko da, eta hainbat gai jorratuko dira bertan, hala nola eliteko kluben kudeaketa, berrikuntza —saskibaloiko Euroligan, kasu—, marken trataera kirolean, edo datuen erabilera, kirolaren arloko profesionalei laguntzeko tresna gisa.

Share