Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  18 urria 2019 11:30

Montehermoso kulturuneko ur-biltegi ohian ikusi ahalko da erakusketa, astelehenetik igandera, 11:00etatik 14:00eta eta 18:00etatik 21:00etara

 

 

 

 

 

World Press Photo, prentsa-argazkilaritzaren arloko nazioarteko lehiaketa ospetsuena, Gasteizen da berriro, duela 17 urtetik etengabe etorri den bezala. Zenbakiek argi erakusten dute lehiaketak komunikazio grafikoko profesionalen artean sortzen duen interesa. Aurtengoan 129 herrialdetako 4.738 argazkilarik hartu du parte, eta guztira 78.801 irudi aurkeztu dituzte. Azkenik, epaimahaiak 157 argazki aukeratu ditu erakusketa osatzeko.

Gasteizko Udaleko Kultura zuzendari Paco Galvek, World Press Photo fundazioaren ordezkari Anita Huynh-ek eta World Press Photo-ren sustatzaile Gasteizen Paco Valderramak hartu dute parte erakusketa aurkezteko prentsaurrekoan.

Kultura zuzendariak adierazi duenez, “harrotzeko modukoa da Gasteiz izatea erakusketa iritsiko den 45 herrialdetako 100 hirietako bat,  besteak beste, munduko hiriburu nagusiak baitira horien artean. Iaz 14.000 pertsona baino gehiago hurbildu ziren zutabez osatutako paisaia honetara, bihotza hunkitzen edo haien edertasunaz zirrara sortzen zuten ikusizko istorioak ezagutzera.”

‘Yanelaren malkoak’

Lehiaketaren irabazle absolutua, 2019. urteko argazkia, ‘Yanelaren malkoak’ izenburua daramana da, John Moore argazkilari iparramerikarrarena (Getty Images agentzia).  Irudian Yanela txikia ageri da, negarrez, Texasko mugako poliziak Sandra ama miatzen duen bitartean. Biak Mexikotik zetozen, Bravo ibaia zeharkatuta. Argazkiak askotariko interpretazioak eragin ditu, elkarren artean bat ez datozenak.

Erakusketan askoz istorio gehiago aurki daitezke, batzuk globalak eta beste batzuk partikularragoak, baina garrantzitsuak denak. 23 herrialdetako 43 profesionalek egin dituzte aurtengo 140 irudiak; horietako 14 emakumeak dira (ehuneko 32).

Aurten erreportajeak sustatu dira bereziki, sari berria sortu baita: ‘Urteko argazki-istorioa’; Pieter ten Hooper holandarrak irabazi du saria, ‘Migratzaileen karabana’ lanarekin, zeinaren gaia Moore-ren argazkiarena bera baita.

2019ko World Press Photo erakusketa Montehermoso kulturuneko ur-biltegian ikusi ahalko da, urriaren 18tik azaroaren 17ra, 11:00etatik 14:00etara eta 17:00etatik 21:00etara, astelehenetik igandera (jaiegunak barne). Bisita gidatuak ere  eskainiko dira, euskaraz eta gaztelaniaz.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  24 iraila 2019 11:48

Urriaren 7tik azaroaren 25era bitartean izango da Montehermosoko ohikoaz bestelako zinemaren zikloa; 9 proiekzio eta lantegi bat.

Urriaren 7an hasiko da, Montehermoso kulturunean, ohikoaz bestelako zinemaren laugarren edizioaren udazkeneko programazioa. Bederatzi proiekzio izango dira, baita lantegi bat eta zinema-komisarioen nazioarteko topaketa bat ere, urriaren 18tik 20ra bitartean.

Kultura eta Gizarte Etxeen zinegotzi Estíbaliz Cantok eta zikloaren koordinatzaile Garbiñe Ortegak aurkeztu dute prentsaurrekoan.

“Zinema Gaur aukera paregabea da hala ohikoa ez den zinema gustuko dutenentzat nola zinema oro har gustuko dutelarik hori ezagutzeko jakin-mina dutenentzat. Bi edizio besterik egin ez bada ere, zikloa sendotuta dago zinemarekiko grina partekatzeko espazio gisa”, adierazi du Cantok.

Urriaren 18tik 20ra bitartean izango den zinema-komisarioen nazioarteko topaketa da edizio honetako berritasun nagusia, praktika horri buruz hausnarketa egitea eta ideiak trukatu eta zabaltzea helburu. Gune ireki, malgu eta pizgarria izango da, non komisario nazional eta nazioartekoek beren ikuspuntu, esperientzia eta estrategiak trukatu ahalko baitituzte, bai beren artean, bai publikoarekin. Zinema- edo arte-komisarioei, zinema-ikasleei, artistei eta kultur kudeatzaileei zuzenduta dago.

Komisario gonbidatuak:

  • MANUEL ASÍN, Nafarroako Museoko zinema-komisarioa, eta Madrilgo Arte Ederren Zirkuluko programazio-arduraduna.
  • ALEXANDER HORWATH, komisarioa eta idazlea. Viennale (1992-97) eta Vienako Filmmuseumen (2002-17) zuzendari ohia, Kasseleko Documenta 12 ekimeneko zinema-programaren komisarioa izan da, baita zinemari buruzko liburu ugariren editorea ere, besteak beste Film curatorship liburuarena.
  • ANDREA LISSONI, VDrome-ren fundatzaile eta programatzailea, gaur egun Londresko Tate Film-eko komisario nagusia.
  • CARLOS MUGUIRO, komisarioa, irakaslea, Punto de Vista zinemaldiaren lehen zuzendari artistikoa, eta gaur egun Donostiako Elías Querejeta Zine Eskolako zuzendaria.
  • GARBIÑE ORTEGA, komisarioa eta komisariotzako irakaslea Elías Querejeta Zine Eskolan eta ESCACen, gaur egun Punto de Vista zinemaldiaren zuzendaria da.
  • MARIA PALACIOS CRUZ, LUXeko (London) zuzendaria, Elías Querejeta Zine Eskolako Komisariotza Arloko arduraduna, eta Punto de Vista eta Courtisane ekitaldiuetako programatzailea, besteak beste.
  • GLORIA VILCHES Centre de Cultura Contemporània de Barcelonako Xcèntric ekimenaren arduraduna da.

 

Izen ematea, doan: 945 161 830, info.montehermoso@vitoria-gasteiz.org

Gainerako programazioa

  • Urriak 7, 19:30: Diana Toucedoren film laburrak
  • Urriak 14, 19:30: TARDE PARA MORIR JOVEN. Dominga Sotomayor. Txile. 2018. 110 min.
  • Urriak 21, 19:30: Garai eta leku desberdinetako hiru film: “Where I Am Is Here”, Margaret Tait, UK, 1964, 35 min. 16 mm, proiekzio digitalean; “Despedida”, Alexandra Cuesta, Ekuador/US, 2013, 10 min., 16 mm, proiekzio digitalean, eta “Tombent les heures”, Blanca Camell Galí, FR/ES, 2018, 25 min., digitala. Saioaren programatzaile eta aurkezlea: María Palacios Cruz, zine-komisarioa eta irakaslea Elías Querejeta Zine Eskolan.
  • Urriak 26: HOME MOVIE DAY: Etxeko Zinemaren Eguna urriko hirugarren larunbataren inguruan ospatzen da mundu zabalean. Parte hartzeko gonbitea egin nahi die Montehermosok etxean Super 8 eta 16 mm-ko formatuetan egindako filmak dituztenei. Proiekzioa baino 30 minutu lehenagora arte jasoko dira filmak, gainbegiratzeko eta segurtasun osoz proiektatzeko. Antolatzailea: Fósforo kultur elkartea.
  • Urriak 28, 19:30: EL MAR LA MAR. JP Sniadecki, Joshua Bonnetta. 94 min. / 2017 / Estatu Batuak. P. Sniadecki zuzendaria saioan izango da.
  • Urriak 4, 19:30: SE NATURAL: LA HISTORIA NO CONTADA DE ALICE GUY. Pamela B Green. AEB, 2018, 120 min. Marta Selva programatzailea saioan izango da.
  • Azaroak 11, 19:30: FILMAR EL DESEO, VIAJE A TRAVÉS DEL CINE DE MUJERES. Marie Mandy. Belgika. Frantzia, 2000, 60 min.
  • Azaroak 18, 19:30: CHEZ JOLIE COIFFURE. Rosine Mfetgo Mbakam. Belgika, 2018. 71 min.
  • Azaroak 25, 19:30: TIERRA SOLA. Tiziana Panizza. Txile, 2017, 107 min.

 

Gainera,

  • Urriak 5 eta 6, 10:00 – 14:00: Zinema-lantegia: Espiritu aliatuak, elkarren ondoko irudiak Diana Toucedoren eskutik. Sortzaileei, ikasleei eta ikus-entzunezkoen alorrean interesa duen orori zuzendua.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  13 iraila 2019 11:40

 

Kulturuneak eta EHUk proiektu artistikoak zabaltzeko egiten duten deialdian hautatutako lehen lana aurkeztu da.

 

 

 

 

 

Gaur arratsaldean, 19:00etan inauguratuko da Maria Valverderen “Blanco y Fucsia” erakusketa Montehermoso kulturuneko Jovellanos aretoan. Gaur aurkeztu dute prentsaurrekoan Kultura eta Gizarte Etxeen zinegotzi Estibaliz Cantok, artistak berak, programaren komisario Cristina Arrázola Oñatek eta EHUko ordezkari Edurne González Ibáñezek.

Marta Valverde (Nigrán, 1994) Ikus-entzunezko Komunikazioan graduatua da, Vigoko Unibertsitatean. Haren ikus-entzunezko lanak Curtocircuito nazioarteko zinema jaialdian (2018), Pontevedrako Novos Cinemas nazioarteko zinema jaialdian (2016 eta 2017) eta Centro Galego das Artes da Imaxe (CGAI) zentroan (2018) ikusi ahal izan dira. Egonaldiak egin ditu Voadora antzerki konpainiarekin, Surge Madrid jaialdiaren barruan (2018), eta Histeria Kolektiboa espazioan (2019). Orain Gasteizera iritsi da.

Proiektua

Marta Valverdek zinema-irudia hartzen du abiapuntutzat inguratzen duenaz mintzatzeko: “Hogeitaka urte izatea, zure bizitzarekin zer gertatuko den ez jakitea, iraganbideak, distantziak, ibilbideak, gurasoen etxea behin eta berriro, ikasle-pisu kutreak, deserrotze etengabea, aldatzeko beldurra eta aspertzeko beldurra neurri berean, lan prekaritatea eta ihes egiteko gogoa, aldaketa etengabea/asperdura/erabili eta botatzea/ deserrotzea- emigrazioa – etxea – iraganbideak – ikasle-pisuak / belaunaldi artekoa”. Bizi den lekuen memoria eta pertsonekin zein objektuekin dituen harremanak interesatzen zaizkio. Hori dela eta, bere lanaren izaera intimoa da gehien bat, material autobiografikoa oinarritzat hartuz loturez eta pertenentziaz hausnartzen baitu.

“Aldi berean, eta alderdi teknikoari dagokionez, bideoaren aurkezpen tradizionala zalantzan jarri nahi dut, nire kontakizunari ondoen moldatzen zaion euskarria aurkitzearren. Hainbat neurritako hamasei plasmek osatutako erakusketa da.”

Erakusketetan ikus-entzunezkoen formatua hedatzeak proposamen artistikoa erakusteko eta jasotzeko egoera berriak plazaratu ditu. Ikus-entzunezko hedatuak, batetik, zentzua eta esperientzia sortzeko espazio berriak iradokitzen ditu; bestetik, narratiba berriak sortzen, zeinetan erabakiak eta eraginak ebazten diren, eta subjektibotasunaren ezagutza zehatz eta gorpuztuak garatu ahal diren.

Marta Valverdek aurkezten duen ikus-entzunezko hedatuan (Blanco y Fucsia) dokumentala eta fikzioa kontakizun beraren orrialdeak bailiran tolesten dira. Bertan, haren adiskideak eta lagunak agertzen dira, nork bere bizitzaren agintea hartzeko erronkaren aurrean, prekaritate —hori ere hedatu— testuinguru batean.

Martaren proposamenak zalantzan jartzen du kontakizuna menderatzen duen subjektu orojakilearen presentzia eta, era berean, uko egiten die ikus-entzunezko kategoria eta formatu konbentzionalei, bizipen subjektibo bat eta munduaren esperientzia lokalizatu bat —belaunaldi baten gorputzean haragiztatua— transmititze aldera.

 

Proiektu artistikoak

Erakusketa-sorta hau Montehermoso kulturunearen eta EHUko Arte Ederren Fakultatearen arteko lankidetzaren emaitza da. Duela sei urte, erakunde biek harreman emankor bati ekin genion, Leioako Fakultatean ikasitako artista hasi berrien lana ekoiztera bideratuta.

Harreman horri esker, eta orain artekoan, lehen urratsak eman ahal izan dituzte 35 artista gaztek, beren lanak jendaurrean erakusteko bide nekezean.

Proiektua kontu handiz zaindu izanak, proiektuan hobekuntza txikiak pixkanaka txertatzeak, eta, batez ere, formula denboran zehar finkatzeak, faktore horien eraginez, ekimena aukera preziatua bihurtu da hasten ari diren artisten lana erakutsi eta balioesteko, eta baita arte-mintegi eder bat ere gure testuinguru kulturalean.

Joan den urtean, azken bost urteetan ohikoa izan zen erakusketa kolektiboaren ordez banakako lau erakusketa egin ziren. Horrek lan hautatuak ardura handiagoz jorratzea eta antolaketa- eta produkzio-lan handiagoa eskatzen du, helburu bakarra delarik artista partaideei beren ahalmenak neurtzeko aukera emankorra eskaintzea.

Aurrerapauso horri esker, ikasturte honetan ere lau artista gaztek beren lana eta obra erakutsi ahal izango dute Montehermoso kulturunean, irailean hasi eta maiatza bitarteko ekimen batean, zeinaren bitartez egungo ikerkuntza artistikoaren ikuspegi interesgarri bezain anitza eskainiko den, bai eta erakusketa moldeen eta egungo gizartearekin planteatzen dituzten harremanena ere.

Urtarrilean eta otsailean Irene Carmonaren lana, otsailetik martxora Susana Viñolorena eta apiriletik maiatzera Javier Ozcoidirena izango dira ikusgai.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  11 iraila 2019 14:33

Familiak elkARTzen programaren instalazioetarako izena emateko epea zabaldu du Montehermoso Kulturuneak.
Familiak elkARTzen programaren helburua arte garaikidea etxeko txikienei hurbiltzea da, beren interesekin egokitzen diren instalazioen bitartez. Instalazio bakoitzak artista garaikideen obra bati egiten dio erreferentzia.
Hiru urteko zikloa osatu ondoren, irailaren 28tik azaroaren 30era, 2 eta 5 urteko neska-mutilek, heldu batek lagunduta, giro lasai eta motibatzaile batez gozatzeko aukera izango dute.
Argibide gehiago eta izen-emateak: www.montehermoso.net Tel. 945 161830. Doako jarduera. Leku kopurua mugatua da
Armiarmak geuk sortzen ditugu.
Irailaren 28tik urriaren 5era, 12:00-13:00. Jarduera elebiduna.
Erreferentziazko obra: Louis Burgeoisen “Torso”
Instalazio honetan kuxinez eta artilez egindako eskultura nagusi bat izango dugu, eta familiek beren irudimenari leihoak zabaldu ahal izango dizkiote, forma desberdinak konposatuz eta elementu horiekin duten elkarrizketaren bidez espazioa eraldatuz.
Altxorraren bila
Urriaren 19an eta 26an, 12:00-13:00. Jarduera elebiduna.
Erreferentziazko obra: Fiona May-ren “Give a dog a bone”
Kartoizko kutxez egindako horma handi baten barruan elementu harrigarriak topatuko ditugu, sailkapen-sistemak landu ahal izateko.
Labirinto imajinaezinak
Azaroaren 9an eta 16an, 12:00-13:00. Jarduera elebiduna
Erreferentziazko obra: Bianka Hester-en “These Circumstances”
Instalazio honen bidez enkarnazioaren, materialtasunaren eta espazioaren arteko loturak aurkitzeko ideiaren gainean lan egingo dugu.
Neu naiz, beste bat naiz
Azaroaren 23an eta 30ean, 12:00-13:00. Jarduera elebiduna.
Erreferentziazko obra: Claudia Cahun-en I’m training don’t kiss me
Familiek pertsonaia desberdinak antzeztera jolastu daitezke zapata desberdinak jantziz, elementuekin formazio desberdinak marraztu edo egin, makillatu, ispiluetan beren buruak ikusi, musikarekin elkarrekintzan aritu… nortasunen ugaritasuna arakatuz.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  6 iraila 2019 11:00

Montehermoso kulturuneak antolatu duen eguneko kontzertu-zikloaren bigarren edizioan 11 emanaldi programatu dira, eta bihar azken-hirugarrena izango da

 

Datorren larunbatean (irailak 7), 13:30ean, eta Belar Sounds kontzertu-zikloaren barruan, Iruñeko Komando Funk taldeak jendearen atsegina egingo du Falerina lorategian, azken hamarkadetako klasiko handien bertsio alai eta dantzarako prestatuak jotzean. Montehermoso kulturuneak antolatzen duen kontzertu-zikloaren bigarren edizio honetan programatu diren 11 emankizunetatik hiru geratzen dira soilik. Arrakasta handiz ari da aurtengoa; izan ere, 250 pertsona inguru joan izan da kontzertu bakoitzera batez besteko, lehen ediziokoa gaindituz.

Larunbatekoaz gain, beste bi ekitaldi geratuko dira. Irailaren 14an, baita ere 13:30ean, Bartzelonako Koko Jean & The Tonics laukoteak rhythm & blues, soul eta rock & roll erritmoei ekingo die. Azkenik, urriaren 5ean Moni Garage talde gasteiztar indartsuak emango dio azkena kalitateko musika jende orotara hurbiltzeko eta Falerina lorategia bizikidetza- eta aisialdi-leku gisa sustatzeko helburuak dituen kontzertu-zikloari.

Belar Sounds musika-topaketen programa hemengo zein estatuko panoraman sendotzen ari diren taldeen lana erakusteko asmoz sortu zen. Kontzertu horiek, gure hiriko hirigune historikoko ingurune eraberritu batean egingo dira, asteburuetako eguerdiak gozatzeko eta musika ona entzun bitartean topa egiteko”, azaldu du Kultura arduradun Estíbaliz Cantok.

Oraingoan Euskal herriko eta Nafarroako 8 taldek hartu dute parte, horietatik 3 gasteiztarrak; horiekin batera Bartzelona bi eta Madrileko beste bat aritu dira. Hamaika talde horietako zazpik badute emakumezko kideren bat, tresna-jolea izan zein kantari izan.

 

informazio +: www.montehermoso.net

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  4 uztaila 2019 12:41

Proiektu artistikoak lantzeko 2018ko deialdiaren barruko lan hori indarkeria sinbolikoan oinarritzen da

Iñaki Gracenearen “Modelo eta Praktika (disciplinar)” erakusketa uztailaren 5etik irailaren 22ra arte ikusi ahalko da Montehermoso kulturuneko ur biltegian; proiektu artistikoak lantzeko 2018ko deialdiaren barruan aukeratu zuten proiektua, eta gaur aurkeztu du egileak, Kultura eta Gizarte Etxeen zinegotzi Estíbaliz Cantorekin batera.

Kontrol egiturek sortzen dituzten irudiak zalantzan jartzea da  “Modelo eta praktika (disciplinar)” erakusketaren ardatz nagusia, zehazki, kontrolaren arkitektura eta espetxeen arkitekturaren historia.

Azken proiektuetan, indarkeria sinbolikoaren inguruan jardun du egileak. Indarkeria mota horretan ez da indar fisikoa zuzenean erabiltzen, menderatzaileek menderatuak jazarriz baizik; inposizio horrek hainbat tresna baliatzen ditu: arkitektura, arauak, ezarritako errutina, munduaren ikuskera, gizarte rolak, kategoria kognitiboak eta pentsamendu egiturak.

Sailkapenaren ideian oinarritutako lan multzo batek osatzen du erakusketa. Ibilbidea Gasteizko garai bateko kartzelatik abiatzen da, estatuan eraikitako lehen kartzela zelularra izan baitzen, eta ur biltegian barrena hedatzen da, lanen arteko erlazio ezberdinak ahalbidetuz, bildumaren ideia abiapuntutzat hartuta.

Iñaki Gracenea

Iñaki Gracenea (Donostia, 1972) Arte Ederretako lizentziaduna da (EHU, 1990-95). 1997tik 2000ra bitartean egoiliarra izan zen Artelekun (Donostia). Transfer proiektuaren barruan Kunsthaus Essen zentroan aritu zen (2000). 2001-2002 ikasturtean Botín beka lortu zuen, International Studio and Curatorial Program-en (New York) egoiliar izateko. 2009an “Código Error” lantegia eman zuen Artelekun. 2010ean Fúnf Cams proiektua garatu zuen Berlinen, Madrilgo Autonomia Erkidegoaren arte plastikoen bekari esker. 2013an Andratx-eko (Mallorca) CCA zentroko programan parte hartu zuen. 2015ean egoilar izan zen CUNY-New Yorkeko Unibertsitateko John Jay College-ko Lloyd Sealy Library-n, eta Erromako Espainiaren Akademiaren beka lortu zuen.

Banakako eta taldeko erakusketa ugari egin ditu, eta hainbat museo eta zentrotako bildumetan dute haren lanen bat, Artiumen, esaterako.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  3 uztaila 2019 12:23

Alde zaharrean bizi direnen testuinguru komuna du aztergai. Horretaz gain, pieza eszeniko ibiltaria estreinatuko da uztailaren 4an, 5ean eta 6an.

“Ibili Ganbaran” partaidetza-proiektua aurkeztu da gaur Montehermoso kulturunean. Gasteizko Parasite Kolektiboak 2019ko lehen sei hilekoan osatu du, bitartekaritza artistiko gisa, bizi duten testuinguruak batzen dituen adin eta jatorri desberdineko pertsonekin. Zein da testuinguru hori? Gasteizko Alde Zaharra.

Kultura eta Gizarte Etxeen zinegotzi Estíbaliz Cantok eta Parasite Kolektiboko Hannah Francesek eta Unai eta Garazi López de Armentiak aurkeztu dute.

Ko-sormenezko prozesu horren emaitza bikoitza izan da. Batetik, pieza eszeniko ibiltari bat, uztailaren 4an, 5ean eta 6an Alde Zaharreko kaleetan zehar antzeztuko dena. Bildutako materialaren gaineko ikerketa eta sormen-lanaren emaitza da eta konpainiak Baratza Aretoan zuzentzen duen Sormen eszenikoko Laborategian osatu du.

Bestalde, erakusketa ere izango da Montehermoso kulturunean, uztailaren 5etik irailaren 8ra bitartean, eta proiektu horren lan-prozesua ezagutu ahal izango da bertan.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  25 ekaina 2019 11:34

Kulturuneko Jovellanos aretoan aurkeztuko dira, 2019ko urritik 2020ko maiatzera arte

Montehermoso kulturuneak eta EHUren Arte Ederren Fakultateak lau proiektu aukeratu dituzte fakultate horretako ikasleentzako deialdiaren zazpigarren edizioan.

Gasteizko Udalak eta Arte Ederren Fakultateak sorkuntzaren alorreko azken joerei zabalkundea emateko sinatu zuten hitzarmenaren barruan kokatzen da deialdia.

Etorkizunean, profesional bihurtzen direlarik, lanean erabili beharko dituzten espazioak eta tresnak eskura jartzea da deialdiaren helburua.

2018an hasitako bideari jarraituz, aukeratutako proiektuak banaka aurkeztuko dira, artista bakoitzari 900 euro ordainduko zaio, eta banakako katalogoak egingo dira, Ibon Saénz de Olazagoitiak diseinaturik. Cristina Arrázola-Oñate gasteiztarra arduratuko da bigarren urtez jarraian programaren komisario izateaz.

Hautatutako proiektuak erakusketa-programan txertatuz, Montehermoso kulturuneak profesionalizatzeko bidean dauden sortzaileen lanak ikustarazten laguntzen du, eta lanerako plataforma eskaintzen die haiei mundu profesionalera hurbiltzeko, eta bide batez sortzaileek eta gizarteak lotura zuzena egiten dute elkarren artean.

Aurkezteko epean 44 proiektu jaso ziren, aurreko edizioan baino 19 gehiago. Hautaketa-batzordeak —Cristina Arrázola-Oñate, komisarioa; Natxo Rodríguez, EHUko Kultura Ekintzako zuzendaria; Edurne González, Arte Ederren Fakultatekoa, eta Araceli de la Horra, Montehermoso kulturunekoa— lau proiektu proposatu dituzte, zeinak Montehermoso kulturuneko Jovellanos aretoan aurkeztuko baitira jendaurrean, 2019ko urritik 2020ko maiatzera arte. Proiektu hauek aukeratu dituzte:

Autorretrato. Fotografía analógica realizada con cámara estenopeica

– “Cuerpo inefable”, Irene Carmonarena

Irene Carmonak inguru hurbilenean aurkitzen dituen motibo plastikoetan oinarritzen du bere lana. Pinturaren bidez gauzatzen da haren lana, argazkia bitarteko, erreferentziazko bitarteko gisa ez ezik, baita berez zentzua duen elementu gisa ere. Argazkia da harrapatu nahi duen une plastikoa izozten laguntzen dion tresna, gero pinturaren bidez interpretatzeko.

– “Walking the line”, Javier Ozcoidirena

Kaleetan ibiltzearen poderioz sortzen da proiektua,  inguruan dauden lerroei etengabe behatuz, haiekin elkarreragin eta haiek birpasatu edo sortzeraino.

Paisaian lerro bat eginez eta irudi bat sortuz esku hartzeak ahalmen handia ematen dio hari.

Proiektuaren barruan ekintzak egiten jarraitzen du egileak, hiri ingurunean forma ezberdinetako lerroak sortzen eta inguruneetatik paseatzen, eta asmoa da espazio batean guztiz gauzatzea, hori ahalbidetzen duen aurrekontu batekin.

Performatibitatea oso inplizitua da artistaren lanean,  hizkuntzarekin eta errepikapenarekin jolastea, zeina ibiltzean ere presente baitago.

Mars Odyssey. Obra digital impresa. 150×60 cm

– “The sky is inside”, Susana Viñolorena

Susana Viñoloren proiektuak aurrerapen teknologikoen eta ezagutzaren paradigma historikoki aldakorren arteko erlazioa du gaitzat, astronomiaren alorreko teknologiak ikergaitzat hartuz.

Jatorri, garai eta munduko leku ezberdinetako irudiak eta informazioak alderatuz eta gainjarriz, giro anakronikoa sortzen du artistak.

– “Blanco y Fucsia”, Marta Valverderena

Artistak errealitatea bitan banatzen saiatzen da, bere belaunaldiak —hogeitaka urte dituenena— azaltzen duen tristeziaren jatorria zein den asmatu nahian eta, aldi berean, mundu paralelo edo ihesbide posibleei buruz ikertu. Arrazoia eta gorputza aurrez aurre, eguna eta gaua, loa eta esna egotea. Ikus-entzunezko erretratu bikoitzen bidez bi mundu horiek (errealitatea eta ametsa) islatzen ditu, eta haien arteko zirrikituei buruz hausnartzen.

Beldurrak, ametsak, frustrazioak, ihesbideak.

Naturalismo dokumentala eta etorkizunari buruzko elkarrizketak amets-irudi estetikoekin nahasten dira.

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  28 maiatza 2019 13:39

Gasteizko udalak Giza eskubideak eta sorkuntza artistikoa deituriko urteko deialdiaren ebazpena onetsi berri du. Deialdi hori Garapenean Laguntzeko Zerbitzuak antolatzen du Montehermoso kulturunearekin batera.
Aurten sei proposamen aurkeztu dira: Garapen Bidean elkarteak aurkeztutako “Dies Irae” proposamenak lortu du punturik gehien.

Proiektuak pertsonen eta herrien eskubideei, memoriari eta hondamendi ekologikoei buruzko hausnarketa egiten du, 1970ean Peruko Yungay hiria lurperatu zuen Ancasheko hondamendia abiapuntu hartuta.

Juan Arrosagaray  izango da proiektuaren zuzendari artistikoa, eta ikus-entzunezko lanak eta audioak bateratuko ditu.  SERSO San Viatorreko Amaia Zorrillaren eta ketxueraz emititzen duen Yungayko San Viator irratiko kolaborazioa ere izango du.

2019ko azaroaren 17tik 2020ko urtarrilaren 15era bitartean izango da ikusgai Montehermoso kulturunean, eta lehen solairu guztia hartuko du.

 

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  23 maiatza 2019 12:49

Montehermoso kulturuneko lorategian 11 kontzertu egingo dira egunez; sendotze-prozesuan dauden hemengo zein estatuko taldeak.

Estíbaliz Cantok buru duen Kultura, Hezkuntza eta Kirol Sailak 2017an berreskuratu zuen Montehermoso kulturuneko Falerina lorategiaren kudeaketa publikoa, eta aurten ere bertan gauzatuko du “Belar Sounds” programa: ekainaren 1etik urriaren 5era bitartean egunez (13:30ean) egingo diren 11 kontzerturen zikloa. Hango taberna-kafetegia ere ireki zen, iazko uztailaren erdialdean.

Cantok adierazi duenez, “Belar Sounds musika-topaketen programa sortzearen helburua zen hemengo zein estatuko eszenan sendotzen ari diren taldeen lana erakustea. Kontzertu horiek, gure hiriko hirigune historikoko ingurune eraberritu batean egingo dira, asteburuetako eguerdiak gozatzeko eta musika ona entzun bitartean topa egiteko”.

Aurten Hego Euskal Herriko 9 taldek hartuko dute parte (horietako hiru, Gasteizkoak), eta, horietaz gain, Bartzelonako bi taldek eta Madrilgo batek. Hamaika talde horietako zazpik badute emakumezko kideren bat, tresna-jolea izan zein kantari izan.

Belar Sounds 2019ko programazioa

  • JAMES ROOM & WEIRD ANTIQUA (Bilbo) → ekainaren 1a. James Room eta Weird Antiqua estiloa, soinua, kontzeptua eta lagun egiten dion taldea da. Elkarrekin sartu dira Gaua Recordsen diskografian, soinu sendo eta trinkoarekin.
  • THE YOUNG WAIT (Donostia) → ekainaren 9a. Amerikar erroak dituen rock talde trinkoa da. Darabilen lengoaia folka, bluesa, psikodelia eta pop argitsua da, denboran iraun nahi duten kantu zintzoetan.
  • LOS MISTERIOS (Gasteiz) → ekainaren 23a. Gasteizko talde hau 2014an sortu zen, rock & roll instrumentalaren eta surf-rockaren ur zurrunbilotsuetan surfean aritzeko.
  • THE ROMANTICOS (Tolosa) → ekainaren 29a. Chicagoko bluesez eta sustraiko antzeko soinuez eta swingez beteriko konposizio propioak, funk zertzeladekin jatorrizko rhythm & bluesa hondoan. Iker Piris-ek (gitarra-jolea, kantaria eta konposatzaile), Adrián Carrerak (bateria-jolea) eta Ricky Ávilak (baxu-jolea) osatzen dute proiektua.
  • INFRAGANTI BAND (Gasteiz) → uztailaren 7a. Boskote sortu berri hau ahotsaz eta laukote instrumental batez (baxua, gitarra, saxoa eta bateria) osatua da. Julia Butenkoren ahots bero eta malguak berezko estiloa eman dio taldeari.
  • RACHEL REYES & THE FIREBALLS (Madrid) → uztailaren 14a. Rachel Reyes kantaria buru duen Madrilgo soul-taldea. The Fireballsek lagun egiten dio, Madrilgo musika beltzeko ohiko hiru musikarik: Victor Sánchez (gitarra), Moisés Pindado (baxua) eta Adrián Carrera (bateria).
  • FRANK BLACKFIELD BAND (Donostia) → abuztuaren 24a. Donostiako talde honen blues, soul, country eta folk soinuen erritmoak mugiaraziko ditu ikusleak.
  • WAX & BOGGIE (Bartzelona) → abuztuaren 31. Wax & Boogie 50eko hamarkadako rhythm & bluesean inspiratzen da, eta musika afroamerikarraren izpiritua islatu nahi du.
  • KOMANDO FUNK (Iruñea) → irailaren 7a. Azken hamarkadetako klasiko handiak; emaitza sofistikatua, seduktorea, alaia eta dantzagarria da. Energia-dosi bat, zinez.
  • KOKO JEAN & THE TONICS (Bartzelona) → irailaren 14a. Koko-Jean-ek, Anton Jarl-ek, Victor Puertas-ek eta Dani Baraldés-ek osatzen dute taldea; Bartzelonako eszenako musikaririk txalotuenetakoak. Rhythm & bluesaren, soularen eta rock & rollaren bidetatik dabiltza haien soinuak.
  • MONI GARAGE (Gasteiz) → urriaren 5a. Rock & rollaren, Ingalaterrako pubaren, soulik gitarrazaleenaren, Eskandinavia Ramones-zaleari egindako omenaldien, Frantziako yé-yé-aren eta Japoniako punk-bluesaren bideetatik (besteak beste) doan musika.

 

Share

Aurrekoak »