Osasunaren Udal Zerbitzuak 18.755 euro bideratu ditu Gasteizen adikzioei buruzko diagnostikoa egiteko

Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  31 urria 2024 11:43

Tokiko Gobernu Batzordeak lankidetza-hitzarmena onartu du gaur goizean Droga-menpekotasunen Deustuko Institutuarekin, Vitoria-Gasteizen adikzioen arloan dagoen errealitateari buruzko diagnostikoa egiteko. Osasunaren Udal Zerbitzuak 18.755 euro bideratuko ditu azterlan horretara. Azterketa bost hilabetez egingo da, eta emaitzak Adikzioei buruzko V. Toki Plana egiteko erabiliko dira.

Diagnostiko kuantitatibo eta parte-hartzailea egingo da, herritarren partaidetza-prozesu baten bidez datuak bildu eta aztertuko dituena. Horren helburua izango da adikzioek (substantziekin eta substantziarik gabe) hirian duten egoera aztertzea. “Lortutako emaitzetatik abiatuta, Udalak bere erantzuna eta esku-hartzeak optimizatu ahal izango ditu adikzioak eragindako arazoen ondorioak murrizteko”, azaldu du Maider Etxebarria alkateak.

Diagnostikoaren emaitzari esker, adikzioak eta portaeraren beste nahasmendu batzuk gutxitzeko V. Toki Plana egin ahal izango da. Droga-menpekotasunen Deustuko Institutuarekin elkarlanean egingo da. Hain zuzen ere, erakunde hori drogak eta adikzioak ikertzen eta horiei buruz aholkatzen ari da 1989tik. Drogekin lotutako gaiei buruzko prestakuntza emateko, horren inguruan lan egiten duten profesionalak birziklatzeko eta ikertzeko sortutako lehen unibertsitate-institutua da.

Share

Udalak 30.000 euroko inbertsioa egin du desgaitasuna duten pertsonek aholkularitza juridikoa jaso dezaten

Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  12 uztaila 2024 12:03

Tokiko Gobernu Batzordeak Eginaren Eginez elkartearekin lankidetza-hitzarmena onartu du, gasteiztar guztiei irekita dagoen orientazio juridikoko zerbitzua finantzatzeko.

Bertako profesionalek desgaitasuna duten pertsonek jasaten dituzten diskriminazio-egoeren aurrean arreta eta aholkularitza eskaintzen dute, eta herritarrek irisgarritasunarekin lotuta izan ditzaketen kontsultaren inguruan erantzuten dute.

“2024ko udal-aurrekontutik 30.000 euro bideratu ditugu desgaitasuna duten pertsonek beren eskubideen inguruko aholkularitza juridiko espezializatua izango dutela bermatzeko”, adierazi du Gasteizko Elkarbizitzarako eta Aniztasunerako zinegotziak, Pascual Borjak. “Programa honen bidez, desgaitasuna duten pertsonei desabantaila soziala sortzen dieten kausak ezabatzen lagunduko dugu”, gehitu du.

Herritarrei desgaitasunarekin lotutako gaiei buruzko orientazio juridikoa emateko, beharrezkoa da aldez aurretik azterketa egitea, kasu zehatzetan araudia interpretatzea eta jarduketei buruzko informazioa ematea, eta idatziak bideratzea edo egitea. Lan horiek ezberdinak izaten dira kasu bakoitzaren arabera.

Zerbitzua erabili ahal izateko, beharrezkoa da aldez aurretiko hitzordua eskatzea eta  asteazkenetan, 10:00etatik 12:00etara, Eginaren Eginez elkartearen egoitzan (Simon Bolivar plaza, 9, behea) eskaintzen da.

Share

Basque Culinary Center-en proiektua Gasteizen garatzeko lankidetza-hitzarmena onartu dute

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  5 uztaila 2024 13:21

  • Udala EDA, Drinks & Wine Campus Fundazioan sartuko da patrono gisa, eta Basque Culinary Centerren jarduera sustatzen lagunduko du
  • Hirirako interes berezia duen proiektua da, garapen ekonomiko eta sozialari eta enpleguaren sustapenari egiten dion ekarpena dela eta

Tokiko Gobernu Batzordeak Udalaren, Basque Culinary Centerren eta EDA, Drinks & Wine Campus Fundazioaren arteko lankidetza-hitzarmena onartu du beren proiektua Vitoria-Gasteizen garatzeko. EDA, Drinks & Wine Campus proiektua interes berezikoa da hiriarentzat, Gasteizko garapen ekonomiko, sozial eta enplegu-sustapenari egiten dion ekarpena dela eta.

Dokumentu hau berrestea bide horretan emandako beste urrats bat izango da. Izan ere, otsailean, bi aldeek Arabako hiriburuko Lakua auzoan dagoen Euskaltzaindia plazako lursailean Basque Culinary Centerren etorkizuneko zentroa ezartzeko asmoen protokoloa sinatu zuten. Hitzarmen honek lau urteko indarraldia izango  du, luzatzeko aukerarekin.

Lankidetza-hitzarmena sinatuta, campusa eraikiko den Euskaltzaindia plazako lursailean 75 urtez Fundazioaren aldeko azalera-eskubidea eraikitzeko konpromisoa hartu du bere gain.

Bestalde, EDA Drinks & Wine Campus Fundazioak bere gain hartu du udal-erakundea Fundazioaren patrono izendatzeko betebeharra. Aldi berean, Udalak Basque Culinary Centerren jarduera sustatzen lagundu beharko du Gasteizen abian jarritako proiektu eta ekimenetan.

Udalak campusaren jarduerak, proiektuak eta ekimenak garatzen lagunduko du, urtean 500.000 euroko ekarpen ekonomikoa eginez. Horretarako, konpromiso-kreditu baten onespena izapidetuko da, datozen lau urteetarako 2 milioi euroko aurrekontu-zuzkidura bermatuko duena. EDA Drinks & Wine Campusek, berriz, Udalari eraikinaren erabileragatik kanon bat ordaintzeko konpromisoa hartzen du.

Etorkizunean prestakuntzako eta berrikuntzako zentro bihurtuko den eraikina Udalaren jabetzakoa den 8.610 metro koadroko lursail batean kokatuko da. Bertan, Donostia eta Rafael Alberti kaleen artean, 4.000 metro koadroko eraikin berri bat altxatuko dute.

Eraikin berezi hori egiteko, lehiaketarako deia egin da, eta arkitekto ospetsuen 31 estudio bildu dira, beren proposamenak aurkeztuz. Prozesua azken txanpan dago, eta EDA Drinks & Wine Campusen Gasteizko egoitza eraikitzeko ardura jasoko duen estudioa hiru hauetako bat izango da: Carvalho Araújo estudioa, Barozzi Veiga eta Orza Paisajismo galiziarrarena, eta Britainia Handiko Zaha Hadid enpresa ezagunaren beste proposamen bateratu bat.

Share

Udalak 177.000 euro inguruko inbertsioa egingo du Gasteiz marka saskibaloiko Euroligan sustatzeko

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  7 uztaila 2023 10:36

Tokiko Gobernu Batzordeak Saski Baskonia SADrekin babesletza-hitzarmena sinatzea onartu du Baskonia taldeak 2022-2023 denboraldian saskibaloiko Euroligan jokatu dituen partidetan Gasteiz sustatzeko. Udalak 177.299 euroko (BEZa barne) ekarpena egingo du Gasteiz marka aipatutako partidetan nazioartean proiektatzeko.

“Baskoniak saskibaloi-taldeen Europako txapelketa nagusian parte hartzea aukera paregabea da Gasteizek Europako herrialde guztien artean aparteko ikusgarritasuna lor dezan. Ekintza hori Ekonomia Sustapenaren, Enpleguaren, Merkataritzaren eta Turismoaren Sailak aurrera eramandako estrategia globalean kokatuta dago eta, epe ertainera begira, gure hirira iristen diren bisitari europarren gorakada eragingo du”, adierazi du Maria Nanclaresek, arlo horretako zinegotziak.

Share

Arabako Abokatuen Elkargoarekin sinatutako hitzarmena onartu da, adinekoei aholkularitza juridikoko zerbitzua emateko

Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  9 ekaina 2023 11:45

Tokiko Gobernu Batzarrak Arabako Abokatuen Elkargoarekin hitzarmen bat sinatzea onartu du gaur, adinekoei aholkularitza juridikoko zerbitzua emateko 2023an, 10.000 euroko zenbatekoarekin.

Zerbitzuak aholkularitza espezializatua emango die 60 urtetik gorako pertsonei eta egoera hauetakoren batean dauden pertsonak zaintzen dituztenei: mendekotasun-egoeran dauden edo mendetasun-arriskua duten 65 urtetik gorakoak, desgaitasunen bat dutenak edo zaintza eskatzen duen egoera psikiko edo fisikoren bat dutenak.

Aholkularitzak askotariko gaiei buruzko informazioa eskaintzen du: zuzenbide zibila (herentziak, salerosketak, mendekotasuna…); Gizarte Segurantza (pentsio subsidioak…); zigor-zuzenbidea (tratu txarrak, abandonua, tratu desegokia…); administrazio-zuzenbidea (isunak, erreklamazioak…); etxebizitza (etxegabetzeak, traba arkitektonikoak…), etab. Halaber, diskriminazioa, abusua edo adinekoen eskubideei eragiten dieten egoerei buruzko aholkuak ematen ditu.

Gainera, esku-hartzeetan adineko pertsonen aurkako tratu txar fisiko eta ekonomikoen arrisku-faktoreak edo alerta-seinaleak antzemango balitu, udaleko gizarte-zerbitzuei jakinaraziko lizkieke.

Garapenerako lankidetza

Era berean, Udal Gobernuak oniritzia eman dio Euskadiko GGKE-en Koordinakundearekin (Arabako Ordezkaritza) lankidetza-hitzarmen bat sinatzeari, garapenerako lankidetzaren arloan prestakuntza-, sentsibilizazio- eta komunikazio-jardueren programa bat egiteko. Akordioa 2023rako da, eta 24.000 euroko udal-finantzaketa izango du.

Share

Gasteizko Udalaren eta Euskaltzaindiaren arteko lankidetza hitzarmena onartu da 2023rako

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  9 ekaina 2023 10:38

  • Aurreikusitako aurrekontua 63.000 eurokoa da, eta hiriko toponimiaren azterketarekin lotutako lanetan inbertituko da.

Tokiko Gobernu Batzordeak Gasteizko Udalaren eta Euskaltzaindiaren arteko lankidetza hitzarmena onartu du 2023rako, 63.000 euroko aurrekontuarekin.

Akordio horri esker, Euskaltzaindiak lan hauek egingo ditu aurten Gasteizko toponimiaren azterketarekin lotuta:

  • Otobarren, Otogoien, Martioda eta Uribarri Dibiña herriei dagokie lehen itzulia. Testigantzak toponimo jakin batekin identifikatzen saiatuko dira, datuak aztertu eta ordenatzeko.
  • Artatza, Gereña, Legarda, Mandoia, Otobarren, Otogoien, Martioda eta Uribarri Dibiña herrietako toponimoen deskribapena.
  • Inkestak egitea eta ortoargazkiak prestatzea.
  • Dibiña II argitalpenean agertuko diren toponimo guztiei dagozkien testuen behin-behineko idazketa.
  • Testu guztiak lantzea eta mapak prestatzea.

Era berean, agortuta dauden, baina Arabarako garrantzi berezia duten lanen berrargitalpena sustatuko du, baita lankidetza horretatik sortzen diren beste batzuen argitalpena ere. Dokumentu horiek, gainera, digitalizatzen joango dira, Gasteizko Udalaren webgunean argitaratu ahal izateko.

Ekintza zehatz horiei ohiko ekintzak gehitu behar zaizkie: informazioa ematea eta herritarrekin lankidetzan aritzea, kultura zabaltzeko jarduerak bultzatzea, ikastaroak, hitzaldiak eta abar.

1996tik lankidetza-hitzarmenekin

Euskal erakundeen zeregina da ondare kulturaltzat jotzen den euskara mantentzea eta garatzea, eta estatutuetan ondare hori babestea jasota duen erakundea, Euskaltzaindia, mantentzea.

Gasteizko Udalak konpromisoa du, bere eskumenen esparruan, hizkuntza hori sustatu eta garatzeko, eta herritarren hizkuntza-eskubideak bermatzeko.

Hori kontuan hartuta, Gasteizko Udalak eta Euskaltzaindiak 1996ko irailaren 27an sinatu zuten bi erakundeen arteko lehen lankidetza-hitzarmena. Harrezkero, honako lan-ildo hauetan eragin da bereziki: Gasteizko udalerriko hizkuntza-arloko aholkularitza eta toponimia-proiektua. Ia 30 urte baino gehiagoko lankidetza oso ona izan da.

Share

Gasteizek eta Arabak hitzarmen bat sinatu dute Renferekin Fitur azokan, turismo eta negozioetarako helmuga gisa sustatzeko

Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  18 urtarrila 2023 12:59

  • Deskontuak eta baldintza bereziak adostu dituzte,lurraldean eta hiriburuan ospatzen diren ekitaldiez gozatzeko bidaia trenez egiten dutenentzat
Gasteizko Udalak eta Arabako Foru Aldundiak lankidetza hitzarmen bat sinatu dute gaur Renferekin, lurraldea eta hiriburua turismo eta negozioetarako helmuga turistiko gisa sustatzen eta trena garraiobide gisa erabiltzeabultzatzen elkarlanean aritzeko.
Hitzarmen hori Maider Etxebarria Gasteizko lehen alkateorde eta Ekonomia Sustapenaren, Enpleguaren, Merkataritzaren eta Turismoaren Saileko zinegotziak, Cristina González bigarren diputatu nagusiorde eta Enplegu, Merkataritza eta Turismo Sustapenaren Saileko diputatuak eta Sonia Araujo Renfe Viajeros sozietatearen zuzendari nagusiak sinatu dute gaur Nazioarteko Turismo Azokan (Fitur).
Etxebarriak era Gonzalezek azpimarratu dute akordioa “onuragarria dela Gasteizko eta Arabako erakargarri turistikoak ezagutarazteko eta lurraldea negozioen eta biltzarren helmuga gisa sustatzeko”. Halaber, probintzian eta hiriburuan egiten diren kultura, jai eta kirol ekitaldiak zabaltzeko aukera emango digu”.
Akordio hau urte amaierara arte egongo da indarrean, etahainbat ekintza aurreikusten dira, besteak beste, RENFEk deskontu bereziak egitea distantzia luzeko zerbitzuetako txarteletan, ekitaldiak, biltzarrak eta konbentzioak direla-eta Arabara joateko. Era berean, treneko garraioa, ostatua eta aisia eta kultura jarduerak sartuta dituen opor paketeak sustatuko dira.
Horiez gain, Arabako turismoa sustatzeko ekintzak egingo diraRENFEren publizitate euskarrietan (buru euskarriak, telebista pantailak, web orria, txartel elektronikoak, etab.).
Bestalde, Gasteizko Udalak eta Arabako Foru Aldundiak Renferen zerbitzuak garraiobide gisa sartuko dituzte Arabako lurraldean turismoa sustatzeko egiten dituzten jarduera orokor guztietan, eta Renfe Viajerosek eskaintzen dituzten baldintza berezien berri emango diete biltzarretan parte hartzen dutenei.

Hitzarmena Logroñorekin

Bestalde, Gasteizko alkateordeak, Maider Etxebarriak, eta Logroñoko Udaleko arduradunek gaur arratsaldean sinatuko dute bi hirien arteko turismo-sustapen gurutzatua egiteko lankidetza-hitzarmena. Urtebeteko indarraldia izango du eta bi turismoguneak sustatzea eta bertako kultura gastronomikoa eta jasangarritasun turistikoa zabaltzea du xede.
Elkarrekin adostutako estrategia horrek hainbat lankidetza-lerro izango ditu turista berrien igoera indartzeko eta turismogune konbinatuen marka eta irudiaren posizionamendua hobetzeko. Beste hainbat jardueraz gain, honako hauek bideratuko dituzte: bi hirietako turismoaren sektoreko profesionalekin laneko tailerrak eta topaketak, Logroñon Gasteizko turismo-eskaintzaren aurkezpenak, eta Arabako hiriburua gertuko turismogune gisa sustatzeko publizitate-euskarrien eta turismoko produktuentrukea.
Share

Udalak eta Boulevardek hitzarmena sinatu dute merkataritza guneko euskararen egoera aztertu eta erabilera sustatzeko

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  6 urria 2022 11:50

  • Akordioak lehen fruituak emango ditu urrian eta azaroan diagnostiko soziolinguistiko bat eta hainbat kultur jarduera eginez

  • “Eremu sozioekonomikoa euskara sustatzeko politiken erdigunean dago”, esan du Gorka Urtaran alkateak

 

Gasteizko Udalak eta El Boulevardek hitzarmen bat sinatu dute gaur goizean, Arabako hiriburuan eta merkataritza-gunean euskararen erabilera sustatzeko lankidetza eta konpromisoa sendotzeko. Gorka Urtaran Gasteizko alkateak eta Amaia Castillo El Boulevardeko gerenteak akordioa sinatu dute gaur goizean, eta horri esker urtero hizkuntza sustatzeko hainbat ekintza egingo dira. Gasteizko Udalak eta merkataritza-eremuak horrelako hitzarmen bat sinatzen duten lehen aldia da.

“Eremu sozioekonomikoa euskara sustatzeko politiken zentroan dago momentuan. Euskal erakundeok oso argi daukagu enpresa eta dendetan euskalduntze prozesua bultatzea funtsezkoa dela”, esan du Gorka Urtaran alkateak. “El Boulevardetik aspaldi ari gara euskararen erabileraren aldeko apustua egiten eta gaur pausu garrantzitsu bat ematen dugu. Euskararen normalizaziora bidea egin nahi dugu eta gaur sinatzen den lankidetza aro berria bide ona dela uste dugu. Gure hiriaren eta gure merkatal eremura gerturatzen diren pertsonen aldeko lankidetza egingo dugu Udalarekin”, esan du Amaia Castillo El Boulevardeko gerenteak.

Akordio horrek hainbat emaitza ekarriko ditu epe laburrean: Udal Euskara Zerbitzuak hasi ditu Boulevardeko hizkuntza-egoerari buruzko diagnostikoa egiteko lanak, merkataritza-guneko langileek euskara-eskoletan izena emateko aukera eskainiko da, merkataritza-eremuak Euskaraldia bezalako kultura-ekintzekin lagunduko du eta komunikazio-kanpainak zabalduko dira.

Lehenengo lana, hizkuntza-diagnostikoa, laster hasiko da, eta El Boulevardeko langileei, saltokiei eta bezeroei egindako inkestetan oinarrituko da. Lana urritik abendura egingo da. Horri esker jakingo da zein den euskararen abiapuntua merkataritza-gune horretan, Gasteizko handienetako batean.

Kultur ekintzei dagokienez, Boulevardek modu aktiboan parte hartuko du Euskaraldia 2022an. Ildo horretan, urriaren 8an Tor Magoaren emanaldia programatu da 18.30etan Nodal plazan. Eta azaroaren 5ean Potx eta Lotx pailazoak.

 

Share

Gasteizko Udalak eta EHUk kirolarekin lotutako beste lankidetza-hitzarmen bat sinatu dute

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  3 urria 2022 12:53

  • Horren helburua da Arabako campuseko ikasleen jarduera fisikoarekin lotutako garapena, prestakuntza eta irakaskuntza bultzatzea
  • Bi erakundeak 1990etik ari dira elkarlanean eta akordioa 2024 arte egongo da indarrean

Gasteizko alkateak, Gorka Urtaranek, Udalaren izenean, eta Arabako campuseko errektoreordeak, Manoli Igartuak, Euskal Herriko Unibertsitatearen ordezkari gisa, gaur goizean sinatu dute lankidetza-hitzarmen berria Arabako campuseko ikasleen artean kirol arloko jarduera fisikoarekin lotutako prestakuntza, irakaskuntza eta garapena bultzatzeko.

EHU eta Kirol Zerbitzua 1990etik ari dira kirol arloan elkarlanean eta, sinatu berri duten hitzarmen honi esker, lankidetza hori beste bi urtez mantenduko dute. Izan ere, 2024ko irailaren 30era arte egongo da indarrean eta beste bi urtez luzatzeko aukera egongo da urtero.

Gorka Urtaranek, Gasteizko alkateak, akordioaren inguruko balorazio positiboa egin du: “30 urte baino gehiago daramatzagu Euskal Herriko Unibertsitatearekin harremanetan; elkar atzeraelikatzen emandako 30 urte hauetan, lankidetza honi esker, bi erakundeok izan gara garaile. Hitzarmen hau sinatzea beti da albiste ona eta gaurko argazkia gehiagotan errepikatzea espero dut. Izan ere, horrek esan nahiko du elkarrekin egindako lanak denboran aurrera egin duela”.

Bestalde, Manoli Igartuak, Arabako campuseko erretoreordeak, hitzarmen honek bi erakundeek esparru askotan garatzen duten lankidetza indartu eta areagotuko duela nabarmendu du: “Akordio berri honetan, lankidetza esparrua zabaldu dugu, EHUko Hezkuntza eta Kirol Fakultateko ikerketa-taldeek udal-kirolarekin lotutako ikerketa-proiektuak eta azterlanak egiteko aukera jasota. Gainera, hitzarmenean jasota dago gradu-amaierako lanak, master-amaierako lanak edo doktoretza-tesiak Kirolen Udal Zerbitzuarekin elkarlanean egiteko aukera”.

Horrez gain, hori guztia “gure ikerlariek Hezkuntza eta Kirol Fakultatean zein Mendizorrotzako Jarduera Fisikoa Ikertzeko Espazioan egiten duten lan emankorra areagotzeko lagungarria izango” dela gehitu du. Hain zuzen ere, “Udalak gune horren erabilera laga digu jarduera fisikoak herritarren osasunean dituen ondorioak ikertzeko”.

Gaur jasotako dokumentuak bi erakundeen betebeharrak biltzen ditu. Udalaren betebeharren artean, nabarmendu beharrekoa da kirol arloko instalazioak eta materialak utziko dizkiola Arabako campuseko Errektoreordetzari eta, bereziki, Hezkuntza eta Kirol Fakultateari prestakuntzako eta irakaskuntzako jarduera, eta ikasleen jarduera fisikoa eta kirol arlokoa gara ditzan.

Ezagutza sortzeari dagokionez, unibertsitateak Udal Kirol Zerbitzuko langileei Hezkuntza eta Kirol Fakultateak antolatutako prestakuntza-jardueretan parte hartu ahal izatea eta EHUko ikerketa-taldeekin izan beharreko harremana erraztu beharko dizkie haien lana zerbitzuak garatzen dituen jarduerekin lotuta dagoenean. Era berean, Udalak antolatutako prestakuntza-saioetan aholkularitza eta lankidetza eskaini beharko die.

Share

Kultura Sailak 85.000 euroko ekarpena egingo du Magialdiaren 34. ediziorako

Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  22 uztaila 2022 11:44

Gasteizko Udalak elkarlaneko hitzarmena sinatu du Arabako Ilusionisten Elkartearekin eta, horren bidez, Hezkuntza eta Kultura Sailak 85.000 euroko ekarpena egingo du 2022ko Magialdiaren programaziorako.

Irailean egingo dute Arabako hiriburuan Gasteizko Magia Jaialdiaren 34. edizioa.

Txosnak

Bestalde, Gure Txosnak-Txosnen Batzordea Elkartearekin ituna hitzartu du Andre Maria Zuriaren jaien inguruan kultura arloko jai-egitaraua antolatzeko. Hitzarmenaren zenbatekoa 56.000 eurokoa da.

Arte eta Ofizioen Eskola

Horrez gain, Tokiko Gobernu Batzordeak Gasteizko Arte eta Ofizioen Eskolarako bigarren ekarpena onartu du 207.000 euroko zenbatekoarekin 2022an zehar jarduerak garatu ahal izateko.

Share
Aurrekoak »