Prentsa Oharren banner
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  12 ekaina 2019 12:25

Irailaren 25ean hasi eta maiatzaren 27an amaituko da zikloa, eta uztailaren 2an jarriko dira sarrerak salgai

 

 

 

 

Udal Musika Bandak Principal antzokian udazken-neguko denboraldian egiten duen kontzertu-ziklorako abonamendua erosteko aukera izango da hirugarrenez: 14 euroren truke, zikloko zazpi kontzertuak ikusi ahalko dira.

Kultura, Hezkuntza eta Kirol zinegotzi Estíbaliz Cantok, Udal Bandaren zuzendari Hilario Extramianak eta zuzendariondoko Iker Olazabalek aurkeztu dute gaur, prentsaurrekoan.

Gure banda —esan du Cantok— oso kalitate handikoa da, eta kontzertu hauen bitartez bilatu izan dugu beti publiko-mota desberdinetara iristea eta Gasteizen musika- eta arte-sorkuntza sustatzea”.

Abonamenduak 14 euro balioko du, eta uztailaren 2tik irailaren 9ra arte erosi ahalko da, Principal antzokiaren salmentarako ohiko bideetatik. Sarrera solteak, berriz, irailaren 10etik aurrera salduko dira, 3 euroan.

  • Irailak 25: Piazzolla Tango
  • Azaroak 20: Oroitzapenak – Recuerdos
  • Abenduak 11: Ametsa eta oinazea – Ensueño y tormento
  • Otsailak 5: Gure Bakarlariak – Nuestros solistas
  • Martxoak 4: Istant batean – En un instante
  • Apirilak 22: Eskainia – Dedicado
  • Maiatzak 27: Ixo, dantzan ari gara – Silencio, se baila

Informazio gehiago: www.vitoria-gasteiz.org/banda

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  25 urtarrila 2019 08:46

 

 

 

 

 

 

Udal Musika Bandak 5 urteko ikasleen bisita “pilotua” jaso du bere egoitzan, Musiketxean.  Hala, Niño Jesús ikastetxeko bost urteko 31 umek gure banda ezagutzeko eta esploratzeaz gain, musika instrumentuak eta Musiketxen egiten duten lanaren berri izateko aukera ere izan dute.

Bremengo musikarien istorioa oinarri hartuta, ganbara-musika entzun, Banda osatzen duten instrumentuak ezagutu eta haiekin esperimentatu ahal izan dute.  Gero, amaitzeko, banda osoarekin batera hartu dute parte Hayato Hirose konposatzaile japoniarraren “The Bremen town musicians” lanean, bandaren zuzendariondokoa den Iker Olazabalen batutaren esanetara.

Bandako kide den Iratxe Lomak eraman ditu haurrak ipuin musikalean zehar. Istorio horretan lau animaliak beren abeltegietatik ihes egitea erabaki eta laurek batera bizitza hobe baten bila abiatzea erabakitzen dute. Martxa erritmoek eta melodiek lapur batzuk bizi diren basoko etxe batera daramatzate lau lagunak, eta beren “musikak” elkartzea beste aukerarik ez dute lapurrak izutu eta beraiek etxean bizitzen geratzeko. Akorde disonanteak eta perkusio-kolpe gogorrak baliatuko dituzte honako honetan lapurrak uxatzeko.

Helburu didaktikoak argi zituztelarik eta hezkuntza-sail propioa duten talde sinfonikoengandik inspirazioa hartuta, klarinetez osatutako laukote baten bidez egin die ongi etorria Musiketxeko atarian eskola-umeei.  Gaur goizean zuzeneko musikarekin lehen kontaktua izan eta gero, taldetan banandu dira Bandan dauden instrumentuak ezagutzeko eta haiekin esperimentatzeko. Gero, taldearen entsegu-aretoan, “The Bremen town musicians” lana entzun ahal izan dute ipuin musikalaren formatuan. Haurrek erraz ezagutu dute lehentxeago landu duten eta lau lagunen martxa erakusten duen melodia, eta parte hartzeko aukera ere izan dute gorputz-perkusioa baliatuz.

Udal Bandaren eta Estíbaliz Canto zinegotziak gidatzen duen sailaren ustetan, bisitetan “publikoak musikariekin besoz beso egoteko aukera du eta, mota honetako bisitariak direnean, entzule mota dela-eta, modu bikaina izaten da txikienak musika sinfonikora hurbilduz eta hura ezagutuz joan daitezen”.

Ekimen pilotu honen arrakasta ikusita, bisitak egiteko aukera hezkuntza-sareko gainerako ikasleei zabaltzea aztertzen ari dira Banda eta Saila.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  11 uztaila 2018 13:05

Iaz baino kontzertu bat gehiago, beraz, irailaren 26an hasi eta maiatzaren 8an amaituko den ziklo batean, zeinaren abonamenduak uztailaren 17an jarriko diren salgai

Udal Musika Bandak Principal antzokian udazkena-udaberria denboraldian egiten duen kontzertu-zikloak abonamendua erosteko izango du aurten bigarren aldiz, 14 euroren truke, eta zikloko zazpi kontzertuak ikusteko aukera emango du, 2017an baino kontzertu bat gehiago.

Kultura, Hezkuntza eta Kirol zinegotzi Estíbaliz Cantok, Udal Bandaren zuzendari Hilario Extramianak eta zuzendariondoko Iker Olazabalek aurkeztu dute gaur, prentsaurrekoan..

 “Gure banda –jakinarazi du Cantok– oso kalitate handikoa da, eta kontzertu hauen bitartez entzule mota desberdinetara heltzen eta Gasteizen sormen musikal eta artistikoa sustatzen saiatzen da. Aipamen berezia egin nahi diogu kontzertuetan parte hartuko duten bailaorari eta gure hiriko abesbatzei”.

 Abonamenduak 14 euro balioko du, eta uztailaren 17tik lehen kontzertuaren egunera arte erosi ahalko da, Principal antzokiaren ohiko bideetan. Sarrerak, berriz, irailaren 11tik aurrera salduko dira, 3 euroko prezioan.

  • Irailak 26: Fuego
  • Azaroak 7: Versus
  • Abenduak 12: Ametsak – Sueños
  • Otsailak 6: Gure bakarlariak – Nuestros solistas
  • 20 de marzo: El Olimpo de los Dioses
  • Apirilak 16: El hombre armado: Misa para la paz
  • Maiatzak 8: Ozeanoen artekoa – Transoceánico

Informazio gehiago: www.vitoria-gasteiz.org/banda

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  15 maiatza 2018 13:48

 

Musika komunitarioko ekintza horrek emango dio amaiera Música, Arte y Proceso institutuarekin urtebetez egindako lanari

 

 

Hilaren 20an, 18:00etan, Udal Musika Bandak “Creando y recreando Peter Pan” lana eskainiko du Principal antzokian, “Familientzako musika” zikloaren barruan.  Autismo Araba elkarteko kideek eta Música, Arte y Proceso institutuko musikoterapeutek landu dute.

Kultura, Hezkuntza eta Kirol zinegotzi Estibaliz Cantok, Musika Bandaren zuzendariorde Iker Olazabalek, Música, Arte y Proceso (MAP) institutuko musikoterapeuta Jaione Oribek eta Autismo Araba elkarteko lehendakari Marta Martín Freirek aurkeztu dute gaur, prentsaurrekoan.

Autismo espektroa duten 11 pertsonak gidatuko dituzte ikusleak Sekula Betiko Lurralderako bidaian,  Iker Olazabal zuzendariaren, Bandaren eta Puri Santamaría kontalariaren laguntzarekin.

Hainbat hilabete eman dituzte gizarte-inklusioko proiektua prestatzen, “pertsonak batzea eta bizikidetza erraztuz gizarte hesiak ezabatzea” helburu zutelarik, Cantok azaldu duenez.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  14 azaroa 2017 13:06

 

 

 

 

 

 

 

Abonamendu-denboraldiko lehen kontzertua emango du Principal antzokian, 20:00etan; dagoeneko ia 400 pertsonak eskuratu dute abonamendua

Udal Musika Bandak “Gaurko zinemako musikaz” osatutako errepertorioa joko du bihar, Crescendo abesbatzak eta Araba abesbatza lagundurik; Félix Linaresek aurkeztuko ditu film hauen soinu bandak, zineman duen esperientzia eskainiz: “800 balas”, “Pos eso”, “Ocho Apellidos Vascos”, “Himno BSO Spirit”, “Hércules”, “Alatriste”, eta “El guardián invisible” filmeko musikaren erabateko estreinaldia.

Kultura, Hezkuntza eta Kirol zinegotzi Estíbaliz Cantok, bandaren zuzendariondoko Iker Olazabalek, Crescendo abesbatzako zuzendari Inma Arroyok eta Araba abesbatzako zuzendari Aitor Sáez de Cortazarrek aurkeztu dute prentsaurrekoan.

Bandak azken 15 urteetan egindako filmak hartu ditu kontuan. Zineman egindako lanagatik zenbait sari lortu duten hiru konpositore gazteren musika lagun, publikoak melodia eta erritmo ezagunez gozatuko du, beste batzuekin harritu egingo da, zineman ikusitako irudiak eta istorioak gogoratuko ditu, edo berriak ezagutuko. Barre egin, irudikatu, hunkitu, sentitu, poztu eta tristetzeko kontzertua izango da, eta, azken batean, agertokira igoko diren 125 kantariez  eta 43 musikariz gozatzeko.

Abonamendu-denboraldia

Udal Bandaren lehen abonamendu-denboraldiak harrera ona izan du, 394 abonamendu saldu baitira. Hurrengo kontzertua abenduaren 13an izango da:  “Symphonic Metamorphosis”, Saint-Saëns-en musika inspirazio iturri duen kontzertu sinfonikoa, J.R. Pascual-Vilaplanak zuzendutakoa.

Share
Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  20 ekaina 2017 13:20

 

 

 

 

 

 

130 musikari baino gehiago ibiliko dira bihar, ekainaren 21ean, hainbat jarduera egiten hiriburuan zehar.

Bihar, ekainaren 21ean ospatuko da Musikaren Nazioarteko Eguna, eta hori dela eta, musikari bakarrik emanak dauden udalaren hiru erakundeek, Udal Folklore Akademiak, Luis Aranburu Udal Musika Eskolak eta Udal Musika Bandak batera egin dute lana, Estibaliz Cantok zuzentzen duen Kultura, Hezkuntza eta Kirol Sailak koordinatuta, lehen aldiz hirian zehar hainbat musika-jarduera erakutsi ahal izateko.

Hala aurkeztu dute gaurko prentsaurrekoan Estibaliz Canto, Kultura, Hezkuntza eta Kirol Saileko zinegotziak; Iker Olazabal, Udal Musika Bandaren zuzendariondokoak; Roberto Alvarez, Udal Folklore Akademiaren zuzendariak; eta Paco Galve, Luis Aranburu Udal Musika Eskolako zuzendariak.

Cantoren esanetan “Musikaren egunean musikaren asmoa adierazpen herrikoi gisa defendatzen da, eta mundu osoari irekita, generoen eta praktiken hierarkiarik gabe, musika mota guztiari irekita egon behar duela ere defendatzen da. Munduko elkarte guztietarako zein onuragarria den musikaren artea aitortzeko ospatzen dugu eguna, eta zehazki gure hirirako duen onura. Musika indartzearen aldeko apustu handia egiten ari gara, eta egun hau aurreko urteetan ez bezala ospatu nahi izan dugu”.

Musikaren egunak Kalejirak izango ditu, ganbera-taldeak eta comboak, eta amaierako kontzertua. Arratsaldean musika 18:30ean hasiko da Udal Musika Eskolako ganbera-talde eta comboekin, hiriaren erdialdeko hainbat txokotan egongo baitira, eta horiekin batera izango dira Folklore Akademiako kalejira bat eta hango “marching band” ere bai. Jarduera-egunari Andre Maria Zuriaren plazan emango zaio amaiera, eta orduan izango da “Swingetik popera” izeneko Udal Bandaren kontzertua eguna amaitzeko.

Honekin batera doa argibideak jasotzen dituen liburuxka: 20170620 folleto Día de la Música

 

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  15 ekaina 2017 10:42

Bihar, ostirala, hilak 16, Udal Musika Bandak “Aire Zabaleko Musika” zikloaren barruko formatu berria estreinatuko du San Martinen: haurrei bereziki zuzendutako kontzertua, Unai Sáezek dinamizatua.

Bere ibilbidean, Udal Musika Bandak ehunka kontzertu eman ditu hiriko auzoetan, jaietan gehien bat. Jarduera horietan, estilo, garai eta egile ezberdinen musika eskainiz musika ezagutarazteko zeregina eta musika hori hiriko txoko guztietara eta era guztietako publikoarengana eramateko asmoa batzen dira.

Aurten, ordea, Udal Bandak beste urrats bat egin nahi izan du, musika publiko gazteenarengana ere hurbilduz.  Ikasturtean zehar, Bandak Udaleko Hezkuntza Sailak hiriko ikastetxeei begira antolatzen duen “Musika Adierazpena” programan parte hartzen du, eta horren barruan zazpi programa ezberdin jotzen ditu Lehen Hezkuntzako 4. mailatik hasi eta DBH eta DBHOra arteko ikasleentzat, eta Principal antzokiak antolatzen duen “Familientzako musika” zikloan ere jotzen du.

Horrekin lotuta, 2017ko udan familientzako kontzertuak auzoetara ere eramateko aukera ikusi zen, eta San Martinek eta Zabalganak pozik onartu zuten.

Beraz, ostiralean, ekainak 16, estreinatuko da ikuskizuna, 20:00etan, San Martin auzoko Aurelio Vera-Fajardo Margolariaren kalean, eta uztailaren 16an (igandea), berriro eskainiko da, Zabalgana auzoko Bastida kalean, 13:00etan. Bi kontzertuak Gasteizko Udal Musika Bandaren “Aire Zabaleko Musika” zikloaren barruan sartuta daude.

Haurrei bereziki zuzendutako kontzertua izango da, eta Unai Sáezek (“Imaginaciones Nai”) dinamizatuko du. Umeekiko harremana euskaraz izango da, baina Bandak azpimarratu du publiko oro ongietorria izango dela, musikak edozein muga gainditzen baitu, nahikoa baita zuzeneko musikaz gozatzeko gogoa.

Musikari laguntzeko, hainbat elementu baliatuko dira saio atsegina eta dibertigarria osatzeko: filmetako animaliak, irudizko musika tresnak, marrazki bizidunetako pertsonaiak, trenak, malabareak, dantzak, etab.

Familiarentzako Kontzertua

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  12 ekaina 2017 14:03

INFORMACIÓN BANDTZALDIA

Udal Musika Bandak Sabin Bikandi musikari, dantzari eta dantza maisuak ekainaren 14an (asteazkena) emango duen maisu-klase batean hartuko du parte. Espainia plazan ekainaren 23an BANDtzaldia izenburuaz elkarrekin emango duten kontzertu-erromeria prestatzeko balioko du horrek.

Gasteizko Udal Musika Bandak erromeria baten testuinguruan dantza errepertorioa interpretatzen duen lehenengo aldia izango da, beraz, BANDtzaldiaren estreinaldia oso gertaera berezia izango da, entzuteaz gain publikoak dantza egingo baitu.

Ekimen pedagogiko horrek antzinako espiritua berreskuratu nahi du, musika eta dantza txanpon beraren bi aurpegiak zirenekoa, orduan musikari gehienek dantzan baitzekiten, bai eta dantzariek musikan ere. Musika eta dantza elkarrekin joateak duen garrantziaz jakitun, Bandako irakasleek lan saio batean hartuko dute parte, BANDtzaldian interpretatzekoak diren erromeria errepertorioa sentitu  eta sakonago ezagutzearren.

Sabin Bikandi musikari eta dantza irakasleak hilaren 14an emango die klase, 16:30ean hasita, Bandaren egoitzan, Musika Etxean (San Antonio kalea, 14 – 1. solairuko dantza aretoa); argazkilariak eta prentsa gonbidatuta daude.

BANDtzaldia, estreinaldia Araban

Ondoren, ekainaren 23an,  `BANDtzaldia´ ikuskizuna estreinatuko dute AIKO Taldeak eta Gasteizko Udal Musika Bandak, Udal Folklore Akademiaren laguntzarekin ; Espainia plazan izango da, arratsaldeko zortzietan. Agertokian 40 interprete inguru elkartuko dira: Gasteizko bandako kideak, zuzendariondoko Iker Olazabalen gidaritzapean, eta AIKO taldeko dantzariak. Sabin Bikandik konposatutako euskal musika joko dute, Joserra Gutiérrezek bandarako egindako moldaketan.

Ikuskizuna erromeria ere bada, eta AIKOko dantzariek ikusleak parte hartzera gonbidatu eta dantzan gidatuko dituzte. Kontzertuan Gasteizko Bandaren beteranotasuna —iaz etengabeko jarduneko mendeurrena bete zuen— eta AIKO taldearen filosofia bitxia batuko dira; musikari eta dantza irakasle talde horrek euskal dantza tradizionala zabaldu nahi du, eta aurten 10 urte bete ditu.

 Gasteizko Bandak aurretik ere jo du dantzarako musika  (baltsak, pasodobleak, etab.) baina, dakigula, errepertorio hori dantzaldi herrikoiaren testuinguruan jotzen duen lehenengo aldia da, alegia,  zaleek dantza egin dezaten erromeria baten antzera, eta horregatik BANDtzaldia oso gertaera berezia da. Ikuskizuna Udal Folklore Akademiaren “Dantza Plazan” eta Udal Bandaren “Musika Aire Zabalean” programen barruan sartuta dago.

Sabin Bikandik dantzarako konposatutako 20 lanek baino gehiagok osatzen dute Gasteizko estreinaldirako aukeratu den programa. Gasteizko Musika Bandaren musikaren erritmora, publikoak denetik dantzatu ahalko du: pasodobleak, dantza sueltoa, jauziak, chotis-a, polka, mazurka, balsa, ingurutxoa… Musikari jarraituz, dantza irakasleak plazan arituko dira, ikuskizuna dinamizatuz.

`BANDtzaldia´ ikuskizun kontzeptu berria da, AIKO Taldeak sortua eta Euskal Herriko musika bandekin batera garatua, BBK Fundazioaren laguntzarekin.  AIKO Taldearen dantzarako musika, bandek joa, eta erromeria, publikoak parte har dezan.

BIDEOAK:

BANDtzaldia ‘Baigorriarrak’

https://youtu.be/ahigEOelEPk

BANDtzaldia (promo)

https://youtu.be/X8aOhSc58vI

 BANDtzaldia (estreinaldia)

https://youtu.be/RSskuBEJQm4

 

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  7 ekaina 2017 11:55

Datorren ostiralean, hilak 9, 18:30ean izango da Udal Musika Bandaren kontzertua Arka plazan. Banda zenbait kontzertu ematekoa da plaza horretan “Aire zabaleko musika” zikloaren barruan,  aparteko lekua baita musika zabaltzeko lanerako. Erdi-erdian dagoen lekua izanik, jende asko igarotzen da bertatik, eta beraz, bandaren emanaldien jarraitzaile fidelei musika eskaintzeaz gain, publiko berriak ere erakarri nahi dira, batetik bestera doazen bitartean musikari gasteiztarren kalitatea ezagutzeko aukera emanez.

Orobat, KaldeArte programa antolatu da asteburu honetarako, beraz, kontzertuaren ondoren El Mono Habitado taldearen Primatium lana ikusi ahalko du publikoak. Hartara, bi publiko elkartuko dira, espazio berean bi kultur ikuskizun eskainiz.

 

 

 

 

Share