Prentsa Oharren banner

Animarbolak: irudimena askatzeko erakusketa

Vicente Guinea argazkilariaren lana aurkeztu du Atariak. Argazki horietan animalien edo giza-aurpegien silueta bereziak ikusi ahalko ditu bisitariak.

60 argazkik baino gehiagok osatzen dute erakusketa, bilduma guztia osatzen dutenen artetik zentzuz aukeratuak.

Ingurugiro Gaietarako Ikastegiak Vicente Guinea elgoibartarraren “Animarbolak: irudimena askatzeko formak” erakusketa inauguratu du Ataria-Salburuko interpretazio zentroan. Erakusketak baso eta mendietan barrena ibiltzean naturan ikus daitezkeen itxura arraro eta erakargarrietan hartzen du inspirazioa.

Egileak berak mendietan barrena, bereziki Urbasan barrena, egindako ibilaldietan ateratako 60 argazkik baino gehiagok osatzen dute erakusketa, eta zuhaitzetan hauteman ditzakegun forma bitxiei buruz hausnartzera gonbidatzen gaitu: animalien itxura hartzen dute batzuek, edo gizakiena, edo norberak irudikatu nahi duenarena.  Beraz, egileak dioen moduan, “irudimena askatzeko erakusketa” da.

Erakusketa prestatzeko, Vicente Guinea Euskal Herriko mendi eta baso gehienetara joan da. Alabaina, pagadiak gustatzen zaizkio batez ere, horietan atera baititu argazki gehienak. Egileak denbora luzea eman du irudi horiek lortzeko. Adierazi duenez, “zaila da argi-puntua aurkitzea, pagadiak hostotsuak direlako eta argia lortzea ez delako hain erraza”.

Ekainaren 29an inauguratuko da, eta irailaren 5era bitartean izango da ikusgai Atarian.

 

Share

Zaramagako BIZANak Miguel Llanes artista arabarraren erakusketa hartuko du, material birziklatuekin egindako figurez osatua

Miguel Llanes artista plastikoaren “Vivir aprovechando” erakusketa egongo da ikusgai bihartik aurrera Zaramagako BIZANean. Uztailaren 23ra arte, material birziklatuekin egindako figura-bilduma ikusteko aukera egongo da adinekoentzako gune horretan.

20 urtez baino gehiagoz, artista arabarrak Atalako baserriko lantegi-etxean (Sarrian, Zuiaren erdian) ideia eder eta iradokitzaileak irudikatu ditu forma eta genero desberdinetan, bidean aurkitu dituen material birziklatuak erabilita.

Bere obra ezkutuan egon da denborak aurrera egin ahala, egoera berezi batzuetan izan ezik, hala nola duela hiru urte Bilboko Casilda parkean aire zabalean egin zuen erakusketa.

Zaramagako BIZANeko erakusketa zentroko adinekoen jarduera batzordeek antolatu dute, eta Miguel Llanesek barruko espazio batean egiten duen lehena da.

Share