Prentsa Oharren banner
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  30 urtarrila 2019 10:47

Otsailaren 4an, esker oneko ekitaldia egingo da Judimendiko lorategietan, eta, lehenago, adituen mahai inguru bat egingo da Erdi Aroko euskal juduei buruz.

Euskadi-Israel Kultur Elkarteak zenbait ekitaldi antolatu ditu otsailaren 4rako, Vitoria-Gasteizko Udalari omenaldia egiteko, oroitzeko 526 urte betetzen direla hiriak promes egin zuela (HAVTAJÁ, hebreeraz) zainduko zuela 1492ko kanporaketaren aurretik lurperatu ziren juduen gorpuak zeudeneko hilerri zaharraren orubea, eta promesa bete zuela.

Omenaldiaren ekitaldia Judimendiko Lorategietan izango da, otsailaren 4an (larunbata), 18:00etan; bertan izango dira Gasteizko apezpiku Juan Carlos Elizalde, Madrilgo errabino nagusi Sr. Moshe Bendahan, zenbait alderdi politikoren ordezkari eta gizarteko eta kulturako zenbait pertsona ezagun.

Ekitaldi horren aurretik, Erdi Aroko euskal juduen Historiari buruzko I. Mahai-ingurua egingo da, Goiuri jauregian, 10:00etan; ezezagun den gai honetan adituak diren itzal handiko lau historialarik hartuko dute parte bertan.  

Euskadi-Israel Kultur Elkartean ezagutzera eman nahi dugu Euskal Autonomia Erkidego juduen Historiaren oparotasuna, eta, batik bat, Gasteizkoa, hiria izan baitzen euskal lurralde honetako juduen historiaren gune nagusia. Munduko komunitate judu guztiei eman nahi diegu horren berri, eta areagotu nahi ditugu komunitate juduen eta Israelgo Estatuaren arteko kultura-, turismo- eta merkataritza-loturak, bi alderdien onurarako. Beraren helburuetako bat da Historia euskal-juduaren museo bat eratzea”, nabarmendu du Euskadi-Israel Kultur Elkarteko lehendakari Laurence Franks.

Elkarteak arestian antolatu dituen ekitaldietako bat “Holokaustoaren 13 zutabeak” erakusketa izan da; lehenago Goiuri jauregian ikusgai egon zen, eta gero gizarte-etxeen sarean, eta Bilboko eta Donostiako zenbait ikastetxetan. Gaur egun, Unibertsitate Pabiloian dago ikusgai, 2019ko otsailaren 6ra arte.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  24 azaroa 2016 14:13

 

Gaur goizean, Udalbatzak omenaldia egin dio José Antonio Julián Ballanori, ETAk duela 33 urte Elorriagako elizaren ondoan erahil baitzuen. Alkatea eta talde politikoen ordezkariak hara joan dira, lore-eskaintza eta minutu bateko isilaldia egitera, atentatua oroitzen duen xaflaren ondoan.

José Antonio Juliánek 43 urte zituen, eta ostalaritzako enpresaburua zen. Alarban (Zaragoza) jaioa zen, baina urteak zeramatzan Gasteizen bizitzen. Atentatua 1983ko azaroaren 26ko goizaldean gertatu zen: bost tiro eman zizkioten, bere lokaletako bat ixtera zihoanean.

Gorka Urtaran alkateak Gasteizek biktima guztiei eskaintzen dien sostengua berretsi du: “Denek merezi dute begirunea, erreparazioa eta justizia”.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  30 maiatza 2016 20:54

Milaka pertsonak hartu dute parte gaur Deportivo Alavés taldeari Lehen Mailara igotzeagatik egindako omenaldian, Andre Maria Zuriaren plazan.

Mendizorrotzetik abiatuta autobusez ibilbidea egin ondoren, Alavéseko jokalariak San Migeleko balkoira igo dira, zaleen txaloak jasotzera kategoria nagusira itzultzeagatik; udal, foru eta erkidego agintariek ere hartu dute parte ekitaldian. 2005-2006ko denboraldian aritu zen azkenengoz Alavés Lehen Mailan.

Bihar, Udalak eta Foru Aldundiak harrera ofiziala egingo diote taldeari, udaletxeko harrera aretoan, 18.30ean.

Share