Prentsa Oharren banner

Boni Cantero izendatu dute Gizarte Politiken, Adinekoen eta Haurren Saileko zuzendari

Tokiko Gobernu Batzarrak Boni Cantero Gizarte Politiken, Adinekoen eta Haurren Saileko zuzendari izendatzea onetsi du gaur, Sara Buesaren ordez, zein Lanbidera aldatuko baita, prestazioen eta inklusioaren arlo berria zuzentzeko.

Canterok bere gain hartuko du gizarte-zerbitzuen zuzendaritza, 2015eko irailetik zerbitzu horien koordinatzaile nagusi izan ondoren. Gizarte Lanean diplomatua, Familiekiko Gizarte Lanean masterra eta Esku-hartze Sozialari Aplikatutako Etikako unibertsitate-aditua, 30 urtetik gorako esperientzia du Canterok Jon Armentiak zuzentzen duen udal sailean.

Haurtzaro eta Senitarte Zerbitzuko buru izan zen 1996tik 1997ra eta 1999tik 2013ra. Aurretik, gizarte-langile eta kaleko hezitzaile lanpostuetan aritu zen Gasteizko udalean.

Boni Canteroren izendapena uztailaren 7an gauzatuko da, eta egun horretan hartuko du Sara Buesaren lekukoa, zein udalaren gizarte politikak zuzentzeaz arduratu baita azken bi agintaldietan.

Share

Boni Canterok hartuko du bere gain Gizarte Politiken, Adinekoen eta Haurren Sailaren zuzendaritza

Sara Buesa, egungo zuzendaria, Lanbidera aldatuko da, prestazioen eta inklusioaren arlo berria zuzenduko baitu

Gizarte Politiken, Adinekoen eta Haurren Saileko koordinatzaile Boni Canterok hartuko du bere gain sail horren zuzendaritza, egungo zuzendari Sara Buesaren ordez, zein Lanbidera aldatuko baita, prestazioen eta inklusioaren arlo berria zuzentzeko.

Aste batzuk barru gauzatuko da aldaketa, Eusko Jaurlaritzak diru-sarrerak bermatzeko errentaren eta bizitzeko gutxieneko diru-sarreraren kudeaketaz arduratuko den zuzendaritza berria arautuko duen dekretua onesten duelarik —euskal sisteman integratuko baita, transferitzean—.

Azken bi agintaldietan izan da Sara Buesa Gizarte Politiken, Adinekoen eta Haurren Saileko zuzendari.

Jon Armentiak zuzentzen duen saileko egungo koordinatzaile nagusi Boni Canterok hartuko du haren lekua. 32 urte eginak ditu zuzendari berria izango denak Udaleko gizarte-zerbitzuetan lanean; horietatik 15 Haurtzaro eta Senitarte Zerbitzuko buru.

Gizarte Lanean diplomatua, Familiekiko Gizarte Lanean masterra, Esku-hartze Sozialari Aplikatutako Etikako unibertsitate-adituaren graduondoa eta EHUko graduondoko irakaslea,  prestakuntza eta esperientzia zabala du Canterok  gizarte-zerbitzuetan, taldeen kudeaketan eta, bereziki, etika soziosanitarioan eta pertsona ardatz duen arreta-ereduan.

Euskal Autonomia Erkidegoko Etika Komiteen batzorde soziosanitario koordinatzaileko kidea da, osasunaren eta gizarte-zerbitzuen arloetan, eta, 2013az geroztik, Arabako Esku-hartze Sozialerako Etika Komiteko burua.

 

Share