Prentsa Oharren banner

Udalaren Folklore Akademiak bihar irekiko du aurretik izena emateko epea ikasle berrientzat

Interesdunek internet bidez edo aurrez aurre eman ahalko dute izena.

Gasteizko Udalaren Hezkuntza eta Kultura Sailak bihar irekiko du epea 2021-2022 ikasturtean Udalaren Folklore Akademian ikasi nahi duten ikasle berriek aurretik izena eman dezaten. Maiatzaren 23ra arte (egun hori barne) egongo da zabalik.

Internetez bidez egin ahalko da (www.vitoria-gasteiz.org webgunean Folklore Akademiari eskainitako espazioan), edo aurrez aurre Musika Etxeko idazkaritzan (San Antonio kalea, 14), astelehenetik ostiralera, 10:30etik 13:30era eta 17:00etatik 19:30era (ostiral arratsaldeetan izan ezik).

Ikasle berriek tresna hauek jotzen ikasi ahalko dute: alboka, gaita, txalaparta, txistua, txirula, trikitixa eta panderoa. Gainera, ikastegian beste ikasgai hauek ematen dira: musika-hastapenak, musikaren lengoaia, euskal dantzak, abesbatza eta perkusioa.

Hauek dira matrikulatu ahal izateko gutxieneko adinak: euskal dantzak ikasteko, 2015eko abenduaren 31ra bitartean jaiotakoa izatea; musika hastapenetarako, 2014an jaiotakoa, eta gainerakoetarako, 12013ko abenduaren 31ra bitartean jaiotakoa. Abesbatzarako, berriz, 18 urtetik gorakoa izan behar da.

Informazio gehiago: www.vitoria-gasteiz.org / gufa@vitoria-gasteiz.org / Telefonoa: 945 16 26 02

 

 

Share

Maiatzaren 18an hasiko da José Uruñuela Udal Dantza Kontserbatorioan izena emateko epea, ikasle berrientzat

Dantzaren Eguna dela eta, promozio-bideo bat kaleratu du ikastetxeak, ikasleen lekukotasunekin

 

Maiatzaren 18an hasiko da 2021-2022 ikasturterako izena emateko epea José Uruñuela Udal Dantza Kontserbatorioko ikasle berrientzat. Dantza-ikasketa arautuak eskaintzen ditu ikastetxe horrek; zehazki, Dantza Klasikoko oinarrizko ikasketak eta ikasketa profesionalak.

Covid-19aren pandemia dela eta, ez da sarrera-probarik egingo arautu gabeko ikasketetarako —Lehen Kontaktua (5-6 urte) eta Dantza Aurrekoa (7 urte)—. Eskabideak jasotzen diren hurrenkeran beteko dira lekuak, maiatzaren 18ko 9:30etik aurrera. Dantza Kontserbatorioko idazkaritzan aurkeztu ahal izango dira matrikulak, baita herritarrei laguntzeko bulegoetan ere, hitzordua eskatua, edo posta elektronikoz, dokumentazioa helbide honetara bidaliz: cmdanza.administracion@vitoria-gasteiz.org

 

Sarrera-probak

Oinarrizko Ikasketen edo Ikaskuntza Profesionalen ziklora sartzeko proba egin behar duten ikasleek, baita ziklo horietan sartu nahi duten ikasle berriek ere, bi fase burutu beharko dituzte. Lehenik eta behin, maiatzaren 18tik ekainaren 4ra bitartean, sarrera-probarako izena eman beharko dute. Eta, proba gaindituz gero, ekainaren 22tik 30era bitartean egin ahal izango dute matrikula.

Matrikula horiek, era berean, Dantza Kontserbatorioko idazkaritzan edo herritarrei laguntzeko bulegoetan —hitzordua eskatuta— aurkeztu beharko dira, edo posta elektronikoz, helbide elektroniko honetan: cmdanza.administracion@vitoria-gasteiz.org

Euskal Autonomia Erkidegoan horrelako ikasketak eskaintzen dituen zentro ofizial bakarra da Gasteizko kontserbatorioa. Ikasgai hauek eskaintzen ditu: ‘Dantza Klasikoa’, ‘Dantza Tradizionala’ (Euskal dantza), ‘Errepertorioa’, ‘Puntak’, ‘Dantza garaikidea’, ‘Izaerako dantza’, ‘Binako dantza’, ‘Dantzaren Historia’, ‘Anatomia eta elikadura’, ‘Interpretazioa’ eta ‘Musika’.

 

Dantzaren eguna

Bihar, apirilak 29, Dantzaren Nazioarteko Eguna dela eta, zentroaren promozio-bideo bat kaleratu du José Uruñuela Udal Dantza Kontserbatorioak. Ikastetxeko ikasleen hainbat lekukotasun jasotzen dira bertan, eta pandemia iritsi aurretik egun horretan Espainia plazan egin ohi zen “Gasteiz dantzan” ekitaldiko irudiak erakusten.

Bideoa ikusi

Informazio gehiago: 945 16 26 06 telefonoan, 09:00etatik 14:00etara, astelehenetik ostiralera, edo helbide elektroniko honetan: cmdanza.administracion@vitoria-gasteiz.org.

Share

Oraindik bada lekurik Etxe Berdeak programan

Maiatzaren 2an amaituko da izena emateko epea.

 

Udalak eta Vital Fundazioak Etxe Berdeak programan parte hartzera gonbidatzen dituzte herritarrak. Udaberrian jarriko da berriz martxan programa berritua, eta familiek energia, ura, mugikortasuna, kontsumoa eta hondakinak jorratuko dituzte lantegi praktiko berrietan. Gainera, energia-kontsumoari, birziklapenari eta konpostatzeari buruzko saio irekiak eta bizikletak konpontzeko tailerrak egingo dituzte jende orori zuzenduta.

Etxe Berdeak doako programa bat da, eta energia- eta ur-kontsumoa murriztu eta etxeetako ingurumen-osasuna eta eguneroko ohiturak hobetu nahi dituzten familiei zuzentzen zaie. Interesa duten pertsonek eta familiek maiatzaren 2ra arte eman dezakete izena.

2015ean hasi zen Etxe Berdeak programa Gasteizen, 25 familiarekin. Programaren arrakasta ikusita, 50 familiak parte hartzeko aukera eman zen. Familia kopuru hori egokitzat jo zen programa behar adina arretaz eta xehetasunez egiteko. 2019an kopurua 55 familiari zabaltzea erabaki zen, eta iaz 75 familiari.

 

Zer eskaintzen du Etxe Berdeak programak?

  • Bisita bat etxera, etxeko kontsumoak aztertzeko.
  • Aditu baten aholkularitza urtebetez, zalantza guztiak argitzeko.
  • Gaikako bost lantegi (energia, hondakinak, ura, mugikortasuna eta kontsumoa), eta etxeko fakturetan aurrezteko aholku erraz eta praktikoak.
  • Lantegi praktikoak: energia eta ura aurreztea, gidatze ekologikoa, bizikletak, kontsumoa eta erosketak, plastikoak eta konpostatzea
  • Etxean aurrezten laguntzeko elementu ugari.
  • Kontsumo- eta mugikortasun-ohitura iraunkorrak hartzea

 

Izen-emateak:

Maiatzaren 2ra arte, udalaren webgunean eta herritarrei laguntzeko bulegoetan. Informazio gehiago: 945/162696)

Share

Oinarrizko zerbitzuetako aldi baterako kontratuetarako udal lan-poltsetan izena emateko epea zabalik

Gasteizko udalak, behar bereziak direla eta, kontratazio zerrenda hauetan izena emateko epea ireki du: Erizaintza, Erizaintzako Zaintza Osagarrien teknikaria, Sukaldea eta Garbiketa. Lan-poltsa horien bidez enplegu-eskaera handiko egoerak, iraupen laburreko kontratazio-eskaintzak eta lanaldi murriztuetako kontratazio-eskaintzak bete nahi dira. Hiru kasuetan horietan, hautaketa-prozesuen ondorioz eratutako lan-poltsak ez dira nahikoak sortzen diren beharrei erantzuteko, eta, horregatik, kontratazio zerrenda espezifikoak ezartzen dira.

Hauek dira zerrenda bakoitzean parte hartu ahal izateko behar diren tituluak:

Erizaintza: unibertsitate-diploma edo gradua, Erizaintzan.

Erizaintzako Zaintza Osagarrien teknikaria: Erizaintzako Zaintza Osagarrien teknikariaren edo Arreta Soziosanitarioko teknikariaren titulua.

Sukaldea: LH1 Ostalaritza eta Turismoa. Sukaldaritza espezialitatea, edo Sukaldaritzako erdi mailako Lanbide Heziketa, edo Eskola Graduatua eta gutxienez 2.000 orduko prestakuntza ofiziala —Sukaldaritza, Ostalaritza eta Errestaurazioa—.

Garbiketa: eskola-ziurtagiria edo baliokidea.

Udalaren webgunean eman beharko da izena, http://www.vitoria-gasteiz.org/hautatzeprozesuak helbideko “Deialdi batean izena ematea” atalean, hain zuzen ere. Lanpostu bakoitzean egin beharreko funtzio espezifikoak ere udalaren webgunean kontsulta daitezke.

Izena emateko epea apirilaren 30ean amaituko da. Jasotako eskabideak alfabetikoki antolatuko dira, hautagaien izen-abizenen arabera. Jendaurreko zozketa batek zehaztuko du zein abizenetatik aurrera hasiko den zerrenda. Ordena hori urtero eguneratuko da.

Informazio gehiago: Oinarrizko zerbitzuetako lanpostuak betetzeko aldi baterako kontratazio zerrendak

 

 

 

Share

Asteartean, irailak 1, hasiko da gizarte-etxeetako ikastaroetan izena emateko epea

  • Euskara- eta igeriketa-ikastaroetarako eman ahal izango da izena, baita hil horretako kirol jardueretarako apuntatu ere. Gainerako ikastaroetarako, irailaren 7an hasiko da epea. Xtrakluberako, hilaren 14an.
  • Ez da zozketarik egingo, era izena eman ahala okupatuko dira lekuak.
  • Epe bakoitzeko lehenengo bi egunetan online baino ezingo da izena eman, edo 945 161080 telefonora deituz.

Gizarte-etxeen zinegotzi Borja Rodriguezek uztailean aurreratu bezala, eta pandemiaren beste agerraldirik egokituz gero bizkor erreakzionatu ahal izateko, ikastaro gehienek hilabeteko iraupena izango dute 2020-2021 ikasturtean. Lehenengo txandan, 18.110 leku eskainiko dira, 409 jardueratarako, eta lehenengo jardueretarako izena emateko epea irailaren 1ean hasiko da, asteartez.

Prebentzio gisa, aurten ez da argitaratu informazio-liburuxkarik. Udalaren webgunean eskuragarri dago zerrenda eta gizarte-etxeetan ere jendaurrean jarrita dago. Era berean, ez da zozketarik egingo lekuak banatzeko. Epe bakoitzeko lehenengo bi egunetan online baino ezingo da izena eman, edo 945 161080 telefonora deituz. Horretarako, indartu egingo da telefono bidezko arreta, eta 30 lagun baino gehiago izango dira erantzuteko. Izena eman ondoren, gizarte-etxeetara joan ahal izango da ordainketa egitera, webgunean bertan egin ez bada; baita libre geratu diren jardueretan izena ematera ere.

“Gizarte-etxeen sarea funtsezkoa da gasteiztar askorenentzat, berebiziko garrantzia dute beren bizitzan hurbileko ekipamendu eta zerbitzu horiek. Erronka handia izan da programazioa egokitzea, segurua izan dadin. Udal teknikarien ahaleginari esker lortu da. Kultura-, hezkuntza-, kirol- eta gizarte-eskaintza zabala izango da. Nolanahi ere, erabiltzaileei eskatu beharra daukagu arauak zorrotz bete ditzatela, eta bide ez-presentzialak erabil ditzatela, izena emateko”, gogorarazi du Gizarte-etxeen zinegotzi Borja Rodriguezek.

Hauek dira izena emateko epeak:

  • Irailaren 1etik 6ra bitartean, aurreko urteko ikasleek eman ahal izango dute berriro izena euskara-ikastaro berean.
  • Irailaren 1etik 9ra bitartean, aurreko urteko ikasleek eman ahal izango dute berriro izena igeriketa-ikastaro berean.
  • Gainera, irailerako bakarrik izango den kirol-eskaintza egiten da —izena emateko epea irailaren 1ean hasiko da—.
  • Irailaren 7an, gainerako ikastaro guztietarako izen-ematea hasiko da.
  • Irailaren 14an Xtrakluberako izen-ematea hasiko da.

 

arilla

Share

José Uruñuela Dantza Kontserbatorioak abuztuaren 24an irekiko du berriro aurretiaz izena emateko epea

Irailaren 2tik 4ra bitartean egingo dira ikasketa oinarrizko eta profesionaletan sartzeko probak

José Uruñuela Dantza Kontserbatorioak ikasle berriek 2020-21 ikasturterako aurretiaz izena emateko epea irekiko du datorren abuztuaren 24an. Oraindik eman gabe dauden zentroko lekuak eskuratu nahi dituzten haurrek abuztuaren 28ra arte izango dute tartea, ikasketa arautuen kasuan, eta irailaren 3ra arte ikasketa ez arautuenean.

8 eta 13 urte bitarteko ikasleak oinarrizko Ikasketetan hasiko dira, eta 12 urtetik gorakoak Ikasketa profesionaletan sartu ahalko dira. Ikasle gazteenei dagokienez, hauek dira matrikulatzeko gutxieneko adinak: ‘Lehen harremana 5’ egin ahalko dute 2015ean jaiotako ikasleek, eta ‘Lehen harremana 6’ 2014an jaiotakoek. 2013an jaiotakoek ‘Dantza aurrekoa’ egin dezakete.

Irailaren 2tik 4ra bitartean egingo dira ikasketa oinarrizko eta profesionaletan sartzeko probak. Salbuespenez, eta pandemiaren eraginez, 2020-21 ikasturterako ez da sarrera-probarik egingo Lehen Harremanak eta Dantza Aurrekoa irakaskuntza ez arautuetarako, eta lekuak izen ematearen hurrenkeran esleituko dira.

Matrikula izapidetzeko epea irailaren 3an amaituko da ikasketa ez arautuen kasuan, eta irailaren 7an ikasketa arautuenean. 

 

José Uruñuela Dantza Kontserbatorioaz

Jose Uruñuela udal dantza kontserbatorioa era horretako ikasketak eskaintzen dituen bakarra da Euskal Autonomia Erkidegoan. Ikasgai hauek eskaintzen ditu zentroak: ‘Dantza Klasikoa’, ‘Dantza Tradizionala’ (Euskal dantza), ‘Errepertorioa’, ‘Puntak’, ‘Dantza garaikidea’, ‘Izaerako dantza’, ‘Binako dantza’, ‘Dantzaren Historia’, ‘Anatomia eta elikadura’, ‘Interpretazioa’ eta ‘Musika’.

Zentroak instalazio modernoak ditu, bai eta profesional kualifikatuen lantalde bat, zeinen bitartez gauzatzen dituen zentroak bere hezkuntza-proiektua. Eskaintzen dituen baliabideen artean piano-jotzaileen akonpainamendua eta fisioterapia-zerbitzua daude.

Hezkuntza eta Kulturako zinegotzi Estibaliz Cantok esan duenez, “Kontserbatorioaren helburuak dira dantzaren promozioaren eta hedapenean laguntzea, diziplina hau herritarrengana hurbilduta, bertan sortutako pieza koreografikoak zein errepertorio klasikokoak jendaurrean aurkeztuta, eta beste erakunde hezigarri eta sozial batzuekin lankidetza-proiektuak ezarrita”.

Informazio gehiago: telefonoz, 945 16 26 06 zenbakian; posta elektronikoz, cmdanza.administracion@vitoria-gasteiz.org helbidean, edo Udalaren webgunean (https://sedeelectronica.vitoria-gasteiz.org/j30-01s/contenidoAction.do?idioma=eu&uid=trami_133)

Share