Gasteizek Musikaren Eguna ospatuko du Luis Aranburu Udal Musika Eskolaren, Udal Musika Bandaren eta Folklore Akademiaren eskutik

Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  17 ekaina 2024 12:35

  • Kontzertuak, kalejira eta Dantza Plazan izango dira ekainaren 21erako antolatutako jardueretako batzuk

Ostiralean, ekainaren 21ean, Musikaren Eguna izango da eta, egun hori ospatzeko, Vitoria-Gasteizko Udaleko Kultura Zerbitzuak hainbat jarduera antolatu ditu.

“Musika gure bizitzen zati da eta une garrantzitsuenetan eta ospakizunetan alboan izaten dugu, baina baita gure egunerokotasunean ere. Gasteizen zortedunak gara; izan ere, prestakuntza eskaintzen duten eskolak ditugu, Luis Aranburu edo Folklore Akademia, esate baterako, baina baita modu profesionalean musikaren arloan lan egiten duten taldeak ere, Udal Banda, esate baterako. Horregatik guztiagatik, Gasteizen asko dugu ospatzeko Musikaren Europako Egunean”, adierazi du Sonia Díaz de Corcuerak, Kultura eta Hezkuntza zinegotziak, programa aurkezteko egindako prentsaurrekoan.

Ospakizuna Luis Aranburu Udal Musika Eskolaren, Udal Musika Bandaren eta Folklore Akademiaren eskutik iritsiko da eta hiria musikaz beteko du 18:00etatik aurrera:

  • Luis Aranburu Udal Musika Eskolan, 18:00etatik aurrera: Kalejira Luis Aranburu Udal Musika Eskolako bandarekin.
  • 18:00etan Posta gunean, Correos parean: Konboak Luis Aranburu Udal Musika Eskolan.
  • 19:00etan, Farola Handian eta Arkupekoetan: Luis Aranburu Udal Musika Eskolako Jueverasic-en
  • 19:00etan, Uraren Ezkutuko Lorategian: Gasteizko Udal Musika Bandaren kontzertua Maider Legarreta eta Txato Martin izango dira abeslari solistak. Pop/rockeko errepertorioa.
  • 20:00etan, Florida parkeko kioskoan: Dantza Plazan, Folklore Akademiaren eskutik.

 

“Luis Aranburu Udal Musika Eskolak hiriko musika-jardueran presente egon nahi du. Ikasleek Gasteizko musika-mugimenduarekin batera elkarri eragingo duten eskola ireki bihurtu nahi du. Horregatik, Musikaren Egun honen moduko ekimenak hori bistaratzeko, kalera ateratzeko eta musikaz betetzeko aukera bikaina dira”, azaldu du Pedro Elosegik, Luis Aranburu Udal Musika Eskolako zuzendariak.

Bestalde, Folklore Akademiako jardueren buruak, Errando López de Luzuriagak, honako hau adierazi du: “Musikaren Eguna aukera bikaina da Udal Folklore Akademiarentzat; izan ere, Dantza Plazan ekimenaren bidez, sustrai tradizionalak dituen dantzaz eta musikaz gozatuz partaidetzarako eta ikasketarako leihoa irekiko dugu”.

Bandari dagokionez, alboko zuzendariak Iker Olazabalek, gogorarazi du “Musikaren Eguna lehen aldiz Frantzian egin zutenean, horren filosofia musikarekin lotutako jarduera kalera ateratzea eta herritarrekin partekatzea zela. Eta horixe bera da ostiralean egingo duguna: Udal Bandaren energia zabaltzea gure kontzertuan Maider Legarretarekin eta Txato Martinekin batera”. Gainera, “hiriko hainbat agertokitan Musika Eskolarekin eta Folklore Akademiarekin batera egingo diren kontzertu ugarietako” partaide izatearen eta horiek guztiak koordinatzearen plazera azpimarratu nahi izan du.

Share

Udalaren Folklore Akademiak 2024-2025 ikasturterako izena emateko epea astelehen honetan irekitzen du

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  3 maiatza 2024 12:13

Maiatzaren 6tik 26era bitartean egongo da zabalik Udalaren Folklore Akademian 2024-2025 ikasturterako izena emateko epea.

Hauek dira onartuak izateko adinak: Euskal Dantza ikasteko 2018ko abenduaren 31ra arte jaiotakoak, Musika Hasiera ikasteko 2017 urtean jaiotakoak, Abesbatzan sartzeko 18 urtetik gorako pertsonak eta gainontzeko ikasgaietarako 2016ko abenduaren 31ra arte jaiotakoak.

Ikasgaiei dagokienez, honako hauek dira: Alboka, Gaita, Perkusioa, Txalaparta, Txistua, Txirula, Trikitixa, Panderoa, Musika Hasiera, Musikaren Lengoaia, Euskal Dantza eta Abesbatza.

Izena ematea

Izen-emateak Udal web orriaren bidez egin daitezke edo urrez aurre, Akademiako idazkaritzan, Musiketxean (San Antonio k. 14). Ordutegia da: astelehenetik ostiralera, 10:30etik 13:30ak arte eta 17:00etatik 19:30ak arte (ostiral arratsaldetan izan ezik).

Informazio gehiago Akademiaren web orrian. Kontsultak e-mailez gufa@vitoria-gasteiz.org  edo telefonoz 945 16 26 02 egin daitezke.

Eskuorria (pdf)

Share

Udal Folklore Akademiak gaur zabalduko du ikasle berriek aldez aurretik izena emateko epea

Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  2 maiatza 2023 12:00

  • Matrikulatzeko interesa duten pertsonek maiatzaren 21era arte izango dute aukera Udalaren webgunearen bidez edo aurrez aurre, Musiketxean

 

Folklore akademia

Gasteizko Udalaren Hezkuntza eta Kultura Sailak gaur irekiko du 2023-2024 ikasturterako Folklore Akademian ikasle berriek aurrez izena eman ahal izateko epea. Interesdunek maiatzaren 21era arte (egun hori barne) izango dute izena emateko aukera.

Izapidetzea Internet bidez (www.vitoria-gasteiz.org Udalaren webgunean), Folklore Akademiari buruzko eremuan, edo aurrez aurre egin ahal izango da Akademiako Idazkaritzan, Musiketxean (San Antonio, 14), astelehenetik ostiralera bitartean, 10:30etik 13:30era, eta 17:00etatik 19:30era bitartean (ostiral arratsaldetan izan ezik).

Zozketa maiatzaren 23an egingo da eta, hutsik dauden plazen arabera, onartutako pertsonen aukeraketa zehaztuko du ordena alfabetikoan. Ordutegi-aukeraketa ekainaren 5etik aurrera egingo da. Matrikula ekainaren 1etik 23ra bitartean formalizatu beharko da.

Ikasle berriek tresna hauek jotzen ikasteko aukera izango dute: alboka, gaita, txalaparta, txistua, txirula, trikitixa eta panderoa. Gainera, Akademiak ikasgai hauek ere eskainiko ditu: ‘Musika Hastapena’, ‘Musikaren lengoaia’, ‘Euskal dantzak’, ‘Abesbatza’ eta ‘Perkusioa’.

Honako hauek dira matrikulatu ahal izateko gutxieneko adinak: ‘Euskal Dantzetan’, 2017ko abenduaren 31 baino lehen jaiotakoak; ‘Musika Hastapena’ ikasgairako, 2016an jaiotakoak; eta gainerako ikasgaietan, 2015eko abenduaren 31 baino lehen jaiotakoak. ‘Abesbatza’ren kasuan, 18 urtez gorakoek eman ahal izango dute izena.

Informazio gehiago

Telefonoa: 945 16 26 02

 

Share

Udal Folklore Akademiak izen-emateak zabalik ditu irailaren 30era arte

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  14 iraila 2022 12:23

  • Matrikula egin nahi dutenek aurrez aurre egin dezakete Musika Etxean

 

Udal Folklore Akademiak zabalik ditu 2022-2023 ikasturterako izen-emateak irailaren 30era arte.

Hasierako matrikulazio-prozesuaren ondoren plazak dituzten irakasgaiak honako hauek dira: ‘Musika Hasiera’, ‘Musika Hizkuntza’, ‘Dantza’ (Euskal dantzak), ‘Txistua’, ‘Trikitixa’, ‘Gaita’, ‘Perkusioa’, ‘Panderoa’ eta ‘Txalaparta’.

Honako hauek dira matrikulatu ahal izateko gutxieneko adinak: ‘Euskal Dantzetan’, 2016ko abenduaren 31 baino lehen jaiotakoak; ‘Musika Hastapena’ ikasgairako, 2015ean jaiotakoak; eta gainerako ikasgaietan, 2014ko abenduaren 31 baino lehen jaiotakoak.

Izapidetzea aurrez aurre egin ahal izango da Akademiako Idazkaritzan, Musiketxean (San Antonio, 14), astelehenetik ostiralera bitartean, 09:30etik 13:30era, eta 17:00etatik 19:30era bitartean (ostiral arratsaldetan izan ezik).

Informazio gehiago 945 16 26 02

Share

Udalaren Folklore Akademiak ikasturte amaierako entzunaldia eskainiko du ekainaren 9an, Principal antzokian

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  8 ekaina 2021 09:53

Streaming bidez jarraitu ahalko da lehen aldiz

 Pandemiak eragindako urtearen ostean, Gasteizko Udalaren Folklore Akademiak ekainaren 9an, asteazkena, emango du ikasturte amaierako entzunaldia, 19:30ean, Principal antzokian. Ikastetxeko ikasleen gurasoentzako jaia da. Covid-19aren aurka hartutako protokolo zorrotzari esker, zentroak nahiko normal egin ahal izan du ikasturtea.

Honako piezak entzungo dira: ‘Arabako bideak’ (gaita eta perkusio taldearen eskutik); ‘Heriotza bezain hotza’  txalaparta, alboka eta txirula taldearen eskutik); ‘Vida de rico’ (trikitixa taldearen eskutik) eta ‘Ansoa anaiak’ (nagusien txistu taldearen eskutik).

Dantza-taldeek pieza hauek dantzatuko dituzte:  ‘Brunilda’, ‘Eskutik heldu eta egin dantza’, ‘Dantza nazazu’, ‘Firin-faran Azokan’ eta ‘Garena garelako’.

Saioa streaming bidez jarraitu ahalko da. Esteka

Izena emateko kanpaina

Folklore Akademian izena emateko kanpaina amaitu delarik, datuek agerian uzten dute susperraldi argia osasun-krisiaren ondoren. 2021-2020 ikasturtean 226 ikasle matrikulatu ziren, eta 2021-2022 ikasturterako 356 lagunek eman dute izena, pandemiaren aurreko ikasturteko (2018-2019) 362tik hurbil.

Ikastetxean euskal musika eta dantza tradizionala irakasten zaie Gasteiztarrei, eta hainbat irakasgai ematen dira: alboka, gaita, txalaparta, txistua, txirula, trikitixa eta panderoa. Gainera, ikastegian beste ikasgai hauek ematen dira: musika-hastapenak, musikaren lengoaia, euskal dantzak, abesbatza eta perkusioa.

 

 

Share

Udalaren Folklore Akademiak bihar irekiko du aurretik izena emateko epea ikasle berrientzat

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  2 maiatza 2021 10:30

Interesdunek internet bidez edo aurrez aurre eman ahalko dute izena.

Gasteizko Udalaren Hezkuntza eta Kultura Sailak bihar irekiko du epea 2021-2022 ikasturtean Udalaren Folklore Akademian ikasi nahi duten ikasle berriek aurretik izena eman dezaten. Maiatzaren 23ra arte (egun hori barne) egongo da zabalik.

Internetez bidez egin ahalko da (www.vitoria-gasteiz.org webgunean Folklore Akademiari eskainitako espazioan), edo aurrez aurre Musika Etxeko idazkaritzan (San Antonio kalea, 14), astelehenetik ostiralera, 10:30etik 13:30era eta 17:00etatik 19:30era (ostiral arratsaldeetan izan ezik).

Ikasle berriek tresna hauek jotzen ikasi ahalko dute: alboka, gaita, txalaparta, txistua, txirula, trikitixa eta panderoa. Gainera, ikastegian beste ikasgai hauek ematen dira: musika-hastapenak, musikaren lengoaia, euskal dantzak, abesbatza eta perkusioa.

Hauek dira matrikulatu ahal izateko gutxieneko adinak: euskal dantzak ikasteko, 2015eko abenduaren 31ra bitartean jaiotakoa izatea; musika hastapenetarako, 2014an jaiotakoa, eta gainerakoetarako, 12013ko abenduaren 31ra bitartean jaiotakoa. Abesbatzarako, berriz, 18 urtetik gorakoa izan behar da.

Informazio gehiago: www.vitoria-gasteiz.org / gufa@vitoria-gasteiz.org / Telefonoa: 945 16 26 02

 

 

Share

Dantza Plazan segurua egingo da Florida parkean, maiatzetik irailera arte

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  30 apirila 2021 09:29

Lehen hitzordurako gonbidapenak maiatzaren 3tik aurrera lortu ahal dira

Udal Folklore Akademiak Dantza Plazan programaren beste edizio bat antolatu du maiatzaren 7tik irailaren 17ra arte. Ekimen horri esker, herritarrek dantzaz gozatzeko aukera izango dute.

Osasun krisia dela eta, oraingo honetan ekitaldia Florida parkean izango da, kioskoaren inguruan mugatuko den eremu batean, eta ezinbestekoa izango da gonbidapenak erreserbatzea. Hitzordu bakoitzaren aurreko astelehenean egongo dira eskuragarri, 9:00etatik aurrera, wwww.entradium.com helbidean edo 945 16 16 18 telefonoan. 80 pertsonarentzako lekua egongo da, eta eskatzaile bakoitzak 4 sarrera erreserbatu ahalko ditu gehienez.

Beraz, maiatzaren 3an, astelehenean, lehen saiorako gonbidapenak lortu ahalko dira, hau da, maiatzaren 7rako. Gainerako datak hauek dira: maiatzak 14, 21 eta 28, ekainak 4 eta 18, eta irailak 10 eta 17 dira. Maiatzean eta ekainean arratsaldeko zortzietan hasiko da, eta, irailean, berriz, 19:30etan.

“Dantza Plazan parte hartzera gonbidatzen ditugu gasteiztarrak, dantza egiten ikasi eta dantza tradizionalak dantzatu ditzaten. “Aurten Florida parkean egingo da, beharrezko segurtasun neurri guztiekin” azpimarratu du Hezkuntza eta Kultura zinegotzi Estíbaliz Cantok.

 

Share

Dantza- eta musika-ikuskizun batekin ospatuko du Udalaren Folklore Akademiak San Prudentzioko erretreta

Kategoriak: Prentsa oharrak  —  Etiketak: , , ,   —  Komunikazio Zerbitzua / Servicio de Comunicación  —  19 apirila 2021 14:14

Asteazkenetik —hilak 21— aurrera eskuratu ahal izango dira gonbidapenak

2021eko apirilaren 27an, San Prudentzio bezperan, San Prudentzioko erretreta tradizionala ospatuko du Udalaren Folklore Akademiak, Indarra Dantza Taldearekin elkarlanean, Ibaiondoko gizarte-etxeko Félix Petite antzokian, 19:00etatik 20:00etara bitartean.

“Espainia plazan egin ohi den emanaldia da izatez, baina, krisi sanitarioa dela eta, 2020an ez zen egin, eta oraingo honetan, berriz, berreskuratzea erabaki dugu, bertaratzen direnen segurtasuna bermatuko duten neurriak hartuz”, adierazi du Hezkuntza eta Kultura zinegotzi Estibaliz Cantok.

Pandemia dela eta, % 50era mugatuta dago antzokiaren edukiera, eta 150 pertsona baino ezingo ditu hartu. Datorren asteazkenetik —hilak 21— eskuratu ahal izango dira gonbidapenak, hemen: www.entradium.com.

Streaming bidez ere ikusi ahal izango da ikuskizuna, esteka honetan sakatuz.

Share

Maiatzaren 24an (igandea) amaituko da epea Udalaren Folklore Akademian ikasle berriek aurretik izena eman dezaten

Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —  20 maiatza 2020 10:51

Lehenengoz, internetez egin daiteke izapidea

 

Maiatzaren 24an (igandea) amaituko da epea 2020-2021 ikasturtean Udalaren Folklore Akademian ikasi nahi duten ikasle berriek aurretik izena eman dezaten.

COVID-19ak eragindako osasun krisialdia dela eta, Gasteizko Udaleko Hezkuntza eta Kultura Sailak modernizatu egin du izena emateko prozedura, eta lehenengo aldiz internetez egin ahal da, www.vitoria-gasteiz.org webgunean Folklore Akademiari eskainitako espazioan.

Nahi dutenek aurrez aurre egin ahalko dute aurrematrikula, orain arte bezala. Musika Etxeko idazkaritza (San Antonio kalea, 14) irekita egongo da astelehenetik ostiralera, 10:30etik 13:30era eta 17:00etatik 19:30era (ostiral arratsaldeetan izan ezik).

Ikasle berriek tresna hauek jotzen ikasi ahalko dute: alboka, gaita, txalaparta, txistua, txirula, trikitixa eta panderoa. Gainera, ikastegian beste ikasgai hauek ematen dira: musika-hastapenak, musikaren lengoaia, euskal dantzak, abesbatza eta perkusioa.

Hauek dira matrikulatu ahal izateko gutxieneko adinak: euskal dantzak ikasteko, 2014ko abenduaren 31ra bitartean jaiotakoa izatea; musika hastapenetarako, 2013an jaiotakoa, eta abesbatzarako, 18 urtetik gorakoa izatea. Gainerako ikasgaietan, 2012ko abenduaren 31ra bitartean jaiotakoek eman ahalko dute izena.

Dagoeneko eskolako ikasle direnen matrikula automatikoki berrituko da, zentroak ezarritako aplikazio baten bidez.

Informazio gehiago: www.vitoria-gasteiz.org / gufa@vitoria-gasteiz.org / Telefonoa: 945 16 26 02

 

Share

Udalaren Folklore Akademiak aurretik izena emateko epea irekiko du ikasle berrientzat, maiatzaren 11n

Kategoriak: Prentsa oharrak  —  Etiketak: , ,   —  Komunikazio Zerbitzua / Servicio de Comunicación  —  8 maiatza 2020 09:57

. Vitoria-Gasteiz, fotografia Rafa Gutierrez

 

Matrikulatu nahi dutenek internetez egin ahalko dute lehen aldiz

 

 

 

 

 

Gasteizko Udalaren Hezkuntza eta Kultura Sailak maiatzaren 11n (astelehena) irekiko du epea 2020-2021 ikasturtean Udalaren Folklore Akademian ikasi nahi duten ikasle berriek aurretik izena eman dezaten. Osasun krisia dela eta, epea astebete atzeratu behar izan da; horrenbestez, interesdunek bi aste izango dituzte matrikulatzeko. Maiatzaren 24an amaituko da epea.

Lehenengo aldiz, matrikula internetez egin ahalko da, www.vitoria-gasteiz.org webgunean Folklore Akademiari eskainitako espazioan; aurrez aurre ere egin ahalko da, ohi bezala, Musika Etxeko idazkaritzan (San Antonio kalea, 14), astelehenetik ostiralera, 10:30etik 13:30era eta 17:00etatik 19:30era (ostiral arratsaldeetan izan ezik).

“Osasun krisia dela eta, internetez matrikulatzeko sistema berria sortu dugu, herritarren joan-etorriak ahalik eta gehien eragoztearren. Gure herriko musika tradizionala ezagutzeko interes berezia duten pertsonak erakargarrien gertatzen zaizkien ikasgaietan izena ematera animatzen ditugu“, adierazi du Hezkuntza eta Kultura zinegotzi Estíbaliz Cantok.

Ikasle berriek tresna hauek jotzen ikasi ahalko dute: alboka, gaita, txalaparta, txistua, txirula, trikitixa eta panderoa. Gainera, ikastegian beste ikasgai hauek ematen dira: musika-hastapenak, musikaren lengoaia, euskal dantzak, abesbatza eta perkusioa.

Hauek dira matrikulatu ahal izateko gutxieneko adinak: euskal dantzak ikasteko, 2014ko abenduaren 31ra bitartean jaiotakoa izatea; musika hastapenetarako, 2013an jaiotakoa, eta abesbatzarako, 18 urtetik gorakoa izatea. Gainerako ikasgaietan, 2012ko abenduaren 31ra bitartean jaiotakoek eman ahalko dute izena.

Dagoeneko eskolako ikasle direnen matrikula automatikoki berrituko da, zentroak ezarritako aplikazio baten bidez.

Jardunean

Udal Folklore Akademia erreferentea da dantza eta musika tresna tradizionalei dagokienez. Ez da soilik hezkuntzara mugatzen; horrez gain, musika taldeak osatzen ditu, eta Gasteizen euskal doinu eta dantzak ezagutzera eman dituzten jarduerak antolatzen ditu.

Koronabirusa dela eta aurrez aurreko eskolak bertan behera utzi behar izan ondoren, Musika Etxeko akademiak prestakuntza-programa zabala eskaini du online, itxialdian zehar ikasleen eskaerari erantzuteko.

Batetik, irakasleek banakako lana proposatzen dute tresnak lantzeko (alboka, gaita, panderoa, perkusioa, trikitixa, txalaparta, txirula eta txistua); bestetik, taldekakoa musikaren lengoaia, musika hastapenak, abesbatza eta dantza lantzeko.

Gainera, musikaren lengoaiari dagokionez, Akademiak kontu bat aktibatu du Aulavirtualmusica plataforman (https://aulavirtualmusica.com/inicio/es), ikasleei kalitateko materialak eskaintzearren.

Era berean, Youtubeko bideoekiko estekak proposatu dizkiete ikasleei, ikasgaiak era intuitibo eta sortzaileagoan lantzerik izan dezaten. Esaterako, Musikarma bloga (http://mousikarma.blogspot.com), etxeko txikiek musika oso era dibertigarrian ikasteko bide ematen duena.

Informazio gehiago: www.vitoria-gasteiz.org / gufa@vitoria-gasteiz.org / Telefonoa: 945 16 26 02

 

 

 

Share
Aurrekoak »