Prentsa Oharren banner

Onetsi dira Arabako Foru Aldundiarekiko hitzarmenak, gizarte-zerbitzuen alorreko eskumenak berrantolatzeko

Gizarte Politiken, Adinekoen eta Haurren Sailaren eta Arabako Foru Aldundiaren arteko hitzarmenak onetsi ditu gaur Tokiko Gobernu Batzarrak, gizarte zerbitzuen alorreko eskumenak berrantolatzeko.

Gasteizko Udalak eta Arabako Foru Aldundiak pasa den abenduaren 23an onetsi zuten eskumenak eskualdatzeko esparru-hitzarmena, eta gaur onetsi dira horren baitako hitzarmenak:

  • San Prudentzio zentro integraleko lagunduen unitatea eta psikogeriatrikoaren kudeaketa: 3.568.057,50 € euro 2021erako. Gaur egun Frantzia kaleko eraikinean beteta dituen eta Gasteizko Udalak kudeatzen dituen 75 plazak hitzartu ditu aldundiak udalarekin.
  • San Prudentzio eguneko zentroaren kudeaketa: 584.522,67 € gehienez. San Prudentzio Eguneko Zentroa Aldundiaren eta Udalaren plazak dituen baliabide misto bihurtuko da 2021. urtean zehar. Hala, Aldundiarekin itunduta ez dauden 11 plaza libreak (40 plaza daude guztira bertan) eta gerora hutsik geratuko direnak berehala esleituko zaizkie udalaren eguneko arreta zerbitzuko adinekoei.
  • Udalaren Gizarte Larrialdietarako Zerbitzua. Aldundiak zerbitzuaren kostuaren % 50 hartuko du bere gain, 247.443,46 € alegia.
  • Erakundeen arteko koordinazioa gizarte-bazterkeriaren arloan. 2021ean, Arabako Foru Aldundiak 360.000 euroko kanona ordainduko dio udalari, gizarte-bazterkeria egoeran dauden eta foru-eremuaren eskumenekoak diren pertsonei arreta ematen jarrai dezan.
  • Etxez Etxeko Laguntza Zerbitzuaren kudeaketa, 6.340.000 € gehienez, 2021erako. Trantsizio urtea izango da, dosierren transferentzia egiteko eta zerbitzuaren kontratu berria egiteko, eta 2022an udalak bere gain hartuko du  zerbitzuaren kudeaketa guztia.

Adinekoak etxeetatik baliabideetara eta alderantziz eramateko zerbitzua

 Tokiko Gobernuak orobat onetsi du adinekoak etxeetatik gizarte baliabideetara eta alderantziz eramateko kontratuaren luzapena.

Gizarte Politiken, Adinekoen eta Haurren Sailak 459.906,13 € ordainduko dio Autobuses Arriaga enpresari, zerbitzua urtebetez emateagatik, zehazki, 2021eko apirilaren 19etik 2022ko apirilaren 9ra bitartean.

Share

San Antonek sariak banatu ditu

  • Ohiko zozketa San Prudentzio egoitzan egin da

Gaur, urtarrilak 17, igandearekin, San Anton eguna ospatu du Gasteizko Udaleko Kultura Sailak. Covid-19a dela eta, ez dira antolatu Espainia plazan egin ohi ziren jarduerak.

Zozketa, berriz, San Prudentzio egoitzan egin da, arratsaldeko seietan. “Egoitzaren aldeko zozketarako 30.000 txartel jarri ziren salgai abenduaren 18an. Ekitaldi honek agerian jartzen du herritarrek hiriko adinekoei eskainitako laguntza, pandemiak gehien ukitu dituen taldeetako bat baita”, azpimarratu du lehen alkateorde Maider Etxebarriak.

Txartel bakoitzaren prezioa merkea izan da: 0,60 euro, eta prezio ezberdinetako hamar sari banatu dira; lehenengoak haragi-produktuen sorta bat izaten jarraitzen du, txerria zozketatzen zen garaia gogoratzeko.

Cirila Bravo (81 urte) eta Felipe Ruiz de Angulo (87 urte) arduratu dira zenbakiak ateratzeaz, María Concepción Granado notarioaren aurrean.

Zenbaki hauek lortu dute saria:

Zk.SARIAKPREMIOS
1Ezkur txerri iberikoaren produktu sortaLote de Productos de cerdo ibérico de bellota29996
2Tenerifera bidaia, 7 gau, bi pertsonarentzat

 

Viaje a Tenerife, 7 noches, para dos personas04999
3Zirkuitua. Extremadura, 6 gau, bi pertsonarentzat

 

Circuito por Extremadura, 6 noches, para dos personas18238
4Erlaxatzeko ihesaldia Orduña Plaza Hotel Bainuetxean, gau 1, bi pertsonarentzat

 

Escapada relax en el Hotel Balneario Orduña Plaza, 1 noche para dos personas23474
5Hiri-bizikletaBicicleta urbana14819
6Principal Antzokirako denboraldi abonamendua, bi pertsonarentzatAbono de temporada Teatro Principal, para dos personas20444
7Tablet PC 10.1”Tablet PC 10.1”13539
8Bluetooth bozgorailua 

 

Altavoz Bluetooth

 

18571
9Liburuak erosteko bonoaBono para compra de libros25695
10Etxebizitza Plus asegurua Laboral Kutxa (urtebete)Seguro Vivienda LABORAL Kutxa Plus (1 año)15228

 

 

Share

San Prudentzio zentro integraleko erabiltzaileek bertako lorategietatik paseatu ahalko dute

Bakarrik haiek erabiltzeko ordutegia ezarriko da, 10:00etatik 13:00etara zein 17:30etik 20:00etara.

 

Adinekoei laguntzeko San Prudentzio zentro integraleko erabiltzaileek eta haien senideek bertako lorategietatik paseatu ahalko dute gaurtik aurrera.

Osasun krisia dela eta, egoiliarrak ezin dira bertatik irten, eta familientzako bisitak eraikinaren barruan egin behar ziren. “Zenbait aste daramagu gaur martxan jarri dugun neurri hori lantzen. Gure helburua erabiltzaileen eta haien senideen ongizatea handitzea da, izugarri sufritu baitituzte pandemiaren ondorioak“, azpimarratu du Gizarte Politiken, Adinekoen eta Haurren zinegotzi Jon Armentiak.

Bakarrik egoiliarrek eta haien senideek erabili ahalko dute lorategia, 10:00etatik 13:00etara zein 17:30etik 20:00etara.

San Prudentzio ALZI

Adinekoei laguntzeko San Prudentzio zentro integralak hainbat baliabide hartzen ditu: egoitza, eguneko zentroa, jantokia eta zentro soziokulturala. Sukalde eta ikuztegi zerbitzuak ere baditu, San Prudentzio ALZIrako zein beste udal baliabide batzuetarako.

Egoitza —2. eta 3. mendekotasun-gradua duten pertsonentzat— eta eguneko zentroa —1. mendekotasun-gradua dutenentzat— foru eskumenekoak dira 2017ko urtarrilaren 1az geroztik.

Gasteizko Udalak kudeatzen ditu baliabide horiek, Arabako Foru Aldundiarekiko hitzarmen baten bidez, eta hura arduratzen da finantzaketaz eta lekuak esleitzeaz.

 

 

Share