Prentsa Oharren banner

Errege Magoek Gasteizko umeei jaiak zoriontzeko bideo bat egin dute

Erregeak urtarrilaren 4an eta 5ean elkartuko dira hiriko txikienekin, Mendizorrotzean

Errege Magoek  Gasteizko umeei jaiak zoriontzeko bideo bat egin dute, eta urtarrilaren 5eko gauean hutsik egin gabe beren etxeetara opariak eramango dituztela esateko.

Zorion-agurrean, Erregeek haurrei iragartzen diete “zomorrotxoa” gorabehera laster iritsiko direla Gasteizera, eta dena prest dutela hiriko etxeak ilusioz betetzeko.

Kultura Zerbitzuak sortu du bideoa, pandemiak ohiko Eguberrietako programazioan izan duen eragina arintzeko. Izan ere, COVID-19ak Erregeen desfilea bertan behera uztera behartu du, baita urtarrilaren 5eko ekitaldiak ere.

Gasteizko umeak urtarrilaren 4an eta 5ean elkartu ahalko dira berriro Meltxor, Gaspar eta Baltasarrekin, Mendizorrotzean, ‘Badatoz Erregeak’ ikuskizunari esker. Sarrerak agortuta daude, baina 5ean (asteartea) streaming bidez ikusi ahalko da udalaren webgunean, 18:00etan.

Errege Magoen bideoa ikusi

Share

Mendizorrotzeko kiroldegian Errege Magoak ikusteko 4.800 gonbidapen banatu dira

Udalak dagoeneko banatu ditu urtarrilaren 4an eta 5ean Mendizorrotzeko kiroldegian —Kultura Zerbitzuak antolatutako 12 emanaldietan— Errege Magoak ikusteko zeuden 4.800 gonbidapenak.

8:30ean ekin zaio doako sarrerak banatzeari, Udalaren webgunearen bitartez; inongo gorabeherarik gabe banatu ere, sarrera guztiak.

Urtarrilaren 4an, astelehenez, eta 5ean, asteartez, izango da Errege Magoen bisita, ordu erdiko ekitaldietan —10:00etan, 12:00etan, 14:00etan, 16:00etan, 18:00etan eta 20:00etan—.

Gonbidapena eskuratu ezin izan dutenek zuzenean jarraitu ahal izango dute ikuskizuna, streaming bidez, asteartean, hilak 5, 18:00etan.

 

Gonbidapenak itzultzea

Behar baino gonbidapen gehiago erreserbatu dituzten pertsonek, edo itzuli nahi dituztenek, 945 16 16 18 telefonora deituz jakinaraz dezakete, edo infocultura@vitoria-gasteiz.org helbidera idatziz.

Itzulitako sarrerak zein bidetik jaso diren, bide horretatik jarriko dira eskuragarri berriro: udalaren web-orria eta 945 16 16 18 telefonoa.

Share

‘Badatoz Erregeak’ ikuskizunerako gonbidapenak abenduaren 28ko (astelehena) 8:30etik aurrera erreserbatu ahalko dira

Udalaren webgunean eta 945 16 16 18 telefonora deituta erreserbatu ahalko dira

Abenduaren 28ko (astelehena) 8:30etik aurrera eskuratu ahalko dira ‘Badatoz Erregeak’ ikuskizunerako gonbidapenak, hau da, hasiera batean aurreikusitako ordua baino ordu erdi lehenagotik. Sarrerak udalaren webgunean edo telefonoz –945 16 16 18, astelehenetik ostiralera, 8:30etik 14:00etara – eskuratu ahalko dira.

Gaspar, Melchor eta Baltasarrek urtarrilaren 4an eta 5ean hartuko dituzte Gasteizko haurrak Mendizorrotzeko kiroldegian. 12 saio izango dira, guztira, eta 4.800 pertsona bertaratu ahalko dira (400 emanaldi bakoitzean), Eusko Jaurlaritzak egun duen araudiari jarraiki. Ikuskizunak 30 minutu iraungo du, eta saio bakoitzaren ordua baino 30 minutu lehenago irekiko dira ateak. Emanaldien ordutegia: 10:00, 12:00, 14:00; 16:00, 18:00 eta 20:00.

Streaming bidez jarraitzeko aukera

Sarrera doakoa da, baina aldez aurretik erreserba egin behar da nahitaez. 5 sarrera erreserbatu ahalko da, gehienez, eta lehentasuna izango dute haurrek. Heldu bakarra sartu ahalko da haur bakoitzeko.

Kultura Zerbitzuak ohartarazi du eskaria eskaintza baino asko handiagoa dela. “Pasa den abenduaren 17an, 8.000 pertsonatik gora saiatu ziren aldi berean ‘Hator, hator, Olentzero eta Mari Domingi’ ikuskizunetarako sarrerak lortzen, eta ikuskizunak 3.200 pertsonako edukiera zuen” iragarri du Hezkuntza eta Kultura zinegotzi Estibaliz Cantok.

“Zailtasun hori dela eta, urtarrilaren 5eko 18:00etako saioa streaming bidez jarraitu ahalko da, udalaren webgunean, eta ikusgai egongo da hurrengo egunetan ere, inork ikuskizun eder hori gal ez dezan ” gaineratu du.

Share

Errege Magoek tronuak estreinatuko dituzte Gasteizen

  • Guirigay  lantegian (‘ametsen fabrika’) egin dituzte

Azken urteetan, Goiuri jauregian hartu dituzte Errege Magoek Gasteizko umeak. Aurten, COVID-19ak eragindako osasun egoera dela eta, Erregeak lekuz aldatuko dira, eta urtarrilaren 4an eta 5ean familientzako ikuskizuna eskainiko dute Mendizorrotzean.

‘Badatoz Erregeak’ ikuskizunean, pertsonaia ezagunek tronu berriak estreinatuko dituzte. “Zaharrek astindu bat behar zuten, beraz, berriak agindu ditugu, oso moderno eta koloretsuak, eta hemendik aurrera horiek erabiliko dituzte Eguberrietan gure hirira itzultzen direnean”, iragarri du Hezkuntza eta Kultura zinegotzi Estíbaliz Cantok.

Guirigay lantegian (‘ametsen fabrika’) egin dituzte.

 

Mendizorrotzeko haur ikuskizunak

Mendizorrotzeko haurrentzako ikuskizunetarako sarrerak abenduaren 9an jarri ziren salgai, eta egunean bertan agortu ziren.

Nahi baino sarrera gehiago erosi dutenek itzultzeko aukera dute, 945 16 16 18 telefonora deituz edo infocultura@vitoria-gasteiz.org helbidera idatziz.

Itzulitako sarrerak zein bidetik tramitatu diren, bide horretatik jarriko dira salgai berriro.

Share