Prentsa Oharren banner

Hiretu Hiria gala bihar egingo da Goiuri Jauregian eta bertan hiriko gazteek hiria hobetzeko landu dituzten proiektuak azalduko dizkiete Udal ordezkariei

IPI Sansomendi, Sagrado Corazón, Nazareth, EPA El Carmen, Mendebaldea, Ekialdea, Koldo Mitxelena eta Egibideko ikastetxeen ordezkari gazteek landu dituzten proiektuak Gasteizko herritarren aurrean eta Udal ordezkarien aurrean (Gorka Urtaran alkatea barne) ikusgai jarriko dituzte bihar Goiuri Jauregian, 17etatik aurrera. Horretarako, zuzeneko aitorpenak eta eurek eginiko bideoak plazaratuko dituzte Hiretu Hiria izeneko gala batean. Helburua: Gasteizko hiria bizitzeko toki solidarioa eta atsegina bihurtzea.

Hiretu Hiria Gala, Hiretu Hiria programaren barnean sortzen da, Gazteria Zerbitzuak antolatutako ekimena dugu, 14 eta 18 urte bitarteko gazteei zuzendutako, eta Parte -hartzean heztea helburu duena. “Azken batean, herritar arduratsu eta partehartzaileak izaten ikastea da gakoa, parte hartzen ikastea, eta osasuntsua eta berdinzalea izango den eta balioak izango dituen hiri baten eraikuntza iraunkorrean inplikatzea”, diote Gazteria zerbitzutik.

Gala honetara bertaratuko dira: parte hartu duten eskola-talde guztietako ordezkariak, senitartekoak, irakasleak, prozesuan inplikatutako hezkuntza-agenteak, alderdi politikoetako ordezkariak, eta gazte-proposamenak ezagutzeko interesa duten Gasteizko herritarrak. Sarrerak agortuta daude.

“Hiretu Hiria 2021 Gala” gazteen parte-hartzerako prozesuaren amaiera izango da, eta baliagarria izango da gazte-proposamen eta gazte-ahalmenei balioa emateko: ahalmen kritikoa, analisi-ahalmena, auto-antolaketarakoa eta erantzunkidetasuna.

Parte hartu duten taldeek ikasturte honetan landu dituzten gaien artean indarkeria, hiriko auzoetako errealitatea, matxismoa, bullyinga, arrazakeria, LGTIFobia, sexua, drogak, hezkuntza sistema, ideologia… daude.

 

Share

Goiuri jauregian, Europari eta gazteei buruzko jardunaldi bat egingo da maiatzaren 6an

Ekimena, zeinak “Europako Hiriburu Berdea” izena baitu, Europaren Egunaren barruan dago, eta balio izango du gogoeta egiteko hiri iraunkorrak sustatzeko jardunbide egokiei buruz

 

Equipo Europa kolektiboak antolatu du topaketa, Udalaren, UNESCO Etxearen, Europako Parlamentuaren (Eskolak Enbaxadore) eta Batekinen laguntzarekin

 

Goiuri jauregian, Europari eta gazteei buruzko jardunaldi bat egingo da, maiatzaren 6an. Ekimena Equipo Europa gazte kolektibo europazaleak antolatu du, Europaren Egunaren barruan, eta balio izango du gogoeta egiteko hiri iraunkorrak sustatzeko jardunbide egokiei buruz: topatzeko, eztabaidatzeko eta gogoeta egiteko gunea izango gazteentzat, adituentzat, profesionalentzat eta gizarte-eragileentzat. Gasteizko Udalak, UNESCO Etxeak eta Batekinek (Arabako boluntariotzaren agentzia) lagundu dute ekitaldian. Parte hartzeko, izena eman behar da.

Esteka honetan kontsultatu daiteke programa; bertan, zenbait aditu-talde eta mahai-inguru egongo dira politika iraunkorrei, ingurumenari eta gazteei, gazteentzako aukerei eta ondorieio eta gogoei buruz.

 

 

Share