Prentsa Oharren banner
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —  30 iraila 2017 11:03

Udalak 540.800 euro bideratuko ditu Tomas Zumarraga Dohatsuaren kaleko adinekoentzako zerbitzu-gunera, jantoki zerbitzua, eguneko arreta eta zainpeko apartamentuen urteko kudeaketa egiteko. Sirimiri enpresak egingo ditu lan horiek 2017ko urritik 2018ko irailera bitartean.

Gizarte Politiken Sailak pertsonengan zentratutako arretan oinarritzen den eredua ezarri du Tomas Zumarraga Dohatsuaren gunean. 30 apartamendu ditu, 40 leku; arreta zerbitzuan eta eguneko arreta zerbitzuan 23 leku; jantokian 48 leku.

“Instalazio hauetan adinekoen autonomia landu eta beren independentzia sustatzen dugu. Bizi-kalitatea eta ongizatea hobetzeko beharrezko baldintzak sustatzen ditugu” adierazi du Peio Lopez de Munain zinegotziak.

Ildo horri jarraiki, kudeatzaileak ohiko lanez gain (zuzeneko arreta, zaintza eta mantentzea), erabiltzaileen ongizateari zuzenean eragiten dioten jarduera eta programak gauzatzeaz ere arduratu beharko du. Honakoak, hain zuzen ere:

  • Osasuna zaindu eta sustatzeko programa
  • Girotze soziokulturala
  • Terapia okupazionala
  • Elikadura.
  • Higienea.
  • eta beste.

Lanerako prestakuntzarako gizarte eta hezkuntza zentroa -Oto

Tokiko Gobernu Batzarrak orobat onetsi du Oto hiribideko lanerako prestakuntzarako gizarte eta hezkuntza zentroa kudeatzeko kontratua berritzea. Udalak IRSE- Arabako Bergizarteratze Institutuarekin izenpetua du kontratu hori, eta berak kudeatuko du 2017ko urriaren 4tik 2018ko urriaren 3ra bitartean, 139,062 euroan.

Oto hiribideko lanerako prestakuntzarako gizarte eta hezkuntza zentroa –2000. urtean irekia– Haurtzaro eta Senitarte Zerbitzuari atxikita dago. Familia babesteko programa honek haur eta nerabeen babesgabetasun egoerei heltzen die. Hezitzaileek babesgabetasun egoera arina bizi duen  nerabe talde batekin ematen dituzte hainbat ordu zentroan, gizarteratzen eta laneratzen laguntzea xede. Halaber familiei lagundu eta horiekin lan egiten dute, dagozkien rolak beregana ditzaten. 10 nerabeko taldeak izan daitezke.

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   11:01

Udal Gobernuak esleitu ditu Aterpeko eta Etxe Irekiko instalazioak eta Osasun Publikoaren Zerbitzua hartzen dituen eraikina eraberritzeko lanak, Goiuri kaleko 3.ean. Proiektuak irisgarritasuna hobetu nahi du, igogailua paratu eta oztopo arkitektonikoak kenduta, 361.937 euro balioko du, eta Vasco Gallega de Construcciones enpresari esleitu zaio, lanak burutzeko epea 300 egunekoa delarik.

Eraikin honetako lanak harrera eta ostatu emateko udal baliabideak egokitu eta optimizatzeko plan orokorraren baitan kokatzen dira. Ildo horretatik, Goiuri kaleko 3.ean egingo diren lanak hobekuntza nabarmena ekarriko diete instalazioei irisgarritasunari, bizigarritasunari eta osasungarritasunari dagokienez.

Dibertsitate funtzionala duten pertsonei bertara sartzeko aukera emango dien igogailua paratzeaz gain, honako hauek ere egingo dituzte lanen baitan:

  • Ebakuazio bideak hobetzea.
  • Gune batzuk prestatzea biltegirako eta ekipajea eta beste gauza pertsonal batzuk modu seguru eta higienikoan gordetzeko.
  • Animalientzako guneak paratzea.
  • Kutsadura sentsorialaren eragin dezaketen iturriak murriztea, horretarako aldatuaz leiho, ate eta beste isolamendu-elementu batzuk.
  • Energia-iturrien segurtasun-neurriak aldatu, modernizatu eta egokitzea.
  • Eskailera, korridore, eskailera-buru eta barrualdeen egokitze orokorra.

“Eraberritze-proiektuak aintzat hartu izan du uneoro eraikina erabateko irisgarritasun-baldintzez hornitzea. Hartara, Aterperen kasuan, handitu egin da komun-kopurua eta dutxatarako espazioa, erabiltzaileen intimitatearen mesedetan eta      datozenak hobeto artatzeko. Aldiz, Etxe Irekian komun egokitua paratuko da, eta areagotu gainerako prestazioak, hartara sartzeko aukera erraztuz dibertsitate funtzionala dutenei”, azaldu du Gizarte Politiken zinegotzi Peio López de Munainek.

Los Molinos egoitza

Bestalde, Tokiko Gobernu Batzarraren azken saioan Los Molinos egoitza eraberritu eta hobetzeko proiektuaren kontratazioaren hasiera onetsi da. Los Molinos egoitzan 41 leku daude, adinekoei ostatu emateko zuzenduak.

Eraberritze-lanen xedea instalazioa Etxebizitza komunitarioen programaren arabera egokitzea da, behin Gizarte Zerbitzuen Euskal Sistemaren prestazio eta gizarte-zerbitzuen zorroari buruzko dekretuaren eskumenak banatu direlarik eta, horren kariaz, Gizarte Politiken Sailak bere gain hartu duelarik 1. graduko mendekotasuna duten adinekoen ardura.

Los Molinos egoitza eraberritzeko lanen lizitazioa 662.854 aurrekontua du, eta lanak gauzatzeko epea 300 egunekoa izango da.

Share
Kategoriak: Deialdiak  —  Komunikazio Zerbitzua / Servicio de Comunicación  —  29 iraila 2017 17:00

– Prentsaurrekoa. IGIren agendaren aurkezpena.

Parte-hartzaileak: Iñaki Prusilla, Ingurumenaren eta Espazio Publikoaren zinegotzia eta IGIko lehendakaria, eta Gorka Belamendia, Atariaren koordinatzailea.

Eguna: astelehena, urriak 2.

Ordua: 10.30.

Lekua: udaletxeko prentsa-aretoa.

————————————————

– Aingeru Zaindarien eguneko ospakizuna.

Parte-hartzaileak: Carlos Zapatero, Herritarren Segurtasunaren zinegotzia; udal talde politikoen, administrazio publikoen eta segurtasun indar eta kidegoen ordezkariak, eta beste agintari batzuk.

Eguna: astelehena, urriak 2.

Ordua: 11.00.

Lekua: Agirrelandako instalazioak.

—————————————————————-

– Abetxukuko zubi zaharraren egokitze hidrauliko eta arkitektonikoaren aurkezpena.

Parte-hartzaileak: Gorka Urtaran, alkatea; Iñaki Arriola, Ingurumen, Lurralde Plangintza eta Etxebizitzako sailburua, eta  Ernesto Martínez de Cabredo, URA-Uraren Euskal Agentziaren zuzendaria.

Eguna: astelehena, urriak 2.

Ordua: 11.30.

Lekua: Abetxukuko zubi zaharra (Zadorra hiribidea).

———————————————————————–

– Prentsaurrekoa. Urban Commerce 2017 jardunaldiaren aurkezpena.

Parte-hartzaileak: Enpleguaren eta Garapen Ekonomiko Iraunkorraren Saileko zinegotzi Nerea Melgosa.

Eguna: astelehena, urriak 2.

Ordua: 12:00.

Lekua: udaletxeko prentsa-aretoa.

 ——————————————————————-

Udalaren harrera Lituania, Italia, Errumania eta Turkiatik etorritako zenbait ikasleri, Erasmus+KA2 proiektuaren barruan EHUko Ingeniaritza Eskolan ari baitira.Parte-hartzaileak: Estíbaliz Canto, Hezkuntzako zinegotzia, : Enpleguaren eta Garapen Ekonomiko Iraunkorraren Saileko zinegotzi Nerea Melgosa eta proiektuan parte hartzen duten ikasle eta irakasleak.
Eguna: astelehena, urriak 2.
Ordua: 18.30.
Lekua: udaletxeko harrera aretoa.

——————————————————————

– Udal Musika Eskolaren 25. urteurrena ospatzeko ekitaldiak eta Juanjo Menaren hitzaldia.

Parte-hartzaileak: Gorka Urtaran, alkatea; Estíbaliz Canto zinegotzia, Musika Eskolaren lehendakaria, eta Juanjo Mena, orkestra zuzendaria.

Ordua: 19.00:  Ángel López Luzuriagaren “25. urteurrena ilustratzen” lanaren aurkezpena; 19.30: “¿Cómo surge una persona creativa en la sociedad actual?”, Juanjo Menaren hitzaldia.

Lekua:  Luis Aramburu Udal Musika Eskola.

 

 

Share
Kategoriak: Deialdiak  —  Komunikazio Zerbitzua / Servicio de Comunicación  —   15:30

Irailak 29, ostirala

-Peio López de Munain, Gizarte Politiken eta Osasun Publikoaren zinegotzia, La Fundación-en “Todos contra el Bullying” XV. Bizikidetza sarien banaketan izango da, 18:00etan, Europa biltzar jauregian.

Nerea Melgosa, Enpleguaren eta Garapen Ekonomiko Iraunkorraren zinegotzia, Gasteiz On pasarelako Moda Sortzaile Gazteen topaketako bilduma onenarentzako sarien banaketan izango da, 20:30ean, Artiumen.

 Irailak 30, larunbata

 Nerea Melgosa, Bizikidetza eta Aniztasunaren zinegotzia, Arabako Zeliakoen Elkarteak antolatuko Zeliako Bidaiarien IV. Jardunaldietan izango da; 10:30etik aurrera, Europa biltzar jauregian.

 Urriak 1, igandea

Estíbaliz Canto, Kultura, Hezkuntza eta Kirol zinegotzia, Aurrera eta Alavés Gloriosas emakume-taldeek jokatuko duten futbol-partidan izango da, Olaranben, 11:00etan; Bigarren Mailako ligako partida da.

– Carlos Zapatero, Herritarren Segurtasunaren zinegotzia, Adinekoen Nazioarteko Eguna ospatzeko jardueretan izango da, 12:00etan, Andre Maria Zuriaren plazan.

 

 

 

 

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   14:38

2018-2020rako Turismo Gida Planak aurretik landutako diagnostikoaren berrikuspena eta ekarpenak eta proposamenak jasoko  ditu

 Gasteizek proiektu turistikoak planifikatuz eta eraginkortasunez garatzea da helburua

Nerea Melgosa zinegotziak iragarri duenez, Enpleguaren eta Garapen Ekonomiko Iraunkorraren Sailak  2018-2020rako Turismo Gida Plana lantzeko lehiaketara deitu du, datozen urteetan hiria promozionatzeko estrategia eta ekintzak zehaztearren.

Turismo Plan berria sektoreko entitateekin batera —Turismo Mahaian ordezkatutakoak— landuko da, udal talde politikoen laguntzarekin eta hiriko ekitaldien udal kudeaketarekin lotutako hainbat teknikariren ekarpenekin.

“2015-2017rako plan estrategikoaren ebaluazioaren ondorioak, Sailak egindako diagnostikoa zein hiriko agenteekin izandako bileretan jasotako iritziak kontuan hartuz, arloa antolatu nahi dugu, eta jarraitu beharreko estrategiak lehenetsi, hiriak  dituen erronka berriei eraginkortasunez eta planifikatuz erantzuteko. Gasteiz erreferentea da turismo-helmuga arduratsu gisa, eta ildo horretatik hobetu beharra dugu, aldi berean beste balio erantsi batzuetan eta alderdi indartsuetan bermatuz: kultura-ondarea, kirol ekitaldiak hartzeko ahalmena, hiri inklusiboaren eredua eta biltzar jardueren aldeko apustua”, nabarmendu du Nerea Melgosak.

Turismo Gida Plana hiru forotan landuko da: politikoen lan-taldea, sektoreko entitateekiko lan-taldea, eta hiriko ekitaldien kudeaketari buruzko lan-talde teknikoa.

Plana hiru fasetan garatuko da: landutako turismo diagnostikoa berrikustea, ekarpenak eta proposamenak jaso eta lehenestea, eta plana itxi eta taxutzea, hiru foroen lana batuz.

Proiektua kontratatzeko aurrekontua 21.500 euro da, eta 4 hilabeteko epea emango da gauzatzeko, kontratua esleitzen denetik.

 

Share
Kategoriak: Prentsa oharrak  —  Etiketak:   —  Komunikazio Zerbitzua / Servicio de Comunicación  —   13:59

Gasteizko Udalak 72.152,13 euro inbertituko ditu nekazaritza-eremuan jolaslekuak moldatu eta berriak sortzeko. Zehazki, herri hauetan: Oreitia, Jungitu, Ilarratza, Martioda, Otobarren eta Berroztegieta. “Kontzejuek Nekazaritza Eremuko Kontseiluan eskatutako neurria zen”, azaldu du Nekazaritza Eremuaren zinegotzi Iñaki Prusillak. Azken urteetan, herri batzuetako jolaslekuak hondatu egin dira. Otobarren, Ilarratza eta Berroztegietan, esaterako, kendu behar izan dituzte hori dela kausa.  Martiodan, berriz, ez zegoen umeentzako jolaslekurik. Esku-hartze honen bidez, Udalak herriekiko konpromisoa berresten du.

Gainera, Udalak 16.384 euro jarriko ditu Gometxan herriko sarbidea eta bide-segurtasuna hobetzeko, Arabako Foru Aldundiak horretarako eman duen diru-laguntza baten osagarri. Tokiko Gobernu Batzarrak gaur goizean onetsi du lan horiei guztiei ekiteko behar den partidaren aldakuntza.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:25

Tokiko Gobernu Batzarrak Juan José Poyo Gonzálezen liburutegiaren legatua onetsi du, Gasteizko Udalari utzi baitzion oinordetzan, eta maisuaren eskuzabaltasuna eskertu du, bizitzan zehar bildu zituen letra, zientzia eta arte alorretako 23.175 aleak udal erakundearen eskuetan geratuko baitira. Joan den martxoaren 8an hil zen maisua, 85 zituelarik, eta testamentuan Gasteizko Udal Artxiboari dohaintzan utzi zion liburutegia; orain ofizialdu da dohaintza hori. Bereziki gomendagarria da espezialistek kontsultatzeko, kultura unibertsaleko gai ugariri buruzko bibliografia zabala eskaintzen baitu.

Testamenduaren arabera, bilduma 600.000 euroan balioetsi da, eta lurraldeko liburutegi pribatuen arteko handiena dela jotzen da; 20 sekziotan banatuta dago, eta besteak beste, entziklopedia britainarrak, italiarrak eta alemanak barne hartzen ditu, jatorrizko hizkuntzetan, eta Diderot zein D’Alambert-en facsimile-edizioak.

Alfaron (Errioxa) jaioa, Juan José Poyok 25 urtez eman zituen klaseak —gehien bat Hizkuntzakoak— Araneko Ignacio Aldecoa ikastetxean, erretiroa hartu zuen arte.

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:21

 

Udalak onetsi egin du gaur pertsona fisikoei Urarteko (Abetxuku) aisialdiko udalaren hiri-baratzak erabiltzeko baimena emateko deialdi publikoa. Tokiko Gobernu Batzarrak oniritzia eman dio halako ekimenari, hiri-baratzeak Natura hirian bertakotzeko oinarrizko elementu direlakoan, baita pixkanaka autoekoizpen-estrategiak eta iraunkortasunaren inguruko sentsibilizazioa garatzen joateko ere. “Mota horretako ekimenei esker da posible neurri handi batean gure gizartean oinarrizko kontzeptuak zabaltzea, besteak beste, elikadura-burujabetza, tokiko produktuak, elikadura osasungarria eta osasunerako hezkuntza”, Iñaki Prusilla Ingurumen zinegotziaren ustez.

Abetxukuko udalaren aisialdiko baratzeek 225 lur-zati dituzte partikularrek denbora baterako baimena emanda erabil ditzaten. Deialdiaren oinarriak eskuragarri daude udalaren web-gunean, eta baratzak gozatzeko interesa dutenek deialdiaren xehetasunen berri izan dezakete 010ean eta San Martineko udal bulego

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   11:10

 Gasteizko Udalak 180.000 eurotik gora inbertituko ditu Mendozako Taldearen kalean eta Biasteriko Taldearen kalean zoladura eraberritzeko, baita Etxezarra kalean ere, Fontetxako Gazteluaren kalearen eta Kexaako Gazteluaren kalearen artean. Gobernu Batzarrak bi kontratazio-dosier onetsi ditu gaur goizean lan horiei ekiteko. Lehenak Mendozako Taldearen kalea eta Biasteriko Taldearen kalea (Mendozako Taldearen kalearen eta Aguraingo Taldearen kalearen artean) barne hartzen ditu, eta 83.779,77 euroko aurrekontua du. Bigarrena Etxezarra kaleari dagokio, eta 96.335,15 euroko aurrekontua du.

Batean zein bestean, hautatutako enpresek hilabeteko epea izango dute lanak gauzatzeko. Lan hauek egin beharko  dituzte: oraingo zoladura kendu, bigunguneetan asfaltozko aglomeratu beroa bota, egoera txarrean dauden zintarriak konpondu eta seinale berriak jarri. Etxezarra kalean 4.690 metro koadro hartuko dute lanek.  Mendozako Taldearen kalean eta Biasteriko Taldearen kalean, berriz, 4.545 metro koadro hartuko dute orotara.

“Lan txikiak izan arren eragin handia dute esku hartuko dugun inguruetako auzokoen eguneroko bizitzan. Izan ere, Ingurumenaren eta Espazio Publikoaren Sailaren helburua da Gasteizek kale erakargarri, eroso eta modernoak edukitzea. Inguru horietan bizi diren pertsonek behin baino gehiagotan eskatu dute esku hartzeko, eta orain haien eskaerei erantzungo diegu”, nabarmendu du Ingurumenaren eta Espazio Publikoaren zinegotzi Iñaki Prusillak.

 

 

Share
Kategoriak: Prentsa oharrak  —  Etiketak: ,   —  Komunikazio Zerbitzua / Servicio de Comunicación  —   10:02

Urtaranen gobernuak hiru ekimen onetsi ditu pertsona tituludunen enplegagarritasuna sustatzeko eta esperientziarik ez duten gazteak lan-munduan txertatzeko. Zehazki, “Empleo-Araba 2017-18” eta “Hazia 23” programak garatzeko hitzarmenak onetsi ditu, baita “Genera 30” programa martxan jartzeko behar den finantzaketa ere.

Azkenari dagokionez, Tokiko Gobernu Batzarrak 2018ko ekitaldirako 338.800 euroko konpromiso-kreditu bat sortzea onetsi du, gazteak lan-munduan txertatzeko proiektu berria, “Genera 30” izenekoa, abiarazteko. Ekimen horren bitartez, langabezian dauden 30 urtetik beherako 75 gazte lan-merkatuan sartu nahi dira, ikasketarik eta lan esperientziarik ez duten eta oinarrizko prestakuntzan gabeziak dituzten emakumeei lehentasuna emanez. Horretarako ibilbide osoa diseinatu da, diagnostiko pertsonalarekin hasten dena, eta orientazio, prestakuntza eta praktika profesionalak barne hartzen dituena. “Genera 30” programak Europar Batasunaren 325.000 euroko diru-laguntza du (aurrekontu osoaren % 92).

Bestetik, ADSIS fundazioa,Vital fundazioa, Egibide eta Gasteizko Elizbarruko Cáritas barne hartzen dituen lankidetza-hitzarmena onetsi da, kualifikaziorik gabeko gazteei laneratzeko prestakuntza eta lehen lan-esperientzia eskaintzeko “Haziak 23” programa garatzeko. Iaz jarri zen martxan lehen aldiz programa, eta horrek aukera ematen du parte hartzen duten entitateek aurrera daramatzaten gazte-enplegurako politika aktibo guztiak koordinatzeko, xede duen taldearen benetako beharrei erantzun hurbilagoa eskaintzearren. Bigarren edizioan, “Hazia 23” programak 10.000 euro gehiago izango ditu aurrekontuan, hots, 80.000 eurotik 90.000 eurora handituko da; Vital fundazioak 40.000 euro jarriko ditu, eta Udalak, gainerakoa. Abiatu ondorengo lehenengo seihilekoan, “Hazia 23” programak 23 urtetik beherako 24 gazteri eman zien prestakuntza eta enplegua.

Azkenik, “EmpleoAraba 2017-2018” programarekin lotutako hitzarmena onetsi du Tokiko Gobernu Batzarrak. Horren bidez, Gasteizko Udalak bat egiten du Vital fundazioaren eta SEA Arabako Enpresarien elkartearen ekimenarekin, lan-merkatuaren oraingo eskaerei erantzuten dien prestakuntza programa bateratua garatzeko. Lankidetza horri esker, SEAk jasotzen dituen enplegu eskaeren artetik hautatutako ia 400 pertsonarekin lan egin ahalko da; pertsona horiei zail gertatzen zaie tokiko enpresek dituzten enplegu beharrak asetzea, ez dutelako prestakuntza egokirik, edo enpresek eskatzen duten esperientzia profesionala. Udalak 72.400 euro jarriko ditu ekimen hori garatzen laguntzeko.

Share

Aurrekoak »