Prentsa Oharren banner

Bihar hasiko da “Kazetaritza, bertatik bertara” jardunaldien edizio berria

Beste uda batez, Kazetaritza, bertatik bertara jardunaldiak  egingo dira Arabako hiriburuan. Bihartik, abuztuak 28, larunbatera, irailak 2, kazetariek, prentsa-argazkilariek eta berriemaileek gaurkotasun informatiboa aztertuko dute, herritar guztiei irekitako eztabaida eta gogoeta espazioetan.

Egitarauak bosgarren edizioa beteko du, azken hilabeteetan nazioartearen arreta erakarri duten gatazkei begira: Ekialde Hurbila, Afrikako bihotzeko indarkeria, eta Frantzia zein Estatu Batuetako egoera politiko eta sozial berria, besteak beste.

Bihar, astelehena, emango zaio hasiera, 12:00etan, Judith Prat prentsa-argazkilariaren “Boko Haram, indarkeria Afrikaren bihotz ekonomikoan” argazki-erakusketaren inaugurazioarekin. Egileaz gain, Gasteizko Udaleko Kultura, Hezkuntza eta Kirol zuzendari  Nora Igartua eta programaren arduradun eta Icono Cultural enpresako kide Felix Barron izango dira bertan.

Kazetaritza, bertatik bertara

Share