Prentsa Oharren banner

“Gasteiz Talent” ekimenari esker, Udal Bandarekin jo ahal izango dute hiriko musika-ikasleek

Bi kontzerturekin hasiko da zikloa: otsailaren 17an, bat, eta martxoaren 17an, bestea

Gasteizko Udal Musika Bandak “Gasteiz Talent” ekimena jarri du abian, eta ari esker kontzertuak emango ditu hiriko musika-eskolekin lankidetzan.

Asteazkenean, otsailaren 17an hasiko da zikloa, “Gazte Talentudunekin”” kontzertuarekin; horretan, Udal Bandak, Luis Aranburu Musika Eskolak eta Jesus Guridi musika-kontserbatorioko bakarlariek. Kontserbatorioan bertan egingo da, 19:00etan. Iker Olazabal izango da zuzendaria.

Kontserbatorioko ikasle Alejandra Vallejok (marinba) eta Marina Aguirrek (fagota) hasiera emango diote ekitaldiari, Paul Creston-en “Marinbarako kontzertinoa” eta Nino Rota-ren “Amacord” obrak joz, hurrenez hurren.

Haien ostean, Luis Aramburu Eskolako ikasleek Udal Bandaren laguntzarekin soinu-banda oso ezagunez osaturiko errepertorioa joko dute: “Misioa: Ezinezkoa”, “Spider-Man”, “Parke Jurasikoa” o “Karibeko Piratak”.

Musika-eskolako Boogie Orkestak emango dio amaiera bikaina ekitaldiari: Udal Bandarekin interakzioa egingo du, eta elkarrekin inprobisatuko dute Raúl Romoren konposizioak oinarri hartuta eta haren zuzendaritzapean.

“Ikusleak animatzen ditugu Kontserbatoriora joan daitezen, hemengo artista horien proposamenez gozatzeko. Talentu handia dago gure artean. Animatzen zaituztet ezagutzera. Kultura segurua da”, adierazi du Hezkuntza eta Kulturako zinegotzi Estíbaliz Cantok.

“Energiak, erronkak, indarrak eta ilusioak batzen badituzu ideia berean, emaitza ahantzezinak lortzen dira”, gehitu du Jesus Guridi musika-kontserbatorioko zuzendari Puy Asurmendik.

Gonbidapenak Musiketxean (San Antonio kaleko, 14) eskura daitezke, jendearentzako ordutegiaren barruan (08:30-21:00). Gehienez, 4 gonbidapen pertsonako.

“Bakarlari Talentudunak”

Martxoaren 17an, berriz, “Bakarlari Talentudunak” kontzertua egingo da; horretan, Udal Bandak lagunduko die Kontserbatorioko ikasle bakarlariei. Luis Orduñak zuzenduko ditu.

Ikusleek aukera izango dute dantzara gonbidatzen duten doinuak, lasaiagoak diren beste batzuekin batera, zeinek gogoeta egitera bultzatuko baitute.

Ikasleek zenbait musika-tresnarako bakarkako zatiak joko dituzte (tronpa, pianoa, klarinetea, flauta eta saxofoia), Saint-Saensen, Waigneinen, Ferrer Ferránen eta Pedro Iturralderen obretan.

Elena Angulok (tronpa), Sara Cuencak (flauta), María Arribak (klarinetea), Enara Eguiletak (saxofoia) eta Enma Aguinacok (pianoa) hartuko dute parte.

Argibide gehiago 

 

 

Share