Prentsa Oharren banner

Prentsa-deialdiak (2020-09-29)

Prentsaurrekoa. Vocalia Taldearen kontzertua aurkeztea

Parte hartzaileak. Vocalía taldeko partaide Mertxe Fernandez de Bastida eta Marian Napal; eta IX. Ganbera Musika Zikloaren zuzendari Carlos Seco

Eguna. Asteartea, irailak 29

Ordua. 11:00

Tokia. Teatro Principal Antzokia

————————————–

Prentsaurrekoa. Herritartasunerako Eskolaren hirugarren hiruhileko jarduerak aurkeztea

Parte hartzaileak. Herritarren Partaidetza, Gardentasun eta Gizarte Etxe Saileko zinegotzi Borja Rodriguez; eta Vital Fundazioko zuzendari Arantxa Ibañez de Opacua

Eguna. Asteartea, irailak 29

Ordua. 11:30

Tokia. Udaletxeko prentsa aretoa

 

Share

Ehun pertsonatik gora izango da “Hiri Hezitzailea: udalak eta eskola inklusiboa” ikastaroan

Jarduera EHUren Udako Ikastaroen programazio baitan dago

Gasteizko Udalak ‘Hiri Hezitzailea: udalak eta eskola inklusiboa’ ikastaroa antolatu du; bihar, irailak 29 (asteartea) izango da ekitaldia, Europa jauregian. Internet bidez ere jarraitu ahal izango da jarduera, zein Euskal Herriko Unibertsitatearen Udako Ikastaroen programazioaren baitakoa baita.
Jardunaldiaren xedea Ehun pertsonatik gora bilduko dira, Espainiako 40 hiri baino gehiagoren ordezkari.

Ekitaldia 09:00etan hasiko da, eta 14:00etan amaituko, bi hitzaldi eta mahai-inguru bat programatu direlarik. Álvaro Marchesi Ullastres jaunak (Psikologiako irakasle emeritua Madrileko Unibertsitate Konplutentsean) emango du lehen hitzaldia, ‘Ciudad Inclusiva, Ciudad Educadora / Hiri Inklusiboa, Hiri Hezitzailea’ izenpean, eta bertan inklusioa jorratu daitekeen planoak aztertuko ditu. Jarraian, Izaskun Eskubi Goienetxek (Berritzegune Nagusiko Eskola Inklusiboia eta HLP taldeko arduraduna) hauxe aurkeztuko du: ‘Plan marco para el desarrollo de una Escuela inclusiva 2019-2022 / 2019-2022 aldian eskola inklusiboa garatzeko plan-markoa’. Programari amaiera emateko, ‘Inclusión y atención a la diversidad en tiempo de crisis / Inklusioa eta arreta aniztasunari krisi-garaietan’ izeneko mahai-ingurua egingo da, non aurreko hizlariekin batera Euskadiko Eskola Kontseiluaren lehendakari Nélida Zaitegui de Miguel arituko baita.

Hezkuntza eta Kultura zinegotzi Estíbaliz Cantok arlo honetan Gasteizko Udalak egindako lana nabarmendu du: “2005ean Hezkuntza Sailak azterlan bat burutu zuen, zeinaren bidez egiaztatu ahal izan zen Udalak Hezkuntzaren alorrean egindako esku-hartzearen eragina, eta, aldi berean, baita espero ez zen beste emaitza bat ere: Udalaren hezkuntza-programen “konpentsazio-efektua”.

Eta hauxe ere gehitu du: “Ordutik aurrera, esku-hartze hezigarri ez formalen eta desoreken konpentsazioaren korrelazioa horrek ikerketa eta azterlan gehiago sustatu ditu, eta berri horiek ere agerian utzi dute irakats- eta antolaketa-praktiketan aldaketak sartzera bideratutako berrikuntza-proiektuek emaitzen hobekuntza dakartela, eta, ondorioz, baita hezkuntza-sistemaren hobekuntza ere, zein gure lehentasunetakoa baita”.

Inklusioaren bidean aurrera

Bestalde, ‘Hiri inklusiboa, hiri hezitzailea’ sare tematikoaren bilera ere izango da Europa biltzar jauregian bertan. Ekimenean sarea osatzen duten 34 hirietako ordezkariak bilduko dira, Gasteizko Udalak koordinatuta. Jardunaldia irailaren 29an egingo da, 15.30etik 20.30era, eta Internet bidez ere jarraitu ahal izango da.

Asteazkenean (irailak 30) Hiri Hezitzaileen Estatuko Sarearen (RECE) jarraipen-batzordeko 11 hiriek lan-saio bat egingo dute, eta bertan, besteak beste, 2020-2022 aldian jorratzen ari diren lau sare tematikoen emaitzak aurkeztuko dira (‘Modelos de trabajo cooperativos: re-acción de una Ciudad Educadora / Lan kooperatiboaren ereduak: Hizi Hezitzaileen erreakzioa’; ‘Los objetivos del desarrollo sostenible con la implicación de la infancia / Garapen jasangarriaren helburuak, haurren inplikazioarekin’; ‘Ciudades igualitarias y libres de violencia de género / Hiri berdinzale eta genero-indarkeriarik gabeak’, eta ‘Ciudad Inclusiva, Ciudad Educadora / Hiri Inklusiboa, Hiri Hezitzailea’); bi gai monografiko hauek garatzeko metodologia definituko da (‘Competencias municipales en materia educativa / Udal-eskumenak hezkuntzaren alorrean’, eta ‘Claves de la intervención educativa municipal / Udalen esku-hartze hezigarriaren gakoak’) eta eskola-segregazioaren aurka Hiri Hezitzaileen erakunde-adierazpen bat osatzeko irizpideak ezarriko dira.

Share

Lurralde Batzordea (2020-10-05)

Webgunean dago eskuragarri Lurralde Batzordeak urriararen  5ean (asteartea), 09.00etan, egingo duen ohiko bilkuraren gai-zerrenda.

Share

Asteazkenean ekingo dio udal bandak denboraldi berriari, Principal antzokian

Luis González tronpeta-jotzailea izango da bakarlari gonbidatua, inaugurazio-kontzertuan

 

‘Berriro elkartzearen poza’ izenburupean, datorren asteazkenean, irailak 30, ekingo dio Gasteizko Udal Musika Bandak denboraldi berriari, Principal antzokian, arratsaldeko zortzietan.

Inaugurazio-kontzertuan joko duten errepertorioa azaldu du Luis Orduña zuzendariak, prentsaurrekoan: “Apirilaren 22an, bertan behera utzi behar izan genuen kontzertua, Covid19ak ekarri zuen alarma sanitarioaren ondorioz. Luis González bakarlari ospetsua zen gurekin jotzekoa. Ia sei hilabete geroago, Principal antzokian izango gara, eta ahalik eta ongien egiten ahalegindu beharra daukagula uste dugu. Eta berarekin arituko gara, egitaraua beste bat izango bada ere”, azkaldu du Orduñak.

Hain zuzen ere, obra hauek hautatu dira: David Maslankaren ‘Give us this day’ (2006), Arturo Márquezen ‘Danzón nº2’ (1994), Ginés Martínez Veraren ‘Concierto para trompeta’ (2019) eta Tania Leónen ‘Alegre’.

Denboraldi osoari izena emateko aukeratu den izenburuaren arrazoia azaldu du zuzendariak. “Izenburua argia da, ‘Berriro elkartzearen poza’. Izan ere, horixe sentitzen dugu, eta gaur aurkezten ditugun obretan islatzen dela uste dut. Alaiak dira, kitzikagarriak, hunkigarriak, bizitzaz beteak; David Maslanka estatubatuarrak proposatzen duen norberaren kontzientziaren bilaketatik hasi eta Ginés Martínez Vera murtziarraren musikan sumatzen den bizipozarekin bukatu; tartean, berriz, Arturo Márquezen musikak eskaintzen duen berotasuna”, nabarmendu du.

Kontzertuan parte hartuko duten artisten eta ikusleen segurtasuna bermatzeko beharrezko diren neurriak hartuko dira.

Salgai daude dagoeneko denboraldi osoko abonamenduak, 14 euroan, eta sarrera solteak, berriz, 3 euroan —Principal antzokiaren ohiko salmenta-bideak baliatu ahal izango dira—.

Uraren ezkutuko lorategia

Bestalde, beste bi emanaldi eskainiko ditu udal bandak hurrengo egunetan, Uraren Ezkutuko Lorategian —bandaren udako programazioa hartu duen lekuan—. Urriaren 2an eta 9an izango dira, ostiralez. Internet bidez nahiz 945 16 16 18 telefonoan eskura daitezke gonbidapenak.

Informazio gehiago: www.vitoria-gasteiz.org/banda

Share

Maskarak jarri ditu Udalak hiriko eskulturetan, erabileraren inguruan sentsibilizatzeko

Gasteizko Udala eta Gasteizko nekazaritza-eremuko emakumeen sarea (EMACOVI) elkarlanean aritu dira, hiriko dozena erdi eskulturatan maskarak jartzeko. Babes sanitarioko elementu horren erabileraren inguruan sentsibilizatzea da helburua da, funtsezkoa baita Covid-19aren pandemia geldiarazteko.

Eskultura ezagunei jarri zaizkie maskarak, hala nola Florida parkeko lau errege godoei, Amarika plazako Casto Solanoren ortzadar-gizonari eta San Prudentzioren irudiari.

Gasteizko nekazaritza-eremuko emakumeen sareak (EMACOVI) egin ditu oihalezko maskara horiek, modu guztiz altruistan. “Kontzientziazio-neurri hau aurrera eramateko erakutsi duten prestutasuna eta konpromisoa eskertu nahi dizkiegu nekazaritza-eremuko emakumeei”, azaldu du Nekazaritza Eremuaren zinegotzi Miren Fernández de Landak. “Errespetu- eta babes-adierazgarria da maskara erabiltzea; ahaztu gabe distantzia fisikoa gorde eta eskuak maiz garbitzeko premia”, adierazi du.

Share

Atxilotua bikotekideari Gasteiz hiribidean eraso egiteagatik

Udaltzainek atzo 09:00ak inguruan 21 urteko gizonezko bat eta 34 urteko emakumezko bat atxilotu zituzten genero-indarkeriaren eta autoritate-agenteen aurkako atentatuaren delituen ustezko egileak izateagatik (hurrenez hurren).

Hiritarren segurtasun-lanak egiten ari zen patruila batek Gasteiz hiribidean eztabaida baten ondoren gertatutako erasoa ikusi zuen. Hori zela eta, udaltzainak beren ibilgailutik jaitsi ziren biak banandu eta gertatutako argitzeko asmoz. Gerturatu zirenean, emakumeak udaltzainei eraso egin zien eta iraindu egin zituen.

Gizonezkoarekin hitz egin ondoren, lehenxeago bikotekidea jo zuela onartu zuen. Hortaz, biak atxilotu zituzten genero-indarkeria eta autoritate-agenteen aurkako atentatua zirela eta. Guardiako epaitegian izapidetzeak burutu ostean, emakumea aske utzi zuten; aldiz, bere bikotekidea gaur agertuko da epailearen aurrean.

Bestalde, udaltzainek atzo goizeko goizaldean 29 urteko gizonezko bat eta 23 urteko emakumezko bat atxilotu zituzten mehatxuen eta autoritate-agenteen aurkako atentatuaren delitu bana egin izanaren ustezko egile gisa.

Guztia 01:00ak baino zertxobait geroago gertatu zen, Florida kaleko diskoteka baten kanpoaldean. Iritsi zirenean, udaltzainek elkarri joka ari ziren bi gizonezko ikusi zituzten, baina haietako batek ihes egin zuen. Besteak jokabide oldarkorra eta indarkeriazkoa zuen eta han zeuden pertsonei eraso egiten saiatu zen. Gainera, udaltzainei mehatxu egin eta eraso egin zien eta borrokan haietako bati lesioak eragin zizkion Gizonezko haren bikotekidea ere oihuka aritu zen eta udaltzainen aurka eraso egin zuen eta, azkenean, biak atxilotu zituzten.

Guardiako epaitegian zegozkien eginbideak egin ondoren, aske utzi zituzten.

Suteak tximinietan

Suhiltzaileek hiru aldiz lan egin behar izan dute asteburuan Aberasturiko eta Domaikiako, zein Gasteizko Juan Gris kaleko etxebizitzetako tximinietan piztutako sua itzaltzeko. Bestalde, Aralar Mendiaren kaleko etxebizitza batera ere joan behar izan zuten estufa batekin lotutako gas-ihesa zela eta.

Share