Prentsa Oharren banner

Prentsa-deialdiak (2020-12-15)

Prentsaurrekoa. ‘Gorpuztu’ antzezlana aurkeztea

Parte hartzaileak. Garazi Lopez de Armentia, antzezlea; Eva Guerrero, zuzendaritza; y Jemima Cano, produktorea

Eguna. Asteartea, abenduak 15

Ordua. 10:30

Tokia. Teatro Principal Antzokia

———————————

Prentsaurrekoa. Gizarte etxeetako kultur programa aurkeztea

Parte hartzaileak. Kultura eta Hezkuntza zinegotzi Estibaliz Canto

Eguna. Asteartea, abenduak 15

Ordua. 11:30

Tokia. Udaletxeko prentsa aretoa

 

Share

Asteburuan zehar, Udaltzaingoak 113 zigor-proposamen egin ditu COVID-19aren aurkako arauak ez betetzeagatik  

Udaltzaingoak 113 zehapen-proposamen igorri ditu Covid-19aren aurkako neurri berriak indarrean sartu diren asteburuan.

Honako hauek izan ziren salaketa-proposamenak: 63 musukoa ez eramateagatik edo behar bezala ez erabiltzeagatik (horietatik 6 establezimenduei ezarritakoak izan ziren musukoaren erabilera ez zailtzeagatik); 16 bileretan gehienez 6 pertsonako kopurua gainditzeagatik; 8 bide publikoan alkohola kontsumitzeagatik; 7 etxeratze-agindua ez errespetatzeagatik; 2 aforoa ez betetzeagatik; 1 segurtasun-distantzia ez mantentzeagatik; eta 9 beste arau batzuk ez betetzeagatik.

Genero-indarkeria eta etxeko indarkeria

Udaltzainek, larunbatean, 26 urteko gizonezko bat atxilotu zuten genero-indarkeriaren eta etxeko indarkeriaren delituen ustezko egilea izateagatik neskalagunari eta amari eraso egin zielako hurrenez hurren.

Gauerdia baino zertxobait lehenago 092an jasotako dei batek Sansomendi auzoko etxebizitza batean hainbat lagunen artean eztabaida bat zegoela ohartarazi zuen.

Itxuraz, gizonezkoa alkohol-edariak kontsumitzen ari zen atarian lagun batzuekin batera, eta bikotekideak eta amak jokabide hura aurpegiratu zioten eta horrek eztabaida beroa piztu zuen haien artean. Eztabaida hartan, bi emakumezkoak astindu zituen.

Bertaratutako patruila inplikatutako aldeekin elkarrizketatu zen eta, adierazpenak entzun ondoren, gizonezkoa atxilotu eta epailearen esku utzi zuen.

Errekisitoria judiziala

Ostiralean, udaltzainek bilatzeko, atxilotzeko eta espetxeratzeko errekisitoria judiziala zuen 43 urteko gizonezko bat atxilotu zuten. Bere ibilgailuarekin Karlos I.a plazako errotondan zirkulazioa modu larian oztopatu ostean identifikatu zuten.

Sutea

Suhiltzaileek larunbatean Sofia erreginaren hiribideko pisu bateko balkoian zegoen lehorgailu batean piztutako sua itzaltzen parte hartu zuten.

Ostiralean, aldiz, Miravalles kaleko enpresa batera joan ziren. Bertan, azido kromikoaren ihesa gertatu zen eta hondarrez betetako zakuak jarrita kontrolatu behar izan zuten. Ondoren, hondakinen kudeatzaile bati eman zioten abisua likidoa

Share

Udal Bandak ‘Beethovenen Gasteiz’ aurkeztuko du abenduaren 16an

Principal antzokian izango da kontzertua, eta streaming bidez ere jarraitu ahalko da

Udal Musika Bandak abonamenduko hirugarren kontzertua aurkeztu du:  ‘Beethovenen Gasteiz’ izenburua du, eta abenduaren 16an (asteazkena) eskainiko du, Principal antzokian. Bandaren zuzendari Luis Orduñak eta Patxi Viana historialariak hartu dute parte prentsaurrekoan.

Orduñak azaldu duenez, abenduaren 16an, hau da, kontzertuaren egunean, konpositore alemaniarrak 250 urte beteko zituen. “Jada gure artean ez badago ere, haren legatua funtsezkoa izan da, eta izango da, geroko konpositoreentzat. Eta horixe da nolabait aurkezten ari garen kontzertuaren gaia, iraganaz eta etorkizunaz ari baita, tradizioa eta abangoardia nahastuz”, haren hitzetan.

Hasteko, ‘In the Shadow of Napoleon’ (Napoleonen itzalean) lana joko dute, Bert Appermont egile belgikarrarena. Napoleon Bonapartez gain, Louis-Joseph Marchand lekaioa da pieza horren protagonista.

Ondoren, gaur egunera egingo dute jauzi, Amparo Edo Biol konpositore valentziarraren ‘Snapan’ lanarekin. Lan erritmikoa da, apurtzailea eta indartsua, oraingo komunikatzeko moduak eta sare sozialak gaitzat dituena.

Hirugarrenik, saioko pieza nagusia eskainiko dute, ‘Gasteizko Bataila’. Beethovenek Arabako hiriburuan 1813an izandako gertakari historikoa kontatzen du, zeinak Napoleonen inperioaren gainbeheraren hasiera markatu baitzuen.

Bandaren zuzendariak adierazi duenaren arabera, lan programatiko eta komertziala da, artistaren ospea mundu osoan zabaltzen lagundu zuena; hain zuzen ere, Zazpigarren Sinfoniarekin batera estreinatu zuen, eta protagonismoa kendu zion lan horri.

Patxi Viana historialariak, berriz, sarrera historikoa egin du, Beethovenek sinfonia zein testuingurutan idatzi zuen eta zein baliabide erabili zituen azalduz. “Deigarrien gertatu zaidana da 1907an Beethovenen sinfonia horri Garaipen Sinfonia izena eman ziotela Gasteizen.  Oso izendapen bitxi eta interesgarria deritzot“, nabarmendu du.

Amaitzeko, ‘Extreme Beethoven’ lanaz gozatu ahalko du publikoak. Horren bidez, Johan de Meij holandarrak omenaldia egiten dio konpositore alemaniarrari, eta haren sinfonia, sonata eta oberturen motiboak nahastuz lan izugarria sortu.

Streaming bidez ere entzun ahalko da kontzertua, udalaren web-orrian, ‘Jarraitu bandari’ ekimenari esker.

 

Share